Pasi ka dalë nga shtëpia me makinë, Elton Javori është ndjekur përreth 100 metra nga ky automjet tip “Benz” brenda të cilit ndodhej Gashi. Pasi është afruar, ai e qëlloi atë me breshëri plumbash duke e lënë të vdekur.

Deri më tani ende nuk dihen arsyet që çuan në vrasjen e 41-vjeçarit, por mësohet se para dy javësh Elton Javori kishte patur një konflikt me Agim Gashin.

Ky i fundit është shpallur në kërkim nga policia. Menjëherë pas ngjarjes janë sekuestruar kamerat përreth vendit ku ndodhi vrasja, falë të cilave u bë edhe identifikimi i tij.

Ndërkohë shumë postblloqe janë ngritur për kapjen e tij përgjatë autostradës Fier-Vlorë, pasi mendohet se autori është larguar drejt qytetit bregdetar.

Elton Javori rezulton të jetë nipi i Medi dhe Demir Backës, të vrarë në vitet 1997 dhe në 2021. Medi Backa, i njohur si anëtar i bandës së Fierit u vra në 1997 në Masakrën e Levanit, ndërsa Demir Backa ishte një biznesmen i njohur në qytetin e Fierit.

The post U vra sot në derë të shtëpisë, Elton Javori nipi i Demir Backës, biznesmeni u ekzekutua dy vite më parë appeared first on Albeu.com.

Sipas gazetares Anila Hoxha, për vrasjen e biznesmenit Demir Backa në Fier është marrë në pyetje edhe personazhi i njohur në Fier si Ben Qimja, apo Arben Isufaj.

Siç bëjnë me dijë burimet për TCH, oficerë të policisë kanë marrë në pyetje Ben Qimen, pasi ishte i ditur fakti se 5 vite më parë ata kishin pasur një konflikt.

Isufi i është përgjigjur ftesës së policisë, për të dhënë deklaratën, dhe ai ka mohuar përfshirjen në vrasje, por pranon se ka pasur konflikt në 2016, por siç ka thënë ai në polici, megjithëse nuk ishin pajtuar, ai e kishte falur Backën.

Isufi është lënë i lirë tashmë, ai ka treguar se ngjarjen e mësoi në mediat ndërsa ishte ne shtëpi në Tiranë. /albeu.com/

The post Vrasja e Demir Backës mes Fierit, përfundon në polici Ben Qimja: Isha në shtëpi! appeared first on Albeu.com.

Deputetët e opozitës në Komisionin e Sigurisë kanë ngritur shqetësimin në lidhje me ngjarjet kriminale të ndodhura ditët e fundit në vendin tonë që tronditën opinionin publik.

Bëhet fjalë për vrasjen e biznesmenit Demir Backa në Fier dhe grabitjen e biznesmenit Nazmi Çungu në Fushë Krujë, duke e rrahur dhe vjedhur para kesh dhe sende me vlerë që kapin shifrën e mbi 100 mijë eurove.

Diskutimet në Komisionin e Sigurisë:

Flamur Noka: Për vrasjet, opinioni pubik është tronditur. S’ka siguri dhe ska besim te strukturat e policisë. Policia është zhytur në krim, drogë e batak. Agjencia që ju doni të ngrini, mund të kriminalizohet për shkak të vullnetit politik siç u kriminalizua edhe SHÇBA. Qarkullimi i titullarëve, edhe pse kanë dosje sa një mal të përfshirë në krim, afera, trafik. Ata riciklohen nëpër disa drejtori. Ju ose keni rezauruar kapacitetet në polici ose kupola e saj është e inkriminuar dhe ju mundoheni të thoni “Ky është më pak e ai është më shumë“. Kjo është alarmante. Kupola e Policisë duhet shkrirë e riformatuar, pasi është e zhytur në batak.

Ferdinand Xhaferraj: Dy ngjarje të rënda në Fier e Fushë Krujë, familjarët u shprehën se s‘kanë besim te Policia. Drejtori i Policisë e ka filluar shumë keq, rrokadë qarkullimi drejtuesve të policisë. Ata ndëshkohen, promovohet apo shkarkohet për punë të dobët. “Vaji i kandilit“ tregon përcmimim, përbuzje, arrogancë për çdo punonjës policie. Kërkoni ndjesë.

