Ndërkohë, strukturat e PD-së në Tiranë kanë njoftuar mbështetësit për t’u mbledhur para Prokurorisë së Posaçme, ashtu si në rastet e mëparshme kur Berisha është paraqitur pranë SPAK.

Kjo nuk do të jetë hera e parë që mbështetësit e kryedemokratit Berisha, do të jenë në mbështetje të tij gjatë paraqitjes në prokurori, pasi kanë qenë të pranishëm në të gjitha herët që ish-kryeministri ka respektuar masën e sigurisë.

“…Ditën e Hënë, në ora 09:30, sërish Kryetari i PD, Sali Berisha, do jetë në dyert e SKAP it. Ju lutem pjesëmarrja është me rëndësi. Në ora 09:30 përpara selisë së SKAP-it”, thuhej në mesazhin e PD.

The post Berisha sot në SPAK, demokratët mblidhen përpara Prokurorisë së Posaçme appeared first on Albeu.com.

Në njoftimin e shpërndarë për demokratët, bëhet thirrje që protestuesit të mblidhen sërish para SPAK në orën 9:30.

“Te dashur miq. Diten e Hene eshte data e radhes e percaktuar per tu parqitur Kryetari i PD Prof Dr Sali Berisha ne SKAP. ..Ndaj ne ora 9:30 perseri te gjithe ne proteste perpara SKAP- it si vegel ne duart e Rames per te perndjekur kundershtaret politik. Faleminderit”, thuhet në mesazhin e shpërndarë me strukturat e PD.

SPAK ka apeluar më herët vendimin e lirimit të ish-kryeministrit Sali Berisha nga arresti shtëpiak, duke kërkuar rikthimin e kësaj mase sigurie.

Berisha u lirua më 27 nëntor 2024, pas rreth një viti në arrest shtëpiak, për shkak të akuzave për përfshirje në dosjen “Partizani.”

Ish-kryeministri i vendit Sali Berisha, është marrë i pandehur për korrupsion pasiv, pasi SPAK e akuzon për ndërmarrjen e veprimeve konkrete në miratimin e ligjeve dhe akteve nënligjore, që u përshtatën për interesat e pesë familjeve pronare të kompleksit sportiv “Partizani.” Sipas SPAK, nga këto veprime ka përfituar gjithashtu dhëndri i Berishës, Jamarbër Malltezi.

The post Berisha nesër në SPAK, demokratët thërrasin sërish protestë para Prokurorisë së Posaçme appeared first on Albeu.com.

Ditën e sotme ka nisur procesi i anëtarësimeve të reja në degën e re të Partisë Demokratike në Forli Emiglia Romagna, në Itali, ku garojnë tre kandidatë për kreun e degës.

Në garë për kreun e PD Forli Itali, janë Zj. Brunilda Dakoli, Z. Aleks Bega dhe Z. Gëzim Brunga.
Nga videot e ardhura, dallohet se gjatë këtij procesi është e pranishme kryetarja e LDG, Albana Vokshi dhe deputetja e Forca Italia, Rosaria Tassinari.

Kujtojmë se për herë të parë në këto zgjedhje do të votojnë shqiptarët e diasporës dhe të gjithë shqiptarët të cilët ndodhen jashtë vendit në ditën e zgjedhjeve, ndyshim ky i kërkuar nga opozita në votimin e Kodit Zgjedhor.

The post Demokratët e diasporës ndezin motorët, nisin anëtarësimet në degën e re të PD Forli, e pranishme deputetja e Forza Italia appeared first on Albeu.com.

Harris ka pranuar pyetjet nga gazetarët gjatë fushatës zgjedhore dhe po ashtu është intervistuar në TikTok ditët e fundit. Por ajo ende nuk ka bërë një intervistë me një rrjet të madh mediatik apo të mbajë një konferencë zyrtare për shtyp që kur u emëruar kandidate e demokratëve.

