Hulumtimet e reja sugjerojnë se femrat që punojnë për orë të gjata janë më të rrezikuara nga depresioni – më shumë sesa meshkujt që punojnë në të njëjtin orar.

Gjithashtu, hulumtimet thonë se edhe puna në vikend mund të jetë kontribuues i problemeve të ndryshme të shëndetit mendor.

Analiza e të dhënave me 22,000 punëtorë ka zbuluar se femrat që kishin punuar me orar të gjatë (më shumë sesa 55 orë në javë), kanë qenë 7.3% më të prira të kenë simptoma depresive sesa femrat që punojnë 35-40 orë në javë.

Shkencëtarët gjithashtu kanë theksuar se puna gjatë vikendeve lidhet me një rrezik më të lartë të depresionit te dy gjinitë, ku femrat që punojnë në vikend kanë 4.6% shanse të jenë më depresive, ndërkaq meshkujt 3.4%.

Ata kanë theksuar se lidhja mes punës në vikend dhe depresionit mund të jetë për shkak se ata që punojnë vikendeve gjithashtu kanë tendenca të bëjnë punë që paguhen më pak, ku depresioni është më prezent.

Edhe pakënaqësia me punën mund të kontribuojë në ato ndjenja depresive.

The post Puna në fundjavë rrit rreziqet e depresionit appeared first on Albeu.com.

Nga ana tjetër, ekspertët e fushës thonë se aktiviteti fizik kur kryhet në mënyrë të rregulltë zbut ndjeshëm simptomat e depresionit.

Tingëllon paradoksale apo jo?

Një studim i kryer nga Universiteti i Teksasit zbuloi se vetëm 30 minuta aktivitet i moderuar fizik në harkun kohor të pesë ditëve mund të zbusë në mënyrë të ndjeshme simptomat e depresionit, ose edhe t’i përgjysmojë ato.

Padyshim që aktiviteti fizik nuk luan rol zëvendësues për medikamentet kundër depresionit, por është pa kurrfarë mëdyshjeje, i mirë.

Përmirëson humorin

A e keni vënë re sa të gjallëruar dhe sa të hareshëm ndiheni pas një vrapi?

Studimet tregojnë se aktiviteti fizik është i fuqishëm në përmirësimin e humorit.

Njerëzit që vuajnë nga depresioni dhe kombinojnë barnat me aktivitetin fizik kanë mundësinë të dalin sa më shpejt prej sëmundjes.

Aktiviteti fizik ndihmon në sekretimin e hormoneve pozitive.

Një studim i publikuar në American Journal of Psychiatry ka zbuluar se vetëm një orë aktivitet fizik në javë mund të mjaftojë për të parandaluar depresionin duke u bërë kështu një forcë madhore për shëndetin mendor.

Më shumë vetëbesim

Aktiviteti fizik përmirëson edhe vetëbesimin tek njeriu, thonë ekspertët.

Sipas tyre, kryerja e aktivitetit fizik, pavarësisht kohës apo intensitetit nxit një imazh më të mirë të vetes.

Më pak frikë

Aktiviteti fizik lufton mjaft mirë simptomat e panikut dhe ankthit siç janë: djersitja, marramendja apo rrahjet e larta të zemrës.

Nëse njeriu kryen rregullisht ushtrime, ai bëhet më pak i ndjeshëm ndaj këtyre problemve mendore dhe emocionale dhe nuk percepton rrezik të shtuar.

Aktivitetet më të mira fizike për njerëzit që vuajnë nga depresioni janë: ecja, vrapi, çiklizmi, noti, aerobia, zumba dhe çdo gjë që vë trupin dhe trurin në lëvizje drejt mirëqenies së lakmuar.

The post Zgjidhja kundër ankthit dhe depresionit appeared first on Albeu.com.

Përmes një shkrimi të publikuar në InstaStory, Fero ka kërkuar ndihmën e mediave vendore për ta mbështetur në një çështje të rëndësishme, që dëshiron ta bëjë publike.
Ai thekson se po përballet me një padrejtësi që, sipas tij, po i bëhet nga organet e drejtësisë.