Bledi Çuçi: Nuk kam koment, pasi nuk ka lidhje me projektligjin.

Luan Baçi: Është vrarë një biznesmen, shërbimi policor nuk ka reaguar, madje në Fier flitet se ata janë fshehur teksa ishin prezent në një krim makabër. Është hetuar nga SHÇBA dhe cilat janë hetimet?

Ervin Salianji: Mospërgjigjia ndaj shqetësimeve të deputetëve tregon se Çuçi nuk e ka nën kontroll ministrinë. Është papërgjegjshmëri, pasi ska pasur asnjë qëndrim nga ministri apo Policia e Shtetit për ngjarje të tilla. Ka frikë ti përgjigjet shqetësimeve të opozitës./albeu.com/

The post Vrasjet e fundit, opozita reagon te “Siguria”: Alarmante, “vaji i kandilit” përbuzës appeared first on Albeu.com.

Janë zbardhur detaje të reja nga atentati mafioz ndaj Demir Backës në Fier, mbrëmjen e së shtunës. Burimet bëjnë me dije se ekzekutimi i llojit mafioz ishte i organizuar prej kohësh dhe kjo vërtetohet nga vjedhja e targave për makinën me të cilët kryen ekzekutimin. Mësohet se targat kosovare të mjetit të përdorur në atentet, që më pas u dogj në fshatin Daullas janë vjedhur në Durrës.

Burime nga grupi hetimor, bëjnë me dije se targat janë vjedhur që në muajin qershor në qytetin bregdetar një shtetasi kosovarë që kishte ardhur në vendin tonë për pushime.

Ndërkohë që autorët dyshohet se janë vrasës me pagesë, kjo pasi ato nuk kanë lënë asnjë gjumë pas, duke ja bërë të vështirë hetuesve gjetjen e ndonjë prove për identifikimin e ndonjë prej autorëve.

Sipas burimeve numri serial i armëve ka qenë i fshirë, ndërkohë që ato janë shkrumbuar tërësisht duke janë bërë të vështirë punën hetuesve përtë gjetur ndonjë gjurmë, edhe pse ato janë çuar në laboratorin e kriminalistikës, ku po i bëhet ekesperiza.

Në polici deri më tani janë shoqëruar mbi 15 persona për tu marrë në pyetje lidhur me atentatin mafioz. Të gjithë të shoqëruarit janë liruar dhe deri më tani nuk ka asnjë të dyshuar.

Demir Backa u ekzekutua me tre plumba ne zonen e qafes dhe kokes dhe rreth 15 te tjere ne kraharor ne atentatin e se shtunes ne mbremje ne Fier.    /albeu.com/

The post Ekzekutimi pritej prej muajsh! Detaje nga vrasja me 18 plumba e Demir Baçkës në Fier, autorët nuk lanë asnjë gjurmë appeared first on Albeu.com.

Hoxha u shpreh se ky është vetëm fillimi dhe tani sipas tij do të nisë zinxhiri i vrasjeve në Fier.

Komentet gazetari i bëri gjatë një interviste ku ishte i ftuar në “ABC LIVE”, ku u shpreh se ende nuk ka një pistë konkrete.

Ai foli edhe për të shkuarën e biznesmenit të vrarë ku nxori në dritë detaje të reja lidhur me të.

Mbrëmjen e së shtunës u ekzekutua me armë zjarri në Fier biznesmeni Demir Backa. Shumë persona janë shoqëruar, por deri tani nuk ka asnjë të arrestuar për vrasjen e biznesmenit. Por cilat janë pistat dhe ku po hetohet?

“Kemi dy ngjarje të mëparshme që janë përmendur pjesëtarë të këtij fisi, njëra është me një çift që është dhunuar në Seman, atëherë është thënë që i gjetën disa barinj, i lidhën dhe dhunuan, përdhunuan. Rezulton që djali që u kap në atë rast është fëmija i një personazhi të njohur në Fier, biznesmen, person me precedent. Është kërkuar disa herë ekstradimi nuk është bërë i mundur. Nuk është personazh i lehtë. Besoj se kjo ngjarje ka pasur një lloj negociate që të mos shkonin te përplasja me armë.

