Që prej skandalit të 16 qershorit, video erotike e Almës me Gjicin në zyrën e bashkisë,  në rrjet kanë qarkulluar foto të saj me politikanë, biznesmenë dhe njerëz të medias në Shqipëri.

Gazetari Denis Dyrnjaja “hedh” bombën e radhës në lidhje me takimet që Alma K. ka zhvilluar në qytetet e Shqipërisë. Sipas gazetarit, Alma ka ndaluar edhe në Elbasan ku duket se ka folur për qentë.

Dyrnjaja shkruan se: “ka prova filmike për këtë mikpritje të pelegrines dashamirëse të qenve bashkiakë edhe për takimin dashamirës në Elbasan.”

Kujtojmë se në videon e regjistruar në  zyrën e Gjicit në Kukës, Alma i është referuar  bashkisë së Librazhdit për tenderin e qenve.

Siç dëgjohet edhe në videon e plotë të regjistruar në Bashkinë e Kukësit, Alma.K pasi ka “mbaruar punë” në zyrën e Safet Gjicit, është drejtuar për në zyrën e nënkryetarit Granit Gjana.

Gjatë bisedës me Gjanën, Alma.K thekson se projekti i saj për strehimin e qenve të rrugës është një histori suksesi, duke sjellë si shembull Bashkinë e Librazhdit. Koha për të cilën flet Alma është kur në krye të Bashkisë së Librazhdit ka qenë Kastriot Gurra.

Postimi i plot i gazetarit në Facebook

Nga këndi i bëmave të Alma K! Haheret reale thonë se pasi mbaroi me sukses atë punën e qenve në Librazhd, me ish kryetarin e Bashkisë atje, Alma K. gjatë kthimit paska ndaluar për një “kafe me bisht” edhe në Elbasan. Shumë “mikpritje të ngrohtë” mësohet se ka gjetur Alma edhe atje. Madje ka prova filmike për këtë “mikpritje” të pelegrines dashamirëse të qenëve bashkiakë edhe për “takimin dashamirës’ në Elbasan.

/albeu.com/

The post Trondit gazetari: Pasi “mbaroi punë” në Librazhd, Alma u ndal edhe në Elbasan: Ka video për këtë appeared first on Albeu.com.

Ndërkohë, gazetari Denis Dyrnjaja ka reaguar disi i revoltuar për mesazhet e keqardhjes, duke thënë se njerëzit duhet të kujtohen kur janë gjallë dhe kur kanë nevojë.

Ai shton se sot mbase Daka do të ishte gjallë, nëse do të ishin bashkuar për të mbledhur shumën financiare që nevojitej për transpantin.

Reagimi i gazetarit:

Nuk e njoha avokate Denisa Dakën, por ca fjalë i kam

Një lajm për ndarjen nga jeta të Avokates Denisa Daka po bën xhiron e portaleve, po ashtu shumë mesazhe keqardhjeje në rrjetet sociale. Por ju lutem kujtohuni për njerëzit kur janë gjallë, kur ata kanë nevojë. Nëse të gjithë nuk do shihnin hallin e vet dhe do solidarizoheshin me një kontribut konkret për të kuruar sëmundjen e rëndë me të cilën Denisa u përball, sot ajo ndoshta do të ishte përsëri në gjykatë duke punuar si avokate, do të ishte pasdite pranë fëmijëve të saj binjakë dhe pse jo do të ishte duke pirë një gotë verë me miq në fundjavë. Por askush nuk tha të bëhemi bashkë për Denisën kur ajo kishte nevojë të mos përballej e vetme me sëmundjen që i mori jetën. Të gjithë panë punët e tyre dhe sot papritur u befasuan sesi, një profesioniste, një grua dhe mbi të gjitha një nënë, nëna e dy fëmijëve binjakë nuk jeton më. Nuk ishte vetëm sëmundja, por edhe indiferenca, shkaqet që Denisa shkoi pa kthim. Nëse vërtetë ata që e njohën dhe e deshën Denisën sot ndjehen të tronditur e të befasuar kanë një mundësi të zhbëjnë atë që se bënë me Denisën. Le të solidarizohen e të kontribuojnë për fëmijët e saj të mitur. Është njerëzore për çdokënd nëse do bëheshin të gjithë bashkë shumë vështirësi kalohen më lehtë. Edhe shpirti i saj do të gjente paqe nëse fëmijët e saj do kishin vëmendjen dhe përkujdesjen shoqërore që Denisa nuk e pati sa ishte gjallë. Fjalët e ndjera nuk i duhen një të pajeti. Ndaj nëse dhimshuria dhe dashuria për ata që e njohën Denisën ekziston ajo duhet të shkojë si përkrahje për fëmijët e saj. Requimet poetiko/dramatike janë të pavlera. Unë nuk e kam njohur personalisht këtë zonjë të ndjerë, por t’i kursejmë elegjitë e nëse vërtetë duam të jemi pranë fëmijëve të saj t’iu gjendemi atyre konkretisht duke kontribuar jo me llogje Facebooku por me fakte. Ndërsa për Denisën dua të them se ka shpëtuar nga një shoqëri plot hipokrizi. I qoftë dheu i lehtë e shpirti në paqe!/albeu.com

