Sipas të dhënave të publikuara nga Instituti Demokratik i Kosovës (KDI), legjislatura e re e Kuvendit të Kosovës do të përbëhet nga 41 gra deputete, që përfaqësojnë 34 për qind të numrit të përgjithshëm të parlamentarëve.

Nga ky total prej 41 deputetesh, 35 kanë arritur të fitojnë mandatin me vota meritore, ndërsa 6 të tjera kanë hyrë në Kuvend falë kuotës gjinore.

Ndarja e mandateve të siguruara përmes këtij mekanizmi tregon se në Aleancë janë prekur tri ulëse, në Partinë Demokratike të Kosovës (PDK) dy ulëse, ndërsa Lista Serbe (LS) ka një ulëse të fituar përmes kuotës gjinore.

Të dhënat nxjerrin në pah se shumica e grave deputete janë zgjedhur drejtpërdrejt nga vota e qytetarëve, ndërsa kuota gjinore ka shërbyer për të siguruar përfaqësimin shtesë të gjashtë deputeteve.

Përqindja prej 34 për qind e grave në Kuvend mbetet mbi kufirin minimal prej 30 për qind të paraparë nga kuota gjinore, duke pasqyruar një rritje të pjesëmarrjes së grave në jetën parlamentare.

The post 41 gra në Kuvendin e ri të Kosovës, vetëm 6 mandate u siguruan nga kuota gjinore appeared first on Albeu.com.

Komisioni Qendror i Zgjedhjeve ka bërë certifikimin e rezultateve përfundimtare të zgjedhjeve parlamentare të 7 qershorit, një muaj pas procesit zgjedhor, duke përcaktuar zyrtarisht përbërjen e legjislaturës së re të Kuvendit të Kosovës.

Nga këto rezultate, Lëvizja Vetëvendosje ka siguruar 53 mandate, Partia Demokratike e Kosovës 22, Lidhja Demokratike e Kosovës 18 dhe Aleanca për Ardhmërinë e Kosovës 7. Mandatet e mbetura u takojnë subjekteve politike që përfaqësojnë komunitetet joshumicë.

Lëvizja Vetëvendosje – 53 mandate

Albin Kurti
Glauk Konjufca
Albulena Haxhiu
Hekuran Murati
Donika Gërvalla-Schwarz
Xhelal Sveçla
Avni Dehari
Ejup Maqedonci
Hajrulla Çeku
Mimoza Kusari-Lila
Shqipe Mehmeti Selimi
Andin Hoti
Ilir Kërçeli
Arben Vitia
Saranda Bogujevci
Osman Musliu
Nezir Kraki
Alban Bajrami
Arton Konushevci
Edona Llalloshi
Mefail Bajqinovci
Ardian Gola
Armend Baloku
Armend Muja
Arbëreshë Kryeziu-Hyseni
Arbër Rexhaj
Rufki Suma
Blerim Gashi
Fitore Pacolli-Dalipi
Artane Rizvanolli-Berisha
Adriana Matoshi
Agim Bahtiri
Arjeta Fejza
Taulant Kelmendi
Arbërie Nagavci
Krenare Çerkini
Dimal Basha
Liza Gashi
Labinotë Demi-Murtezi
Artan Abrashi
Adnan Rrustemi
Adelina Grainca
Valon Ramadani
Salih Zyba
Enver Haliti
Fatmire Kollçaku
Valon Hoti
Valon Peci
Drita Pajaziti
Sylejman Meholli
Jeton Raka
Vigan Qorrolli
Fjolla Ujkani

Partia Demokratike e Kosovës (PDK) – 22 mandate

Bedri Hamza
Përparim Gruda
Arian Tahiri
Uran Ismaili
Vlora Çitaku
Sala Jashari
Ganimete Musliu
Enver Hoxhaj
Arben Mustafa
Rrahman Rama
Mërgim Lushtaku
Elmi Reçica
Besa Kabashi-Ramaj
Jakup Nura
Eman Rrahmani
Altin Krasniqi
Artan Behrami
Fadil Demaku
Blerta Deliu-Kodra
Rrustem Mustafa
Eliza Hoxha
Ariana Musliu-Shoshi

