Deputeti është futur në oborrin e Kuvendit të Shqipërisë me një thes të mbushur me ullinj dhe një degë ulliri.

Ky veprim vjen si shkak i rritjes së prodhimit të ullinjve, ndërsa çmimi për të është ulur ndjeshëm.

Momenti që deputeti Sula ka hapur thesin sigurisht që ka shkaktuar edhe të qeshura tek gazetarët e pranishëm, të cilët nuk hezituan t’i drejtonin mikrofonin./albeu.com

The post Dashnor Sula shkon me thesin me ullinj në Kuvend, deputeti: U ka ngelur pa shitur fermerëve (VIDEO) appeared first on Albeu.com.

Në nisje të seancës Karcajan kërkon që mbledhja të zhvillohet me dyer të mbyllura për shkak se informacioni që do të japë është tejet i klasifikuar.

“Për shkak të faktit që gjatë diskutimit do të trajtojmë një informacion të konsiderueshëm që është i klasifikuar, sekret ose tepër sekret unë do t’ju lutesha që seanca të zhvillohej pa praninë e kamerave, me dyer të mbyllura”, u shpreh Karçanaj.

Kjo deklaratë e Karcanajt ka sjellë dhe debat mes deputetëve të mazhorancës dhe opozitës.

Deputeti demokrat Ferdinand Xhaferaj u shpreh se hakërri më i rrezikshëm është korrupsioni, pasi sipas tij ishin mangësitë në sistem që ju krijuan mundësinë hakerave iranianë të depërtonin në sistemet tona dixhitale.

“Të falenderoj kryetar, ne jemi një grup deputetësh që e kemi parë të arsyeshme këtë seancë dëgjimore. Drejtoresha e AKSHI e sheh të arsyeshme të bëhet me dyer të mbyllura. Ne si deputetë e kemi kërkuar këtë seancë se pavarësisht se siguria kombëtare u cënua nga hakerat iranianë, hakeri më i rrezikshëm që është vazhdimisht cënues i sigurisë kombëtare, është korrupsioni dhe kemi të gjithë argumentet për ta provuar edhe këtë. Pra, ishin mangësitë e lëna në sistem nga korrupsioni që çuan hakerat iraninë në sistemin tonë.” – u shpreh Xhaferaj.

Ndërkohë që deputeti ANsip Naço ka krkuar nga kolegët e opozitës që të mos bëjnë rolin e prokurorit.

“Detyrën e prokurorit lërjani të tjerëve. Drejtoresha ka ardhur këtu për të informuar nëse nxirrni përfundime jeni të gabuar” -u shpreh Naço.

“Është kërkuar kjo seancë me AKSH-In edhe për një arsye, ne pranojmë se vendi është në agresion kibernetik. Një seancë e ka vlerën për t’u informuar deputetët por ç’ka ka ndodhur prek edhe publikun, ndaj duhet të jepeshin edhe sinjale qetësie apo realizmi. Edhe për të ditur se cila ka qenë gjendja e gatishmërisë, nga AKSHI apo institucione të tjera. “ vijoi Alibeaj.

Ndërsa hodhi në votim për vijimin e seancës me dyert të mbyllura, Kryetari i Komisionit të Sigurisë Nasip Naço kërkoi nga deputetët që të dorëzojnë celularët e tyre e gjithçka tjetër, me qëllim mos përhapjen e informacioneve.

The post Drejtoresha e AKSHI-t kërkon mbledhje me dyer të mbyllura, Xhaferaj: Hakeri më i madh është korrupsioni appeared first on Albeu.com.

I ftuar në emisionin “Quo Vadis”, Këlliçi është shprehur se janë paguar mbi 400 milionë euro për sistemin e sigurisë kibernetik, i cili tani ka rënë në duart e hakerave.

“Për fatin tonë të madh, vend anëtar i NATO-s jemi por standardet e qeverisë janë që ne kemi republikë bananesh. Shteti tani është i rrënuar komplet nga ana e sigurisë kibernetike. Është çështje e sigurisë kombëtare, është çështje që i prek të gjithë qytetarët shqiptarë për këtë duhet të jemi sensitiv.