The post Reagimet për ndarjen nga jeta të Denisa Dakës, gazetari: Kujtohuni për njerëzit kur janë gjallë, askush nuk tha të bëhemi bashkë për ta shpëtuar appeared first on Albeu.com.

Ditën e djeshme në program ishte i ftuar Marash Logu, këshilltari ligjor i Partisë Demokratike i cili u ankua fillimisht për kohën televizive pasi sipas tij nuk po i jepej koha e duhur për të folur në lidhje me temën e inceneratorëve.

Logu kërkoi të dinte nga gazetari se nëse do ti vinte koha për të folur pasi kishte 10 minuta që po qëndronte i heshtur. Më pas situata u agravua kur Dyrnjaja i tha se po sillej si kamikaz, fjalë për të cilën Logu kërkoi ndjesë nga ana e moderatorit.

Në fund, emisioni u mbyll me largimin e Logut nga studio pasi ia kërkoi Dyrnjana disa herë me radhë.

DEBATI:

Marash Logu: Zoti Dyrnjaja, ju lutem unë kam 10 minuta që jam në studion tuaj, nëse nuk doni që të zhvilloj një bisedë me ju më thoni pasi dhe unë kam punët e mia. Unë duhet të them mendimin tim, për shkak se unë bëra një parantezë dhe për shkak të kësaj doni të çensuroni të gjithë fjalën time ju lutem shumë..

Denis Dyrnjaja: Mos u kompleksoni, mos u kompleksoni nga kjo gjë.

Marash Logu: Nuk po kompleksohem për asgjë, më respektoni për prezencën dhe për atë që përfaqësoj.

Denis Dyrnjaja: Kur të jap fjalën, më lejo ta moderoj.

Marash Logu: Po pra me respekt për të ftuarit, ndjesë që po ta them këtë se jeni gazetar me eksperiencë.

Dyrnjaja: Mua me thënë të drejtën më ndodh në herën e parë pas 4 vitesh në këtë eksperiencë që të më vijë një kamikaz dhe të më bëjë një gjë ndryshe në televizion. Për respekt të etikës televizive të mos e vazhdojmë më.

Logu: Të ftuarit vijnë, kundërshtojnë po jo ti quani kamikaz. Dhe unë mund t’ju them kamikaz i medias, cfarë do të thotë kjo, e para kërko falje se është ofendim ti thuash dikujt kamikaz

Dyrnjaja: Unë nuk do të kërkoj falje për këtë rast.

Logu: Ti nuk mund të më censurosh fjalën time zotëri, nëse nuk është me interes dakord..

Dyrnjaja: Uljani zërin zotërisë, të lutem mund të largohesh nga studio, të lutem mund të coheni nga studio.

Logu: Nuk mund të vini të bëni këtë gjë.

Dyrnjaja: Faleminderit, nesër do të shihemi prapë bashkë./albeu.com/

The post Debati për Inceneratorët, gazetari përzë nga emisioni juristin e PD-së (VIDEO) appeared first on Albeu.com.