Lidhja Demokratike e Kosovës (LDK) – 18 mandate

Vjosa Osmani
Lumir Abdixhiku
Doarsa Kica-Xhelili
Hykmete Bajrami
Avdullah Hoti
Ukë Rugova
Kujtim Shala
Anton Quni
Lutfi Haziri
Armend Zemaj
Besian Mustafa
Janina Ymeri
Ermal Sadiku
Jehona Lushaku-Sadriu
Arben Gashi
Albena Reshitaj
Fadil Hadergjonaj
Paris Guri

Aleanca – 7 mandate

Ardian Gjini ka hequr dorë nga mandati dhe në vend të tij hyn Bekë Berisha.

Daut Haradinaj po ashtu ka hequr dorë nga mandati, ndërsa zëvendësohet nga Burim Ramadani.

Ramush Haradinaj
Besnik Tahiri
Time Kadrijaj
Albana Bytyqi
Teuta Haxhiu
Bekë Berisha
Burim Ramadani

Lista Serbe – 9 mandate

Zlatan Elek
Igor Simiq
Sërgjan Popoviq
Slavko Simiq
Jovana Radosavljeviq
Liljana Stefanoviq
Milan Joksimoviq
Branislav Nikoliq
Tanja Vujoviq
Partitë e komuniteteve të tjera

Koalicioni Demokratik i Turqve të Kosovës (KDTP)
Fikrim Damka
Fatma Taçi

Za Slobodu, Pravdu i Opstanak (ZSPO)
Nenad Rashiq

Koalicija Vakat
Rasim Demiri

Iniciativa e Re Demokratike e Kosovës (IRDK)
Elbert Krasniqi

Nova Demokratska Stranka (NDS)
Emilija Rexhepi

Socijaldemokratska Unija (SDU)
Duda Balje

Partia Ashkalinjve për Integrim (PSA)
Artan Asllani

Partia Liberale Egjiptiane (PLE)
Veton Berisha

Jedinstvena Goranska Partija (JGP)
Adem Hoxha

Partia Rome e Bashkuar e Kosovës (PREBK)
Albert Kinolli

Tashmë mbetet e paqartë se kur do të thirret seanca konstituive e Kuvendit të Kosovës, ku deputetët e zgjedhur do të bëjnë betimin dhe do ta marrin zyrtarisht mandatin, çka më pas i hap rrugë formimit të Qeverisë dhe zgjedhjes së Presidentit.

The post KQZ miraton rezultatet përfundimtare, publikohet lista e 120 deputetëve të rinj të Kuvendit appeared first on Albeu.com.

Në ankesën e tyre ata ngritën dyshime se gjatë numërimit mund të kenë ndodhur parregullësi dhe mospërputhje, ndaj kërkuan verifikim të gjithanshëm për të siguruar transparencë dhe saktësi në rezultatin përfundimtar.

Në kërkesën dërguar PZAP-it thuhet: “Rinumërimi i vetëm 185 vendvotimeve, që përfshin rreth 3.52% të votave të PDK-së, dëshmoi se kishte gabime në numërimin fillestar…”

Megjithatë, sot PZAP vendosi t’i hedhë poshtë si të pabazuara ankesat e dy kandidatëve për deputetë nga PDK, Bekim Haxhiu dhe Qëndrim Kryeziu.

Sipas vendimeve të 22 qershorit 2026, paneli i përbërë nga gjyqtarët Skender Çoçaj, Kymete Kicaj dhe Arsim Hamzaj ka vlerësuar se pretendimet e paraqitura nga kandidatët nuk përmbushin kushtet për miratim.

Avokati Gazmend Halilaj, në një prononcim për “Bota sot”, tha se ankesa e Haxhiut dhe Kryeziut duhet parë si një përpjekje për të garantuar transparencë dhe saktësi në procesin zgjedhor, me theks kryesor te renditja e kandidatëve brenda PDK-së.

