Deputeti Sula shkruan se në këto 10 vite ka pasur një rritje ekstreme të çmimeve, ndërsa shton se paradoksi qëndron në faktin se paratë që marrin qytetarët nga puna vetëm sa janë indeksuar.

Statusi:

Shqiptarëve nuk i mjafton një jetë për të blerë një shtëpi!

Një çift i ri në Shqipëri i lë fëmijët me borxhe për të shlyer shtëpinë. Sipas një përllogaritje të ekspertëve, për të blerë një shtëpi në Tiranë me sipërfaqe deri në 90 metër katrorë një familje e re duhet të punojë 24 vite shtesë në krahasim me 10 vite më parë për të blerë një shtëpi.

Kjo ndodh për shkak të rritjes ekstreme të çmimeve nga viti në vit në këto 10 vite. Por paradoksi është se pagat, paratë që marrin qytetarët nga puna vetëm se janë indeksuar. Me pak fjalë rriten me nga 10 mijë lek të vjetër në vit.

Megjithëse forca blerëse është e ulët sipas përllogaritjeve që kanë bërë ekspertët lejet e ndërtimit në kryeqytet kapin rekorde. Sipas të dhënave të INSTAT, në kryeqytet, për periudhën Janar- Qershor 2022 është dhënë një sipërfaqe prej gati 1.2 milionë metra katror, me një rritje prej 45% në krahasim me të njëjtën periudhë të një viti më parë.

Në një kohë kur rrogat mbesin në vend numëro dhe dhe zgjatet me 24 vite afati për të blerë një shtëpi, si ka mundësi që kullat ngrihen çdo ditë si kërpudhat mbas shiut?!

Përgjigja e vetme është: kamionët me kokainë qe futen në Shqipëri nga pushtetarët. Ndaj mos bëni përgjegjës shqiptarët e ndershëm që ikin, por riktheni rendin në vend!

The post “Kamionët me kokainë futen në Shqipëri nga pushtetarët”, deputeti Sula: Qytetarëve s’u mjafton një jetë për të blerë shtëpi appeared first on Albeu.com.

“Nuk marr përsipër gjëra që nuk janë të miat. Unë shkoj si qytetar. Nuk është rëndësia si do të bëhet, protesta ka një qëllim: të tregojë që mijëra qytetarët janë kundër kësaj qeverie dhe të tregojë që ka shpresë”, u shpreh Shehi.

Ai shtoi se nuk do të hipë në tribunën e fjalimeve, duke nënvizuar se pavarësisht ndasive në opozitë atë e bashkon fakti se janë kundër qeverisë që po e shkatërron çdo ditë Shqipërinë.

“E ka bërë mirë që e ka bërë kështu. Po ta kishte bërë me formulë tjetër unë nuk do shkoja. Më e mira është kështu. Thërrit qytetarët, qytetarët përgjigjen. Unë shkoj si qytetar, jo për të hipur në tribunë. Nuk ndajmë shumë gjëra, por ndajmë një gjë, që ky njeri që po e drejton Shqipërinë po e dhunon, po e shkatërron Shqipërinë. Unë besoj që mos një ditë, një ditë do ia dalim sepse ka shkuar aty ku s’mban më”, tha Shehi.

The post Protesta e Berishës, Shehi konfirmon pjesmarrjen: Do shkoj si qytetar appeared first on Albeu.com.

Por kësaj here deputeti i Partisë Demokratike Saimir Korreshi na ka sjellë dicka ndryshe.

Ai e ka kaluar këtë të dielë duke gatuar në shtëpi.

Përmes një postimi në rrjetet sociale, Korreshi shfaq anën e tij si “amvisë” teksa tregon se ka përgatitur brumin për bukën që ka preferuar ta pjekë në shtëpi.

Në foton tjetër, ai tregon se bukën e bërë vetë ka zgjedhur ta shoqërojë me një pjatë fasule, djathë, ullinj dhe qepë.

The post Deputeti i PD-së shfaqet si “amvisë”, Korreshi gatuan bukë, e shoqëron me fasule dhe qepë (FOTO LAJM) appeared first on Albeu.com.

Spaho u shpreh se me këtë sulm që pësoi Shqipëria, figurativisht shtetit tonë i kanë hequr më shumë se pantallonat.

Komentet Spaho i bëri nga foltorja e Kuvendit, ku u ndal edhe te marrëveshja për mjetet e lundrimit dhe bashkëpunimin me shtetet e tjera në rast fatkeqësie, duke mos i kursyer ironitë.

