Sipas krahasimeve të OECD-së një punonjës në një NVM shqiptare prodhon mesatarisht 14,924 euro në vit, ndërsa në ndërmarrjet e mëdha kjo shifër rritet në 19,645 euro.

Në BE një punonjës nga NVM-të kap vlerën e 52,000 eurove për person dhe 87 mijë euro për bizneset e mëdha. Si rrjedhojë, produktiviteti i sipërmarrjeve të mëdha në Shqipëri është më i ulët se atyre të vogla e të mesme, me një prodhim sa 22.6% e mesatares së ndërmarrjeve të mëdha në BE.

Ndërmarrjet e mëdha në Shqipëri renditen jo vetëm sa një e pesta e mesatares së BE-së, por kanë dhe produktivitetin më të ulët në rajon.

Kryesimin e mban Serbia, me 31.4 mijë euro/person, e ndjekur nga Bosnjë Hercegovina me 27 mijë euro dhe Maqedonia e Veriut, me 21.6 mijë euro.

OECD nënvizon se rruga drejt standardeve evropiane mbetet e gjatë dhe e vështirë. Edhe pse Shqipëria regjistron rritje reale të produktivitetit, ritmi aktual nuk premton një mbyllje të shpejtë të hendekut me BE-në.

OECD vëren se asnjë nga ekonomitë e Ballkanit Perëndimor nuk pritet të arrijë nivelin aktual të të ardhurave për frymë të BE-së brenda katër dekadave të ardhshme.

Për Shqipërinë, sfida kryesore mbetet rritja e mëtejshme e vlerës së shtuar në prodhim dhe shërbime, duke siguruar që rritja e pagave të jetë e balancuar me rritjen e produktivitetit, në mënyrë që të ruhet dhe forcohet konkurrueshmëria në tregun ndërkombëtar.

Sakaq rruga e konvergjencës me BE do të vështirësohet nga zhvillimet demografike dhe sfidat financiare që po krijojnë një udhëkryq kritik për ekonominë shqiptare. Sipas studimit të OECD-së Shqipëria po përballet me një tkurrje alarmante të forcës së punës, ku popullsia në moshë pune ka rënë me 18% që prej vitit 2011.

Kjo rënie, e nxitur kryesisht nga emigracioni i profileve të kualifikuara në teknologji, inxhinieri dhe shkenca të aplikuara, po godet drejtpërdrejt aftësinë e ndërmarrjeve të vogla dhe të mesme (NVM) për të përthithur teknologji të reja dhe për të konkurruar në treg.

Ndërkohë që papunësia te të rinjtë mbetet e lartë, vihet re një mospërputhje e thellë mes asaj që prodhon sistemi arsimor dhe kërkesave reale të tregut të punës, duke e bërë gjetjen e talenteve një sfidë thuajse të pamundur për bizneset e vogla.

Përveç krizës së krahut të punës, Shqipëria dhe rajoni vazhdojnë të vuajnë nga kufizimet e rrepta në aksesin ndaj financave. NVM-të përballen me kërkesa shumë më të larta për kolateral në krahasim me firmat e mëdha, për shkak të rrezikut më të lartë të perceptuar nga bankat.

Ndërsa Kosova veçohet si lider rajonal për kornizën më të zhvilluar të garancisë kreditore, në pjesën tjetër të rajonit, përfshirë Shqipërinë, instrumentet alternative mbeten pothuajse të pashfrytëzuara.

Kjo mungesë likuiditeti dhe mjetesh financiare vjen në një moment kritik kur bizneset duhet të investojnë masivisht në tranzicionin e gjelbër dhe digjital për t’u integruar në Bashkimin Evropian, procese këto që kërkojnë si kapital të konsiderueshëm, ashtu edhe fuqi punëtore të specializuar./Monitor

The post Shqiptarët “dembelë”? OECD: Produktiviteti i bizneseve shqiptare sa 23-29% e BE-së appeared first on Albeu.com.

Një nga përballjet më të bukura në historinë e Ligës së Kampionëve, u zhvillua sonte në “Parkun e Princave” në Paris.

PSG-ja i bëri konak Bayern Munichut, në ndeshjen e parë gjysmëfinale të Ligës së Kampionëve për sivjet.

Kjo ndeshje e zjarrtë përfundoi me nëntë gola të shënuar, me PSG-në që fitoi 5-4.