Sipas tij, procedurat që lidhen me ankesat dhe rinumërimet mund ta ngadalësojnë certifikimin e rezultateve, por mbeten të domosdoshme për të siguruar legjitimitetin e procesit zgjedhor dhe konstituimin e institucioneve mbi baza të rregullta ligjore.

Halilaj u shpreh: “Ankesa e Bekim Haxhiut dhe Qëndrim Kryeziut në PZAP duhet parë para së gjithash si një përpjekje për të siguruar transparencë dhe saktësi në procesin zgjedhor. Megjithatë, fakti që kërkesa vjen nga kandidatë të së njëjtës parti dhe lidhet me votat preferenciale për deputetë, tregon se bëhet fjalë kryesisht për një çështje të renditjes së brendshme të kandidatëve të PDK-së dhe jo për rezultatin e përgjithshëm zgjedhor.

Megjithatë, vonesat nuk lidhen drejtpërdrejt me ndryshimin e raportit të forcave politike, por me përfundimin e të gjitha procedurave ligjore që garantojnë legjitimitetin e rezultatit. Sa më shumë ankesa dhe rinumërime të ketë, aq më shumë mund të zgjatet procesi i certifikimit, gjë që mund të ndikojë në afatet për konstituimin e institucioneve”, theksoi avokati.

Ai shtoi se pretendimet për manipulim të votave brenda PDK-së, për momentin, mbeten në nivel dyshimesh derisa të ketë prova konkrete.

Në deklaratën e tij për “Bota sot”, Halilaj tha: “Sa i përket pretendimeve për manipulim të votave brenda PDK-së, aktualisht nuk mund të nxirren përfundime të tilla pa prova konkrete dhe pa një vendim të institucioneve kompetente. Ekzistenca e gabimeve në numërim nuk nënkupton domosdoshmërisht manipulim; ato mund të jenë rezultat i gabimeve njerëzore gjatë procesit të numërimit. Megjithatë, vetë kërkesa për rinumërim tregon se ekziston mosbesim nga disa kandidatë ndaj mënyrës se si janë administruar votat preferenciale. Nëse rinumërimi i plotë do të evidentonte dallime të konsiderueshme, atëherë do të shtroheshin pyetje serioze mbi integritetin e procesit të numërimit brenda kësaj partie. Deri atëherë, është më e drejtë të flitet për dyshime dhe kërkesa për transparencë sesa për manipulim të provuar”.

Në anën tjetër, analisti Faton Mehmeti deklaroi për gazetën se ankesat e kandidatëve të PDK-së në PZAP nuk janë të rastit dhe se, sipas tij, ekzistojnë dyshime serioze për manipulim votash brenda partisë.

Ai vlerësoi se PZAP duhet të procedojë me rinumërimin e votave të kandidatëve të PDK-së, në mënyrë që procesi të jetë transparent dhe i drejtë.

Mehmeti u shpreh për “Bota sot”: “Tashmë është e njohur që PDK për hajninë që e zhvillon brenda vet partisë, kandidatë e të njejtës parti që i vjedhin vota njëri-tjetrit, gjë që nuk është befasi kjo.

Kështu që besoj se duhet të ketë pasur shumë elemente që deputetët në fjalë pra i janë drejtuar PZAP-it, kështu që besoj dhe jam i bindur që ka pas manipulime të theksuara nga brenda PDK-së, mirëpo ka dyshime edhe ka manipulime edhe brenda partive tjera, po brenda PDK-së sigurisht që ka sepse ia kanë marrë dorë kësaj pune, prandaj une pres që PZAP t’i numëroj të gjitha votat e deputetëve të PDK-së sepse me të vërtetë ka pasur keqpërdorime.

Besoj që ish-deputeti Haxhiu duhet të ketë fakte për ta sjellë një vendim të drejtë në favor të tij nëse numërohet votat e të gjithë kandidatëve të PDK-së.

Në këtë kuptim kjo mund ta zvarrisë për një kohë të caktuar shpalljen zyrtare të rezultateve të zgjedhjeve nga KQZ-ja, por besoj që është shumë e drejtë që të ketë pastërti të të gjithë kandidatëve që kanë marrë pjesë në këtë proces”, potencon ai për “Bota sot”.

