Publicisti Adriatik Riza Dosti ka reaguar pas vendimit përfundimtar të Dhomave të Specializuara në Hagë ndaj Hashim Thaçit, Kadri Veselit, Jakup Krasniqit dhe Rexhep Selimit. Të katër të akuzuarit u dënuan në total me 81 vjet burgim, vendim që Dosti e cilëson si të rëndë.

Sipas tij, përgjegjësia për krimet duhet të trajtohet veçmas nga vlerësimi për luftën dhe karakterin e Ushtrisë Çlirimtare të Kosovës. Dosti rikujtoi edhe qëndrimin e gjyqtarit Charles L. Smith, i cili deklaroi se akuzat dhe dënimet lidhen me përgjegjësinë personale të të akuzuarve dhe jo me legjitimitetin apo veprimtarinë e UÇK-së.

Dosti ka thënë se e ka konsideruar Thaçin dhe Veselin fajtorë, por nuk ka pritur që ndaj tyre të shqiptoheshin dënime kaq të larta. Ndërsa për Jakup Krasniqin dhe Rexhep Selimin, ai ka deklaruar se ka pritur pafajësi, përcjell “Bota sot”.

Shkrimi i plotë

Dhomat e Specializuara në Hagë shpallën vendimin përfundimtar: Hashim Thaçi u dënua me 25 vjet burgim, Kadri Veseli me 18 vjet, Jakup Krasniqi me 25 vjet dhe Rexhep Selimi me 13 vjet, gjithsej 81 vite.

Bëhet fjalë për masa të rënda dënimi.

Gjatë leximit të vendimit, gjyqtari Charles L. Smith sqaroi se akuzat dhe dënimet nuk lidhen me legjitimitetin e UÇK-së apo me veprimtarinë e saj, por me përgjegjësinë individuale të secilit të akuzuar.

Sipas Dosit, ata përfunduan vetë në kurthin që kishin ngritur, pasi besuan se në të do të binin të tjerë dhe votuan e miratuan krijimin e Gjykatës Speciale.

Askush, sipas tij, nuk mund ta njollosë UÇK-në dhe luftën e saj për çlirimin e Kosovës, por po ashtu askush nuk duhet të përdorë gjakun e saj për t’u mbrojtur apo për t’u fshehur.

Dosti shprehet se kushdo që ka kryer krime, qoftë gjatë luftës apo veçanërisht në periudhën e paqes, duhet të mbajë përgjegjësi dhe të dënohet.

Ai thekson se Haga duhet të bëjë dallimin mes njerëzve që luftojnë për lirinë e vendit dhe popullit të tyre, siç ishin shqiptarët e Kosovës, dhe atyre që, sipas tij, ishin pushtues, dhunues, grabitës, plaçkitës, kriminelë, përdhunues e sadistë që dogjën Kosovën dhe dëbuan popullsinë e saj nga trojet e veta; këta, sipas tij, ishin serbët.

“Drejtësi për të gjithë”, shkruan Dosti, duke shtuar se nuk duhet të ketë kurrë barazi mes kriminelit dhe viktimës.

Pas shpalljes së vendimit nga Haga, ai pret reagime në Kosovë dhe në arenën ndërkombëtare.

Dosti përsërit se personalisht ka besuar se Thaçi dhe Veseli janë fajtorë, por jo në atë masë sa të merrnin dënime kaq të rënda.

Ndërkohë, për Krasniqin dhe Selimin, ai thotë se kishte pritur vendim pafajësie.

Megjithatë, publicisti thotë se mbetet dakord me deklaratën e gjyqtarit Charles L. Smith: UÇK-ja përfaqëson një çështje, ndërsa personat përgjegjës për krime përbëjnë një çështje tjetër.

Dosti u bën thirrje qytetarëve të Kosovës të përmbahen dhe ta gjykojnë situatën me qetësi e logjikë. Sipas tij, Haga nuk është “çmendur”, por përgjegjës janë fajtorët, të cilët ai i quan edhe “vetë-dënues”.

Ai shprehet se dëshiron të dëgjojë se çfarë do të deklarojë Rama, të cilin e cilëson si një nga personat kyç që i bindi Hashim Thaçin, Kadri Veselin dhe të tjerët për të votuar krijimin e Gjykatës Speciale.

Gjithashtu, Dosti pyet se çfarë do të thotë Baton Haxhiu, për të cilin pretendon se i futi ata në këtë kurth duke luajtur, sipas tij, lojën e Beogradit.