Ngjarja tjetër ka të bëjë me një histori, preteksi banal, djali i një personazhi të fuqishëm në Fier. I dyshuar dhe përfshirë në përgjime sa herë më ka dalë, ndërtues shumë i fuqishëm në Tiranë, me lidhje të forta me qeveritë, e djeshme dhe sotme dhe merr gati 80% të tendera, po është shumë herët. Djali i tij ka pasur një konflikt ka dhunuar mbesën e Backës, mbrapa biznesmeni i ka shkuar në lokalin e Backës, është dhunuar çarmatosur aty. Me këtë rrahje është mbyllur ajo histori. Dhe nuk ka pasur as konflikt dhe as atentat” tha Hoxha.

Por cilat janë aktivitetet e biznesmenit që u vra? “Fieri është universiteti i krimit të organizuar. Fieri ka një mënyrë tjetër të zgjidhjes së konflikteve me kompromis. Nuk çojnë te arma. Kjo është një ngjarje e rëndë edhe për atë që përfaqëson viktima. Backallinjtë janë të njohur edhe si lagje në Fier. Kanë hotel në Sarandë, Himarë, një sipërfaqe me mijëra hektarë tokë, një numër të madh bagëtish. Kanë shumë biznese. Janë ekonomikisht të fuqishëm. Kanë një marrëdhënie vëllazërore shumë të konsoliduar. Ngjarja është e rëndë. Kjo është vrasje tipike me pagesë. Financuesi dhe organizatori është dikush tjetër. Kjo sapo ka nisur një zinxhir vrasjesh në Fier, apo kudo të gjenden autorët” tha Hoxha.

Më tej ai sqaroi se personi që është vrarë shumë vite më parë në masakrën e Levanit, Medi Backa nuk është vëllai i tij. “Në fillim është thënë, vëllai me masakrën e Levanit. Personi që është vrarë nuk ka lidhje, Medi Backa nuk është vëllai i tij, është një kushëri. Masakra e Levanit ka qenë grupim i disa personazheve në Jug, kryesorët kanë qenë tre vëllezërit Muka dhe brenda kanë pasur personazhe nga Gjirokastra, Tepelena, etj. Grupi ishte përgatitur për të goditur në Vlorë. Kjo është një ngjarje e përjashtuar për mua”.

Po çfarë është banda e Fierit? “Nuk ka bandë të Fierit. Fieri ka grupe apo fise shumë të fuqishme nga ana financiare, nga burimet njerëzore dhe lidhjet e forta në agjencitë e zbatimit të ligjit. Kanë lidhje të forta politike dhe tentakulat i kanë nga jugu në veri. Kjo ka prishur shumë ekuilibra në Fier. Të gjithë janë kapur pa përgatitur dhe të tërhiqen të jenë në zonat e tyre. Jemi në kohën e mediave sociale, është e frikshme shpejtësia e përhapjes së informacionit” deklaroi Hoxha./albeu.com/

The post Ekzekutimi i biznesmenit në Fier, trondit Artan Hoxha: Ky është vetëm fillimi, tani nis zinxhiri i vrasjeve appeared first on Albeu.com.

Burime bëjnë me dije se Backa u qëllua me breshëri kallashnikovi duke marrë 18 plumba, 1 në kokë, 3 në zonën e qafës dhe 15 në kraharor.

Në lidhje me këtë ngjarje policia ka shoqëruar në komisariat 15 persona të cilët janë marrë në pyetje dhe kanë deklaruar për atë çfarë kanë parë.

Kujtojmë se disa minuta pas ngjarjes u gjet një makinë e djegur pranë Bypassit që dyshohet të jetë e autorëve të vrasjes. Makina kishte targa të Kosovës dhe kanë nisur hetimet për të sqaruar nëse janë të vjedhura.

Kush është Demir Backa?

Backa me origjinë nga Kosova e banim të hershëm në Fier janë mjaft të fuqishëm ekonomikisht në këtë qytet, të konsideruara ndër tre familjet më të pasura. Një vit më parë ka ndodhur një sherr me pasoja mes anëtarëve të këtij fisi dhe disa personave nga Tirana, për shkak se njëri nga këta të fundit kishte ngacmuar një mbesë të Backajve.