The post Pas pretendimeve të Haxhiut dhe Kryeziut, hapen pikëpyetje për numërimin e votave brenda PDK-së appeared first on Albeu.com.

Me përfundimin e numërimit, janë bërë të ditura edhe mandatet që i takojnë secilës parti politike, si dhe emrat e atyre që fituan një ulëse të re dhe të atyre që mbetën jashtë Kuvendit.

Lëvizja Vetëvendosje ka marrë 53 mandate, ose 47.13 për qind të votave. Në mesin e përfaqësuesve të kësaj force politike do të ketë emra të rinj që hyjnë për herë të parë në Kuvend, por edhe figura të njohura nga legjislaturat e kaluara që nuk kanë arritur të rizgjidhen. Mes tyre janë ish-ministrja Rozeta Hajdari, Fatos Geci, Naim Bardiqi, Enver Dugolli, Egzon Azemi dhe Mytaher Haskuka.

Partia Demokratike e Kosovës renditet e dyta me 22 mandate, apo 19.44 për qind, dhe në këtë legjislaturë do të mbetet pa disa prej figurave të njohura që kanë qenë pjesë e Kuvendit më herët. Nait Hasani, Adriatik Berisha, Hajdar Beqa dhe Xhavit Haliti nuk arritën të sigurojnë mandatin e deputetit në zgjedhjet e 7 qershorit.

E treta doli sërish Lidhja Demokratike e Kosovës, e cila do të ketë 18 ulëse, ose 16.69 për qind. Adelina Thaçi, e cila ishte pjesë e legjislaturës së kaluar, nuk arriti të rizgjidhet. Po ashtu, Jeta Statovci dhe Haxhi Avdyli, të larguar nga Lëvizja “Guxo”, që është në koalicion me LVV-në, për t’iu bashkuar listës së Osmanit, nuk morën votat e nevojshme për t’u bërë deputetë.

Aleanca për Ardhmërinë e Kosovës do të përfaqësohet në Kuvend me shtatë deputetë, ose 6.74 për qind, pas rritjes që shënoi në zgjedhjet e 7 qershorit.

Megjithatë, te AAK-ja priten lëvizje në listën e emrave, pasi kandidati i kësaj partie për kryeministër, Ardian Gjini, ka paralajmëruar se do të heqë dorë nga ulësja e deputetit. Të njëjtin veprim pritet ta bëjë edhe Daut Haradinaj. Deri në këtë fazë, edhe për shkak të kuotës gjinore, Bekë Berisha nuk arrin të bëhet deputet, sikurse edhe Burim Ramadani.

Pse mbetën jashtë Kuvendit ish-deputetët?

Analisti politik Skënder Zogaj thotë për “Bota sot” se qytetarët që morën pjesë në votime e përdorën votën për të shprehur pakënaqësinë ndaj shumicës së kandidatëve, veçanërisht ndaj atyre që për disa legjislatura radhazi kanë mbajtur postin e deputetit pa dhënë ndonjë kontribut të dukshëm.

Sipas tij, fakti që këto figura nuk u zgjodhën përbën një sinjal të qartë se qytetarët nuk janë më të gatshëm të mashtrohen pafund nga njerëz të pavlerë, të paaftë ose të komprometuar.