Ai kërkon të dijë edhe se çfarë do t’u thonë tani Albin Kurtit kundërshtarët më të fuqishëm të krijimit të kësaj gjykate, përfshirë Hamzat e PDK-së së tij, Ramushet e Gjinet, Isat e Dullat, Gashet e Lushtakët dhe të tjerë.

“Haga foli sot. Tani duhet të flasë edhe Prishtina, me mendje të kthjellët dhe në mënyrën që duhet, nga ky moment e tutje”, përfundon Dosti.

The post Dosti për vendimin e Hagës: 81 vite burg për krerët e UÇK-së, por lufta dhe përgjegjësia individuale nuk janë e njëjta gjë appeared first on Albeu.com.

Kryetarja e Kuvendit të Kosovës dhe ushtruesja e detyrës së presidentes, Albulena Haxhiu, ka reaguar pas vendimit të Dhomave të Specializuara në Hagë ndaj ish-presidentit Hashim Thaçi, ish-kryeparlamentarit Kadri Veseli dhe ish-krerëve të Ushtrisë Çlirimtare të Kosovës, Jakup Krasniqi e Rexhep Selimi.

Ajo i ka cilësuar dënimet e shqiptuara si një goditje të rëndë për familjet e tyre, ndërsa vendimin e ka përshkruar si lajm thellësisht tronditës për Republikën e Kosovës dhe si një moment të rëndë për kombin shqiptar.

Haxhiu ka shprehur solidaritetin e saj me familjet e Thaçit, Veselit, Krasniqit dhe Selimit, të cilat, sipas saj, prej vitesh po përballen me mungesën, pritjen dhe pasigurinë. Ajo u ka bërë thirrje që të qëndrojnë të forta, duke rikujtuar se procesi gjyqësor nuk përfundon me aktgjykimin e shkallës së parë, pasi palët kanë të drejtë ankese. Reagimi i saj është përcjellë nga “Bota sot”.

Kryetarja e Kuvendit ka kërkuar gjithashtu që këto dënime të mos shfrytëzohen për të relativizuar krimet e regjimit të Serbisë gjatë luftës në Kosovë. Në këtë periudhë, ajo ka bërë thirrje për qetësi, dinjitet dhe bashkim.

Në reagimin e saj të plotë, Haxhiu ka deklaruar se vendimi dhe dënimet ndaj Hashim Thaçit, Kadri Veselit, Jakup Krasniqit dhe Rexhep Selimit përbëjnë një goditje të madhe për familjet e tyre, një lajm tronditës për Kosovën dhe një çast të rëndë për shqiptarët kudo që jetojnë.

Ajo ka theksuar se pesha e vendimit të sotëm duhet parë në lidhje me historinë e Kosovës, e cila ka përjetuar dhunën e një aparati shtetëror që vrau civilë, kreu masakra, dëboi qindra mijëra shqiptarë nga shtëpitë e tyre dhe la pas mijëra të vrarë e të zhdukur. Sipas Haxhiut, kjo përvojë mbetet pjesë e pashlyeshme e kujtesës së Kosovës dhe të kombit shqiptar.

“Mendimet e mia janë, para së gjithash, me familjet e Hashim Thaçit, Kadri Veselit, Jakup Krasniqit dhe Rexhep Selimit. Prej vitesh ato mbajnë barrën e mungesës, pritjes dhe pasigurisë. Dënimet e sotme e bëjnë këtë barrë edhe më të rëndë”, ka thënë ajo.

Haxhiu u ka përcjellë familjeve një mesazh nga Kosova, duke u kërkuar të qëndrojnë të forta dhe duke u siguruar se Kosova është me to. Ajo ka nënvizuar se fjala e fundit juridike ende nuk është thënë dhe se e drejta e ankimit, si pjesë e procesit, duhet të ushtrohet plotësisht.

Ajo ka mbrojtur karakterin çlirimtar të luftës së Ushtrisë Çlirimtare të Kosovës, duke thënë se ajo lindi përballë shtypjes, dhunës dhe krimeve të regjimit të Serbisë ndaj popullit të Kosovës. Sipas saj, asnjë aktgjykim nuk mund ta ndryshojë natyrën e asaj lufte apo ta zhbëjë të drejtën e një populli për të luftuar për lirinë e vet.

“Respekti për drejtësinë nuk nënkupton heshtje përballë çdo përpjekjeje për ta shtrembëruar historinë. Nuk duhet lejuar që dënimet e sotme të përdoren për të relativizuar krimet e regjimit të Serbisë, për ta zvogëluar përgjegjësinë për to apo për të krijuar një narrativë të rreme”, ka deklaruar Haxhiu.