“I thërras të gjitha mediat që të më lajmërohen sepse jam në shqetësim të madh, është duke më u bërë një padrejtësi shumë e madhe prej organeve të ligjit zbatues më saktësisht Gjykatës së Gjilanit. Jam i thyer emocionalisht shumë dhe jam në depresion të rëndë”, ka shkruar reperi nga Gjilani në mesazhin e tij të sinqertë.

Ky njoftim ka ngjallur shqetësim te fansat dhe ndjekësit e tij, duke shprehur solidaritet dhe mbështetje për artistin në këtë periudhë të vështirë.

Situata mbetet e paqartë për momentin, ndërsa pritet të zbulohet më shumë për të hedhur dritë mbi rrethanat e plota të çështjes.

The post Fero pranon se është në depresion të thellë, kërkon publikisht ndihmën e mediave: Po më bëhet padrejtësi appeared first on Albeu.com.

Kjo përvojë është e zakonshme dhe mund të jetë sfiduese.

Realiteti i depresionit pas diplomimit

Kalimi nga bota akademike në “streset” e jetës së të rriturve mund të na çojë natyrshëm në ndjenjat e zbrazëtisë dhe konfuzionit.

Edhe pse nuk është renditur zyrtarisht në “Manualin Diagnostik dhe Statistikor të Çrregullimeve Mendore” (DSM-5), shumë të sapodiplomuar i përjetojnë këto simptoma depresive.

1. Përballja me realitetin: Kalimi nga një mjedis i strukturuar akademik në një realitet të paparashikueshëm mund të jetë stresues.

2. Pasiguria në punësim: Lufta për të siguruar një punë mund të dëmtojë vetëvlerësimin dhe të rrisë nivelet e ankthit.

3. Rrethi shoqëror: Humbja e mbështetjes së përditshme të miqve mund të çojë në izolim.

4. Presion për të ardhura financiare: Jeta pas-studentore dhe kostot që e shoqërojnë lidhen ndjeshëm me depresionin.

5. Mungesa e rutinës: Një orar i pastrukturuar mund të çojë në ndjenjën e mungesës së qëllimit.

· Trishtim ose zbrazëti e vazhdueshme
· Humbja e interesit për aktivitete të caktuara
· Lodhje dhe mungesë energjie
· Ndryshime në oreks ose në peshë
· Çrregullime të gjumit
· Vështirësi në përqendrim
· Ndjenjat e pavlefshmërisë

Por…Si t’i tejkaloni këto simptoma?

1. Krijoni një rutinë: Krijimi i një programi ditor ju mban aktivë, të fokusuar dhe redukton stresin.

2. Vendosni objektiva realiste: Ndani detyrat në hapa të menaxhueshëm dhe festoni arritjet e vogla.

3. Ruani raportet: Qëndroni në kontakt me miqtë dhe familjen për të luftuar izolimin.

4. Praktikoni kujdesin për veten: Jepni përparësi ushtrimeve, ushqimit të shëndetshëm dhe pasione.

5. Kërkoni ndihmë profesionale: Terapistët dhe këshilluesit e shëndetit mund të ofrojnë mbështetje të vlefshme. Terapia konjitive-sjellëse (CBT) është efektive.Mos harroni se nuk jeni vetëm!

Depresioni pas diplomimit është një sfidë e vërtetë, por ju nuk jeni vetëm. Kalimi nga universiteti në realitetin e të rriturve kërkon kohë.

Duke kuptuar shkaqet dhe simptomat dhe duke zbatuar strategji efektive të përballimit të këtij tranzicioni, ju mund ta kaloni me sukses në këtë periudhë të vështirë, citon Anabel.

Mbani mend: Kapitulli tjetër i jetës suaj është i mbushur plot me mundësi të reja.

The post Depresioni pas diplomimit, shkaqet dhe si ta tejkaloni appeared first on Albeu.com.

Ky i fundit është një sëmundje mjekësore që shfaqet me disa simptoma të cilat ndikojnë në mënyrën e të menduarit, ndjenjave dhe përballjes me aktivitetet ditore.

Këtu përfshihet edhe gjumi, ushqyerja apo puna.