“Kosova po kalon një nga periudhat më zhgënjyese në historinë e saj si shtet i dalë nga robëria shekullore dhe i përcaktuar për të qenë shtet demokratik, i lirë dhe i pavarur. Megjithatë, edhe pas 26 vjetësh liri, ajo ende nuk po arrin të sillet dhe të funksionojë si një demokraci e mirëfilltë. Gjatë këtyre viteve, vendi është përballur me kriza të njëpasnjëshme, shpesh të rrezikshme e madje fatale, të nxitura nga strukturat e krimit dhe korrupsionit. Qytetarët e zakonshëm janë të indinjuar, të zhgënjyer dhe me shpresa të lënduara për të ardhmen e tyre. Kjo gjendje u pasqyrua qartë edhe në zgjedhjet e fundit, kur afërsisht dy të tretat e votuesve nuk dolën fare në votime. Ky fakt flet për një krizë të thellë besimi në shoqërinë kosovare. Ndërsa ata që votuan, në masë të madhe e shfrytëzuan votën për të shprehur pakënaqësinë ndaj shumicës së kandidatëve, sidomos ndaj atyre që për disa legjislatura me radhë kanë qenë deputetë pa ndonjë kontribut të dukshëm për qytetarët, duke e parë mandatin më shumë si privilegj personal sesa si përgjegjësi publike. Është inkurajuese që një numër i këtyre figurave politike këtë herë nuk arritën të sigurojnë mbështetjen e nevojshme. Ky është një sinjal i qartë se qytetarët nuk janë të gatshëm të mashtrohen pafundësisht nga njerëz të pavlerë, të paaftë apo të komprometuar”, deklaron Zogaj për “Bota sot”.

Po sipas Zogajt, shumë ish-deputetë që e kishin trajtuar ulësen parlamentare si pronë personale, tashmë kanë mbetur jashtë Kuvendit.

“Nuk dua të përmend emra të veçantë, por jam i bindur se deputetët që insistojnë në mandatet e treta e të katërta nuk i shërbejnë domosdoshmërisht të mirës së vendit. Edhe personalitetet më të shquara duhet ta kuptojnë se dy mandate janë të mjaftueshme. Dy mandate përfaqësojnë kulturë demokratike, qytetari politike dhe përgjegjësi ndaj shtetit. Nuk kam bërë një analizë të detajuar të rezultateve, por aq sa kam vërejtur, shumë prej ish-deputetëve që e konsideronin ulësen parlamentare si pronë të tyre personale kanë mbetur jashtë Kuvendit. Kjo është një nga anët më pozitive të këtyre zgjedhjeve dhe një shenjë se vetëdija qytetare, megjithëse e lënduar, ende ekziston dhe di të reagojë”, shprehet Zogaj.

Faktorët që kanë ndikuar në rënien e ish-deputetëve

Edhe analisti Gani Qarri, në një prononcim për “Bota sot”, vlerëson se mosrizgjedhja e disa deputetëve, sidomos nga PDK-ja si Hajdar Beqa dhe Xhavit Haliti, lidhet kryesisht me performancën e dobët individuale.

“Në fakt me numërimin e mëtejmë të votave, nëse vijon trendi i deritanishëm, mund të ketë serish ndryshim në shpërndarjen e mandateve të partive politike dhe parashikimet tanimë dëshmuan se Lëvizja Vetëvendosje arriti në 53 mandate në Kuvend, me ç`rast ndryshimet e radhës, ashtu siç pritej goditën pikërisht partitë opozitare dhe sërish vetë LDK-në, të cilës LVV ia mori përsëri edhe një mandat. Njoftimet në media bëjnë të ditur se edhe Xhavit Haliti, Hajdar Beqa, Adriatik Berisha, Bekë Berisha, Egzon Azemi, , bazuar në rezultatet aktuale, rrezikojnë të mbesin jashtë Kuvendit të kësaj legjislature, megjithëse fillimisht duhet pritur përfundimi i numërimit të të gjitha votave dhe certifikimi i zgjedhjeve nga KQZ, për të dalë me konkludime më të sakta. Në këto zgjedhje rreth 30 deputetë të legjislaturës së kaluar, pritet të mos jenë më, pjesë e përbërjes së re të Kuvendit, por te një pjesë e atyre që nuk kanë arritur të sigurojnë mandatin në votimet e 7 qershorit, veçanërisht te PDK, si Hajdar Beça e Xhavit Haliti etj, rënia më tepër ka ndodhur shkaku i performancës së dobët individuale, si dhe si pasojë e uljes drastike të mbështetjes nga votuesit, derisa AAK si parti minore ka arritur të marrë numër shumë të vogël të votave, ku përveç numrit të kufizuar të deputetëve, vije në shprehje edhe kuota gjinore”, deklaron Qarri.

Ai përmend edhe faktorë të tjerë që mund të kenë ndikuar në rënien e deputetëve, ndërsa nuk përjashton as mundësinë e zgjedhjeve të reja.

