denis gjura Archives - Albeu.com

U aksidentua në Greqi, familja e atletit shqiptar hap dyert e mortit, Denisi do të varroset në atdhe

Erv Isa — Fri, 17 Mar 2023 09:15:15 +0000

Familja e atletit me origjinë shqiptare, Denis Gjura, po vajton humbjen e papritur të 25-vjeçarit, i cili ndërroi jetë mbrëmjen e së mërkurës, si pasojë e një aksidenti rrugor në Patra.

25-vjeçari shqiptar ishte duke udhëtuar, kur humbi kontrollin e mjetit dhe u përplas me trafikndarësen në Patra. Varrimi i Denisit do të zhvillohet nesër e shtunë, 18 mars në atdheun e tij në Shqipëri.

Miq dhe të afërm të hidhëruar nga vdekja e Denisit shprehen se i riu ishte i apasionuar pas sportit që në vogëli. Gjura kishte fituar gjashtë medalje në kampionatin panhelen.

“Atletika u bë më e varfër me humbjen e padrejtë të Denisit. Ai ishte i mrekullueshëm, ai punonte në mëngjes për të ndihmuar familjen e tij, ashtu si vëllai i tij Aurel, dhe pastaj të dy vinin në stërvitje,” tha trajneri i tij Giorgos Kouvaras./albeu.com/

The post U aksidentua në Greqi, familja e atletit shqiptar hap dyert e mortit, Denisi do të varroset në atdhe appeared first on Albeu.com.

FOTO/ Sporti grek në zi, kush është atleti shqiptar që u vra në aksident rrugor në Patra

Erv Isa — Thu, 16 Mar 2023 11:38:05 +0000

Sporti grek po vajton ndarjen e papritur nga jeta të atletit me origjinë shqiptare, Denis Gjura.

25-vjeçari shqiptar humbi jetën mbrëmjen e djeshme, për shkak të një aksidenti rrugor, kur makina me të cilën po udhëtonte doli nga rruga dhe u përplas me trafikndarësen.

Sipas informacioneve të para, atleti 25-vjeçar humbi kontrollin e mjetit në rrethana ende të paqarta.

Kush është Denis Gjura

Atleti me origjinë shqiptare ishte pjesë e ekipit të Patras “Espreso Patrs” që prej viti 2004. Denisi e dashuronte sportin. Ai është aktivizuar në sport dhe gara me vrap që në vogëli.

Ai shkruante në llogarinë e tij në Facebook: “Me armë në këmbë dhe etje për sukses që nuk i mbaron kurrë plumbi…”.

Sakaq të shumta kanë qenë mesazhet ngushëlluese për ndarjen nga jeta të Denisit në rrjetet sociale. Miq dhe të afërm janë shprehur të pikëlluar nga vdekja e 25-vjeçarit.

“U prehsh në paqe kampioni im!”, shkruan një mik i Denisit në Facebook./Albeu.com/

The post FOTO/ Sporti grek në zi, kush është atleti shqiptar që u vra në aksident rrugor në Patra appeared first on Albeu.com.

E rëndë, ndërron jetë atleti 25-vjeçar shqiptar në Greqi

Erv Isa — Thu, 16 Mar 2023 11:15:14 +0000

Atleti 25-vjeçar me origjinë shqiptare ka ndërruar jetë në Greqi, si pasojë e një aksidenti rrugor.

Denis Gjura humbi jetën mbrëmjen e së mërkurës në afërsi të Patras.

25-vjeçari shqiptar ishte duke udhëtuar, kur humbi kontrollin e mjetit dhe u përplas me trafikndarësen në Patra.

Përplasja ka qenë e fortë dhe atleti shqiptar ka humbur jetën në vendin e ngjarjes, shkruajnë mediet greke.

Denis Gjura ishte atlet i Esperos Patras dhe kishte fituar disa çmime siç ishte fitorja në “Run Greece of Patras”./albeu.com/

The post E rëndë, ndërron jetë atleti 25-vjeçar shqiptar në Greqi appeared first on Albeu.com.