Zëvendëskryeministri dhe ministri i Punëve të Jashtme dhe Diasporës, Glauk Konjufca, ka reaguar kundër sulmit të kryer në një avion të kompanisë “FlyDubai”, i cili po udhëtonte drejt Tel Avivit.

Ai e përshkroi ngjarjen si jashtëzakonisht të rëndë dhe shprehu vlerësimin e tij për kapitenin, anëtarët e ekuipazhit dhe pasagjerët, duke theksuar se veprimet e tyre shmangën një tragjedi të madhe.

“E dënoj me forcë sulmin e tmerrshëm në fluturimin e ‘FlyDubai’ që ishte nisur drejt Tel Avivit. Kurajë e kapitenit, ekuipazhit dhe pasagjerëve bëri të mundur parandalimin e një tragjedie shkatërruese”, shkroi Konjufca në X.

Sipas tij, çdo akt dhune ndaj civilëve dhe aviacionit civil duhet të dënohet pa asnjë paqartësi.

The post Konjufca dënon sulmin ndaj fluturimit të “FlyDubai” drejt Tel Avivit appeared first on Albeu.com.

Gjatë mbërritjes në Gjykatën e Posaçme, ku po zhvillohej seanca e radhës, ajo u pyet nga gazetarët nëse i kishte parë videot. Kryemadhi u përgjigj “Po” dhe theksoi se personi që i ka filmuar dhe ai që i ka publikuar duhet të përballen me ndëshkim.

“Ajo që më ka lënë është një ndjesi shumë e shëmtuar, sidomos për shkak të viktimave, grave dhe vajzave që janë përfshirë, kushdo qofshin ato. Është një veprim tepër i ulët nga ana e personit që i ka realizuar, i ka regjistruar dhe më pas i ka shpërndarë, ndaj duhet të dënohet”, deklaroi ajo.

Kryemadhi shtoi se jeta private e një individi nuk duhet të bëhet objekt gjykimi publik.

“Askush nuk ka pse të merret me atë që bën një njeri në dhomën e gjumit apo me mënyrën se si jeton privatisht. Më shqetësuese është mënyra se si kemi nisur t’i gjykojmë këto situata dhe gjithë jetën shoqërore të vendit, gjë që është e tmerrshme”, u shpreh ajo.

Sipas saj, fakti që një video intime shkakton më shumë reagim sesa problemet sociale dhe ekonomike përbën një fatkeqësi kombëtare.

“Të ndihesh më i dhunuar nga një video porno që sheh, sesa nga taksat e larta, largimi i të rejave dhe të rinjve apo shpopullimi i Shqipërisë, është një fatkeqësi e madhe dhe për mua një fatkeqësi kombëtare. Më vjen shumë keq dhe ndjej neveri për ata që e kanë bërë këtë”, përfundoi Kryemadhi.

The post Monika Kryemadhi dënon publikimin e videove intime: Përgjegjësit duhet të ndëshkohen appeared first on Albeu.com.

Ministri i Punëve të Jashtme dhe Diasporës së Kosovës, Glauk Konjufca, ka reaguar kundër sulmeve dhe kërcënimeve të vazhdueshme të Huthëve ndaj Mbretërisë së Arabisë Saudite.

Në një postim në rrjetin social X, ai theksoi se përpjekjet për goditjen e Riadit dhe qytetit të shenjtë të Mekës përbëjnë një përshkallëzim të rrezikshëm të situatës.

“Sulmet e vazhdueshme të Huthive ndaj Arabisë Saudite, përfshirë tentativat për sulme ndaj Riadit dhe qytetit të shenjtë të Mekës, shënojnë një përshkallëzim të rrezikshëm, të cilin e dënojmë fuqishëm”, ka shkruar Konjufca.

Konjufca deklaroi se Kosova qëndron në solidaritet me Arabinë Saudite dhe ritheksoi mbështetjen e saj për sovranitetin dhe integritetin territorial të Mbretërisë.

Ai kërkoi ndalimin e sulmeve ndaj civilëve dhe objekteve civile, si dhe respektimin e lirisë së lundrimit, në përputhje me të drejtën ndërkombëtare.

The post Konjufca shpreh shqetësim për sulmet e Huthëve ndaj Arabisë Saudite appeared first on Albeu.com.

Peleshi deklaroi se Kuvendi qëndron kundër çdo përpjekjeje, për të relativizuar krimet e regjimit të Slobodan Millosheviçit.

Sipas deklaratës, e vërteta historike për luftën në Kosovë mbetet e palëkundur.