“Shto gjithë kësaj faktin se përveç faktorëve të tjerë të lartcekur, në renditjen e kandidatëve dhe formulimin e listës së deputetëve ka ndikuar mjaft edhe konkurrenca brenda listave zgjedhore, andaj disa nga deputetët e legjislaturave të kaluara, që do të mbeten jashtë Kuvendit, u mbetet ta provojnë fatin në situata më të favorshme dhe zgjedhjet e radhës, të cilat, në qoftë se vazhdon avazi i legjislaturës së kaluar me mosmarrëveshjet e njohura ndërmjet partive politike, për (mos)zgjedhjen e presidentit/es, edhe zgjedhjet tjera të parakohshme, mund të vijnë shumë shpejt dhe të mos jenë fare të largëta”, përfundon Qarri për “Bota sot”.

The post Zgjedhësit largojnë figurat e vjetra politike: cilët emra nuk siguruan mandat në Kuvend dhe çfarë ndikoi appeared first on Albeu.com.

Votat e shqiptarëve i kanë ndërprerë karrierën në Kuvend më shumë se gjysmës së deputetëve të mëparshëm. Mes 140 karrigeve në parlamentit të ri që do të nis në shtator, nuk do të ketë emra të njohur të politikës për shkak të performancës së dobët në zgjedhjet e 2025.

Në krahasim me votat e 2021, beteja e fortë brenda të njëjtës logo me ndryshimin e sistemit elektoral nuk i dha mundësinë për të qenë edhe 4 vitet e ardhshme ish Kryeministrit Pandeli Majko në Kuvend, pas 9 legjislaturave. Votat e tij preferenciale brenda vendit gati u përgjysmuan nga 8780 në 2021 në 4357 vota në 2025, dhe as diaspora me 2379 zgjedhës nuk e ndihmuan dot të arrinte të paktën të njëjtin rezultat.

Por në Partinë socialiste rënien më të fortë e mban Etjen Xhafaj, i zgjedhur deputet me 12 782 vota në 2021, shkëlqim i cili u zbeh 4 vite më vonë pasi mundi të marr vetëm 1054 vota brenda vendit dhe vetëm 142 vota jashtë. Goditje pësoi edhe socialisti Arben Pëllumbi duke kaluar nga 3774 vota në 1821 vota në territorin shqiptar.

Ish ministrja e mbrojtjes Mimi Kodheli gjithashtu shënoi një ulje të dukshme me 3790 vota brenda vendit në 2025 nga 5597 vota që mori në 2021. Rritje në vota me rreth 1000 vota pati Xhemal Qefalia dhe rreth 500 vota më shumë Blerina Gjylameti, megjithëse nuk ia dolën të mundnin kolegët me performancë më të mirë.

Nga kampi blu, ngeli ish kryetari i artisë Demokratike Lulzim Basha i cili në këto zgjedhje garoi me euroatlantikët dhe shënoi rënie të lirë në vota nga kulmi i mbi 16 mijë votave në 2021, nuk arriti të kapërcejë shifrën e 2000 votave në 2025.

Edhe ish nënkryetari demokrat Enkelejd Alibeaj sprovoi veten në një sigël të re por dështoi pasi mori vetëm 330 vota këto zgjedhje nga 5225 katër vite më parë. Jashtë Parlamentit mbetet edhe një ndër ish kryetarët e grupit të PD, Edmond Spaho pasi dështoi me gjysmën e votave në krahasim me 2021 me diferencë 3000 vota, vendosi të tërhiqej përfundimisht nga angazhimi politik.

The post Shkëlqimi dhe rënia e deputetëve! Nga Majko, te Spaho, Alibeaj, ulje drastike krahasuar me zgjedhjet e katër vite më parë appeared first on Albeu.com.

Ajo fitoi përballë rivales socialiste Maldrita Bardho në një garë të ngushtë përmes votave preferenciale. Gjatë fushatës, Caushi u bë e njohur për stilin e drejtpërdrejtë dhe sulmet publike ndaj kundërshtarëve politikë, veçanërisht Gazment Bardhit, duke tërhequr vëmendje të madhe në opinionin publik.

