Deputet laburist, ka denoncuar në polici një sulm të dyshuar ndaj tij.

Mike Amesbury, u filmua duke u përballur me një burrë të shtrirë në trotuar në Frodsham, Cheshire.

Në videon e cila u shpërnda në rrjet, Amesbury u shfaq duke i bërtitur një burri: “Nuk do të më kërcënosh më kurrë, apo jo”?

Videoja nuk kapi sulmin e supozuar apo rrethanat e mëparshme.

Në një deklaratë, Amesbury tha se “u përfshiva në një incident që ndodhi pasi u ndjeva i kërcënuar në rrugë pas një mbrëmjeje me miqtë. Këtë mëngjes, unë kontaktova vetë Policinë e Cheshire për të raportuar atë që ndodhi gjatë këtij incidenti. Unë nuk do të bëj komente të mëtejshme publike, por, natyrisht, do të bashkëpunoj me çdo hetim nëse kërkohet nga Policia e Cheshire. Unë mbetem plotësisht i përkushtuar për të punuar shumë për njerëzit e Runcorn dhe Helsby, dhe jam i vendosur të mbetem një deputet i hapur dhe i arritshëm për komunitetin tonë”.

Një zëdhënës i policisë së Cheshire, konfirmoi se incidenti ishte raportuar. Amesbury u zgjodh për herë të parë në vitin 2017 dhe më parë shërbeu në kabinetet hije të Jeremy Corbyn dhe Sir Keir Starmer.

Atij nuk iu dha një rol ministror kur laburistët fituan zgjedhjet e përgjithshme në korrik. Zëdhënësi i Cheshire Constabulary tha se; “në orën 2:48 të mëngjesit të datës 26 tetor, policia u thirr në raporte për një sulm në Frodsham”.

Një zëdhënës i Partisë Laburiste tha se; “jemi në dijeni të një incidenti që ndodhi mbrëmë. Ne e kuptojmë se deputeti Mike Amesbury iu drejtua policisë së Cheshire për të raportuar vetë atë që ndodhi këtë mëngjes dhe se ai do të bashkëpunojë me çdo pyetje që ata kanë”.

Laburistët nuk e kanë pezulluar zotin Amesbury për incidentin.

The post Dalin pamjet kur deputeti shtrin në rrugë një burrë: Nuk do të më kërcënosh më kurrë (VIDEO) appeared first on Albeu.com.

Mediat britanike raportojnë se deputeti konservator David Warburton konsumon shpesh kokainë dhe ka ngacmuar seksualisht një grua.

Mësohet se 56-vjeçarit i është tërhequr vëmendja disa herë nga organi mbikëqyrës parlamentar, pasi nuk është hera e parë që ai përfshihet në ngjarje të tilla.

Një grua ka denoncuar deputetin duke thënë se ai shkoi në shtëpinë e saj, konsumoi drogë dhe tentoi ta zhvishte duke e prekur në zona intime.

“I thoja mos më prek sepse nuk dua të bëjmë se*ks, ai më tërhiqte me forcë dhe më prekte gjoksin”-tha e reja në dëshminë e saj.

Dy gra të tjera po ashtu e kanë akuzuar Warburton për komente të padëshiruara seksuale dhe prekje të pahijshme.

Mbrëmë “The Sunday Times”publikoi një foto të tij të ulur në një tavolinë me kokainë, duke bërë që ai të pezullohej menjëherë nga detyra.

Warburton dhe gruaja ishin takuar përmes punës dhe ai kërkoi të shkonin në banesën e saj pasi ajo kishte pirë pak.

Autoritetet po punojnë për zbardhjen e plotë të ngjarjes apo dhe të denoncimeve të tjera ndaj politikanit.

The post SKANDALI/ Deputeti pozon pranë tavolinës me kokainë, tentoi të zhvishte edhe një grua appeared first on Albeu.com.

David u godit me thikë disa herë në tubim elektoral në Leigh-on-Sea në Essex, të premten.

Policia Metropolitane tha se kishte lidhje potenciale me ekstremizmin islamik.

Një 25-vjeçar britanik u arrestua në vendin e ngjarjes nën dyshimin për vrasje dhe policia tha se nuk po kërkonte askënd tjetër për vdekjen.

Si pjesë e hetimit, oficerët po kryejnë kërkime në dy adresa në zonën e Londrës.

Forcat besojnë se autori ka vepruar vetëm, por hetimet për rrethanat e incidentit po vazhdojnë.

Burimet qeveritare kanë thënë për BBC se ai është një shtetas britanik i cili, nga hetimet fillestare, duket se është i trashëgimisë somaleze./albeu.com

The post Policia: Vrasja e deputetit britanik, terrorizëm appeared first on Albeu.com.

Ai u qëllua disa herë me thikë ditën e sotme.

Mediat britanike raportojnë se është vendosur në pranga autori i dyshuar i sulmit.

69-vjeçari, i cili ishte deputet i Southend west në parlamentin britanik u qëllua me thikë ndërsa takonte një zyrtar lokal në kishën Belfairs Methodist në Essex.

Mjekët u përpoqën që t’i jepnin ndihmën e parë deputetit i cili qëndronte i shtrirë në dyshemenë e kishës për më shumë se një orë por ai nuk mundi të mbijetonte. Të pranishmit në kishë panë të tmerruar sesi i riu e goditi disa herë me thikë Amess dhe më pas tentoi që të largohej.

Vdekja e Sir David u konfirmua nga mjekët rreth orës 15.00. Amess, deputet veteran që ka votuar kudër martesa gay dhe abortimit, u pa teksa qeshte dhe u fliste njerëzve në shkallët e kishës përpara se të qëllohej për vdekje me thikë./albeu.com

The post E FUNDIT/ E sulmuan disa herë me thikë, deputeti britanik ndërron jetë appeared first on Albeu.com.