Llalla ka bërë një kërkesë në Gjykatën e Lartë, duke i kërkuar pezullimin e dënimit të tij.

Kjo sipas tij, me argumentin se ai vuan nga një sëmundje e pashërueshme dhe sipas tij, izolimi do I sillte pasoja për shëndetin.

Gjykata e Lartë ka vendosur që më 22 prill të shqyrtojë kërkesën e Llallës.

Trupa do të përbehet nga anëtaret Ilir Panda, Sokol Binaj dhe Sander Simonit. Ish-kryeprokurori Llalla, u shpall fajtor për mosdeklarim dhe fshehje pasurie në 3 episode. Më konkretisht ai akuzohet se nuk ka deklaruar një shumë prej rreth 7000 dollarë për lindjen e djalit të tij, shpenzimet për ndërtimin e katit të tretë te banesës si dhe shkollimin e vajzës së tij në gjermani.

Gjithashtu ndaj ish-kryeprokurorit gjykata vendosi edhe konfiskimin e pasurisë. Më konkretisht bëhet fjale për një apartament në Durrës dhe rreth 22 mijë m2 tokë arë ne periferi të Tiranës. Në vendimin e saj Apeli i GJKKO-së, thotë se ish kryeprokurori për 5 vite nuk duhet te ushtrojë asnjë funksion publik.

The post “Vuaj nga një sëmundje e rëndë”, Adriatik Llalla kërkon pezullimin e vendimit të dënimit të tij appeared first on Albeu.com.

Vetëm pak orë pasi u shpall në kërkim nga SPAK, oficerët shkuan mbrëmjen e sotme në shtëpinë e ish-kryeprokurorit për ta arrestuar, por nuk e gjetën në shtëpi.

Banesa është vendi i parë ku realizohet kërkimi pas firmosjes së urdhër arrestit, por trupa e policisë së Tiranës doli “duarbosh”, pasi nuk e gjeti në shtëpi.

Kujtojmë se pak kohë më parë u përhap në internet një foto e tij nga Roma, ku ai shihëj me valixhe në dorë duke pritur trenin./albeu.com

The post Momenti kur Policia del “duarbosh” nga shtëpia e Adriatik Llallës (FOTO LAJM) appeared first on Albeu.com.

Llalla po ditën e sotme u dënua nga Gjykata e Posaçme e Apelit me 2 vite burg, duke lënë kështu në fuqi vendimin e shkallës së parë.

Mirëpo ky vendim u dha në mungesë, pasi nuk dihet ku ndodhet aktualisht Adriatik Llalla, i cili u përfaqësua në gjyq me avokatin e tij, Sokol Hazizaj, i cili një javë më parë tha se Llalla ndodhej në regjim spitalor për shkak të një sëmundje të rëndë nga e cila vuan, mirëpo në fundin e seancës së sotme ku u dha dënimi, ai tha se nuk kishte dijeni mbi vendndodhjen e Llallës.

Pikërisht në lidhje me vendndodhjen e ish-kryeprokurorit Albeu.com ka arritur të sigurojë një foto të shkrepur ditën e premte, ku shihet Adriatik Llalla me valixhe në dorë duke pritur trenin.

Dyshohet se kjo foto është bërë në Romë, nga ku më pas Llalla është nisur drejt një destinacioni që ende nuk dihet.

Është çështje orësh tashmë që ish-Kryeprokurori i Shqipërisë të shpallet në kërkim kombëtar dhe ndërkombëtar, pas vendimit të dhënë sot nga Gjykata e Posaçme e Apelit./albeu.com

The post Adriatik Llalla është shëndoshë e mirë, kapet me valixhe në dorë duke pritur trenin (FOTO LAJM) appeared first on Albeu.com.

Por sipas informacioneve nga Policia e Shtetit, mësohet se ish-kryeprokurori nuk ndodhet në Shqipëri.

Destinacioni i mundshëm i Adriatik Llallës mësohet se ka qenë Turqia, ndërsa nuk dihet nëse ish-kryeprokurori ndodhet ende në këtë shtet apo ka shkuar në një vend tjetër ku mund të ndihet më I sigurt.

Më herët në një prononcim për mediat avokati i Adriatik Llallës tha vetëm se klienti i tij ndodhet në spital, pa sqaruar se në cilin vend ndodhet.

PRONONCIMI I AVOKATIT:

I pyetur mbi vendndodhjen e Adriatik Llallës, avokati Sokol Hazizaj tha: “Di që është në regjim spitalor. Gjykata e Shkallës së Parë dhe e Apelit ka bërë copy-paste konstatimet e organit hetimor”.

I pyetur nëse ka dijeni nëse ish-kryeprokurori ndodhet në një spital në Shqipëri ai u shreh: “Nuk kam komunikim për aspekte shëndetësore, vetëm proceduriale, penale”.

Sjellim në vëmendje që Adriatik Llalla u dënua me 2 vjet burg nga Gjykata e Shkallës së Parë për “fshehje dhe mosdeklarim të pasurisë”.

Disa prej pasurive të tij u sekuestruan dhe i kaluan shtetit. Po ashtu ish-kryeprokurorit iu morën 4 sipërfaqe toke, në total 22 mijë metra katrore dhe 1 apartament në Durrës./albeu.com

The post U dënua me 2 vjet burg, Adriatik Llala është “zhdukur”! Ku ndodhet ai appeared first on Albeu.com.