Ajo ka thënë se këtë qartësi e pret edhe nga miqtë dhe aleatët e Kosovës.

“Sot na duhet qetësi, dinjitet dhe bashkim. Dhimbja e kësaj dite nuk duhet të na ndajë”, është shprehur ajo.

Haxhiu ka përfunduar duke thënë se Republika e Kosovës do ta kalojë edhe këtë sprovë, duke mbetur besnike ndaj drejtësisë, lirisë dhe së vërtetës së saj. Sipas saj, aktgjykimet nuk mund ta gjykojnë historinë e një populli dhe as ta rishkruajnë atë.

The post Haxhiu pas vendimit në Hagë: Një ditë e rëndë për Kosovën, historia e saj nuk rishkruhet nga asnjë aktgjykim appeared first on Albeu.com.

Më konkretisht, Gjykata e Posaçme e dënoi me 2 vite 6 muaj burg, por në aplikim të gjykimit të shkurtuar, iu ul në 1 vit e 8 muaj burg. Në fund, gjykata vendosi që të pezullojë vendimin me burg, duke e lënë në shërbim prove për 3 vite e 4 muaj me kusht që të mos kryejë asnjë vepër tjetër penale.

Po ashtu, gjykata i hoqi të drejtën e ushtrimit të profesionit të avokatit për një periudhë prej të paktën 3 vitesh, ndërsa i është hequr edhe masa e detyrimit të paraqitje në policinë gjyqësore.

Qytetarja Pranvera Meshi u dënua me 1 vit burg, në gjykim të shkurtuar 8 muaj burg. Edhe Meshi s’do të bëjë burg pasi gjykata pezulloi dënimin. Ajo do të duhet vetëm të paraqitet në policinë gjyqësore.

Sipas SPAK, Bardhi Koçi kishte kërkuar dhe përfituar para në disa raste me qëllim ndërhyrjen në vendimmarrje të funksionarëve të drejtësisë. Në një rast, ai kërkoi 1500 euro dhe ka përfituar 1000 euro nga Pranvera Meshi, e cila ndodhej nën gjykim në Gjykatën e Tiranës për falsifikim të dokumenteve shëndetësore, me qëllim ndikimin në vendimin e gjyqtarit që po shqyrtonte çështjen ndaj saj.

Në një episod tjetër, Koçi kërkoi 1300 euro nga shtetasi A.M., për të ndikuar te dy funksionarë të sistemit të drejtësisë në lidhje me një çështje që përfshinte shtetasen N.M., e arrestuar për drejtim të automjetit në mënyrë të parregullt.

Po ashtu, ai ka marrë përfitime të parregullta nga shtetasi R.G., për të ndikuar në përpilimin e një akti ekspertimi kimik nga Instituti i Policisë Shkencore, lidhur me një sasi lënde narkotike të sekuestruar nga një tjetër i dyshuar.

Njoftimi i plote:

1. Prokuroria e Posaçme kundër Korrupsionit dhe Krimit të Organizuar ka paraqitur pranë Gjykatës kërkesën me objekt: “Gjykimin e çështjes penale në ngarkim të të pandehurve: Bardhi Koçi, i akuzuar për kryerjen e veprës penale “Ushtrimi i ndikimit të paligjshëm ndaj personave që ushtrojnë funksione publike”, (në tre episode), të parashikuar nga neni 245/1, paragrafi 4, i Kodit Penal dhe Pranvera Meshi, e akuzuar për kryerjen e veprës penale “Ushtrimi i ndikimit të paligjshëm ndaj personave që ushtrojnë funksione publike”, parashikuar nga neni 245/1, paragrafi 2, i Kodit Penal”.

2. Gjykimi i kësaj ҫështje u zhvillua me rregullat e gjykimit të shkurtuar. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtarët Bib Ndreca, Erjon Bani dhe Elsa Ulliri me vendimin nr. 81, datë 17.12.2025 vendosi:

1. Deklarimin fajtor të të pandehurit Bardhi Koçi, për kryerjen e veprës penale të “Ushtrimi i ndikimit të paligjshëm ndaj personave që ushtrojnë funksione publike”, (në episodin 1), të parashikuar nga neni 245/1, paragrafi i katërt i Kodit Penal, dhe dënimin e tij me 1 (një) vit e 6 (gjashtë) muaj burgim.

2. Deklarimin fajtor të të pandehurit Bardhi Koçi, për kryerjen e veprës penale të “Ushtrimi i ndikimit të paligjshëm ndaj personave që ushtrojnë funksione publike”, (në episodin 2), të parashikuar nga neni 245/1, paragrafi i katërt i Kodit Penal, dhe dënimin e tij me 1 (një) vit e 6 (gjashtë) muaj burgim.