AKSH-i ka marrë 189 mln euro tendera sekretë për rritjen e sigurisë kibernetike dhe investimin në infrastrukturën teknologjike, për të cilat unë nuk e di ku i kanë çuar paratë. Në 10 vitet e fundit janë paguar 400 mln euro për të garantuar sigurinë tonë kibernetike”, tha ai.

The post Sulmet kibernetike, Këlliçi: Shteti komplet i rrënuar, Shqipëria si republikë bananesh appeared first on Albeu.com.

Mbi këtë projekt ka reaguar edhe deputeti demokrat, Belind Këlliçi, i cili ka ndarë një foto se si do të duket kopshti i ri.

Këlliçi thotë se ky instalacion do të kushtojë 4.32 miliardë lekë, që janë rreth 44 mijë ndihma ekonomike.

Deputeti ka bërë thirrje që drejtvsia tv veprojë por mesa duket SPAK sipas tij nuk ka guxim të hetojë Ramën.

Reagimi i plotë:

Kopshti i Edit

Edi, “pronari” i kryeministrisë, do u marrë shqiptarëve 4,3 miliardë lekë për këtë gjënë me dru që e quan instalacion. Sajon një emër për të përligjur shpërdorimin e parave.

4.3 miliardë lekë janë rreth 44 mijë ndihma ekonomike.

Po ç’i duhen Edit këto? Ai ka kopshtin e tij. Pse, rroga e pensione do i bëjë Edi këto para? Ka një mandat të tretë për të vjedhur. Drejtësi t’i tregojë vendin, nuk ka. Askush në SPAK nuk merr guximin ta hetojë.

Vetëm vota e largon Edin nga xhepat e shqiptarëve./albeu.com

The post “Drejtësi t’i tregojë vendin”, PD: Ky është kopshti 4 miliardë lekë që Rama po ndërton te Kryeministria appeared first on Albeu.com.

Korreshi është shprehur se “Nuk ka më as çifte bam, as zagarë ham, por vetëm hashash me nam”.

Ai vuri në dukje se në vend po kërcet kallashi në ditën për diell, sepse sipas tij, kësaj qeverie nuk i dhimbsen njerëzit.

“Shpresoj që me veshjet me pantallona të shkrutra, e shapka me gisht, të keni mundësi të na ndiqni edhe ju që keni shkuar me pushime në plazh. Ministrja foli, por më mori vajza 3 vjet e gjysmë dhe më tha “sa mirë i tregonte përrallat ajo teta”. Nuk ka më as cifte bam, as zagarë ham, por vetëm hashash me nam. E them kështu, sepse ju vendosni vetë çdo gjë, nuk pyesni asnjë lloj kategorie, as ekspertë të kësaj fushe, ju i bëni sipas interesit tuaj. Por, komunistët dhe servilët e partisë, s’e kanë ndaluar asnjëherë. Këtu o zotëri kërcet kallashi ditën për diell, sepse qeverisë juaj nuk i dhimbsen njerëzit, por i dhimbsen rosat, patat e harabelat. Çfarë po bëni o burri i dheut. Keni 10 vite, ku ka deputetë të PS që kërcasin dyfeni mëngjes për mëngjes. Nuk keni bërë asnjë gjë”, u shpreh deputeti./albeu.com/

The post “Nuk ka më as çifte bam, as zagarë ham”, Korreshi “shpërthen” në Kuvend: O zotëri, këtu kërcet kallashi ditën për diell appeared first on Albeu.com.

Sipas Bardhit, përfitues të investimeve strategjike janë ndërtuesi i vilës personale të Edi Ramës në Surrel si dhe trafikanti i drogës nga Shkodra.

Ai shtoi gjithashtu se Edi Rama refuzon komisionin hetimor për investimet strategjike sepse është përgjegjës për abuzimet me pronat publike.

Reagimi i Bardhit:

Sot krahu i majtë i kësaj salle, deputetët e Partisë Socialiste, janë udhëzuar nga partia të votojnë kundër ngritjes së Komisionit Hetimor për Investimet Strategjike. Në cdo vend demokratik vepron parimi që Kuvendi miraton ligjet; qeveria zbaton ligjet; Kuvendi kontrollon mënyrën sesi qeveria zbaton ligjet.