Dana Bash e CNN-it, e cila bashkëdrejtoi debatin e Bidenit më 27 qershor kundër kandidatit republikan, Donald Trump, do të drejtojë intervistën në Savannah, Georgia, ndërsa Harris po vazhdon turneun e saj me autobus në shtetin e fushëbetejës.

Intervista do të transmetohet në orën 21:00 me kohën lokale. Sa i përket Walz, ai ka bërë një sërë intervistash me rrjetet kryesore televizive, përpara se Harris ta zgjidhte atë si kandidat për zgjedhjet e 5 nëntorit.

Harris dhe Walz filluan të martën një turne me autobus në Gjeorgji, në të cilin shkruan “Një rrugë e re përpara” ndërsa po punojnë për të joshur votuesit në një shtet që Bideni fitoi në vitin 2020 dhe që mund të luajë një rol vendimtar në zgjedhjet e këtij viti.

Harris është përgatitur gjithashtu për një debat më 10 shtator me rivalin e saj republikan, ish-presidentin Donald Trump.

37 ditët që nga fillimi i kandidaturës së saj është parë një entuziazëm i madh dhe vrull për Harris. Por mungesa e saj e një konference apo interviste zyrtare për shtyp ka gjeneruar kritika nga rivalët e saj republikanë.

Ndërkohë, JD Vance dhe Trump kanë mbajtur një numër të madh daljesh televizive në të njëjtën kohë.

The post Intervista e parë Harris-Walz/ Demokratët së bashku për “CNN”! Republikanët në epërsi për daljet televizive appeared first on Albeu.com.

Askush nuk e di saktësisht se cili do të ishte procesi i zgjedhjes së një kandidati të ri nëse Joe Biden do të tërhiqej nga gara, por shumë demokratë thonë se ky proces ka më shumë gjasa se kurrë të përfundojë shpejt me Zëvendës Presidenten, Kamala Harris si të nominuar.

Sipas CNN bisedat jozyrtare rreth asaj se si do të luhej një luftë për të zëvendësuar Bidenin në krye të demokratëve, janë ndezur për javë të tëra në prapaskenë. Por pasiguria rreth procesit ka qenë aq e paqartë saqë u është thënë shumë demokratëve, madje edhe atyre me shqetësime serioze për Biden-in të ndalojnë për të dalë kundër kandidaturës së presidentit, duke pasur parasysh se ajo që vjen më pas mund të jetë edhe më e rrëmujshme.

Sondazhet e brendshme që tregojnë se Harris do të ishte të paktën më e dobishme për të rritur entuziazmin demokrat.

Shumë anëtarë demokratë të Kongresit që kanë bërë thirrje që Biden të largohet, refuzuan të përgjigjeshin për CNN nëse Harris duhet të jetë e nominuar.

Por tek java që po vjen është kritike për Biden dhe demokratët zërat që ai të tërhiqet nga gara për shkak të moshës janë shtuar ndjeshëm që kur debate presidencial me Donald Trump rezultoj fatal.

Disa nga donatorët me dollarë të mëdhenj të Partisë Demokratike kanë ngritur alarmin për performancën e dobët të Bidenit në debatin presidencial të muajit të kaluar dhe ai përballet me thirrje në rritje nga zyrtarë të zgjedhur për të hequr dorë nga oferta e tij për një mandat të dytë në Shtëpinë e Bardhë.

Fushata e Biden rriti shpenzimet e saj në qershor, tregojnë dosjet e reja me Komisionin Federal të Zgjedhjeve, Biden shpenzoj në qershor 59 milionë dollar ndërsa Trump vetëm 10 milionë dollar.

The post Demokratët në udhëkryq/ Kamala Harris favorite, por askush nuk e di rrugën e procesit appeared first on Albeu.com.

Mirëmbrëma dhe përshëndetjet më të përzemërta ju qëndrestareve dhe qëndrestarëve, misionareve dhe misionarëve të kauzës së drejtë të çdo shqiptari.

Të interesit kombëtar të çdo shqiptari.