Tashmë ajo do të jetë pjesë e Kuvendit të ri si një nga 12 deputetët e PS në Fier.

The post Zegjine Caushi mund Maldrita Bardhon, fiton mandatin në Fier falë votave të diasporës appeared first on Albeu.com.

Ajo në ditën e sotme (e enjte) është regjistruar si deputete e Kuvendit të Kosovës, në kuadër të regjistrimit të deputetëve të Lëvizjes Vetëvendosje.

Në një prononcim para mediave, u shpreh e lumtur dhe theksoi se është një ditë e jashtëzakonshme për të dhe familjen e saj.

Mes tjerash, artistja thotë se do të bëjë maksimumin për komunitetin artistik, e artin në tërësi.

“Unë jam shumë e lumtur, sot është një ditë e jashtëzakonshme për mua dhe për familjen time. Do të presim në ditët në vazhdim për përgjigje, për momentin nuk kam”, tha ajo në prononcimin para mediave.

Vlen të ceket se Edona ka fituar afro 45 mijë vota, një rezultat i mahnitshëm që e konfirmoi si një nga përfaqësueset më të votuara.

The post Edona Llalloshi regjistrohet si deputete: Do të bëjë maksimumin për vendin tim e artin në tërësi appeared first on Albeu.com.

Në deklaratat e depozituara në KQZ rezulton se dy kandidatë i përkasin koalicionit Nisma Shqiperia Bëhet e Adriatik Lapajt në Korçë dhe në Kukës, Averdi Syla dhe Joan Sotir. Shkaqet e largimit nga kjo betejë zyrtarisht janë ato shëndetësore.

Po për të njëjtën arsye janë larguar edhe dy kandidatet e Partisë Socialdemokrate të Tom Doshit, Hyda Kuci dhe Daniela Alite në Berat dhe në Durrës, si dhe kandidatja e Partisë së Lëvizja Bashkë e Arlind Qorrit në Korçë, Xhilda Boçari.

Ndërsa Fadil Beka kandidat i Partisë Mundësia të Argon Shehajt ka dhënë si arsye pamundësinë e kandidimit, për shkak të profesionit të tij si mësues. Kandidati tjetër i përket partisë Alenca Demokratike e Re, Edi Piring në Korçë, i cili sipas deklaratës largohet për arsye familjare.

Ndërkohë disa ditë më parë, Komisioni Qendror i Zgjedhjeve i kërkoi Prokurorisë së Përgjithshme të verifikojë 16 kandidatë për deputete, përfaqësues të partive vogla. 4 prej tyre janë të koalicionit “Nisma – Shqipëria Bëhet e Adriatik Lapajt” dhe 4 të Socialdemokrates së Tom Doshit.

The post Zgjedhjet e 11 Majit, tërhiqen nga gara 7 kandidatët për deputetë appeared first on Albeu.com.

Ky proces kryhet në kuadër të ligjit të dekriminalizimit.

Kandidatët e dërguar për verifikim janë nga parti politike të ndryshme. Bëhet fjalë për 4 kandidatë të koalicionit Nisma Shqipëria Bëhet, 4 të Partisë Social Demokrate, dy të Partisë Mundësia të Agron Shehajt, dy të partisë “Aleanca Demokracia e Re” dhe nga një të Koalicionit Euroatlantik, të Lëvizjes Bashkë si dhe të koalicionit “Djathtas për Zhvillim”.