Ndeshja nisi më mirë për Bayernin, që shënoi në minutën e 17-të të ndeshjes, me anë të Harry Kane, i cili shënoi nga penalltia për 1-0.

Pas shtatë minutash, Khvicha Kvaratskhelia barazoi për 1-1, me një goditje të bukur, të ulët, në këndin e majtë të Manuel Neuerit.

Nuk shkoi shumë, dhe Parisi e mori epërsinë, me anë të golit të Joao Nevesit, në minutën e 33-të, pas një goli me kokë, si një nga lojtarët më shtatshkurtër në fushë.

Por, Bayerni s’u dorëzua, dhe Michael Olise shënoi për 2-2, në minutën e 42-të të takimit.

Kur gjithçka po shkonte drejt fundit të 45-minutëshit të parë, Ousmane Dembele e nxori një penallti, pasi goditja e tij u ndalë në dorën e Alphonso Daviesit.

Dembele e konveroi penalltinë në gol, dhe dy skuadrat shkuan në pushim me rezultatin 3-2 në të mirë të vendasve.

Me të nisur pjesa e dytë, Parisi e shokoi Bayernin, me dy gola të shpejtë, të shënuar nga Kvaratskhelia (56’) dhe Dembele (59’).

Megjithatë, gjermanët si në pjesën e parë, vendosën mos të dorëzohen, dhe u vunë në sulm.

Fillimisht, Dayot Upamecano shënoi për 5-3, në minutën e 65-të, derisa tre minuta më vonë, Luis Diaz shënoi për 5-4.

Deri në fund, më gola nuk pati, dhe epilogu i takimit ishte 5-4.

Ndeshja e kthimit mes këtyre dy skuadrave do të luhet të mërkurën e javës së ardhshme, në Mynih, më 6 maj.

The post Nëntë gola në Paris, PSG shkon në Mynih me epërsi minimale appeared first on Albeu.com.

Një raport i Organizatës Botërore të Shëndetësisë, tregon se fëmijët dhe adoleshentët shqiptarë konsumojnë më shumë fruta dhe perime se bashkëmoshatarët e tyre europianë, por ndërkohë pinë shumë më tepër pije me sheqer dhe janë shumë më pak aktivë fizikisht në krahasim me vendet e tjera të Europës.

Përqindja e fëmijëve që nuk konsumojnë fruta apo perime çdo ditë, është shumë më e ulët se mesatarja europiane, ç`ka tregon se zakonet ushqimore të fëmijëve shqiptarë janë disi më të shëndetshme.

Edhe për sa i përket mbipeshës dhe obezitetit te fëmijët 6–9 vjeç, Shqipëria renditet ndër vendet me përqindjen më të ulët, rreth 20%, ndërkohë që mesatarja e rajonit të OBSH-së në Europë është afër 40%.

Këto të dhëna tregojnë një situatë relativisht pozitive në raport me shumë vende të tjera europiane.

Nga ana tjetër, treguesi për aktivitetin fizik mbetet problematik. Rreth tre të katërtat e fëmijëve shqiptarë janë fizikisht joaktivë, një nivel i ngjashëm me mesataren europiane, por shumë larg vendeve që performojnë më mirë në këtë drejtim.

Edhe konsumi i pijeve të gazuara është disi më i lartë se në vendet më të zhvilluara.

Këto të dhëna sugjerojnë se, ndërsa ushqyerja është relativisht e mirë, mënyra e jetesës mbetet ende sedentare për një pjesë të madhe të fëmijëve.

Përdorimi i cigareve elektronike dhe atyre tradicionale tek adoleshentët shqiptarë është shumë i ulët, nën 10%, krahasuar me nivelet 20–40% në shumicën e vendeve të tjera europiane.

Edhe konsumi i alkoolit është dukshëm më i kufizuar – shumë pak adoleshentë raportojnë se kanë konsumuar alkool, janë dehur ndonjëherë apo gjatë 30 ditëve të fundit.

Në këta tregues, Shqipëria dallon pozitivisht, duke u renditur ndër vendet më të sigurta në aspektin e sjelljeve të rrezikshme për moshat e reja.

Vendi ynë renditet shumë mirë për sa u përket zakoneve të ushqyerjes, nivelit të mbipeshës dhe sidomos konsumit të duhanit e alkoolit tek adoleshentët, në krahasim me Europën.

