Gjatë vitit 2022, Thesari ndërmori veprime të shumta për të promovuar përgjegjësinë për abuzuesit e të drejtave të njeriut dhe aktorët e korruptuar në të gjithë botën, duke përfshirë sanksione ndaj dhjetëra individëve dhe subjekteve duke përfshirë në Ballkanin Perëndimor, Bjellorusi, Liberi, Guatemalë, Federatën Ruse, Burma, dhe Irani. Thesari përdori mjete dhe autoritete të ndryshme – duke përfshirë Urdhrin Ekzekutiv (EO) 13818, i cili bazohet dhe zbaton Aktin Global Magnitsky të Përgjegjshmërisë për të Drejtat e Njeriut – për të demonstruar fokusin e qeverisë së SHBA në promovimin e respektimit të të drejtave të njeriut dhe kundër korrupsionit.

“Aktorët e korruptuar dhe abuzuesit e të drejtave të njeriut mbështeten të dy në mangësitë në sistemin financiar ndërkombëtar për të kryer aktivitetet e tyre,” tha nënsekretari i Thesarit për Terrorizmin dhe Inteligjencën Financiare, Brian E. Nelson. “Gjatë vitit të kaluar, Thesari e ka bërë luftën kundër korrupsionit dhe abuzimit serioz të të drejtave të njeriut një prioritet kryesor, duke përfshirë përdorimin e sanksioneve financiare dhe adresimin e dobësive në sistemet financiare të SHBA-së dhe ndërkombëtare. Duke ekspozuar sjelljen skandaloze të këtyre aktorëve, ne mund të ndihmojmë në ndërprerjen e aktiviteteve të tyre, çmontimin e rrjeteve të tyre dhe t’i zhdukim ata nga burimet.”

Shtetet e Bashkuara janë të përkushtuara për të ndërmarrë veprime në përputhje me vlerat e tyre dhe pranojnë se respektimi i të drejtave të njeriut është një parakusht për paqen, sigurinë dhe prosperitetin global. Sot OFAC caktoi gjithashtu dy individë dhe rrjetet e subjekteve që ata kontrollojnë në lidhje me abuzimin serioz të të drejtave të njeriut në anijet e peshkimit në ujëra të largëta.

The post Departamenti i Thesarit i SHBA sanksionon 40 persona nga 9 shtete për korrupsion appeared first on Albeu.com.

Në njoftimin e Departamentit amerikan të Thesarit thuhet se në korrik 2022, aktorët e sulmeve kibernetike, me mbështetje e qeverisë së Iranit dhe Ministrisë iraniane të Zbulimit dhe Sigurisë, ndërprenë sistemet kompjuterike të qeverisë shqiptare, duke e detyruar qeverinë të pezullojë shërbimet publike online për qytetarët e saj.

“Sulmi kibernetik i Iranit kundër Shqipërisë shpërfill normat e veprimeve të përgjegjshme shtetërore në kohë paqeje në hapësirën kibernetike, ku përfshihet norma për të mos dëmtuar infrastrukturën kritike që ofron shërbime për publikun,” tha nënsekretari i Thesarit për Terrorizmin dhe Zbulimin Financiar, Brian E. Nelson.

“Ne nuk do të tolerojmë aktivitetet kibernetike gjithnjë e më agresive të Iranit që vënë në shënjestër Shtetet e Bashkuara ose aleatët dhe partnerët tanë.”

Në njoftimin e Departamentit të Thesarit thuhet se që nga viti 2007 kjo ministri ka kryer operacione keqdashëse kibernetike që kanë vënë në shënjestër një numër organizatash qeveritare dhe të sektorit privat në mbarë botën dhe në sektorë të ndryshëm të infrastrukturës kritike.

Si rezultat i përcaktimit të sotëm të Minisrisë dhe Ministrit, Esmail Khatibi të gjitha pronat dhe interesat në pronësi të tyre, që janë nën juridiksionin e Shteteve të Bashkuara bllokohen dhe amerikanëve u ndalohet të hyjnë në transaksione me ta.

Po ashtu, çdo biznes, që zotërohet në masën 50 për qind ose më shumë, nga personat apo entitetet e vëna nën saknsione, gjithashtu do të bllokohet.

Edhe personat jo amerikanë që angazhohen në transaksione të caktuara me këta persona mund të bëhen objekt sanksionesh dhe çdo institucion financiar i huaj që me vetëdije kryen ose lehtëson një transaksion të rëndësishëm për ose në emër të personave të caktuar, mund t’u nënshtrohet sanksioneve nga Shtetet e Bashkuara.

The post Sulmet kibernetike ndaj Shqipërisë, SHBA sanksionon Iranin appeared first on Albeu.com.

“Individët dhe kompanitë në cak të këtyre sanksioneve, duhet të mbahen përgjegjëse, ndërsa aktivitetet e tyre, të cilat shkaktojnë destabilitet, duhet të ndalen”, citon deklaratën e Ahernit Ambasada amerikane në Serbi.

Departamenti i Thesarit i SHBA-së, më 8 dhjetor, futi në listë të sanksioneve udhëheqës të, siç tha, grupit të krimit të organizuar në Kosovë dhe kompani të udhëhequra nga ta.

Sipas Departamentit të Thesarit, ata shkaktuan destabilitet dhe ushtruan veprimtari korruptive, me çka u dëmtuan qytetarët dhe ekonomia e Kosovës dhe e Serbisë.

“Presidenti [i SHBA-së, Joe] Biden qartazi bëri me dije se luftimi i korrupsionit është prioritet kryesor i SHBA-së. Departamenti i Thesarit do të vazhdojë t’i mbajë përgjegjës protagonistët e korrupsionit, kudo qofshin ata”, tha Ahern.

Ahern, gjatë vizitës në Serbi nga data 13 deri më 15 dhjetor, u takua me përfaqësuesit kryesorë të pushtetit dhe bizneseve, ndërsa bisedoi për tema të interesit të përbashkët, thuhet në njoftimin e Ambasadës amerikane.

Ahern, këtë javë, do të vizitojë edhe vende të tjera të rajonit, për t’u informuar, siç thuhet, se deri në çfarë mase kërcënojnë stabilitetin dhe prosperitetin e Ballkanit Perëndimor krimi i organizuar dhe korrupsioni.

Departamenti i Thesarit i SHBA-së futi në listë të sanksioneve nënkryetarin e Listës Serbe – partisë kryesore serbe në Kosovë – Millan Radoiçiq, biznesmenët nga veriu i Kosovës, Zvonko Vesellinoviq dhe vëllain e tij Zharko Vesellinoviq, si dhe dhjetë persona të tjerë të lidhur me ta.

Vëllezërit Vesellinoviq, Radoiçiq, pastaj Zhelko Bojiq dhe Marko Roshiq thuhet se u takojnë rrjeteve korruptive të lidhura me krimin e organizuar ndërkombëtar.

Zyrtarët e Kosovës i kanë mirëpritur sanksionet e SHBA-së kundër grupit të serbëve nga veriu i Kosovës, ndërsa presidenti i Serbisë, Aleksandar Vuçiq, ka thënë se autoritetet kompetente të vendit të tij do të hetojnë nëse ka “akuza të rënda”./REL/

The post Zyrtari amerikan: Të sanksionuarit e rrjeteve kriminale, të mbahen përgjegjës appeared first on Albeu.com.