Lista e kandidatëve të dërguar për verifikim:

1. Gramos Fejzi Ismailaj, kandidat për deputet në qarkun Vlorë nga Partia “Aleanca Demokracia e Re

2. Ndriçim Asqeri Kamberaj, kandidat për deputet në qarkun Vlorë nga Partia “Aleanca Kombëtare Shqipëtare”

3. Arjel Selami Rragami, kandidat për deputet në qarkun Shkodër nga Koalicioni “Djathtas Për Zhvillim”

4. Desard Xhevdet Muzhaqi, kandidat për deputet në qarkun Elbasan nga “Koalicioni Euroatlantik”

5. Dritan Vesel Tafhasaj, kandidat për deputet në qarkun Kukës nga Partia Lëvizja Bashkë

6. Adela Ferhat Qemali, kandidat për deputet në qarkun Tiranë nga Partia “Mundësia”

7. Altin Avni Muceku, kandidat për deputet në Tiranë nga Partia “Mundësia”

8. Entela Skënder Sula, kandidat për deputet në Tiranë nga “Nisma Shqipëria Bëhet-Adriatik Lapaj”

9. Erjon Ismail Selmani, kandidat për deputet në Lezhë nga Koalicioni Nisma Shqipëria Bëhet – Adriatik Lapaj”, Qarku Lezhë, për zgjedhjet për Kuvend të datës 11 maj 2025”.

10. Euglen Mario Gjini, kandidat për deputet në Fer nga Koalicioni “Nisma Shqipëria Bëhet – Adriatik Lapaj

11. Gazmir Dod Memaj, kandidat për deputet në Shkodër nga Koalicioni “Nisma- Shqipëria Bëhet – Adriatik Lapaj”

12. Florjan Afrim Tomçini, kandidat për deputet në Dibër nga subjekti zgjedhor “Partia Socialdemokrate”

13. Klaudio Klement Zotaj, kandidat për deputet në Vlorë nga subjekti zgjedhor “Partia Socialdemokrate”

14. Kreshnik Gjon Gjonaj, kandidat për deputet në Lezhë nga “Partia Socialdemokrate”

15. Lisman Sami Pellumaj, kandidat për deputet në Shkodër nga Partia “Socialdemokrate”

16. Geront Mexhit Stefo, kandidat për deputet në Korçë nga Partia “Aleanca Demokracia e Re”

The post Zgjedhjet e 11 majit/ KQZ dërgon për verifikim në Prokurori 16 kandidatë për deputetë (EMRAT) appeared first on Albeu.com.

Nga informacionet që kemi ne dalin deputetë dhe ministra të mazhorancës të lidhur me krimin. Ju garantoj se nga informacionet që kemi ne nuk ka deputetë të opozitës të lidhur me krimin.

Është përhapur një informacion i rreme në media për deputetë të opozitës, por ky informacion synon shantazhimin e deputetëve të opozitës”, tha Paloka.
Ai tha se Komisioni i së Vërtetës do të zbardhë për shqiptarët të gjitha lidhjet e politikës me krimin e organizuar.

Paloka po ashtu theksoi se Partia Demokratike do të vendosë në mbledhjen e Grupit Parlamentar, që do të zhvillohet në orën 15:00, raportet që do të kenë me Kuvendin, pas burgosjes së ligjvënësit Ervin Salianji.

Ai tha se me përjashtim të tij dhe deputetes Jorida Tabaku, asnjë nga ligjvënësit e PD-së, nuk ka marrë pjesë në mbledhjet e Komisioneve.

“Vendimi do të merret në mbledhjen e grupit parlamentar, por sot në mbledhjen e Komisionit për Ccështjet Europiane, unë dhe deputetja Tabaku morëm pjesë dhe mbajtëm qëndrimin tonë përsa i takon procesit të integrimit. Ne nuk qëndruam, bëmë publik qëndrimin e opozitës dhe u larguam”, tha Tabaku.

I pyetur nëse opozita ka mbështetjen e opozitës lidhur me qëndrimet apo propozimet që ka, deputeti demokrat tha se nuk besonte se ka ndonjë ndërkombëtar që kundërshton luftën ndaj krimit.

Paloka tha se ajo që opozita propozon është lufta ndaj krimit dhe lidhjeve të tij me politikën dhe nuk besoj se ka diplomatë, përfshi edhe ata që paguhen nga Soros apo përfitojnë nga Qeveria, që të dalin dhe ta kundërshtojnë publikisht.

The post Zbërthimi i “SKY” dhe “Encrochat”/ Edi Paloka: Ministra dhe deputetë të mazhorancës të lidhur me krimin appeared first on Albeu.com.