Deputetët e Lidhjes Demokratike të Kosovës (LDK) nuk morën pjesë në votimin e parë për Projektligjin që ndryshon dhe plotëson Ligjin për Dhomat e Specializuara.

Gjatë seancës së Kuvendit të Kosovës, nisma mori 91 vota pro dhe kaloi leximin e parë.

Para se të hidhej në votim, Jehona Lushaku-Sadriu, udhëheqëse e Grupit Parlamentar të LDK-së, njoftoi se deputetët e kësaj partie nuk do ta mbështesnin projektligjin.

Ajo tha se LDK-ja nuk mund të përfshihej në këtë nismë, ndërsa shprehu dyshime edhe lidhur me efektin juridik që mund të kenë ndryshimet e propozuara.

Edhe pse deputetët e LDK-së nuk morën pjesë në votim, projektligji siguroi mbështetjen e deputetëve të pranishëm dhe u miratua në lexim të parë me 91 vota për.

The post Deputetët e LDK-së nuk votuan për ndryshimet në Ligjin për Dhomat e Specializuara appeared first on Albeu.com.