Kuvendi angazhohet gjithashtu, për drejtësi për viktimat e luftës dhe zbardhjen e krimeve të kryera ndaj popullit shqiptar në Kosovë.

Në këtë kuadër, është kërkuar edhe koordinimi i veprimeve me Kuvendin e Kosovës dhe adresimi i shqetësimeve përmes rrugëve institucionale.

Kryetari i parlamentit Niko Peleshi: Kuvendi i Shqipërisë qëndron kundër përpjekjeve për të relativizuar krimet e Millosheviçit. E vërteta historike mbetet e palëkundur: UÇK luftoi për lirinë dhe pavarësinë e Kosovës. Kuvendi i Shqipërisë beson në pafajësinë e krerëve të UÇK-së.

Kuvendi i Shqipërisë angazhohet që të kërkojë drejtësi për viktimat e luftës në Kosovë, që të zbardhen krimet e luftës në Kosovë kundër popullit shqiptar, të koordinojmë veprimet me Kuvendin e Kosovës që të çojmë shqetësimet në rrugë institucionale.

Kuvendi i Shqipërisë shpreh indinjatën e thellë dhe mosdakordësinë e plotë me një vendim që e konsideron thellësisht të padrejtë ndaj Hashim Thaçit, Kadri Veselit, Rexhep Selimit dhe Jakup Krasniqit.

Kuvendi i Shqipërisë rithekson një të vërtetë historike që nuk mund të relativizohet: lufta e Ushtrisë Çlirimtare të Kosovës ishte luftë për lirinë dhe çlirimin e Kosovës. Ishte lufta e një populli për t’i dhënë fund represionit, dhunës dhe përndjekjes dhe për të fituar të drejtën për të jetuar të lirë në vendin e vet. Ajo lindi si përgjigje ndaj represionit sistematik, dhunës, spastrimit etnik dhe genocidit të kryer nga regjimi i Slobodan Milosheviçit. Pa luftën dhe sakrificën e Ushtrisë Çlirimtare të Kosovës kundër pushtimit gjakatar serb, historia e çlirimit të Kosovës nuk mund të kuptohet. UÇK-ja ishte forcë vendimtare e rezistencës së popullit të Kosovës dhe e rrugës që çoi drejt çlirimit, lirisë dhe pavarësisë së saj. Hashim Thaçi, Kadri Veseli, Rexhep Selimi dhe Jakup Krasniqi janë të pandashëm nga kjo histori, nga lufta për çlirim dhe nga rrugëtimi i Kosovës drejt lirisë, pavarësisë dhe shtetësisë së saj.

Një aktgjykim nuk mund të rishkruajë historinë e një populli. Nuk mund të zhbëjë karakterin çlirimtar të luftës së Kosovës apo të barazojë agresorin me viktimën. Nuk mund të zhbëjë sakrificën e UÇK-së.

Deklarata:

Kuvendi shpreh shqetësimin e thellë për standardet e dyfishta në trajtimin e së kaluarës së përgjakshme të rajonit. Nderimet publike dhe shtetërore që u rezervohen personave të dënuar për krime lufte, si edhe glorifikimi i figurave të lidhura me gjenocidin dhe spastrimin etnik, përfshirë Ratko Mladiçin, cenojnë kujtesën e viktimave, pengojnë pajtimin dhe bien ndesh me vlerat europiane.

Kuvendi qëndron kundër çdo përpjekjeje të Serbisë dhe Rusisë për ta instrumentalizuar politikisht këtë proces, për të relativizuar krimet e regjimit të Miloševićit dhe për të delegjitimuar luftën çlirimtare, pavarësinë dhe shtetësinë e Kosovës.

Kuvendi i Shqipërisë qëndron në solidaritet të plotë me Kosovën, popullin dhe institucionet e saj, si dhe pranë Hashim Thaçit, Kadri Veselit, Rexhep Selimit dhe Jakup Krasniqit dhe familjeve të tyre.

E palëkundur mbetet bindja jonë në pafajësinë e tyre dhe po aq e palëkundur mbetet e vërteta historike: UÇK-ja luftoi për lirinë dhe çlirimin e Kosovës.

Ky aktgjykim nuk është fjala e fundit. Kuvendi pret që të gjitha mjetet juridike dhe shkallët e mëtejshme të procesit të ndiqen deri në fund, duke garantuar respektimin e plotë të standardeve të procesit të rregullt ligjor.

