Aktualisht, Naim Murseli si inicues dhe Granit Plava, që mendohet të jetë personi që ka vrarë Liridonën, bashkë me Kushtrim Kokallën dhe Tomë Dodaj, ndodhen në paraburgim.

Nga qytetarë të shumtë e njerëz të politikës është kërkuar një dënim maksimal.

Deputeti i Lëvizjes për Vetëvendosje, Enver Dugolli ditë më parë ka deklaruar se do të votonte rikthimin e dënimit me vdekje. Dugolli është shprehur i vetëdijshëm se Kosova aspiron integrimin në Bashkimin Evropian (BE), vende ku nuk aplikohet dënimi me vdekje. Por ai tha se duhet të shikohet mundësia sesi të frenohen këto krime.

“U vra një grua mizorisht, nënë e dy fëmijëve, pa asnjë faj, pa asnjë të drejtë të dikujt që të privojë jetën e një gruaje. Unë mendoj që dënimet për vepra të tilla të rënda kriminale janë të buta dhe insistoj që ashpërsimi i dënimeve të jetë në fokus të ndryshimeve legjislative që do të duhej të ndodhnin në Republikën e Kosovës. Shto këtu që edhe në këtë plan legjislativ me këto parashikimet legjislative për dënimet që janë, drejtësia s’i shqipton thuajse asnjëherë ato maksimalet. Unë kam propozuar, edhe pse është e vështirë të realizohet për shkak të problematikës që ka kjo iniciativë, kthimin e dënimit me vdekje, për shkak të përafrimit të legjislacionit tonë me BE-së. Megjithatë, nëse do të vijë në shprehje një iniciativë e tillë, unë si deputet do ta votoja rikthimin e dënimit me vdekje për ata që vërtetohet se kryejnë këso lloj veprash të rënda. Jemi dëshmitarë se në shumicën e vendeve ka ekzistuar dënimi me vdekje si masë për të parandaluar veprime të tilla të rënda. Unë e kuptoj se tani jemi në këto momentet kur Kosova po bën përpjekje që të ecë përpara drejt përmbushjes së atyre kushteve për t’u bërë pjesë e BE-së, mirëpo edhe diçka e di se, këto veprat e rënda kriminale do të duhej që disi t’i frenonim dhe të ishim shumë më rigoroz sa i përket dënimit”, ka thënë ai.

Lidhur me këtë çështje ka folur edhe profesori i juridikut, Blerim Burjani. Ai thotë se, Kosova është vend demokratik, dënimi me vdekje nuk ka më vend në BE.

“Shtetet që dëshirojnë të jenë anëtar në BE nuk mund të bëhen pjesë të BE-së me këtë ligj. Nuk mund të ketë dënim me vdekje në shtetet që kanë synim anëtarësim në BE, pra gjasa nuk ka fare për të vendosur një masë ndëshkimi”.

“Por në BE më s’do të ketë dënim të kësaj natyre, krimet e rënda ndëshkohen me dënim të përhershëm”, thekson Burjani.

The post Rasti i Liridona Ademajt/ Në Kosovë propozohet kthimi i dënimit me vdekje, juristët thonë se kjo do ta pengojë integrimin në BE appeared first on Albeu.com.

Vërejtjet e Papës, të bëra në fjalimin e tij vjetor para diplomatëve të akredituar në Vatikan, ishin më të fortat e tij që nga fillimi i protestave mbarëkombëtare në Iran pas vdekjes shtatorin e kaluar të gruas kurdo-iraniane, 22-vjeçares, Mahsa Amini, në një qendër paraburgimi nga policia.

Në fjalët e tij, Françesku e lidhi kundërshtimin e Vatikanit ndaj abortit me kundërshtimin e tij ndaj dënimit me vdekje, duke thënë se të dyja janë shkelje e të drejtës themelore për jetë.

“E drejta për jetë kërcënohet gjithashtu në ato vende ku vazhdon të shqiptohet dënimi me vdekje, siç është rasti në këto ditë në Iran, pas demonstratave të fundit që kërkonin respekt më të madh për dinjitetin e grave”, tha Françesku.

“Dënimi me vdekje nuk mund të përdoret për një drejtësi shtetërore të supozuar, pasi ai nuk përbën një pengesë dhe as nuk jep drejtësi për viktimat, por vetëm nxit etjen për hakmarrje”, deklaroi ai.

Këto deklarime shënuan komentet e tij të para publike në lidhje me protestat që shpërthyen në Iran në mes të shtatorit të vitit të kaluar për vdekjen e Mahsa Amini.

Gruaja 22-vjeçare vdiq pasi u arrestua nga policia morale e Iranit për dyshimin se kishte shkelur kodin e rreptë të veshjes së Republikës Islamike.

Gratë kanë luajtur një rol udhëheqës në protesta, ku shumë prej tyre kanë hequr publikisht shaminë e detyrueshme islame, të njohur si hixhab.

Të paktën katër persona janë ekzekutuar që nga fillimi i demonstratave, pas gjykimeve të kritikuara ndërkombëtarisht, të shpejta dhe me dyer të mbyllura./REL/

The post Papa dënon Iranin për përdorimin e dënimit me vdekje appeared first on Albeu.com.

Ata akuzohen për vrasjen në vitin 2016 të një aktivisti politik në ditët e fundit të sundimit brutal nën ish-presidentin Yahya Jammeh.

