Përmes një komunikimi në platformat sociale, European Democrats theksojnë se momenti kur Dua Lipa merr fjalën për “Flamingo Revolution”, ajo sjell në qendër të vëmendjes botërore një dilemë thelbësore për çdo shoqëri demokratike: “Cilët janë përfituesit e vërtetë?”.

Sipas kësaj force politike, mesazhi i këngëtares “shkon përtej lustrës që mbështjell një investim luksoz të përkrahur nga lobe të fuqishme”. Ata nënvizojnë se fati i natyrës nuk duhet të përcaktohet nga ndryshime legjislative të miratuara fshehurazi dhe pa përfshirjen e publikut.

“T’i bëjmë virale këto mesazhe: Edi Rama nuk mund të lejojë më që t’i shmanget vullnetit të shqiptarëve”, shkruhet në reagimin e European Democrats. Ky pozicionim erdhi menjëherë pasi Dua Lipa shprehu publikisht solidaritetin e saj me lëvizjen për mbrojtjen e mjedisit në Shqipëri, duke risjellë në qendër të diskutimeve projektet e mëdha zhvillimore në hapësirat e mbrojtura dhe pasojat e tyre mbi biodiversitetin.

The post Demokratët Evropianë: Me zërin e Dua Lipës, “Flamingo Revolution” mori përmasa globale, Rama s’ka më si t’u kthejë shpinën qytetarëve appeared first on Albeu.com.