Të shpresës dhe të ardhmes të Shqipërisë.

Një përshëndetje të përzemërt oratorëve të kësaj tribune lirie, të cilët nga të katër anët e vendit dhe kudo që janë shqiptarët shprehin këtu mendimet e urta, të vërtetat e mëdha dhe ndriçojnë me to mendjen dhe zemrat e shqiptarëve.

Të dashur miq, regjimi në të cilin Edi Rama ka përqendruar në duart e veta të gjitha pushtetet, në të cilin Edi Rama kontrollon çdo qelizë të narkoshtetit, është forma më e shëmtuar e diktaturës.

Është diktatura e bandave, që nuk njeh asnjë ligj, asnjë rregull.

Në këtë kuadër, ka vetëm një rrugë për përmbysjen e tij.

Ka vetëm një rrugë për krijimin e qeverisë teknike, rikthimin e zgjedhjeve të lira, fitoren e opozitës dhe kjo rrugë është beteja jonë pa kthim gjer në fitore.

Kjo rrugë kërkon nga ne të bashkohemi më shumë se kurrë.

Kjo rrugë kërkon nga çdo demokrate e demokrat të ngrihet mbi çdo ndjenjë personale, mbi çdo hatërmbetje, mbi çdo padrejtësi që i është bërë atij që ai mendon dhe të bashkohemi në kontributin tonë të përbashkët.

Në betejën tonë të përbashkët.

Të bashkohemi për dashurinë që ne kemi për këtë vend.

Të bashkohemi për nderimin dhe respektin që kemi për lirinë dhe dinjitetin e njëri-tjetrit.

Të bashkohemi për interesin kombëtar, për shpëtimin e Shqipërisë.

Në këtë kuadër, thirrja ime e zemrës është për të gjithë demokratët, të bëjnë çdo përpjekje për rikthimin në shtëpinë tonë të përbashkët të secilit demokrate e demokrat që për një arsye apo një tjetër, për një opinion apo për një tjetër, nuk u bashkua me ne gjer sot.

Demokrate e demokratë, duhet t’u rikujtoj se motoja jonë e bashkimit në diversitet është motoja më e fuqishme e modernizimit të PD-së.

Është motoja e shndërrimit të kësaj partie në një parti të vërtetë të vlerave më të çmuara të lirisë.

Miqtë e mi, ju rikujtoj ju dhe çdo shqiptari se midis të tjerash, njëri nga përkufizimet më të drejta të lirisë është se liria ime përfundon aty ky fillon liria e tjetrit.

Në këtë kontekst, ftoj çdo demokrate e demokrat të bashkohet me ne në diversitet sepse ato mendime, ato opinione, ato probleme që dhe mund të na ndajnë nga njëri-tjetri janë mikroskopike krahasuar me çështjet e mëdha që na bashkojnë.

Krahasuar me dashurinë për Shqipërinë që na bashkon.

Krahasuar me mbrojtjen e interesit kombëtar që na bashkon.

Krahasuar me misionin tonë historik të përmbysjes së diktaturës së shëmtuar të bazuar në krimin, drogën dhe vjedhjen e shqiptarëve.

Krahasuar me misionin tonë historik për rikthimin e votës së lirë të shqiptarëve.

Për rikthimin e rotacionit politik.

Për ndryshimin e Shqipërisë dhe shqiptarëve.

Për fitoren e PD-së.

Pra, është në detyrën tuaj demokrate e demokratë të shtrini dorën, të trokisni te çdo demokrate e demokrat pavarësisht se sa pak janë ata që ende hezitojnë të bashkohen me ne.

Të vijnë midis nesh si të barabartë mes të barabartëve, si bashkëluftëtarë në një betejë epike, në një betejë që kërkon guximin tonë.

Në një betejë që është beteja e jetës sonë.

Beteja e misionit tonë.

Beteja e shpëtimit të Shqipërisë.

E rikthimit të demokracisë në Shqipëri.

