PD shprehet se tenderi për ndërtimin e rrugës Auto Kika-Gj. Dragobisë-Qafë Paje u fitua nga një ofertë e vetme, pas skualifikimit të disa konkurentëve me çmime më të ulëta.

Kompania fituese, sipas PD, ‘Vllaznimi’ shpk, ka lidhje familjare me Byberin, ç`ka tregon për klientelizëm dhe mungesë transparence.

PD akuzon Bashkinë për pandëshkueshmëri dhe abuzim të përsëritur me fondet publike.

The post Partia Demokratike: Kryebashkiaku i Tropojës favorizon kushëririn me tender 82.9 milionë lekë appeared first on Albeu.com.

Socialisti shprehet se ky krim mjedisor, duhet të ndalet menjëherë dhe shton më tej se kjo evidentohet edhe për shkak të aromës së rëndë që ndihet në zonë.

“Derdhja e ujërave të zeza në liqen është krim mjedisor, mjafton të lëvizësh në këtë anën e liqenit që kufizuar me liqenin e thatë dhe zonën rreth e qark për të kuptuar thjesht nga aromat se sa ujëra të zeza po derdhen në liqen. Duhet ndalur. Kjo është e vetmja hapësirë ujore brenda parkut dhe brenda gjithë Tiranës”, dëgjohet të thotë Braçe në video.

Krahas videos, deputeti shkruan se: “DERDHJA E UJRAVE TË ZEZA NË LIQEN NGA ZONA E LIQENIT TË THATË – mbi të dhe anash tij në drejtim të Kopshtit Zoologjik, ËSHTË EVIDENTE, TË ÇAJNË HUNDET, VEÇANËRISHT PAS NJË PERIUDHE TË GJATË TË NXEHTË DHE PA RRESHJE. NUK KA DHUNIM MË TË RËNDË TË HAPËSIRËS PUBLIKE, NË KUFIJTË E NJË KRIMI MJEDISOR! DUHET TË NDAAAAAALUUUUUUR!”.

 

View this post on Instagram

 

A post shared by Erion Braçe (@erionbrace)

The post Erion Braçe denoncon krimin mjedisor: Ujërat e zeza po derdhen në Liqenin Artificial (VIDEO) appeared first on Albeu.com.

PD solli edhe pamjet për të provuar këtë skandal:

“Zoti Celibashi duhet të jetë me dije se përgjegjësia e KQZ-së fillon me procedurën e prokurimit, zbatimin e saj, lidhjen dhe implementimin e plotë e të suksesshëm të kontratës përfshirë mirëmenaxhimin e fondeve publike.

E meqenëse kontrata është ende në fazë zbatimi të marri masat e parashikuara në aktet ligjore dhe në kontratën respektive kundrejt përgjegjësve të dështimit të përmbushjes së detyrimeve kontraktuale”,– thekson Vangjeli.

Deklarata e plotë:

Në konferencën për shtyp të datës 10 Qershor Kreu i KQZ z. Ilirjan Celibashi u prononcua pa asnjë lloj droje se procesi i votimit nga jashtë është zhvilluar në mënyrë model … dhe shpërndarja e zarfeve në shtetin grek nuk cenoi procesin për mënyrën si u organizua si dhe për integritetin e tij…

Zbatimi i kontratës nr.1358/20 datë 4 prill 2025 së lidhur ndërmjet KQZ dhe kontraktorit DHL kërkon zbatimin e kushteve tërësisht të ndryshme nga sa paraqitet në pamjet në vijim…

Fotot e sapondjekura kanë mbërritur në adresën tonë nga qytetarë që jetojnë në Greqi dhe votuan në këtë vend, të cilët deklarojnë se tërhoqën dhe dorëzuan zarfet me fletët e votimit në magazina ku shiten cigare e jo vetëm….

Ky ishte procesi model sipas z. Celibashi, ku adresat e qytetarëve janë nëpër “tabachino”, dhe zarfet tërhiqen e dorëzohen në këto ambiente.

Këto sa i takon votimit në Greqi, ndërkohë akoma nuk kremi një përgjigje përse DHL nuk paraqet provat e dorëzimit të zarfit tek çdo votues në diasporë, në Itali, Shtetet e Bashkuara apo Mbretërinë e Bashkuar…

Sipas z. Celibashi përgjegjësia e KQZ përfundon te përzgjedhja e operatorit me reputacion sa më të mirë me sa më pak para, si dhe ndërtimi i një kontrate të mirë e cila është ende në zbatim.

Zoti Celibashi duhet të jetë me dije se përgjegjësia e KQZ-së fillon me procedurën e prokurimit, zbatimin e saj, lidhjen dhe implementimin e plotë e të suksesshëm të kontratës përfshirë mirëmenaxhimin e fondeve publike.