Kuvendi i Shqipërisë angazhohet që:

Në të gjitha forumet ndërkombëtare të denoncojë krimet e regjimit serb të Slobodan Milosheviçit në Kosovë, përfshirë aktet gjenocidale, krimet e luftës dhe dhunën seksuale gjatë luftës; të kërkojë drejtësi për viktimat dhe të dënojë mungesën e angazhimit të autoriteteve serbe për zbardhjen e këtyre krimeve, vendosjen e përgjegjësisë dhe garantimin e drejtësisë për viktimat.

Të koordinojë veprimet me Kuvendin e Kosovës, dhe i bën thirrje të dyja Qeverive tona që gjithashtu të koordinojnë veprimet, me qëllim korrigjimin e kësaj padrejtësie në rrugë institucionale.

The post Kuvendi dënon vendimin e Hagës për ish-krerët e UÇK-së: Besojmë në pafajësinë e çlirimtarëve, dy qeveritë të bashkërendojnë veprimet për të korrigjuar padrejtësinë appeared first on Albeu.com.

Organizata e Veteranëve të Luftës së UÇK-së ka reaguar pas ceremonisë së varrimit të ish-komandantit serb Ratko Mlladiq, i dënuar për krime lufte.

OVL-UÇK e ka cilësuar si të dënueshme përpjekjen e Serbisë për ta ngritur Mlladiqin në figurën e një heroi kombëtar dhe për ta paraqitur varrimin e tij si një ceremoni nderimi shtetëror.

Sipas organizatës, “paraqitja e një krimineli të dënuar lufte si hero kombëtar fyen çdo viktimë të tij dhe përbën rehabilitim të hapur të ideologjisë që prodhoi gjenocid”.

Në reagimin e saj, OVL-UÇK ka akuzuar Beogradin se vazhdon të shmangë përballjen me të kaluarën. Organizata ka paralajmëruar se kjo qasje, sipas saj, përbën kërcënim për paqen në rajon.

“Kujtimi dhe dinjiteti i viktimave nuk negociohen. As tani, as kurrë”, thuhet në reagim.

The post OVL-UÇK: Nderimi i Ratko Mlladiqit në Serbi është i papranueshëm appeared first on Albeu.com.

Gjykata deklaroi se mbi 3.1 milionë euro në asete kriminale janë konfiskuar. Hetimi filloi më 23 shkurt 2024, pasi policia e Antwerpit mori informacion se një BMW me targa rumune po përdorej për trafik ndërkombëtar droge, gjatë kontrollit të saj, oficerët gjetën një furrë mikrovalë të manipuluar ku më shumë se 2.2 kilogramë kokainë ishin fshehur brenda fishekut.

Sipas medias belge, hetuesit nisën mbikëqyrjen e shtatë lokacioneve, pesë në Antwerp, një në Brasschaat dhe një në Linter, në Brabantin Flemish.

Gjatë këtyre mbikëqyrjeve, u shfaqën tetë të dyshuar. Ata u panë disa herë duke zvarritur kuti dhe çanta që përmbanin kimikate.

Në Geuzenstraat, policia zbuloi, ndër të tjera, gjashtë qese mbeturinash që përmbanin gati pesëdhjetë enë bosh me produkte të përdorura për larjen, pastrimin dhe përgatitjen e kokainës.

Furrat me mikrovalë shërbenin jo vetëm për të përpunuar kokainën, por edhe për të transportuar drogën në mënyrë diskrete.

Pas muajsh hetimesh, më 5 shtator 2024 u kryen bastisje në shtëpi. Në Geuzenstraat dhe Linter, policia zbuloi dy laboratorë droge ku kokaina lahej, pastrohej dhe shtypej. U sekuestruan mbi 1,400 litra kimikate, 10 kilogramë kokainë dhe 23 kilogramë kanabis.

3.1 milionë euro të konfiskuara

Përveç kësaj, hetuesit gjetën makina numërimi parash, telefona celularë dhe të dhëna të gjera kontabël që i përkisnin organizatës së drogës. Këto zbuluan se banda kishte tregtuar gati 191 kilogramë kanabis dhe afërsisht 7 ton kokainë, duke përllogaritur një xhiro prej 147 milionë eurosh. Edhe pse të gjithë të pandehurit mohuan çdo përfshirje dhe kërkuan lirim nga akuzat, ata u dënuan në fund të qershorit me burgim që varionte nga 40 muaj deri në gjashtë vjet.