The post Berisha: Thirrja ime e zemrës është për të gjithë demokratët, të bëjnë çdo përpjekje për rikthimin në shtëpinë tonë të secilit appeared first on Albeu.com.

Zoti Biden ka këmbëngulur se nuk do të tërhiqet, i bindur se ai është kandidati që mund ta mundë sërish ish-presidentin Donald Trump.

Por publikisht dhe privatisht, demokratët me peshë po dërgojnë sinjale shqetësimi dhe disa shpresojnë se ai do t’i bëjë një rivlerësim të trajektores së garës dhe trashëgimisë së tij në drejtimin e vendit.

Gjatë javës së kaluar, udhëheqësi i shumicës në Senat, Chuck Schumer dhe udhëheqësi demokrat i Dhomës së Përfaqësuesve, Hakeem Jeffries, biseduan privatisht me presidentin, duke parashtruar pikëpamjet e demokratëve në Kongres, përfshirë shqetësimet e tyre.

Të mërkurën, ligjvënësi i Kalifornisë, Adam Schiff, një aleat i ngushtë i ish- kryetares së Dhomës së Përfaqësuesve, Nancy Pelosi, u bë demokrati i profilit më të lartë në Dhomën e Përfaqësuesve, që i bëri thirrje zotit Biden të tërhiqet nga gara.

Ai tha se ndërsa e di që ky vendim i përket vetëm presidentit Biden, ai beson se është koha që ai të “kalojë stafetën”.

Ndërsa tensionet mbi aftësinë e zotit Biden për të fituar u qetësuan disi, kryesisht pas atentatit për vrasjen e zotit Trump dhe ndërsa në Miluoki po mbahej Kuvendi Kombëtar Republikan, demokratët e dinë se kanë kohë të kufizuar për të zgjidhur shqetësimin brenda partisë pas paraqitjes së dobët të zotit Biden, në debatin e parë presidencial.

Sigurisht, shumë demokratë duan që zoti Biden të qëndrojë në garë. Dhe Komiteti Kombëtar Demokrat po vazhdon me planet për një votim virtual, për ta bërë zotin Biden zyrtarisht kandidat të partisë, që në javën e parë të gushtit, përpara Kuvendit Kombëtar Demokrat, që nis më 19 gusht në Çikago.

Të mërkurën në mbrëmje, rrjeti televiziv ‘ABC News’ dha detaje të reja rreth takimit privat të zotit Biden gjatë fundjavës me zotin Schumer në shtëpinë e presidentit në Dellauer.

Sipas njoftimit zoti Schumer i kishte thënë presidentit se do të ishte “më mirë për Partinë Demokrate dhe në të mirë të vendit, nëse ai tërhiqej”.

Një zëdhënës i zotit Schumer e quajti lajmin një spekulim të plotë.

Zëdhënësi i Shtëpisë së Bardhë Andrew Bates tha se zoti Biden i kishte thënë zotit Schumer si dhe zotit Jeffries se “ai ishte i emëruari i partisë dhe se kishte në plan të fitonte e mezi priste të punonte me të dy, për të kaluar axhendën e tij 100 ditore, për të ndihmuar familjet amerikane”.

Por në mesin e demokratëve në mbarë vendin, gati dy të tretat thonë se zoti Biden duhet të largohet e të lejojë partinë e tij të emërojë një kandidat tjetër, sipas një sondazhi të ri të qendrës ‘NORC’ për Kërkime në Fushën e Çështjeve Publike si dhe agjencisë së lajmve ‘AP’.

Kjo kundështon fort pretendimin e zotit Biden pas debatit se “demokratët e thjeshtë” vazhdonin ta mbështesnin atë edhe pse “emra të mëdhenj” të partisë i ishin kundërvënë.

Me reagimin e zotit Schiff, shkon në 20 numri i ligjvënësve demokratë në Kongres që i kanë bërë thirrje zotit Biden të tërhiqet nga gara presidenciale.