E meqenëse kontrata është ende në fazë zbatimi të marri masat e parashikuara në aktet ligjore dhe në kontratën respektive kundrejt përgjegjësve të dështimit të përmbushjes së detyrimeve kontraktuale …

The post Vota e diaspores/ PD denoncon skandalin: Zarfet u tërhoqën në dyqane duhani në Greqi appeared first on Albeu.com.

Berisha publikoi një video që, sipas tij, tregon momentin e shpërndarjes së parave për vota në zonën e Babrrusë, në Tiranë.

Në fjalën e tij, Berisha u shpreh: “Narkoqeveria e Edi Ramës nuk u mjaftua me 76 milionë euro të shpërndara si ‘bonus pensionistësh’, që përbëjnë 48% të votuesve. As me 200 milionë euro të falura në gjoba dhe kamata, e as me firmosjen masive të lejeve të legalizimit e certifikatave të pronësisë. Përdorën makinat e shtetit, punësuan mijëra njerëz në mënyrë të përkohshme vetëm për të siguruar votën. Por kaluan edhe në blerje të drejtpërdrejtë të votës – me para në dorë”.

The post Berisha denoncon me VIDEO blerjen e votave në Tiranë: Ja momenti kur shpërndahen paratë appeared first on Albeu.com.

Sipas Berishës, informacioni i është përcjellë mbrëmjen e djeshme deputetit të ardhshëm të Elbasanit, Blendi Himçi, i cili sot në mëngjes ka shkuar në ambientet e lokalit dhe ka gjetur aty fletë votimi, lista votuesish dhe materiale të tjera zgjedhore, në një vend të dyshuar si pjesë e asaj që Berisha e quajti “treni bullgar”.

Gjithashtu, Berisha thekson se Dervish Beqiri është vëzhgues i PS, Bashkia Peqin, KZAZ me numër 45, qendrat e votimit 2292-2293.

“Tani e shikoni tavolinën plot me euro, karta identiteti, bollëk i madh”,– shprehet Berisha.

“Treni bullgar mbeti në stacionin e Pekishtit. Doli nga shinat dhe mbeti aty”, u shpreh Berisha, duke iu referuar një praktike të njohur për manipulimin e votave.

Mes të tjerash, Berisha theksoi se ngjarja është e ngjashme me raste të tjera të denoncuara më herët në zona si; Kashari dhe Astiri, ku sipas tij, funksiononin “qendra alternative votimi” të ngritura paralelisht me qendrat zyrtare.

Deklarata e Berishës:

Treni bullgari mbeti ne stacionin e Pekishtit, doli nga shinat dhe mbeti aty. Pas një informacioni që deputeti i ardhshëm i Elbasanit, Blendi Himçi mori mbrëmë se në fshatin Pekisht, në bar-kafenë e kryeplakut të fshatit Dervish Beqiri, vëzhgues besnik i PS, ndodhen sasi e konsiderueshme materialesh votimi, fletë votimi, lista votimi dhe narko-euro.

Siç keni parë ju, në rastin e Kasharit, në rastin tek Astiri dhe në raste të tjera, ku paralel me qendrat e votimit ishin ngritur zyrat e ‘trenit bullgar’ nga patronazhistët, kjo pra ishte një praktikë shumë e përhapur.

Sot në mëngjes herë, zoti Himçi shkoi vetë në bar-kafenë e Dervish Beqirit, hyri brenda dhe në vendin ku ishte informuar u gjet i gjithë materiali zgjedhor që do paraqesim tani para jush.

Këto që shihni ju janë fletët e votimit, listat e votimit të gjetura, që kishin kaluar prej disa netësh dhe flinin në bar-kafenë e Dervish Beqirit.

Dervish Beqiri është vëzhgues i PS, bashkia Peqin, KZAZ me numër 45, qendrat e votimit 2292-2293. Tani e shikoni tavolinën plot me euro, karta identiteti, bollëk i madh.

Kjo është tavolina e krimit elektoral. Këto janë listat. Janë 117 fletë listash votimi me vula, siç e shihni. Kjo është fytyra e vërtetë e Edi Ramës.

The post Berisha denoncon “trenin bullgar” në Elbasan: Ja provat e gjetura në lokalin e vëzhguesit të PS (VIDEO) appeared first on Albeu.com.

Ai ka shpërndarë një foto të një formulari që sipas tij u shpërndahet punonjësve të OSHEE-së, të cilët detyrohen të sigurojnë nga 10 votues secili për Ministrin e Brendshëm në detyrë, Ervin Hoxha.

Sipas Këlliçit, punonjësit përballen me kërcënimin e humbjes së vendit të punës nëse nuk përmbushin “detyrën”.