Depresioni është më i përhapur tek gratë se tek burrat, për shkak të disa faktorëve biologjikë, hormonalë dhe socialë që prekin gratë.

Në këtë artikull do të mësoni 5 gjëra shumë të rëndësishme që duhet të dini patjetër për depresionin që prek gratë.

Depresioni është një problem mjekësor

Simptomat e depresionit mund të ndërhyjnë negativisht tek aftësia e grave për të punuar, fjetur, ngrënë dhe shijuar jetën.

Shkaqet depresionit janë ende të panjohura por ka disa studime që sugjerojnë se kjo sëmundje shkaktohet si pasojë e një kombinimi faktorësh genetikë, biologjikë, mjedisorë dhe fiziologjikë.

Shumica e njerëzve të prekur nga depresioni kanë nevojë për trajtim mjekësr që të shërohen.

Me depresionin nuk bëhet shaka

Miqtë dhe familjarët e të prekurve me depresion mund ta mendojnë si një problem nga i cili mund ta mbledhësh veten.

Depresioni nuk shërohet vetëm duke qenë pozitivë apo duke u përpjekur fort për të qenë të lumtur. Depresioni nuk është shenjë dobësie e një personi apo një e metë e karakterit.

Njerëzit që vuajnë nga depresioni kanë nevojë për trajtim mjekësor. Pacientët që vuajnë nga depresioni kanë nevojë për mbështetje emocionale, mirëkuptim, durim dhe kurajo.

Ndjenjat e tyre nuk duhen anashkaluar.

Depresioni kalohet vetëm me trajtim mjekësor

Nëse mendoni se vuani nga depresioni, është e udhës të vizitoheni tek një mjek dhe të mos bëni vetë-diagnostikim.

Ndonjëherë, disa medikamente dhe disa sëmundje siç janë ato të tiroides mund të shfaqen me simptoma të ngjashme me depresionin. Një vizitë tek mjeku mund të shmangë çdo konfuzion të mundshëm.

Sipas të dhënave, depresioni është një sëmundje që shërohet vetëm më trajtim mjekësor.

Mërzia dhe trishtimi mund të jenë pjesëza të vogla të depresionit. Por në të vërtetë, njerëzit e depresionuar nuk janë të mërzitur.

Ato përjetojnë simptoma fizike si dhimbjet e ndryshme, kontraktimet apo problemet me oreksin dhe tretjen. Një person që vuan nga depresioni has probleme me gjumin dhe zgjimin dhe ndihet gjithnjë i lodhur.

Nëse keni përjetuar simptoma e mëposhtme për të paktën 2 javë, atëherë ndoshta mund të jeni prekur nga depresioni.

Ndjesi ankthi ose boshllëku
Ndjesia e të qenit të pashpresë ose pesimistë
Acarim
Ndjenjë faji, braktisjeje dhe të qenit pa vlerë
Mungesë energjie dhe lodhje
Vështirësi në fjetje, zgjim ose fjetje për orë të gjata
Humbje interesi për aktivitetet e pëlqyera më parë
Vështirësi në përqendrim, kujtesë apo vendimarrje
Ndryshime në oreks
Mendime që kanë të bëjnë me vetëvrasjen ose vdekjen
Dhimbje të ndryshme trupore pa ndonjë shkak fizik

Është shumë e rëndësishme që gjatë takimit me mjekun të jeni të sinqertë, të qartë dhe të përpiktë në mënyrë që të merrni trajtimin e duhur.

Disa lloje të depresionit prekin vetëm gratë

Gratë pësojnë ndryshime dramatike fizike dhe hormonale. Ato ndodhin gjatë periudhës pas lindjes, para menopauzës apo ciklit menstual.

Depresioni pas lindjes është një problem shumë serioz dhe mund të shkaktojnë vështirësi të mëdha për nënën e re.

Simptomat e depresionit nuk janë të njëjta për çdo grua dhe ashpërsia e tyre varet nga individi dhe organizmi.

Depresioni është i kurueshëm

Depresioni mund të kurohet me medikamente dhe terapi me psikiatrin. Nëse këto dy trajtime nuk funksionojnë atëherë njeriu ka nevojë për trajtime të tjera që stimulojnë trurin dhe janë të nevojshme patjetër takimi me mjekët specialsitë./AgroWeb.org

The post Depresioni tek gratë, ja çfarë duhet të dini për shëndetin tuaj appeared first on Albeu.com.