Në përgjigje të komenteve të zotit Schiff, zyrtarët e fushatës së zotit Biden vunë në dukje atë që e quajtën “mbështetje të gjerë” që gëzon presidenti për garën nga anëtarët e Kongresit në shtetet fushëbetejë, si dhe nga anëtarët afrikano-amerikanë e hispanikë të Kongresit.

Njoftimi i zotit Schiff erdhi pasi zoti Schumer dhe zoti Jeffries inkurajuan partinë që të shtyjë me një javë planet për të mbajtur votimin virtual për të emëruar zotin Biden si kandidat, gjë që mund të ndodhë të dielën, sipas dy personave që kanë dijeni mbi çështjen dhe folën në kushte anonimiteti.

Komisioni i rregullores i Komitetit Kombëtar Demokrat takohet të premten për të diskutuar se si do të funksionojë votimi virtual dhe për ta finalizuar çështjen javën e ardhshme.

“Ne nuk do të zbatojmë një proces votimi virtual të nxituar, por do të nisim një proces të rëndësishëm rishqyrtimi, se si do të funksiononte votimi virtual”, shkruhej në një letër të publikuar të mërkurën të peshkopit Leah D. Daughtry dhe guvernatorit të Minesotës Tim Walz, bashkëkryetarë të komisionit të rregullores në Kuvendin Kombëtar Demokrat.

The post Demokratët i kërkojnë sërish presidentit Biden të rishqyrtojë kandidimin appeared first on Albeu.com.

Në fjalën e tij gjatë një turi takimesh në Has, Salianji u shpreh se nuk ka kohë për të humbur, madje as për të kaluar në eufori boshe.

Sipas tij, kreu i qeverisë u përpoq të kapte opozitën, por nuk ia doli.

“Të tregojmë se jemi alternativa e Shqipërisë ne vitin 2025”, tha deputeti ndër të tjera.

Pjesë nga fjala e Salianjit

Shqipëria është ne ditë të vështire, teksa po hyjmë ne vitin e fundit të mandatit të trete të Edi Rames.

Ju jeni njerëz politike dhe e njihni mire realitetin.

Sidomos e keni shumë të qarte diferencën mes asaj që ju vjen ne vesh nga propaganda agresive e qeverise, si arritje e madhe, si sukses e parajsë, dhe asaj qe shihni e jetoni.

Ju mund të dëgjoni se Shqipëria u rrit shumë në skenën e madhe ndërkombëtare, po shihni se braktisja e qytetareve në nevojat bazike, aty ku pensionisti, fermeri, studenti, profesionisti i ri ka nevoje të këtë në krah ndihmën qe politika dhe ekzekutivi ofron, është evidente.

Kemi nje qeveri që i ka lenë njerëzit të mbijetojnë në fatin e tyre, pasi 24 orë është e fokusuar vetëm në projekte e plane që sa i gërvisht pak del se janë afera përfitimi.

Dhe kane krijuar një klime mbytëse, një ide fataliste se kështu janë punët, nuk ke çfarë i ben.

Dhe me keq, s’ke ku ankohesh, s’ke ku apelon. Se ne çdo drejtim, do gjesh nje dore te zgjatur të Edi Rames.

Dhe kjo deri diku qëndron. Ai e ka mbyllur sistemin, me gjithë pushtetet nen sqetull, e vete qëndron ne krye.

Kishte një plan edhe me ogurzi. Por nuk i eci.

Vetëm tek opozita dështoi. Beri çdo përpjekje prej vitesh për ta bere edhe Partine Demokratike një nga ingranazhet e mekanizmit që ka nen kontroll.

Donte ta kishte departament të establishmentit.

Luftoi shume për këtë e solli jo pak dëme. Ne shpenzuam kohe e energji në një beteje mes vedi.

Por, ja ku jemi sot. Opozita shpëtoi nga kapja, jemi të bashkuar, dhe jemi te vendosur, me pasion e te palëkundur.

Une e kam bindje se meritën e madhe ne këtë arritje aspak te vogël e kane demokratet, qendrestaret, ata që kanë përfituar gjithnjë me pak ose te fundit, e që kane vuajtur më shumë.