Ai thekson se dy numra telefoni të bashkangjitur në formular, janë përdorur për të kontaktuar dhe verifikuar votuesit e listuar, ç`ka përbën, sipas tij, një formë të qartë patronazhimi politik.

Këlliçi kërkon ndërhyrjen urgjente të SPAK-ut, duke e cilësuar rastin si manipulim flagrant të votës dhe një krim elektoral që duhet të hetohet pa vonesë.

Ai thekson se një procedim penal mund të nisë menjëherë mbi bazën e këtij materiali, duke e cilësuar çdo vonesë si të pajustifikueshme dhe cënuese për procesin zgjedhor.

Postimi i Belind Këlliçi:

Ky është formulari me të cilin punonjësit e OSHEE-së në Tiranë detyrohen të gjejnë 10 votues për Ministrin e Brendshëm, Ervin Hoxha.

Kërcënimi: humbja e vendit të punës.

Dy numrat e telefonit të bashkangjitur janë numrat të cilët telefonojnë votuesit e shënuar në listë për të vërtetuar votën e tyre pro ministrit në detyrë. Ky patronazhim bëhet në ditën qe po flasim e deri të premten, një ditë para heshtjes zgjedhore.

Task Forca e SPAK-ut mund të mjaftohet me këtë denoncim për të hapur një procedim penal, pasi faktet janë të hapura dhe manipulimi i votës skandaloz.

Çdo vonesë është e pajustifikuar dhe cënuese për procesin zgjedhor.

The post Denoncimi i Këlliçit: Ky është formulari ku punonjësit e OSHEE detyrohen të gjejnë 10 votues për ministrin Ervin Hoxha, SPAK të hetojë appeared first on Albeu.com.

Sipas Berishës, se në shkelje të hapur të ligjit, ka nisur asfaltimin elektoral në Shënavlash të Durrësit, duke përdorur fondet publike për të blerë vota në prag të zgjedhjeve të 11 majit.

Teksa publikon videon e denoncimit të qytetarit për asfaltin elektoral në ShënVlash të Durrësit, Lideri i PD-së garanton se pas zgjedhjeve, Sako dhe bashkëpunëtorët e saj do të mbajnë përgjegjësi, njësoj si ish-zyrtarët e tjerë të denoncuar për terror elektoral.

Postimi i plotë:

Asfalt për Votë!

Kriminelja elektorale Sako (Gjushi me fustan) nuk pyet për ligjin dhe vazhdon me krimin: Asfalt për votë!

Dënoj me forcën më të madhe krimin elektoral të saj për të cilin e siguroj se pas 11 majt do trajtohet njëlloj si Gjushi, Visi i Pojës, Hajri dhe Agasi, terrorist elektoral!

Zoti Berisha partia socialiste bashkia e Durrësit, filluan asfaltin electoral në Shën Vlash Durrës per vota, po bejn çdo gjë për te fitura po këtë rradhe do humbin si kurrë më parë, rroftë partia Demokratike.

The post Berisha denoncon asfaltin elektoral në Durrës: Kriminelja elektorale Sako, “Gjushi me fustan” s’pyet për ligjin… (VIDEO) appeared first on Albeu.com.

Sipas ankimimit të firmosur nga juristi i PD-së Franc Nuri, Ardita Kuçi, ka kryer shkelje, pasi ka prezantuar si drejtoreshë e AZHBR-së, një program mbështetës kombëtar në bujqësi, vetëm pak javë para zgjedhjeve.

Demokratët pretendojnë se AZHBR ndikon politikisht te fermerët, pasi u jep përfitime atyre vetëm pak javë para zgjedhjeve të 11 Majit.

Shkelja në kodin penal për “Përdorimi i funksionit publik për veprimtari politike ose zgjedhore”, parashikon dënim me burgim nga 1 deri në 3 vjet.

Koalicioni i PD-ASHM, kërkon nga KQZ marrjen e masave të menjëhershme ndaj drejtoreshës së AZHBR, Ardita Kuçi.

“Subjekti në fjalë në kundërshtim të hapur me ligjin si më sipër dhe Kodin Penal ka përdorur funksionin publik për të favorizuar një parti politike konkretisht Partinë Socialiste. Përdorimi i funksionit publik për qëllime politike dhe elektorale është i ndaluar me ligj për faktin se përfshin abuzimin me fondet publike, favorizimin e një partie politike dhe ushtrimin e ndikimit mbi votuesit.