Aktivisti, Ebrima Solo Sandeng, një figurë udhëheqëse në Partinë e Bashkuar Demokratike të opozitës, ishte arrestuar gjatë protestave antiqeveritare.

Ai vdiq në burg dy ditë më vonë, i rrahur dhe torturuar.

Vdekja e tij nxiti një valë zemërimi popullor që përfundimisht çoi në rrëzimin e Presidentit Jammeh pas 22 vjetësh në pushtet.

Jammeh iku në vitin 2017 në Guinenë Ekuatoriale, ku mbetet në mërgim.

The post Ish-shefi i spiunazhit dënohet me vdekje (FOTO LAJM) appeared first on Albeu.com.

Kiço Nano, prokuror i masakrës së Libofshës që dha dënimin kapital për ekzekutimin e dy vëllezërve Çuko, ka dhënë një intervistë ekskluzive.

Ish-prokurori shprehet se ngjarja e vitit ’92 ka qenë e rrallë në Evropë edhe në botë, që të zhdukësh tre breza në një vrasje, dy prindërit, djalin e tyre dhe nusen, së bashku me foshnjën 7 muajshe të çiftit. Nano tregon për momentet e vështira që ka kaluar, ndërsa shton se kur çonte ndërmend skenën e vrasjes së foshnjës me levë pas koke, ajo që mendonte ishte se meritonin përtej ekzekutimit!

Autorët treguan vetë të gjithë ngjarjen ndërsa nuk u shfaqen aspak të penduar thotë Nano, teksa shton se 2-3 vite pasi ndodhi varja në litar e dy vëllezërve pati një rënie të këtyre ngjarjeve tragjike! Vetëm dy ditë më parë, 38-vjeçari Klodian Çalamani vrau barbarisht 8-vjeçarin Mateo Vasiu duke e goditur me sende të forta dhe e groposi në oborrin e shtëpisë së tij disa orë pasi e kishte marrë peng. Kjo ngjarje ka shkaktuar indinjatë dhe një revoltë të gjerë qytetare, ndërsa Nano nuk gjen dot fjalë e thotë se nëse do të ishte prokuror do të jepte dënimin maksimal për vrasësin!

Intervista e plotë:

Kiço Nano: Unë deri në korrik të ’92 kam qenë prokuror i rrethit të Fierit dhe në muajin prill ndodhi një ngjarje shumë e rëndë, makabre, në Fier, që më ka ngel në mendje, u vranë u zhdukën tre breza. Ngjarje e rrallë në Evropë dhe në botë që të zhdukësh tre breza në një vrasje. Ikën djali me nusen, fëmija e vogël, Magdalena 7 muajsh dhe prindërit e djalit, tre breza.

Gazetari: Sa e lehtë apo e vështirë ishte dhënia e vendimit kapital për ju?

Kiço Nano: Më ka ngel në mendje, kur gjeta forcën, kur kujtoja dhe kaloja nëpër mend skenën e vrasjes së foshnjës 7 muajshe ajo më jepte të thoja jo kapital, por sikur të kishte super kapital ata e meritonin ekzekutimin. E vrau me levë, madje e kisha peshuar levën, ishte levë barominë 13 kilogramshe. E gjuajti në kokë, qau fëmija. Pasi u goditën të parët djali me nusen, u goditën ata me levë, duke dëgjuar zhurmë fëmija qau, se ishte ora 01:00 i natës, ata qëlluan edhe fëmijën me levë.

Gazetari: Autorët treguan të gjithë ngjarjen vetë? A ishin penduar?

Kiço Nano: Po, po të gjithë ngjarjen. Jo hiç fare, sikur s’kishte ndodhur asgjë, nuk ishin penduar.

Gazetari: Çfarë ndodhi pas vendimit, kur u vendos të vareshin në mes të Fierit?

Kiço Nano: Ajo çështje u hetua në kohë rekord dhe u gjykua në kohë rekord, pasi mori dënimin nga shkalla e para e Fierit, gjykata e lartë e la në fuqi vendimin, ish presidenti Berisha e miratoi dënimin me varjen në litar dhe u ekzekutuan më 25 qershor të ’92. Nga prilli në qershor, mendoj se edhe sot duhet të rishikohen hetimet, sidomos shpejtësia në hetime ka të bëjë shumë në parandalimin e krimeve të tjera.

Gazetari: Pas asaj periudhe pati krime të kësaj natyre?

Kiço Nano: Pati nja 2-3 vjet, edhe në Fier edhe më gjerë sikur ra, pati një rënie, u ndje ekzekutimi i tyre.

Gazetari: Mendoni se duhet të vendoset sërish një dënim i tillë?

Kiço Nano: Lufta më e madhe duhet të ishte bërë në kohën kur u hoq, të mos hiqej, tani që është hequr është vështirë të rivihet përsëri.

Gazetari: Pas 29 vitesh ndodhi sërish një ngjarje e tillë edhe po në Fier, çfarë mendoni për këtë ngjarje?

Kiço Nano: Ajo është makabre, s’ke çfarë thua, është tepër e rëndë, s’ke çfarë emri ti vësh, nuk ka shpjegim dhe fjalë, nëse do isha prokuror do jepja dënimin maksimal që ka ligji! Dënimi sot kush është, burgimi i përjetshëm./Top Channel/

The post Dënimi me vdekje për masakrën e Libofshës, flet prokurori: Më ka ngelur në mendje appeared first on Albeu.com.