Familjarë shumë të afërt të 57 vjeçarit janë njohur si anëtarë të bandave të 1997 në Fier ku ka pasur edhe viktima në radhët e tyre, përfshirë vëllain e Demirit. Demir Baçka njihej në Fier gjerësisht për shkak të historive nga e kaluara por edhe bizneseve të tij të cilat shtriheshin deri në zonat bregdetare në jug të vendit.

Demir Baçka është vëllai i një prej 24 viktimave të masakrës së njohur të Levanit ndodhur në vitin 1997. Medi Aziz Backa njohur nga rrethi i tij si Buç Backa humbi jetën në përballje të armatosur për disa orë me radhë me bandën e romëve./albeu.com

The post DETAJE/ Policia shoqëron 15 persona për vrasjen e biznesmenit në Fier, si u qëllua me 18 plumba appeared first on Albeu.com.

Janë zbardhur detaje të reja nga atentati ndaj 57-vjeçarit Demir Backa në Fier. Burimet bëjnë me dije se në automjetin e gjetur të djegur pas atentatit në fshatin Daullas, është gjetur e shkrumbuar arma e zjarrit me të cilën, u qëllua 57-vjeçari, tip kallashnikov, dhe një pistoletë.

Ndërkohë sipas infomracioneve, mësohet se automjeti është djegur plotësisht duke ja bërë të vështirë hetuesve gjetjen e ndonjë gjurme për identifikimin e autorëve.

Hetuesit kanë sekuestruar dhjetëra kamera sigurie të bizneseve në vendin e ngjarjes, por edhe përgjatë rrugës ku edhe u gjet i djegur automjeti.

Të paktën 5 persona mendohet se kanë marrë pjesë në këtë atetentat, ku 3 persona medohet se kanë qenë në momentin që është kryer ekzekutimi, dhe dy persona të tjerë i kanë ndihmuar autorët për tu larguar më pas nga vendi i ngjarjes, pasi dogjën edhe autmojetin pasi vranë Baçkën.

Për ngjarjen deri me tani janë shoqëruar në komisariatin e Fierit të paktën 15 persona për t’u marrë në pyetje lidhur me ngjarjen. Mes të shoqëruarve janë edhe persona me precrdent të theksuar penal në qytetin e Fierit që kanë pasur konflikte me viktimën. Ndaj viktimës është qëlluar plot 17 herë, ku pjesa më e madhe e  plumbave ka përshkruar trupin e 57-vjeçarit.

The post DETAJET/ Kush e vrau biznesmenin fierak? U qëllua 17 herë, atentati mafioz me 5 vrasës appeared first on Albeu.com.

Sipas News24, nga pamjet e sekuestruara nga policia, 57-vjeçari është vrarë nga dy persona. Policia ka sekuestruar 16 gëzhoja kallashnikovi në vendngjarje. Nga hetimet e deritanishme dyshohet se atentati mafioz është kryer për hakmarrje. Policia është përqendruar në të shkuarën e Demir Backës dhe rezulton se disa muaj me parë ai ka prishur ekuilibrat dhe ka pasur një konflikt me një person me influence në Fier, i cili ishte subjekt i OFL.

Backa u ekzekutua një natë më parë (23 tetor) me breshëri kallashnikovi në rrethorrotullimin e ish-QTU në Fier. Ngjarja e rëndë ndodhi rreth orës 20:40. Viktima ishte brenda makinës së tij tip “Audi” ku një automjet tjetër u afrua dhe shkrehu breshëri automatiku drejt Backës.

57-vjeçari mbeti i plagosur rëndë dhe fillimisht u dërgua në spitalin rajonal të Fierit, por fatkeqësisht nuk arriti t’i mbijetonte plagëve të marra. Ai ndërroi jetë disa minuta pas ngjarjes.

Vrasja mobilizoi policinë e cila ngriti pika kontrolli në të gjithë territorin ku pas ngjarjes, gjetën një automjet të  djegur në afërsi të fshatit Daullas në zonën e Bypassit të Fierit.