Kushtetuta jona, duke e përfytyruar Shqipërinë si një vend normal demokratik, jo vetëm parashikon ngritjen e Komisioneve Hetimore, por e detyron Kuvendin të ngre Komision Hetimor kur këtë e kërkojnë 35 deputetë.

Kjo është qartësuar edhe në ligjin për Komisionet Hetimore ku thuhet shprehimisht: “Komisioni Hetimor krijohet me kërkesë të 35 deputetëve. Grupi nismëtar paraqet qëllimin e krijimit të komisionit, çështjen që do të hetohet, propozimin për përbërjen e komisionit dhe afatin e përafërt të përfundimit të hetimeve. Kuvendi është i detyruar ta miratojë ngritjen e komisionit.

Cfarë kemi kërkuar ne 35 deputetë të opozitës? As më shumë dhe as më pak një të drejtë që na e njeh Kushtetuta: të kontrollojmë mënyrën sesi qeveria ka zbatuar një ligj të miratuar nga ky Parlament, ligjin për investimet strategjike. Ky është rasti tipik se kur mund të ngrihet një Komision Hetimor. Nëse Qeveria ka zbatuar ligjin, cfarë e shqetëson që Parlamenti ta kontrollojë?

Prej 45 ditësh shqiptarët kanë parë Edi Ramën të gjejë justifikim pas justifikimi për të bllokuar ngritjen e këtij Komisioni Hetimor.

Secili prej jush pyet veten cfarë e detyron Edi Ramën që të shkel Kushtetutën, të shkel ligjin, dhe të pengojë kontrollin nga Parlamenti të mënyrës sesi ai dhe qeveria e tij kanë zbatuar ligjin.

Përgjigjen secili prej jush e ka në këtë tabelë. Janë 36 projekte që kanë marrë statusin e investitorit strategjik me firmë të Edi Ramës, me vlerë investimi 4.6 miliard euro, aq sa është Buxheti vjetor i shtetit shqiptar. 80 % e investimeve janë në fushën e turizimit, ku Edi Rama pa garë i ka vënë në dispozicion pasuri publike, brigjet e detit dhe plazhet me të bukura në jug të vendit.

Nëse prisni të shikoni në këtë listë ndonjë investitor të huaj, do të zhgënjeheni. 36 projekte të investimeve strategjike, me vlerë 4.6 miliard euro, i kanë marrë jo më shumë se 10 individë, ku secili prej tyre ka 3 apo 4 projekte. Në këtë listë sigurisht mund të ketë ndonjë projekt që e meriton statusin e investitorit strategjik, por pjesa dërrmuese janë abuzive, klineteliste, korruptive.

Kush janë përfituesit do të thotë ju? Asnjë surprizë edhe këtu. Janë të njëjtët, ato që kanë përfituar në këto 9 vite cdo koncesion, cdo PPP dhe cdo tender të madh nga kjo Qeveri. E vetmja shtesë në këtë listë janë ministrja Olta Xhacka dhe aktori Gaz Paja.

Pra Kuvendi në vitin 2015 miratoi një ligj, gjoja me sebepin se do sillte investime të huaja dhe do krijonte lehtësi për investitorë serioz të huaj, por përfundimi është që përfitues nga ligji janë 10 individë, miq dhe oratakët e përhershëm të Edi Ramës, shtuar Olta Xhackën dhe Gaz Pajën.

Në listë nuk mungon ndërtuesi i sajareve personale në Surrel të Edi Ramës, Pandeli Carapuli; eksponentë të kallëzuar në SPAK për krime zgjedhore dhe që blenë vota për partinë socialiste, shantazhojnë votuesit si Pëllumb Gjoka, apo kompani që janë në proces likujdimi për shkak se kanë falimentuar.

Pra ligji për investimet strategjike është shndërrua nga Edi Rama në një plackë për të shpërblyer me pasuri publike, kryesisht me prona në bregdet, në kundërshtim me ligjin, miqtë, familjarët dhe bashkëpunëtorët e tij.