Gjykata gjithashtu deklaroi se mbi 3.1 milionë euro nga asetet kriminale u konfiskuan. Dënimi më i ashpër ishte për Arbri C. (35 vjeç), i cili, sipas gjykatës, luajti një rol udhëheqës. Ai mbante kontakte, mbikëqyrte vendet e ndryshme dhe drejtonte organizatën, megjithëse edhe vetë merrte udhëzime nga lart. Ai u dënua me gjashtë vjet burg dhe një gjobë prej 48,000 eurosh. Arban D. (33 vjeç), i cili pagoi shumicën e kontratave të qirasë për pronat e përdorura, u dënua me pesë vjet burg dhe një gjobë prej 40,000 eurosh.

The post Trafikuan 7 ton kokainë/ Gjykata belge dënon bandën shqiptare, konfiskohen 3.1 mln euro pasuri appeared first on Albeu.com.

GJKKO ka dënuar me 30 vite burg Leonard Dukën, i shpallur fajtor për përfshirjen në vrasjen e ndodhur në vitin 2019 në Tiranë.

Nga ana tjetër, vëllai i tij Erlis Duka është shpallur i pafajshëm, kurse Fatmir Hyseni, në arrati, është dënuar me 25 vite burg, Aleksander Maxhaku 25 vite burg dhe Oltjon Loga 25 vite burg.

The post Vrasja e Santiago Malkos, GJKKO dënon me 30 vite burg Leonard Dukën appeared first on Albeu.com.

Avokati i familjes së Martin Canit, foli për mediatduke e cilësuar vendimin të drejtë, por shtoi se duhen parë aktet.

The post Vrau Martin Canin, Gjykata e Tiranës dënon me 16 vite burg Mario Përlleshajn appeared first on Albeu.com.

Gjykimi i kësaj ҫështje u zhvillua me rregullat e gjykimit të shkurtuar. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtaret Erjon Çela, Erjon Bani dhe Bib Ndreca, me vendimin nr. 75, datë 21.11.2025 vendosi:

Deklarimin fajtor të të pandehurit Ismail Zeneli, për kryerjen e veprës penale “Trafikimi i narkotikëve”, kryer në bashkëpunim në formën e posaçme të grupit të strukturuar kriminal, e parashikuar nga neni 283/a/1 – 28/4 i Kodit Penal dhe në lidhje me nenin 334/1 të K.Penal dënimin e tij me 13 vjet burgim.

Deklarimin fajtor të të pandehurit Ismail Zeneli, për kryerjen e veprës penale

“Grup i strukturuar kriminal”, e parashikuar nga neni 333/a/1 i Kodit Penal dhe në bazë të kësaj dispozite dënimin e tij me 5 vjet burgim.

Deklarimin fajtor të të pandehurit Ismail Zeneli, për kryerjen e veprës penale

“Sigurimi i kushteve dhe i mjeteve materiale për të kryer vrasje”, kryer në bashkëpunim në formën e posaçme të grupit të strukturuar kriminal, e parashikuar nga neni 80 – 28/4 i Kodit Penal dhe në lidhje me nenin 334/1 të K.Penal dënimin e tij me 9 vjet burgim.

Deklarimin fajtor të të pandehurit Ismail Zeneli, për kryerjen e veprës penale “Grup i strukturuar kriminal”, e parashikuar nga neni 333/a/1 i Kodit Penal dhe në bazë të kësaj dispozite dënimin e tij me 5 vjet burgim.

Në zbatim të nenit 55 të K.Penal mbi caktimin e dënimit për kryerjen e disa veprave penale, dënimin e të pandehurit Ismail Zeneli me një dënim të vetëm me 15 vjet burgim.

Në aplikim të nenit 406/1 të Kodit të Procedurës Penale masës së mësipërme të dënimit i zbritet 1/3 duke u dënuar përfundimisht i pandehuri Ismail Zeneli me një dënim të vetëm përfundimtar prej 10 vjet burgim.

Vuajtja e dënimit për të pandehurin Ismail Zeneli do të fillojë nga dita e arrestimit të tij dhe do të kryhet në një IEVP, burg i sigurisë së lartë. Deklarimin fajtor të të pandehurit Bujar Ajeti (Gremizi), për kryerjen e veprës penale “Sigurimi i kushteve dhe i mjeteve materiale për të kryer vrasje”, kryer në bashkëpunim në formën e posaçme të grupit të strukturuar kriminal, e parashikuar nga neni 80 – 28/4 i Kodit Penal dhe në lidhje me nenin 334/1 të K.Penal dënimin e tij me 7 vjet burgim.