Dyshohet se automjeti i përket autorit ose autorëve të ngjarjes, ku brenda tyre janë gjetur dy armë zjarri, një kallashnikov dhe një pistoletë.

The post Zbulohen pistat e hetimit për vrasjen e Demir Backës në Fier, sekuestrohen dy armë zjarri appeared first on Albeu.com.

Kush është Demir Backa?

Backa me origjinë nga Kosova e banim të hershëm në Fier janë mjaft të fuqishëm ekonomikisht në këtë qytet, të konsideruara ndër tre familjet më të pasura. Një vit më parë ka ndodhur një sherr me pasoja mes anëtarëve të këtij fisi dhe disa personave nga Tirana, për shkak se njëri nga këta të fundit kishte ngacmuar një mbesë të Backajve.

Familjarë shumë të afërt të 57 vjeçarit janë njohur si anëtar të bandave të 1997 në Fier ku ka pasur edhe viktima në radhët e tyre, përfshirë vëllain e Demirit. Demir Baçka njihej në Fier gjerësisht për shkak të historive nga e kaluara por edhe bizneseve të tij të cilat shtriheshin deri në zonat bregdetare në jug të vendit.

Demir Baçka është vëllai i një prej 24 viktimave të masakrës së njohur të Levanit ndodhur në vitin 1997. Medi Aziz Backa njohur nga rrethi i tij si Buç Backa humbi jetën në përballje të armatosur për disa orë me radhë me bandën e romëve.

Demiri rezulton të paktën ligjërisht në QKB si pronar i një lokali në qendër të Fierit me emrin “PIAZZA” në rrugën “Jakov Xoxa” të lagjes “Apollinia” pranë të cilit edhe u vra 57 vjeçari.

Menjëherë pas vrasjes që ndodhi në qendër të Fierit, një mjet që dyshohet se u përdor nga autorët u gjet i djegur në fshatin Daullas, duke vështirësuar më tej punën për kapjen e autorëve. Vrasja duket se ka qenë e mirëmenduar, pasi edhe pse u krye në një zonë mjaft të populluar, fatmirësisht rezultoi pa pasoja për kalimtarët e rastit.

Backa u vra brenda në mjetin e tij, ndërsa kanë qenë disa plumba në trup ata që i kanë marrë jetën.

The post Nga vrasja e vëllait tek përplasja me grupin kriminal, kush është biznesmeni me 3 emra që u vra në Fier appeared first on Albeu.com.

Backa është qëlluar ndërsa ndodhej në makinë e tij të parkuar.

Burime bëjnë me dije se ai është pronar i një lokali në Fier dhe Sarandë. Gjithashtu mësohet se është vëllai i ish-anëtarit të bandës së Fierit i cili është vrarë në 1997-ën.

Vëllai i tij  Medi Backa është vrarë pasi kishin vjedhur një bankë në Sarandë 24 vite më parë dhe gjatë kthimit së bashku me 16 persona të tjerë janë vrarë.

Njoftimi i policisë:

Fier/Informacion paraprak

Sot rreth orës 20:40, në vendin e quajtur “Rrethrrotullim i QTU_së”, dyshohet se nga një automjet tip “Benz” është qëlluar me armë zjarri shtetasi D. B. 57 vjeç, i cili ishte brenda automjetit të tij tip “Audi” dhe si pasojë e plagëve të mara ka ndërruar jetë në spitalin e Fierit.

Menjëherë shërbimet e Komisariatit të Policisë Fier, Forca e Posacme “Shqiponja” dhe 2 grupe te FNSH  kanë shkuar në vendngjarje dhe po krehin zonën për kapjen e autorit.

Ndërkohë janë ngritur disa pika kontrolli në hyrje dhe dalje të qytetit të Fierit.

Në fshatin Daullas është gjetur e djegur një makinë tip “Benz” e cila dyshohet se është e autorëve të ngjarjes.

Grupi hetimor nën drejtimin e Prokurorisë ndodhet në vendngjarje dhe po punon për identifikimin dhe kapjen e autorit/ve.

The post EMRI/ Kush është 57-vjeçari që u vra me kallashnikov, vëllai i ish-anëtarit të “bandës së Fierit” appeared first on Albeu.com.