3. Deklarimin fajtor të të pandehurit Bardhi Koçi, për kryerjen e veprës penale të “Ushtrimi i ndikimit të paligjshëm ndaj personave që ushtrojnë funksione publike”, (në episodin 3), të parashikuar nga neni 245/1, paragrafi i katërt i Kodit Penal, dhe dënimin e tij me 1 (një) vit e 6 (gjashtë) muaj burgim.

4. Në aplikim të nenit 55 të K.Penal, në bashkim të dënimeve dënimi i të pandehurit Bardhi Koçi me një masë të vetme prej 2 (dy) vite e 6 (gjashtë) muaj burgim.

5. Në aplikim të nenit 406/1 të K.Pr. Penale, i ulet 1/3 e dënimit duke u dënuar i pandehuri përfundimisht me 1 (një) vit e 8 (tetë) muaj burgim.

6. Në aplikim të neneve 30/5 dhe 35, të Kodit Penal, dhënien e një dënimi plotësues, heqjen e së drejtës për të pandehurin Bardhi Koçi, për të ushtruar funksionin e avokatit për një periudhë prej 3 (tre) vitesh.

7. Bazuar në nenin 59 të Kodit Penal, urdhërohet pezullimi i ekzekutimit të mëtejshëm të vendimit me burgim për të pandehurin Bardhi Koçi duke u detyruar që të mbajë kontakte me zyrën vendore të Shërbimit të Provës. Vënia në provë e të pandehurit për një periudhë kohe prej 3 (vite) e 4 (katër) muaj, me kusht që gjatë kohës së provës të mos kryejë vepër tjetër penale.

8. Në zbatim të nenit 61 të Kodit Penal, detyrohet i pandehuri që gjatë kohës së provës:

a). T’i përgjigjet thirrjeve dhe kërkesave të Zyrës Vendore të Shërbimit të Provës;

b). Të marrë pëlqimin në Zyrën Vendore të Shërbimit të Provës për ndryshimin e
vendbanimit.

9. Në bazë të nenit 389 të K.Pr.Penale, urdhërohet heqja e masës së sigurimit “Detyrim për tu paraqitur në policinë gjyqësore” sipas vendimit Nr.61006-00434-002025 akti, datë 29.07.2025, të Gjykatës së Lartë.

10. Deklarimin fajtore të të pandehurës Pranvera Meshi, për kryerjen e veprës penale “Ushtrimi i ndikimit të paligjshëm ndaj personave që ushtrojnë funksione publike”, parashikuar nga neni 245/1, paragrafi i dytë i Kodit Penal, dhe dënimin e saj me 1(një) vit burgim.

11. Në aplikim të nenit 406/1 të K.Pr.Penale, i ulet 1/3 e dënimit duke u dënuar e pandehura përfundimisht me 8(tetë) muaj burgim.

12. Në zbatim të nenit 52/a/1 të Kodit Penal, gjykata urdhëron përjashtimin nga vuajtja e dënimit për të pandehurën Pranvera Meshi.

13. Në bazë të nenit 389 të K.Pr.Penale, urdhërohet heqja e masës së sigurimit “Detyrim për tu paraqitur në policinë gjyqësore” caktuar me vendimin nr.10, datë 27.02.2025, të Gjykatës së Shkallës së Parë Për Korrupsionin dhe Krimin e Organizuar.

14. Lidhur me Provat materiale bazuar në nenin 190 të K.Pr.Penale, gjykata disponon si më poshtë ku:

-1 (një) aparat telefonik celular i markës Iphone 13, model MLPH3B/A, me nr. serial **, me IME1 *, me IMEI2 ***, në përdorim të shtetases Pranvera Xh. Meshi, i kthehet të pandehurës Pranvera Meshi;

-1(Një) USB e markës “Verbatim”, me numër serial **, e aktit të ekspertimit nr.209, datë 23.07.2025, mbetet pjesë e akteve të dosjes.

15. Në bazë të nenit 224 të K.Pr.Penale, CD e Përgjimeve dhe CD me të dhënat nga kompanitë celulare, mbeten pjesë e fashikullit gjyqësor.

16. Shpenzimet hetimore në masën 5258.1 (pesë mijë e dyqind e njëzet e tetë pikë një) lekë si dhe ato gjyqësore (sipas proçesverbalit bashkëlidhur), ju ngarkohen solidarisht të pandehurve.