E për abuzimet me këtë ligj; Edi Rama si Kryetar i Komitetit të Investimeve Strategjike, nuk thotë dot që nuk dija gjë, e ka bërë ministri me kokën e vet; apo kam firmosur pa lexuar. Për abuzimet me këtë ligj përgjegjësia është direkt e Edi Ramës. Prandaj ka urdhëruar sot deputetët e tij të bllokojnë ngrtijen e Komisionit Hetimor.

Fakti që Edi Ramë dhunon Kushtetutën dhe Ligjin, duke mohuar një të drejtë kushtetutese të opozitës, është në fakt prova më e mirë që ai vetë, personalisht, jo vetëm është përgjegjësi për abuziimet me ligjin, por është edhe arkitekti i shndërrimit të ligjit për investimet strategjike në një ligj klientelist dhe korruptiv.

The post “Trondit” Gaz Bardhi: 10 miq të Edi Ramës përfituan 4.6 miliard euro nga Investimet Strategjike appeared first on Albeu.com.

Sipas Sulës, humbja në zgjedhjet lokale të 6 marsit, u pasua me një seri mbledhjesh në Partinë Demokratike, që më pas sollën edhe dorëheqjen e kreut të kësaj partie, Lulzim Bashës.

I ftuar në emisionin “ABC Live”, deputeti demokrat, Dashnor Sula ka treguar edhe debatet në këto mbledhje para se Lulzim Basha të ikte nga posti i drejtuesit të PD, pas 9 vitesh.

Duke thënë se hija e Berishës e ka ndjekur gjithmonë Lulzim Bashës, Sula ka theksuar se ky i fundit në çdo mbledhje nuk bënte asnjë lloj debati por vetëm mbante shënim në një bllok të tij.

Këtë bllok shënimesh sipas Sulës, ish kreu i PD-së ia ka dorëzuar liderit të përjetshëm të PD-së, duke iu referuar kështu Sali Berishës.

“Më bëri përshtypje se gjatë 5 orëve Basha nuk debatoi me një deputet. Dhe vetëm shkruante. Dhe në momentin që fliste shpejt dikush, Basha u thoshte që prit mos flit shpejt se do e shkruaj këtë.  I merrte të gjitha shënim, 5 orë. Nuk u kuq nuk u verdh dhe aq më tepër për t’u nxirë. Kurrë nuk bëri debat dhe vetëm shkruante”, tha Sula.

Deputeti Sula duke cituar fjalët e tij në mbledhje ka shtuar se edhe pse foli për 35 minuta, Lulzim Basha ia ka mbajtur të gjitha shënim.

“Janë dëshmitarë deputetët, u kam thënë që Basha duhet ta ketë temperaturën e trupi 35 gradë. Është i ftohtë, nuk kuqet nuk zverdhet nuk i lëviz nervi është rast për studim. Këtë kam thënë.” ka shtuar Sula.

“Më 12 mars kam folur 35 minuta në mbledhje dhe Basha vetëm shkruante dhe i mbajti shënime. Arsyeja se pse Basha ka mbajtur shënim në bllokun e tij, të gjitha fjalë nga data 7 mars deri në më 12mars është që ai të jetë një bllok që do i dorëzohet kryetarit të përjetshëm të PD. Që të kuptojë se cilët janë sjelljet dhe qasjet të secilit deputet në mentalitetin e tyre kanë për të vazhduar grupin parlamentar.”

“Ky bllok është që një kopje e ka zoti Basha dhe një kopje të jetë dorëzuar në një vend tjetër për të kuptuar çasjen dhe sjelljen të secilit deputete, se si  do të jetë gjendja tani në PD dhe Grupin Parlamentar. Unë e shoh të zymtë. Dhe deklarata që është unifikuar nuk është e vërtetë”, tha Dashnor Sula./albeu.com/

The post Befason Dashnor Sula: Basha e ka temperaturën e trupit 35°, as kuqej e as verdhej! Blloku që i ka dorëzuar Berishës appeared first on Albeu.com.