Deklarimin fajtor të të pandehurit Bujar Ajeti (Gremizi), për kryerjen e veprës penale “Grup i strukturuar kriminal”, e parashikuar nga neni 333/a/2 i K.Penal dhe në bazë të kësaj dispozite dënimin e tij me 3 burgim.

Deklarimin e pafajshëm të të pandehurit Bujar Ajeti (Gremizi), për kryerjen e veprës penale “Mbajtja pa leje dhe prodhimi i armëve, armëve shpërthyese dhe i municionit”, e parashikuar nga neni 278/1 i K.Penal pasi në zbatim të nenit 388/1/a të K.Pr.Penale nuk provohet që i pandehuri e ka kryer veprën penale.

Deklarimin fajtor të të pandehurit Bujar Ajeti (Gremizi), për kryerjen e veprës penale “Mbajtja pa leje dhe prodhimi i armëve, armëve shpërthyese dhe i municionit”, e parashikuar nga neni 278/4 i K.Penal dhe në bazë të kësaj dispozite dënimin e tij me 3 burgim.

Deklarimin fajtor të të pandehurit Bujar Ajeti (Gremizi), për kryerjen e veprës penale “Përkrahja e autorit të krimit”, e parashikuar nga neni 302/2 i K.Penal dhe në bazë të kësaj dispozite dënimin e tij me 5 burgim.

Në zbatim të nenit 55 të K.Penal mbi caktimin e dënimit për kryerjen e disa veprave penale, dënimin e të pandehurit Bujar Ajeti (Gremizi) me një dënim të vetëm me 9 vjet burgim. – Në aplikim të nenit 406/1 të Kodit të Procedurës Penale masës së mësipërme të dënimit i zbritet 1/3 duke u dënuar përfundimisht i pandehuri Bujar Ajeti (Gremizi) me një dënim të vetëm përfundimtar prej 6 vjet burgim.

Vuajtja e dënimit për të pandehurin Bujar Ajeti (Gremizi) do të fillojë nga dita e arrestimit të tij dhe do të kryhet në një IEVP, burg i sigurisë së lartë. 3. Deklarimin fajtor të të pandehurit Adrian Cenaj (Dedja), për kryerjen e veprës penale “Sigurimi i kushteve dhe i mjeteve materiale për të kryer vrasje”, kryer në bashkëpunim në formën e posaçme të grupit të strukturuar kriminal, e parashikuar nga neni 80 – 28/4 i Kodit Penal dhe në lidhje me nenin 334/1 të K.Penal dënimin e tij me 6 vjet burgim. – Deklarimin fajtor të të pandehurit Adrian Cenaj (Dedja), për kryerjen e veprës penale “Grup i strukturuar kriminal”, e parashikuar nga neni 333/a/2 i K.Penal dhe në bazë të kësaj dispozite dënimin e tij me 2 vjet burgim.
– Në zbatim të nenit 55 të K.Penal mbi caktimin e dënimit për kryerjen e disa veprave penale, dënimin e të pandehurit Adrian Cenaj (Dedja), me një dënim të vetëm me 6 vjet burgim.

Në aplikim të nenit 406/1 të Kodit të Procedurës Penale masës së mësipërme të dënimit i zbritet 1/3 duke u dënuar përfundimisht i pandehuri Adrian Cenaj (Dedja), me një dënim të vetëm përfundimtar prej 4 vjet burgim.

Vuajtja e dënimit për të pandehurin Adrian Cenaj (Dedja), do të fillojë nga dita e arrestimit të tij dhe do të kryhet në një IEVP, burg i sigurisë së lartë.

Deklarimin fajtor të të pandehurit Dedan Gjoni, për kryerjen e veprës penale “Sigurimi i kushteve dhe i mjeteve materiale për të kryer vrasje”, kryer në bashkëpunim e parashikuar nga neni 80 – 25 i Kodit Penal dhe në bazë të kësaj dispozite ligjore dënimin e tij me 2 vjet burgim.

Deklarimin e pafajshëm të të pandehurit Dedan Gjoni, për kryerjen e veprës penale “Grup i strukturuar kriminal”, e parashikuar nga neni 333/a/1 i K.Penal pasi në zbatim të nenit 388/1/a të K.Pr.Penale nuk provoohet që i pandehuri e ka kryer veprën penale.