Pra, nëse mendoni se vera po ju shkakton depresion, kushtojini vëmendje sa vijon:

– Shikoni dietën tuaj, përpiquni të hani atë që trupi juaj ka nevojë edhe nëse nuk jeni të uritur

– Për të menaxhuar pagjumësinë, rregulloni orarin tuaj në mënyrë që të zgjoheni dhe të shkoni në shtrat në të njëjtën kohë

– Përfshini në orarin tuaj ditor të paktën një aktivitet që ju kënaq ose provoni një hobi të ri

– Mundohuni të mos izoloheni, bisedoni me njerëzit që keni besim dhe kërkoni ndihmën e tyre.

The post Të tjerët po ikin me pushime, ju jeni në punë? Si të menaxhoni depresionin appeared first on Albeu.com.

Një studim me 2672 pjesëmarrës zbuloi se ata me ankth dhe depresion kishin më shumë gjasa të raportonin rezultate më të dobëta të gjumit sesa ata pa ankth dhe depresion.

Kur jemi të lodhur, aftësia jonë për t’u përqëndruar në detyrat, reflekset dhe kohën e reagimit zvogëlohet.

Qendrat për Kontrollin dhe Parandalimin e Sëmundjeve (CDC) raportojnë se 1 në 25 njerëz ka rënë në gjumë në timon gjatë vozitjes. Ata që flinin më pak se 6 orë kishin më shumë gjasa të binin në gjumë gjatë vozitjes.

Një studim i vitit 2018 zbuloi se njerëzit që flinin 6, 5, 4 ose më pak se 4 orë kishin një rrezik për të shkaktuar një aksident automobilistik që ishte përkatësisht 1.3, 1.9, 2.9 dhe 15.1 herë më i lartë. Ky studim sugjeron që rreziku juaj për një aksident automobilistik rritet ndjeshëm me çdo orë gjumi të humbur.

Në studime të tjera, njerëzit me çrregullime të gjumit gjithashtu raportojnë shkallë më të lartë të depresionit.

Nëse keni probleme me gjumin dhe vini re se shëndeti juaj mendor është përkeqësuar, është e rëndësishme të flisni me profesionistin tuaj të kujdesit shëndetësor.

The post Mungesa e gjumit dhe lidhja e tij me depresionin/ Gjithçka që duhet të dini appeared first on Albeu.com.

Në një intervistë të transmetuar në rrjetin social “X” të hënën, Musk u pyet nëse do të konsumonte ndonjëherë drogë ose alkool. Ai mohoi të kishte marrë ndonjëherë substanca rekreative si kanabisi ose kokaina, me përjashtim të një rasti ku provoi kanabis me prezantuesin Joe Rogan në 2018-n. Megjithatë ai u shpreh se mjekët e tij i kanë dhënë ketaminë, e cila është një substancë e kontrolluar në SHBA.

“Ka raste kur kam një lloj… gjendje negative në trurin tim, si depresioni mendoj… depresioni që nuk është i lidhur me ndonjë lajm negativ, dhe ketamina është e dobishme për të nxjerrë një person nga këto korniza negative”, tha Musk.

Kritikët e Musk e kanë akuzuar prej kohësh për abuzim me lëndë narkotike.

The post “Më largon depresionin”/ Elon Musk zbulon drogën që përdor appeared first on Albeu.com.

Fanatiku i ekstremit të djathtë – i vrau 77 njerëz gjatë një sulmi të tërbuar me bombë dhe të shtëna në vitin 2011 – e ka paditur shtetin, duke argumentuar se kushtet e burgut i shkelin të drejtat e tij njerëzore.

Breivik u fut në sallën e gjyqit për seancën dëgjimore të së hënës i shoqëruar nga tri roje të sigurimit. Ai nuk tha asgjë dhe qëndroi ulur derisa ekipi i tij e shtroi çështjen.