“Miratimi i një marrëveshje ndërkombëtare që na detyron ne si shtet që mjetet lundruese ku shtetet e tjera të kenë nevojë për ndihmë, shtet ynë do ia japë. Pika që s’ju bie atyre që presin t’i ndihmojmë ne kur të kenë fatkeqësi kur të kenë nevojë. Mu kujtua ngjarja e tmerrshme e Himarës, ku një nga ato mjetet kërceu nga ujë në tokë dhe e çoi në botën tjetër atë fëmijë të pafajshëm që ishte me pushime me familjen për qef të vetë. Demagogjia dhe sharlatanizmi ishte i pafund, duke u paraqitur si arritje e kësaj qeverie. Si ato gomone që ikin në Angli dhe detyrohen që të çojnë video, ku u kërkojnë ndihmë se po mbyten. Sulmet kibernetike, është sulm i madh që i ka ndodhur vendit tonë. Sulmet kibernetike, që kur ka lindur kompjuteri, ka pasur sulme të tilla, dhe do të ketë. Por ama ai që ndërton sisteme të tilla merr masa që të mbrohet. Zv.kryeministrja tha; si duhet të na e merrte mendja ne se duhej të ndërtoheshin sisteme mbrojtëse. Ne dhe një Pc-je të vogël në shtëpi i vëmë antivirus. Kanë dalë të gjitha të dhënat, të qeverisë, policisë, pronat, shyqyr që nuk pranuan të futesh në E-Albania bankat, se imagjinoni se çfarë do kishte ndodhur. pensionistë, mësues, greva është rruga e duhur për të dhënë dorëheqje qeveria. Me sulmin kibernetik na kanë hequr më shumë se  pantallonat”, tha Spaho.

The post Edmond Spaho: Me sulmin kibernetik na kanë hequr pantallonat appeared first on Albeu.com.

“Z.Rama tha që disa prej pedagogeve mbase nuk e meritojnë as rrogen që marrin. Se ai i çmon keto pune por më i dobëti prej tyre e meriton atë (rrogen) më shumë se çdo pushtetar. Studentet me force ti paten shkulur 6 Ministra, prape ti marrin. Mos i nënvlefteso as pedagoget”, shkruan Gjekmarkaj në një postim të bërë në Twitter.

Kujtojmë se pak ditë më parë pedagogët u ngritën në protestë, duke kërkuar që të rishikohet rroga e tyre dhe të rritet.

The post “Disa nuk meritojnë as rrogën që kanë!”, Gjekmarkaj paralajmëron Ramën për pedagogët: Kujdes se studentët t’i patën shkulur 6 ministra appeared first on Albeu.com.

Përmes një postimi në rrjetet sociale, duke iu referuar raportimeve në media, Bardhi shkruan se janë shqetësuese lajmet për paracaktimin nga qeveria të kreut të ri të Strukturës së Posaçme.

“Lajmet për paracaktimin nga Qeveria të Kreut të ri të SPAK janë shqetësuese. SPAK ka nevojë për nxitje/mbështetje dhe çdo ndryshim në këtë moment do të ishte ndërhyrje në hetimet që SPAK ka në proces, përfshirë megaaferën e inceneratorëve!” shkruan Bardhi.

Pas një periudhe 3-vjeçare kreu i  SPAK, Arben Kraja është drejt largimit. Krajës i përfundon mandati në datën 18 dhjetor dhe si detyrim KLP duhet të hapë 3 muaj para garën.

Më 19 dhjetor merr detyrën drejtuesi i ri dhe Arben Kraja mbetet prokuror i SPAK, pasi si prokuror mandati është 9 vite ndërsa si drejtues zgjidhet çdo 3 vite dhe nuk ka të drejtë rizgjedhje.

Prokurori Arben Kraja u zgjodh kreu i SPAK, njohur si Struktura e Posaçme Anti-Korrupsionit më 19 dhjetor 2019.

The post Largimi i Krajës, Bardhi: Shqetësuese lajmet për paracaktimin nga qeveria të kreut të ri të SPAK appeared first on Albeu.com.

Salianji është shprehur se nafta kontrabandë nga Libia nuk do të ishte kapur në Durrës nëse nuk do të kishin ndërhyrë ndërkombëtarët.

I ftuar në studion e “Radar Informativ” me Juli Xhokaxhi, Salianji theksoi se është shkelur embargoja e Këshillit të Sigurisë dhe se qeveria ende nuk ka asnjë shpjegim për atë që ka ndodhur.

Deputeti tha se qeveria po mbron pesë kompanitë që marrin naftën kontrabandë dhe shtoi se do ta ndjekin në rrugë ligjore.

“Këtë herë e ka kapur policia dhe e ka zënë halli, nuk ka ku të shkojë. Kjo është një rrugë e vazhdueshme e kontrabandës, që ne e kemi denoncuar. Duke pasur parasysh që është rritur numri i makinave, por ka rënë sasia e karburantit.

Këtu është shkelur embargoja e Këshillit të Sigurimit. Duke ardhur një anije për herë të tretë në Shqipëri. Niset një anije nga fundi i botës dhe të vijë këtu. Ka një njeri në këtë ven që kjo kontrabanda, pse policia nuk referon të thotë, një nga këto pesë kompani të importojë. Policia po i fsheh këto pesë kompani. Ne  ta ndjekim në mënyrë ligjore. Ky është një rast që Shqipëria dëmtohet rëndshëm, ndërkohë që çmimi i naftës është më i larti në botë. Nuk tha gjë sot ministri. Kryeministri nuk erdhi fare. Si ka mundësi që vjen kjo anija në Durrës dhe nuk ka asnjë shqiptar aty. Ndodhi e njëjta gjë edhe para një muaji me bananet”, tha Salianji./albeu.com/

The post “Ndërhynë ndërkombëtarët”, Salianji flet për naftën nga Libia: Qeveria po mbron 5 kompani appeared first on Albeu.com.