Deklarimin fajtor të të pandehurit Dedan Gjoni, për kryerjen e veprës penale “Trafikimi i narkotikëve”, kryer në bashkëpunim në formën e posaçme të grupit të strukturuar kriminal, e parashikuar nga neni 283/a/1 – 28/4 i Kodit Penal dhe në lidhje me nenin 334/1 të K.Penal dënimin e tij me 12 vjet burgim.
– Deklarimin fajtor të të pandehurit Dedan Gjoni, për kryerjen e veprës penale “Grup i strukturuar kriminal”, e parashikuar nga neni 333/a/2 i Kodit Penal dhe në bazë të kësaj dispozite dënimin e tij me 2 burgim.

Deklarimin fajtor të të pandehurit Dedan Gjoni, për kryerjen e veprës penale “Shpërdorimi i detyrës”, e parashikuar nga neni 248 i K.Penal dhe në bazë të kësaj dispozite dënimin e tij me 2 vjet burgim.

Në zbatim të nenit 55 të K.Penal mbi caktimin e dënimit për kryerjen e disa veprave penale, dënimin e të pandehurit Dedan Gjoni me një dënim të vetëm me 12 burgim.

Në aplikim të nenit 406/1 të Kodit të Procedurës Penale masës së mësipërme të dënimit i zbritet 1/3 duke u dënuar përfundimisht i pandehuri Dedan Gjoni me një dënim të vetëm përfundimtar prej 8 burgim.

Vuajtja e dënimit për të pandehurin Dedan Gjoni do të fillojë nga dita e arrestimit të tij dhe do të kryhet në një IEVP, burg i sigurisë së lartë. 5. Deklarimin fajtor të të pandehurit Besmir Murtati, për kryerjen e veprës penale “Trafikimi i narkotikëve”, kryer në bashkëpunim në formën e posaçme të grupit të strukturuar kriminal, e parashikuar nga neni 283/a/1 – 28/4 i Kodit Penal dhe në lidhje me nenin 334/1 të K.Penal dënimin e tij me 12 vjet burgim.

Deklarimin fajtor të të pandehurit Besmir Murtati, për kryerjen e veprës penale “Grup i strukturuar kriminal”, e parashikuar nga neni 333/a/2 i Kodit Penal dhe në bazë të kësaj dispozite dënimin e tij me 2 vjet burgim.

Në zbatim të nenit 55 të K.Penal mbi caktimin e dënimit për kryerjen e disa veprave penale, dënimin e të pandehurit Besmir Murtati me një dënim të vetëm me 12 vjet burgim.

Në aplikim të nenit 406/1 të Kodit të Procedurës Penale masës së mësipërme të dënimit i zbritet 1/3 duke u dënuar përfundimisht i pandehuri Besmir Murtati me një dënim të vetëm përfundimtar prej 8 vjet burgim.

Vuajtja e dënimit për të pandehurin Besmir Murtati do të fillojë nga dita e arrestimit të tij dhe do të kryhet në një IEVP, burg i sigurisë së lartë.

6. Deklarimin fajtor të të pandehurit Albert Prenga, për kryerjen e veprës penale “Trafikimi i narkotikëve”, kryer në bashkëpunim në formën e posaçme të grupit të strukturuar kriminal, e parashikuar nga neni 283/a/1 – 28/4 i Kodit Penal dhe në lidhje me nenin 334/1 të K.Penal dënimin e tij me 12 vjet burgim.

Deklarimin fajtor të të pandehurit Albert Prenga për kryerjen e veprës penale “Grup i strukturuar kriminal”, e parashikuar nga neni 333/a/1 i Kodit Penal dhe në bazë të kësaj dispozite dënimin e tij me 3 vjet burgim.

Në zbatim të nenit 55 të K.Penal mbi caktimin e dënimit për kryerjen e disa veprave penale, dënimin e të pandehurit Albert Prenga me një dënim të vetëm me 12 vjet burgim.

Në aplikim të nenit 406/1 të Kodit të Procedurës Penale masës së mësipërme të dënimit i zbritet 1/3 duke u dënuar përfundimisht i pandehuri Albert Prenga me një dënim të vetëm përfundimtar prej 8 vjet burgim.

Vuajtja e dënimit për të pandehurin Albert Prenga do të fillojë nga dita e arrestimit të tij dhe do të kryhet në një IEVP, burg i sigurisë së lartë.