Demokratet ketu ne Has e kudo ne Shqipëti, u bene guida jone, na treguan se cila ishte rruga. Dhe nuk ishte tjeter, vetem ajo që të linim ndasitë e të behemi bashke.

Nuk shpëtuam vetëm nderin tonë, por ruajtëm nga copëtimi e nga shuarja një aset të madh publik, qe eshte Opozita.

Imagjinoni që në këtë situate ku është vendi, të kishim një PD që koordinohej nga qeveria. Dhe ju e patë se projekti ishte, dhe ishte vënë në jetë.

Ne nuk e lejuam, ju ne radhë të parë nuk e lejuat.

Por të dashur miq, ky është vetëm një hap në ketë marrëzi te madhe 11 vjeçare qe luhet me vendin e të ardhmen tone.

Nuk kemi asnjë dite për te humbur, apo për të kaluar në eufori boshe. Koha është për te bere tanimë hapin tjetër cilësor, me te rëndësishëm ndoshta.

Te tregojmë se jemi alternativa e Shqipërisë ne vitin 2025.

Mes shume sfidave qe kalon vendi, të dëshmojmë se jemi zgjidhja.

Mes skepticizmit dhe humbjes së besimit tek politika, të provojmë se tek ne mund të besohet.

Mes korrupsionit të instaluar si normë, si kulture qeverisëse, të manifestojmë integritet e ndershmëri.

Është një sprove jo e vogël, po ne mund dhe ne duhet t’ja dalim.

Me sakrificë, me vendosjen e interesit të madh para kalkulimeve tona, me përkushtim të përditshëm dhe ne kontakt të ngushtë me njerëzit.

Te shkojmë me qytetaret, të kuptojmë sensin e tyre, aspiratën qe kane.

Çfarë duan, çfarë ëndërrojnë, nga se druhen.

Dhe te marrim vendimet qe duhet e te udhëheqim me vendosmëri kur duhet.

Rilindja mundet, dhe demokratet e kane ne adn forcën për të fituar, për të triumfuar edhe atëherë kur situata duket e pashprese.

The post “Të tregojmë se jemi alternativa e Shqipërisë ne vitin 2025”, Salianji nga Hasi: S’ka kohë për të humbur appeared first on Albeu.com.

Përmes një postimi në rrjetin social “Facebook”, Salianji tha se demokratët do t’i bashkohen frymës së fitores më 20 shkurt para Kryeministrisë.

Postimi:

Në Synej, me banorët punëtore e të palodhur, demokratët e palekundur të cilet nuk ju nenshtruan presionit e joshjes së qeverisë dhe i kthyen Bashkinë qytetarëve të Kavajës në zgjedhjet e fundit. Ata e dinë se e keqja vjen nga abuzimi me pushtetin në Tiranë, dhe me shpirtin e frymën e fitores do bashkohen me 20 shkurt para Kryeministrisë”.

The post Salianji takim me demokratët në Kavajë: Nuk i’u nënshtruan presionit të qeverisë appeared first on Albeu.com.

Deputetët demokratë janë reshtuar para foltores me pankarta në duar, teksa vijojnë t’i bien bilbilave.

Nga ana tjetër  deputetët e Bashës dhe ai vetë kanë kërkuar një interpelancë me kryeministrin Edi Rama.

Por për shkak të vizitës së Sekretarit Amerikan të Shtetit, Antony Blinken, Rama ia ka deleguar ministres Spiropalii zhvillimin e Interpelancës. Vendim i cili nuk është pranuar nga deputetët demokratë.

Ndërsa ditën e sotme në Kuvend është rikthyer edhe ligji për Bastet i cili u tërhoq nga vetë socialistët në seancën e 8 shkurtit./albeu.com

The post Seanca plenare, deputetët e opozitës hyjnë në Kuvend, bllokohet sërish puna e Parlamentit appeared first on Albeu.com.