“Ai është mbajtur i izoluar për 12 vjet… ai jeton në një botë plotësisht të ngujuar”, tha para gjykatës avokati i tij, Oeystein Storrvik.

“Ai nuk dëshrion të jetojë më”, shtoi Storrvik. Në një incident në vitin 2018, Breivik shkroi në murin e qelisë së tij “MË VRITNI” duke përdorur jashtëqitjen e vet, tha avokati.

Breivik vrau tetë njerëz me një bombë në veturë në Oslo, pastaj 69 të tjerë me armë zjarri, shumica e të cilëve ishin adoleshentë, në një kamp për të rinj të Partisë Laburiste më 22 korrik 2011.

Ky është krimi më i rëndë në historinë e kohës paqësore të Norvegjisë.

Avokatët që e përfaqësojnë Ministrinë e Drejtësisë thonë se Breivik duhet të mbahet i izoluar nga pjesa tjetër e të burgosurve, për shkak se vazhdon të jetë kërcënim i vazhdueshëm për sigurinë.

“Për një të burgosur tejet të rrezikshëm nevojiten masa të jashtëzakonshme”, tha avokati Andreas Hjetland në gjykatë të hënën.

“Ai ende ndihet krenar për atë që e ka bërë. Ai ende mban qëndrimet e njëjta ideologjike”, shtoi ai.

Breivik e tundi kokën në shenjë mospajtimi.

Breivik është duke e kryer një dënim me 21 vjet burgim – dënimi më i rëndë që mund ta japë një gjykatë norvegjeze – i cili mund të zgjatet për aq gjatë sa ai cilësohet kërcënim për shoqërinë.

The post Vrasësi masiv norvegjez Breivik në “depresion të thellë”, thotë avokati i tij appeared first on Albeu.com.

Global Health Data Exchange vlerëson se 251-310 milionë njerëz në mbarë botën vuajnë nga depresioni. Ndërsa depresioni është i zakonshëm, ai është gjithashtu, për fat të mirë, i trajtueshëm.

Sipas një studimi të Barrës Globale të Sëmundjeve, në krye të listës së vendeve me popullsinë më depresive kryeson Groenlanda me 6.61 për qind, pasuar nga Greqia 6.52, Spanja 6.04, Portugalia 5.88, Palestina dhe Tunizia me nga 5.75 secila, Bahrejni 5.52, Maroku 5.49, Irani 5.48 dhe Lituania me 5.42 për qind.

Ndër vendet me më pak depresion janë Singapori 2.45 për qind, Timori Lindor 2.41 për qind, Peru 2.36, Mjanmari 2.28 dhe vendi me më së paku depresion është Brunei, shtet në Azi, me 1.83 për qind.

Shqipëria ndërkaq renditet e 162-ta me 3.05 për qind, derisa Kosova nuk është e përfshirë në listë.

Ndryshe, simptomat e depresionit mund të variojnë nga të lehta në të rënda dhe përfshijnë si më poshtë: një ndjenjë e vazhdueshme trishtimi, humbja e interesit për aktivitetet e shijuara dikur, ndryshimet në oreks – humbje ose shtim në peshë, probleme me gjumin etj.

Faktorët e rrezikut për depresion përfshijnë: biokiminë (dallimet në kimikatet në tru), gjenetikë (depresioni mund të jetë i trashëguar), personaliteti (ata që janë përgjithësisht pesimistë ose kanë vetëvlerësim të ulët kanë më shumë gjasa të përjetojnë depresion) dhe mjedisin (ata që janë të ekspozuar ndaj dhunës, abuzimit, neglizhencës ose varfërisë kanë më shumë gjasa të përjetojnë depresion).

Depresioni prek rreth 1 në 15 të rritur në çdo vit të caktuar dhe 1 në 6 njerëz do të përjetojnë depresion në një moment të jetës së tyre.

Një studim ‘Our World In Data’ vlerëson se rreth 3.4% (2-6% kur përfshihet marzha e gabimit) e popullsisë globale ka depresion. Bëhet fjalë për rreth 264 milionë njerëz në mbarë botën.

The post Këto janë shtetet me numrin më të lartë të popullsisë në depresion, ku renditet Shqipëria appeared first on Albeu.com.