17. Kundër vendimit lejohet ankim nga palët në Gjykatën e Posaçme të Apelit për Korrupsionin dhe Krimin e Organizuar, brenda 15 ditëve nga e nesërmja e komunikimit të vendimit të arsyetuar.

The post EMRAT/ Merrte rryshfet për t’u futur mik te gjykatësit, GJKKO dënon avokatin dhe qytetaren që i dha paratë appeared first on Albeu.com.

Në përfundim të gjykimit të shkurtuar, trupa gjykuese e përbërë nga gjyqtarët Bib Ndreca, Etleva Deda dhe Erjon Çela shpalli fajtorë të gjithë të pandehurit, duke caktuar masa të ndryshme dënimi, nga burgime efektive deri në vendime me vënie në provë.

Gëzim Sylaj, u shpall fajtor për disa episode të ushtrimit të ndikimit të paligjshëm në bashkëpunim me të tjerë.

Ai u dënua gjithsej me 3 vite e 6 muaj burg, por për shkak të gjykimit të shkurtuar dënimi u ul në 2 vite e 4 muaj burg, të cilin do ta vuajë në një burg të sigurisë së zakonshme duke nisur nga arrestimi i tij më 19 nëntor 2024. Ai u dënua gjithashtu për “mbajtje pa leje të armëve të gjuetisë dhe sportive”.

Edhe bashkëpunëtorët e Sylajt, përfshirë Vasil Karasaliun, Viola Memën dhe Behare Luzin, u shpallën fajtorë dhe u dënuan me dënime nga 2 deri në 3 vite burg, por për shkak të uljes së dënimit me 1/3 sipas ligjit, dënimet përfundimtare variojnë nga 1 vit e 4 muaj deri në 2 vite burg.

Viola Mema dhe Behare Luzi, përfituan gjithashtu nga bashkimi i dënimeve dhe u dënuan përfundimisht me 2 vite burg secila.

Për Luzin, Gjykata urdhëroi pezullim të ekzekutimit të burgimit dhe vënien në provë për 4 vite, me detyrime për të komunikuar rregullisht me Shërbimin e Provës Durrës.

Enxhi Çelaj, e dënuar për dy episode të ndikimit të paligjshëm, u dënua përfundimisht me 1 vit e 10 muaj burg, por dënimi i saj u pezullua dhe ajo u vu në provë për një periudhë 3 vjet e 8 muaj, nën mbikëqyrjen e Shërbimit të Provës Durrës.

Gazmend Panxha, u dënua me 10 muaj burg, ndërsa Sokol Sylaj me 8 muaj burg (pas uljes me 1/3), të cilat gjithashtu u pezulluan me vendim gjykate, duke u vendosur në provë përkatësisht për 20 muaj.

The post Premtonin dhënien e banesave sociale kundrejt parave/ GJKKO merr vendimin për 8 të pandehurit, dënime me burg dhe vënie në provë (EMRAT) appeared first on Albeu.com.

Bie në sy paralajmërimi për Dinamon, pasi është pranuar kërkesa e “Infinity Sports”.

Bluve u jepet një afat 30 ditë për ekzekutimin e vendimit nr. 14 datë 15.03.2024 të Dhomës Kombëtare të Zgjidhjes së Mosmarrëveshjeve.

Në fokus është dhe dhuna në futbollin e moshave dhe atë inferior.

Kujtojmë se gjatë kësaj kohe futbolli profesionist ishte pushim, me përjashtim të turit të parë në Kupë, për shkak të Kombëtares shqiptare.

Vendimet e FSHF-së marrë sot, më 17 tetor 2024:

