Laçi është vënë në alarm pak para nisjes së Superiores, pasi Olsi Myrta, sulmuesi kryesor i bardhezinjve, u detyrua të largohej me barelë nga fusha gjatë miqësores ndaj Tiranës.

Takimi, i luajtur së fundmi në stadiumin “Selman Stërmasi”, u mbyll me rezultatin 2 – 2, por dëmtimi i anësorit krutan ishte momenti më shqetësues për kurbinasit.

Rëndësinë e sulmuesit të majtë e dëshmon edhe vlera e tij në treg. Sipas “Transfermarkt”, 20-vjeçari vlerësohet 500 mijë euro dhe renditet mes futbollistëve më të shtrenjtë në elitën shqiptare, ndërsa potenciali i tij konsiderohet i padiskutueshëm.

Për momentin, mbetet e paqartë se sa kohë do t’i duhet Myrtës për t’u rikuperuar. Laçi do ta luajë ndeshjen e parë të kampionatit kundër Elbasanit, më 22 gusht, në orën 16:00.

The post VIDEO/ Alarm te Laçi, sulmuesi me vlerë 500 mijë euro nxirret me barelë nga fusha në Tiranë appeared first on Albeu.com.

Egnatia ka sqaruar përmes rrjeteve sociale shkallën e dëmtimit që pësoi Soumaila Bakayoko, sulmuesi kryesor i skuadrës rrogozhinase, në ndeshjen e Champions League kundër Celjes.

Sipas kampionëve të Superiores, futbollisti 24-vjeçar nga Bregu i Fildishtë ka këputur ligamentin e kryqëzuar të përparmë (ACL) dhe ka dëmtuar pjesërisht meniskun anësor. Për këtë arsye, ai do t’i nënshtrohet një ndërhyrjeje kirurgjikale.

Koha e parashikuar e rikuperimit për një dëmtim të tillë është 9-12 muaj, duke e lënë Bakayokon për një periudhë shumë të gjatë jashtë fushave. Në këto rrethana, Egnatia duhet të gjejë një qendërsulmues me peshë përpara fillimit të kampionatit, ndërkohë që vazhdon garën për një vend në grupet e Kupave të Europës.

The post Goditje e rëndë për Egnatian, sulmuesi kryesor i Nevil Dedes do të mungojë 9-12 muaj appeared first on Albeu.com.

Dyshimet e para flasin për një problem në ligamentin medial të kyçit të këmbës së majtë te qendërmbrojtësi.

Kohëzgjatja e rikuperimit varet nga shkalla e dëmtimit. Në variantin më pozitiv, ai mund të mungojë nga 1 deri në 3 javë, ndërsa në rastin më të rëndë mund të mbetet jashtë fushave të blerta deri në 12 javë.

Ndonëse ende nuk ka një konfirmim zyrtar, mediat e mëdha evropiane po raportojnë gjerësisht se Schlotterbeck e ka përfunduar rrugëtimin me Gjermaninë në Kupën e Botës 2026.

The post Alarm te Gjermania, Nico Schlotterbeck dëmtohet dhe Nagelsmann mund të humbasë liderin e mbrojtjes appeared first on Albeu.com.