Alibeaj shprehet se përgjegjësia kryesore për ngjarjen i takon sistemit dhe qeverisë që të korruptuarit dhe inkriminuarit i ngre në detyrë dhe promovon në Policinë e Shtetit.

“Tragjedia e familjes që humbi dje vajzën e mitur është ende një plagë e hapur për të gjithë shqiptarët, që përtej dhimbjes së papërshkruar për ngjarjen që i ka lënë të shokuar, u duhet të përballen dhe me cinizmin dhe arrogancën e kryeministrit.

Në një vend ku jeta nuk ka më asnjë vlerë, kur sigurinë e cenojne ata që kanë për detyrë ta ruajnë, cdo shkarkim nga detyra në hallkat lokale të përgjegjësisë shtetërore nuk është zgjidhje e problemit.

Përgjegjësia kryesore mbetet e atyre që kanë krijuar dhe mbajnë në këmbë sistemin ku të inkriminuarit dhe të korruptuarit e niveleve të ulëta reflektojnë asgjë më shumë se sjelljen e shefave të tyre: arrogancë, papërgjegjshmëri dhe pandjeshmëri ndaj njerëzve të thjeshtë dhe pa pushtet.

Në krizën e përgjithshme që ka përfshirë Shqipërinë, ngjarja e djeshme është dëshmi e qartë se kësaj qeverie nuk i intereson jeta e qytetarëve. Përballë mungesës së vullnetit, paaftësisë dhe arrogancës së pushtetit qëndrojnë qytetarët. Të cilët në shumicë dërrmuese sot kërkojnë largimin e kreut të këtij sistemi që po i bën jetët e pasigurta duke bërë që mijëra shqiptarë ta shohin të ardhmen larg vendit të tyre”, shkruan Alibeaj./albeu.com/

The post Tragjedia në Himarë, “shpërthen” Alibeaj: Jeta s’ka më vlerë në këtë vend! appeared first on Albeu.com.

Kjo sipas tij, ka ardhur për mungesë fondesh.

Përmes një postimi të bërë në rrjetet sociale, deputeti thotë se pacientëve tashmë u janë rritur në mënyrë të ndjeshme kostot, për shkak se përveç medikamenteve u duhet të bëjnë edhe analizat bazë në privat.

Postimi i Xhaferrajt:

“Ferdinand, ka marrë fund gjithcka.” Këto ishin fjalët e një prej anëtarëve të stafit të përkushtuar të Spitalit Rajonal të Durrësit. Prej tre ditësh në spitalin e Durrësit nuk funksionon laboratori i analizave për mungesë fondesh. Si mund të kurohen pacientët pa pasur analizat si bazë? Pacientët, të cilët përvec ilaceve tani janë të detyruar të kryejnë edhe analizat më bazike privatisht, do të rimbursohen për këtë mosfunksionim? Qeveria e fokusuar tek koncertet madhështore, ka lënë spitalet në gjendje të mjeruar. Skizma ndërmjet prioriteteve të Rilindjes dhe nevojave të qytetarëve sa vjen e thellohet, me kosto në rritje vetëm për këto të fundit.

The post “Ferdinand, ka marrë fund gjithçka”, trondit Xhaferraj: Në spitalin e Durrësit nuk funksionon laboratori i analizave appeared first on Albeu.com.

Bardhi tha se Këshilli i Lartë Gjyqësor nuk ka bërë asnjë reagim, pasi kjo siç thotë ai është vendimmarrje kryeministrit Edi Rama.

Gazmend Bardhi:

Diskutimi që bëri zoti Xhafaj është një diskutimi i mbyllur pasi unë e ngrita dje si çështje prandaj sot mu duk sikur dëgjova veten. Ju dje e përmbyllet diskutimin mbi veprimtarinë e KLGJ dhe sot kjo është një seancë e posaçme dëgjimore e kërkuar nga opozita. Ka 1 muaj që sistemi është në kolaps dhe KLGJ nuk bën asnjë reagim publik, e gjithë vcendimarrja e Këshillit bie poshtë dhe do të thotë se këtë vendim e ka marrë qeveria. Duhet një reagim i KLGJ, vë në pikëpyetje seriozitetin e pavarësisë së KLGJ, kur nuk reagon kur kryeministri politizon vendimmarrjen e tij, e kur ka avokatë në protestë e KLGJ nuk e shqetëson kolapsin gjyqësor, bie në përfundimin që qeveria ka bërë këtë vendim dhe KLGj thjesht ka certifikuar vendimin e tyre. Fillimisht KLGJ të na bindë që ky nuk është vendim i Edi Rames dhe të na tegojë që është një analizë e tyre dhe jo një vullnet politik i Edi Rames.

The post Harta e re gjyqësore, Bardhi: KLGJ nuk reagon, vendimin e ka marrë Rama appeared first on Albeu.com.