Lojtari i KF Naftëtari, Nikolas Karakashi, për sulm ndaj lojtarëve kundërshtarë, në bazë të nenit 14/1/i të KDE, dënohet me 8 (tetë) ndeshje pezullim nga veprimtaritë.
Lojtari i KF Pogradeci U-19, Kleart Grazhdani, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.
Lojtari i KS Besa U-21, Kleis Elezi, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.
FK Apolonia U-21, për mos respektimin e detyrimeve dhe rregulloreve të aktivitetit duke shkaktuar vonesa gjatë ndeshjes, në bazë të neneve 8/1 dhe 13/2/a të KDE, dënohet me gjobë në masën 100.000 (njëqind mijë) lekë. Në zbatim të nenit 76/1/e të KDE, gjoba të aplikohet në masën 3%.
KF Lushnja U-15, për sjellje të gabuar të spektatorëve duke hedhur sende në fushën e lojës dhe duke rrezikuar sigurinë e zyrtarëve të ndeshjes, në bazë të neneve 17/1, 17/2/b dhe 17/2/h të KDE, dënohet me gjobë në masën 300.000 (njëqind mijë) lekë. Në zbatim të nenit 76/1/e të KDE, gjoba të aplikohet në masën 3%.
Zyrtari i KF Lushnja U-15, Marjol Miho, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 6 (gjashtë) ndeshje pezullim nga veprimtaritë.
Lojtari i FC Valter, Juled Pataloku, për sjellje të dhunshme ndaj lojtarëve kundërshtar, në bazë të nenit 14/1/i të KDE, dënohet me 4 (katër) ndeshje pezullim nga veprimtaritë.
Lojtari i FC Tigers, Daniel Muçaku, për sjellje të dhunshme ndaj lojtarëve kundërshtar, në bazë të nenit 14/1/i të KDE, dënohet me 4 (katër) ndeshje pezullim nga veprimtaritë.
Lojtari i Kastriotët, Erind Lleshi, për sjellje ofenduese dhe kërcënime ndaj zyrtarëve të ndeshjes, në bazë të neneve 13/2 dhe 14/1/k të KDE, dënohet me 12 (dymbëdhjetë) ndeshje pezullim nga veprimtaritë.
Lojtari i Elso Team, Tedi Brahimaj, për sulm ndaj lojtarëve kundërshtarë, në bazë të nenit 14/1/i të KDE, dënohet me 8 (tetë) ndeshje pezullim nga veprimtaritë.
Lojtari i Elso Team, Rudens Porja, për sulm ndaj lojtarëve kundërshtarë, në bazë të nenit 14/1/i të KDE, dënohet me 8 (tetë) ndeshje pezullim nga veprimtaritë.
Lojtari i Elso Team, Leonard Balliu, për sulm ndaj lojtarëve kundërshtarë, në bazë të nenit 14/1/i të KDE, dënohet me 8 (tetë) ndeshje pezullim nga veprimtaritë.
Lojtari i Elso Team, Orges Hilaj, për sulm ndaj lojtarëve kundërshtarë, në bazë të nenit 14/1/i të KDE, dënohet me 8 (tetë) ndeshje pezullim nga veprimtaritë.
Lojtari i AFA 9X9, Loel Pirko, për sulm ndaj lojtarëve kundërshtarë, në bazë të nenit 14/1/i të KDE, dënohet me 8 (tetë) ndeshje pezullim nga veprimtaritë.
Lojtari i AFA 9X9, Emil Rusi, për sulm ndaj lojtarëve kundërshtarë, në bazë të nenit 14/1/i të KDE, dënohet me 8 (tetë) ndeshje pezullim nga veprimtaritë.
Lojtari i AFA 9X9, Çlirim Shkreta, për sulm ndaj lojtarëve kundërshtarë, në bazë të nenit 14/1/i të KDE, dënohet me 8 (tetë) ndeshje pezullim nga veprimtaritë.
Lojtari i AFA 9X9, Idriz Islami, për sulm ndaj lojtarëve kundërshtarë, në bazë të nenit 14/1/i të KDE, dënohet me 8 (tetë) ndeshje pezullim nga veprimtaritë.
Lojtari i AFA 9X9, Endrit Boshnjaku, për sulm ndaj lojtarëve kundërshtarë, në bazë të nenit 14/1/i të KDE, dënohet me 8 (tetë) ndeshje pezullim nga veprimtaritë.
KF Shënkolli U-16, për aktivizimin e një lojtari që nuk kishte të drejtë të luante në ndeshjen e vlefshme të Abissnet Superiore U-16, kundër KF Vllaznia U-16, në bazë të neneve 19/2 dhe 19/4/a të KDE, humbet ndeshjen në tavolinë me rezultatin 3-0.
KF Turbina U-16, për aktivizimin e lojtarëve që nuk kishin të drejtë të luanin në ndeshjen e vlefshme për Kampionatin Kombëtar të Kategorisë së Parë U-16, kundër KF Shkodra U-16, në bazë të neneve 19/2 dhe 19/4/a të KDE, humbet ndeshjen në tavolinë me rezultatin 3-0.
Pranimin e kërkesës së kërkuesit Infinity Sports. Futboll Club Dinamo City sh.a, për dështim në ekzekutimin e vendimit nr. 14 datë 15.03.2024 të Dhomës Kombëtare të Zgjidhjes së Mosmarrëveshjeve, në bazë të nenit 29/1/b të KDE, i jepet një afat paralajmërues prej 30 (tridhjetë) ditësh për të ekzekutuar vendimin.
Pranimin e kërkesës së lojtarit të Prestige MFC, Kliton Kodhelaj, pezullimin e pjesës së mbetur të dënimit. Periudha e pezullimit me kusht, në zbatim të nenit 34/1 të KDE, do të jetë 6 (gjashtë) muaj.
Kundër vendimit lejohet ankim brenda 3 (tre) ditëve përpara Komisionit të Apelit”.