Në bazë të nenit 190 të K.Pr.Penale provat materiale të sekuestruara për llogari të procedimit penal të pandehurit Bujar Ajeti, si më poshtë:

– 2(dy) telefona celular, të markës Iphone, ku njëri është i hapur me nr. IMEI **** dhe ****;

– Një aparat telefonik i markës Samsung me nr. IMEI **** dhe nr. ****, pa kartë Sim;

– Automjet me targë ****, t’i kthehen këtij të fundit. 8. Në bazë të nenit 190 të K.Pr.Penale provat materiale të sekuestruara për llogari të procedimit penal të pandehurit Dedan Gjoni si më poshtë:

– 1 (një) Aparat telefonik i markës SAMSUNG;

– 1 (nje) aparat telefonik i markes Iphone, t’i kthehen këtij të fundit. 9. Në bazë të nenit 190 të K.Pr.Penale provat materiale të sekuestruara për llogari të procedimit penal të pandehurit Adrian Cenaj,

– 1 (një) automjet i markës Mercedes Benz ngjyrë gri metalizato me portobagazh me targa ****;

– 1(një) aparat celular me kapak ngjyrë gri Nokia Bisnes me tastierë në gjendje të fikur;

– 1 (një) aparat celular Iphone 12 ngjyrë e zezë;

– 1 (një) Aparat celular Iphone 12 Pro Max me ngjyrë të zezë, të konfiskohen dhe të kalojnë në favor të shtetit.

Në bazë të nenit 190 të K.Pr.Penale provat materiale të sekuestruara për llogari të procedimit penal të pandehurit Bujar Ajeti:

-1 (një) DVR me bar kod ****;

– 1 (një) Pistoletë model Jericho 941 “Made in Israel”, kalibër 9x19mm me nr. **** me karikator me fishekë 9mm, gjithsej 15 fishekë;

– 1 (një) dylbi të markës “Bushnell” me këllëf;

– 1 (një) dylbi me mbishkrimin **** dhe **** e markës Pulsar;

– 1 (një) dylbi me mbishkrimin **** dhe **** të markës Pulsar së bashku me këllëf;

– 1 (një) këllëf pistoletë, plastic brezi;

– 1 (një) telefon i markës Blackberry i fikur me kartë SIM nr.****;

– Dy thika dhe këllëf;

– 1 (një) shurëse zhurme (silenciator) metalik me ngjyrë të zezë; – 1 (një) armë gjahu gjysëm automatike, e markës “Benelli” model SuperVInci me ngjyrë të zezë;

– 1 (një) dylbi me ngjyrë të zezë e markës “Nikon” me mbishkrim ****.

– Dy fotografi ku në njërën është shtetasi E.B dhe në foton tjetër është Bujar Ajeti (Germizi) bashkë me E.B, të konfiskohen dhe të kalojnë në favor të shtetit.

Në bazë të nenit 190 të K.Pr.Penale provat materiale të sekuestruara për llogari të procedimit penal të pandehurit Besmir Murtati:

– Llogaria bankare nr. **** me vlerë 77,998.5 euro të shtetasit M.M, në Bankën Kombëtare Tregëtare;

– Aparat celular markes Iphone, të konfiskohen dhe të kalojnë në favor të shtetit.

Në bazë të nenit 190 të K.Pr.Penale provat materiale të sekuestruara për llogari të procedimit penal të pandehurit Dedan Gjoni:

– 1 (një) kuti plastike me ngjyrë gri, ****; – 1 (një) armë zjarri me nr. **** me mbishkrimin ****;

– Dy krëhëra pistolete **** 14 (katërmbëdhjetë) fishekë 9 mm;

– Një dokument me mbishkrimin “Autorizim për mbajtje armë zjarri në banesë” me nr. regjistri **** datë 12.09.2019 për armën model SigSaur me numër ****, gjithsej 9 (nëntë) fletë, të konfiskohen dhe të kalojnë në favor të shtetit.

Në bazë të nenit 190 të K.Pr.Penale provat materiale, një pasaportë në emër të shtetasit B.V.G, datëlindje **** me nr. ****, t’i kthehet shtetasit B.G.

Në bazë të nenit 190 të K.Pr.Penale provat materiale, 1 (një) automjet të markës Range Rover Evoque me Nr.shasie **** me targë ****, bashkë çelësin dhe dokumentacionin në pronësi të shtetasit A.Ç, t’i kthehet shtetasit M.Ç.

Shpenzimet procedurale gjatë fazës së hetimit si dhe shpenzimet gjyqësore i lihen në ngarkim të pandehurve në mënyrë solidare.

Kundër këtij vendimi mund të bëhet ankim nga palët brenda 15 (pesëmbëdhjetë) ditëve në Gjykatën e Posaçme të Apelit për Korrupsionin dhe Krimin e Organizuar, afat i cili fillon nga dita e nesërme e njoftimit të vendimit.