Prezantimi i këtij programi automatikisht ndikon në bindjen politike të zgjedhësve, duke sjellë përfitime dhe interesa për Partinë Socialiste dhe duke dëmtuar interesat e Partisë Demokratike Koalicioni PD-ASHM”, – thuhet në kallëzimin e PD-së. /B.news.al

The post PD denoncon në KQZ drejtoreshën e AZHBR: Po shfrytëzon postin duke bërë fushatë për PS-në appeared first on Albeu.com.

Sipas deputetit, gjoba e majme prej 200 mijë lekësh, i është vënë një burri të moshuar pasi ka krasitur pemët që ai vetë i ka mbjellë në ambientin para dritares së tij, në një pallat tek trekëndëshi i 1 majit.

Sipas deputetit, Sabriu, i moshuari i gjobitur ka 4 muaj që po kërkon të drejtën e tij, por nuk po mundet.

Postimi i plotë i Braçes:

Kjo nuk eshte policia bashkiake qe na duhet!!

Dje ju thashe qe “kur i do policite e te gjitha llojeve, nuk i gjen kurrë”; por ama per te bere dem ne komunitet hjenden gjithnje;

Tek trekëndëshi i 1 majit më përplasën në fytyrë këtë gjobë – 20.000 lekë, d.m.th 200 mijë lekë, troç 200 euro.

Gjoba thote per shkulje prerje pemesh, shkurresh etj;

Një burrë i moshuar-Sabriu, që ka shtëpinë në kat të parë i ka mbjellë vetë edhe ullinjtë, edhe pemët e tjera, edhe shkurret.

Te harlisura e ne periudhen e duhur i ka krasitur siç ja bën muuuuu.

Pra i ka mirembajtur sic i miremban perdite!!

I vunë këtë gjobë! Ka katër muaj që plas të gjejë të drejtën e tij por se gjen kërkund.

Ndaj jo cdo lloj injoranti merr vesh nga kjo pune;

Krasitja e pemëve të tua nuk është shkelje ligji!

Tani mezi pres qe polici i radhes i Policise Bashkiake te hyjë ketu e te me thote “Ti gënjen”!

The post Revoltohet keq Erion Braçe: Kjo nuk është policia bashkiake që na duhet, i vendosin qytetarit 200 mijë lekë gjobë se krasiti pemët e veta appeared first on Albeu.com.

Sipas Çollakut, një furgon me ngjyrë të verdhë, në të cilin pretendon se kishte punonjës të njësisë administrative Ulëz, ka ndaluar derë më derë në fshatin Bushkash, ndaj për këtë arsye ka bërë një denoncim në komisariatin e policisë.

“Furgoni i miellit?!?! Apo…Sot rreth 17 e 30 një furgon “Mercedez Benz”, sprinter i verdhë sipas njoftimeve nga terreni është futur në zonën e Bushkashit duke “inspektuar” banesat me sajdisje. Në timonin e mjetit ishte një eksponent i PS të Matit. Furgoni shoqërohej nga një fuoristradë në të cilën kishte punonjës të njësisë administrative Ulëz. Unë e kam ndjekur vetë bë terren ku dhe e kam fitografuar. Siç do bëjmë me çdo rast kur marrim dijeni. Sprinteri ka dy pronarët e përdoruesit nga Durrësi dhe nga Mati. Emrat do ia përcjellim Policisë se Komisariatit Mat të Drejtorisë së Policisë Vendore Dibër, të cilën e kemi vënë në dijeni, duke pritur për verifikimet e duhura proceduriale. Policia nëpërmjet telefonave të personave në mjet mund të kontrollojnë qelizat e telefonit dhe të konstatojnë rrugëtimin e mjetit të dyshuar”, shkruante Çollaku.

Policia e Matit, njofton se ka kryer verifikimet në drejtimin e Prokurorisë Dibër dhe kanë shoqëruar drejtuesin e furgonit për të cilin ka raportuar Çollaku, por nuk kanë konstatuar asnjë shkelje.

“Më datë 08.04.2025, është paraqitur dhe ka bërë kallëzim shtetasi B.Ç., 56 vjeç, banues në Tiranë, kandidat për deputet në Kuvendin e Shqipërisë pasi dyshonte se në fshatin Bushkash, Mat, disa persona të panjohur nga ana e tij, po shpërndanin produkte të ndryshme me një automjet (furgon), me qëllim favorizimin e subjekteve politike. Menjëherë pas administrimit të kallëzimit, shërbimet e Komisariatit të Policisë Mat, kanë bërë shoqërimin e drejtuesit të automjetit shtetasi F.L., së bashku me automjetin e tij furgon, ku nga kqyrja dhe veprimet hetimore nuk u konstatua asnjë send apo veprim i kundërligjshëm”, sqaron policia.

The post Partia Demokratike denoncon “blerjen e votave” me miell në Mat, policia shoqëron drejtuesin e një furgoni appeared first on Albeu.com.