The post Dënime dhe gjoba, Komisioni i Disiplinës merr vendimet appeared first on Albeu.com.

Mësohet se në total për 16 persona u firmosën 150 vite burg, por me gjykim të shkurtuar, me 100 vite.

Konkretisht:

Aleks Memaj – 15/10 vjet

Saimir Kurti – 13/8 vjet e 8 muaj

Erind Hysomemaj – 12/8 vjet

Klajdi Ademi (Hysomemaj) – 12/8 vjet

Toni Kushi – 12/8 vjet

Mariglen Çaçi – 12/8 vjet

Aleksandër Neço – 12/8 vjet

Çezar Xhomemo – 3/2 vjet (lirim, ka mbyll dënimin)

Shkëlzen Kamberi – 12/8 vjet

Malton Lleshi – 12/8 vjet

Luan Zylyftari – I pafajshëm (kultivim natkotikësh & grup i strukturuar kriminal)

Artan Zylyftari – 8/5 vite e 4 muaj burg

Geri Zylyftari – 8/5 vite e 4 muaj burg

Erind Zylyftari – 8/5 vite e 4 muaj burg

Ilir Gaba – 8/5 vite e 4 muaj burg

Festim Lelaj – 3/2 vjet

Kujtojmë se operacioni “Shqpirti” u zhvillua 2 vite më parë, në korrik 2021, ku u goditën disa grupe kriminale. Hetimi i autoriteteve italiane për 5 vite me radhë çoi në pranga 38 persona. Në atë kohë u sekuestruan 4 milionë euro pasuri.

Ishin 4 bashkëpunëtorët e drejtësisë që rrëfyen para autoriteteve italiane se si ishte bërë trafikimi i drogës nga Shqipëria drejt Italisë.

Si kokë të grupit konsideronin Ilirjan Duçellarin. Mes të arrestuarve kishte punonjës policie dhe 2 shoqëruesit e Saimir Tahirit, Agustin Deda dhe Hekuran Marku.

Çështja për personat e tjerë që po gjykohen është ndarë për shkak se disa kanë shkuar me gjykim të zakonshëm dhe disa të tjerë është pushuar. “Shpirti” erdhi pas 2 operacioneve të mëparshme të koduar “Shefi” dhe “Kulmi” të zhvilluar në vitet 2018 dhe 2020.

The post Operacioni “Shpirti”, dënohen me 100 vite burg 16 anëtarët e organizatave kriminale appeared first on Albeu.com.

Pesë personat e tjerë janë dënuar me nga 15 vite burg, sipas medieve fqinje.

Pasi dëgjuan dënimet, miqtë dhe të afërmit e Alkisit shpëerthyen në duartrokitje dhe bërtisnin “vrasës, kalbuni në burg”.

Kujtojmë se në seancën e kaluar gjykata i shpalli fajtorë të dymbëdhjetë të pandehurit, shtatë autorë dhe pesë bashkëpunëtorë në vrasje.

4 të dënuarit me origjinë shqiptare janë Aleksandro Gega, Gerald Kambo, Roxhers Demirazi dhe Afskendos Çarçiu.

Për tre prej tyre Gjykata vendosi burgim të përjetshëm.

Në të njëjtën kohë, të pandehurve iu ndalua për 5 vite ndjekja e të gjitha ndeshjeve të PAOK-ut në të gjitha sportet. Apelimet gjithashtu nuk do të kenë fuqi pezulluese./Albeu.com.

The post Vrasja e 19-vjeçarit nga huliganët e PAOK, Gjykata e Selanikut dënon me burgim të përjetshëm 7 nga 12 të akuzuarit, 3 prej tyre shqiptarë appeared first on Albeu.com.

Ka qenë kryeministri polak, i cili në një komunikim me qytetarët në rrjetet sociale bëri deklaratën e pazakontë duke u shprehur “pro” dënimit me vdekje. Mateush Moravicki pranoi se nuk ndante të njëjta pikëpamje katolike për këtë çështje me Kishën, ndonëse kryeministri polak njihet si praktikant katolik.