Tiranë, më datë 22.11.2025 Gjykata e Posaçme e Shkallës së Parë për Korrupsionin dhe Krimin e Organizuar.

The post “Metamorfoza”/ GJKKO dënon grupin kriminal, mes tyre ish-policë (EMRAT) appeared first on Albeu.com.

Gjoni u shpall fajtor për veprat penale “Kultivimi i lëndëve narkotike”, “Prodhimi dhe shitja e narkotikëve” dhe “Pjesëmarrja në grup të strukturuar kriminal”.

Për shkak të gjykimit të shkurtuar, Fabion Gjoni, u dënua me 6 vjet e 8 tetë muaj burgim.

Gjykata vendosi që Gjoni të vuajë dënimin në një institucion të sigurisë së lartë për të dënuarit e rritur, ndërsa shpenzimet procedurale do t’i ngarkohen të pandehurit.

Njoftimi:

1. Prokuroria e Posaçme kundër Korrupsionit dhe Krimit të Organizuar ka paraqitur pranë Gjykatës kërkesën me objekt: “Gjykimin e çështjes penale me të pandehur Fabion Gjoni, i akuzuar për kryerjen e veprave penale “Kultivimi i bimëve narkotike”, “Prodhimi dhe shitja e narkotikëve”, në formën e bashkëpunimit atë të grupit të strukturuar kriminal, “Pjesëmarrjes në grup të strukturuar kriminal”, parashikuar nga nenet 283/1, 284/1, 28/4, 333/a/2 dhe 334/1 të Kodit Penal”.

2. Gjykimi i kësaj ҫështje u zhvillua me rregullat e gjykimit të shkurtuar. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtaret Etleva Deda, Flojera Davidhi dhe Rudina Palloj, me vendimin nr. 70, datë 11.11.2025 vendosi:

1. Deklarimin fajtor të të pandehurit Fabion Gjoni për kryerjen e veprës penale “Kultivimi i lëndëve narkotike”, kryer në formën e grupit të strukturuar kriminal, parashikuar nga nenet 284/1, 28/4 dhe 334/1 të Kodit Penal dhe dënimin e tij me 8 (tetë) vjet burgim.

2. Deklarimin fajtor të të pandehurit Fabion Gjoni për kryerjen e veprës penale të “Prodhimi dhe shitja e narkotikëve”, kryer në formën e grupit të strukturuar kriminal, parashikuar nga nenet 283/1, 28/4 dhe 334/1 të Kodit Penal dhe dënimin e tij me 10 (dhjetë) vjet burgim.

3. Deklarimin fajtor të të pandehurit Fabion Gjoni për kryerjen e veprës penale “Grupi i strukturuar kriminal”, parashikuar nga neni 333/a/2 i Kodit Penal dhe dënimin e tij me 2 (dy) vjet burgim.

4. Në bashkim të dënimeve në bazë të nenit 55 të Kodit Penal, dënimin e të pandehurit Fabion Gjoni me 10 (dhjetë) vjet burgim.

5. Në zbatim të nenit 406/1 të Kodit të Procedurës Penale, të pandehurit Fabion Gjoni t’i ulet 1/3 (një e treta) e dënimit të dhënë, duke u dënuar përfundimisht me 6 (gjashtë) vjet e 8 (tetë) muaj burgim.

6. Bazuar në nenin 33 të Kodit Penal si dhe nenin 15 të Ligjit nr. 81/2020 “Për të drejtat dhe trajtimin e të dënuarve me burgim dhe të paraburgosurve”, vuajtja e dënimit për të pandehurin Fabion Gjoni do të kryhet në një nga Institucionet për të dënuarit e rritur dhe të sigurisë së lartë.

7. Sendet e sekuestruara të mbeten pjesë e fashikullit gjyqësor për efekt të procedimit penal të ndarë me nr. 71/1 të vitit 2024.

8. Shpenzimet procedurale të kryera gjatë fazës së hetimit paraprak, seancës paraprake dhe gjatë gjykimit, sipas procesverbalit bashkëlidhur këtij vendimi, i ngarkohet të pandehurit.

9. Kundër këtij vendimi lejohet apel brenda afatit ligjor, në Gjykatën e Posaçme të Apelit për Korrupsionin dhe Krimin e Organizuar. Tiranë, më datë 11.11.2025 Gjykata e Posaçme e Shkallës së Parë për Korrupsionin dhe Krimin e Organizuar.

The post Anëtar i një grupi të strukturuar kriminal, GJKKO shpall fajtor dhe dënon me burg Fabion Gjonin appeared first on Albeu.com.