“Për mendimin tim, dënimi me vdekje duhet të lejohet për krimet më të rënda. Heqja e dënimit me vdekje ishte një shpikje të parakohshme.”

Polonia ishte një nga vendet e pakta që i përkiste Këshillit të Evropës, e cila deri në vitin 1997 ende lejonte dënimin me vdekje për të dënuarit për krime lufte. Dënimi kapital u hoq teksa Polonia përgatitej për t’iu bashkuar vendeve të Bashkimit Europian.

Në vitin 2013, presidenti i kohës Bronislav Komorovski, nënshkroi ligjin që parashikonte heqjen e dënimit me vdekje në çdo rrethanë, siç përcaktohet në Protokollin 13-të të Konventës Evropiane për të Drejtat e Njeriut.

The post Polonia rikthen dënimin me vdekje? appeared first on Albeu.com.

Erzeni për sjellje të gabuar të spektatorëve, hedhjen e sendeve në terrenin sportiv, dënohet me gjobë në masën 50.000 lekë.
Vllaznia paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.
Tirana paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.

Lojtari i Gramshit, Arbër Baku, për sulm ndaj zyrtarit të ndeshjes, dënohet me 12 muaj pezullim nga aktiviteti.

VENDIMET E PLOTA TË KOMISIONIT TË DISIPLINËS –

KF Erzeni, për sjellje të gabuar të spektatorëve, hedhjen e sendeve në terrenin sportiv, në bazë të nenit 65/2, 65/3/a dhe 65/3/c të KDS, dënohet me gjobë në masën 50.000 (pesëdhjetë mijë) lekë.

KF Vllaznia, në bazë të nenit 12 të KDS, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.

KF Tirana, në bazë të nenit 12 të KDS, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.

FC Lushnja, për sjellje të gabuar të spektatorëve, hedhjen e sendeve në terrenin sportiv, në bazë të nenit 65/1, 65/3/a dhe 65/3/c të KDS, dënohet me gjobë në masën 50.000 (pesëdhjetë mijë) lekë. Në zbatim të nenit 116/1/a të KDS, gjoba të aplikohet në masën 50%.

Zyrtari i KF Vora, Arbis Vjerdha, për sjellje josportive ndaj zyrtarit të ndeshjes, në bazë të nenit 48/2/a të KDS, dënohet me 8 (tetë) ndeshje pezullim nga aktiviteti.

Lojtari i KF Gramshi, Arber Baku, për sulm ndaj zyrtarit të ndeshjes, në bazë të nenit 48/1/b të KDS, dënohet me 12 (dymbëdhjetë) muaj pezullim nga aktiviteti.

Zyrtari i KF Ada, Etrit Nika, për sjellje josportive ndaj zyrtarit të ndeshjes, në bazë të nenit 48/2/a të KDS, dënohet me 8 (tetë) ndeshje pezullim nga aktiviteti.

KF Shkumbini, për sjellje të gabuar të spektatorëve, hedhjen e sendeve në terrenin sportiv, në bazë të neneve 65/1 dhe 65/3/c të KDS, dënohet me gjobë në masën 50.000 (pesëdhjetë mijë) lekë. Në zbatim të nenit 116/1/b të KDS, gjoba të aplikohet në masën 20%.

Lojtari i FC Internacional Tirana U19, Envi Bocka, për protestë ndaj vendimeve të zyrtarit të ndeshjes, në bazë të nenit 55/2 të KDS, dënohet me 2 (dy) ndeshje pezullim nga aktiviteti.

Lojtari i FC Internacional Tirana U19, Eldi Pojana, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.

Lojtari i FC Internacional Tirana U19, Astjon Sulce, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.

Lojtari i FC Internacional Tirana U19, Emanuel Guci, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.

Lojtari i Akademia e Futbollit U19, Kevin Ducellari, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.

Lojtari i Akademia e Futbollit U19, Renato Krrashi, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.

Zyrtari i Akademia e Futbollit U19, Albi Fishti, për sulm ndaj kundërshtarit, në bazë të nenit 47/2/b të KDS, dënohet me 9 (nëntë) ndeshje pezullim nga aktiviteti.

Rrëzimin e kërkesës së lojtarit të Labëria F.C. Xhuliano Mirani, si të pabazuar në Kodin e Disiplinës Sportive.

Rrëzimin e kërkesës së lojtarit të Labëria F.C. Albano Çaushaj, si të pabazuar në Kodin e Disiplinës Sportive.

The post Komisioni i Disiplinës me dorë të “hekurt”, përjashton lojtarin për një vit appeared first on Albeu.com.