Megjithatë, mbetet një sfidë e dukshme mungesa e aktivitetit fizik dhe një prirje ende e lartë për konsum të pijeve të gazuara.

Financimi publik për shëndetin e fëmijëve dhe adoleshentëve mbetet i kufizuar në vendin tonë. Vetëm 9.2% e totalit të shpenzimeve publike i dedikohen shëndetësisë, krahasuar me rreth 15% në mesataren e BE-së./ Monitor

The post Adoleshentë shqiptarë “dembelë” ushqehen mirë, por 75% bëjnë jetë sedentare appeared first on Albeu.com.

Dembele shënoi 35 gola dhe regjistroi 14 asistime në të gjitha kompeticionet për Paris Saint-Germain (PSG) në sezonin 2024-25.
Falë formës së tij shpërthyese, PSG arriti të fitonte për herë të parë titullin e UEFA Champions League, që ishte qëllimi kryesor i klubit për kaq shumë kohë.

Përveç kësaj, PSG fitoi edhe katër trofe të tjerë gjatë një sezoni historik, duke përfshirë Ligue 1, Kupën e Francës, Superkupën e Francës dhe Superkupën e UEFA-s.

Përse Dembele e meritoi Topin e Artë?
Kontributi i tij ishte vendimtar në këto triumfe nën drejtimin e trajnerit Luis Enrique. Disa nga momentet më të paharrueshme të tij në sezonin 2024-25 përfshijnë golin vendimtar kundër AS Monaco për të fituar ‘Trophee des Champions’, golin e parë kundër Manchester City në rikthimin 4-2, një gol të rëndësishëm jashtë fushe kundër Arsenal në gjysmëfinalen e UCL-së dhe dy asistime në finalen e UCL-së kundër Inter Milan.
Në fjalimin e tij pas fitores, Dembele falënderoi FC Barcelonën, Lionel Messin, Didier Deschamps, qytetin e tij Eure, nënën, babanë, gruan dhe vajzën e tij.

“Për familjen time, kemi kaluar shumë së bashku. Kemi kaluar gjithçka. Do të jemi gjithmonë së bashku”, u shpreh ai.

Kush është gruaja e Ousmane Dembele, Rima Edbouche?

Pas fitores së Topit të Artë 2025 nga Dembele, rrjeti shpërtheu me lëvdata për gruan e tij, Rima Edbouche.

Nga krijues që bëjnë video për identitetin e saj, te raportimet që hedhin merita për gruan e sulmuesit të PSG-së për ndikimin e saj, Rima është në qendër të vëmendjes globale.

Rima u rrit në Francë, por vendi i lindjes së saj ka qenë gjithmonë objekt diskutimi. Disa raportime thonë se ajo ka lindur në Douar Aghbalou, Marok, në vitin 1999, ndërsa të tjera se ka lindur në Castelfranco Veneto, Treviso, Itali.

Sa i përket fesë, ashtu si bashkëshorti i saj Dembele, Rima është myslimane. Ajo është një yll i rrjeteve sociale me mbi 300 mijë ndjekës në TikTok, ku krijon përmbajtje pa treguar fytyrën e saj. Rima është gjithashtu aktive në Instagram me mbi 183 mijë ndjekës.

The post Fitoi Topin e Artë – historia e dashurisë së Dembele me Rima Edbouche që shpëtoi karrierën e tij appeared first on Albeu.com.

Në sezonin që lamë pas, Dembele ishte fantastik, ku me paraqitjet e tij ndihmoi edhe PSG-në të triumfonte trofe, madje atë më të rëndësishmin në Europë, UEFA Champions League.

28-vjeçari mori pjesë në 53 ndeshje sezonin e shkuar. Dembele ia doli që të shënonte plot 35 gola dhe të asistonte në 6 të tjerë, duke qenë padyshim protagonist absolut me parisienët.

Më poshtë do të njiheni me listën e plotë të “Top 10”:

1. Ousmane Dembele

2. Lamine Yamal

3. Vitinha

4. Mohamed Salah

5. Raphinha

6. Achraf Hakimi

7. Kylian Mbappe

8. Cole Palmer

9. Gianluigi Donnarumma

10. Nuno Mendes

The post Ousmane Dembele fiton “Topin e Artë” 2025, mposht në duel direkt talentin Lamine Yamal appeared first on Albeu.com.

Po kush është favorit për të fituar çmimin këtë vit? Ylli i Paris Saint-Germain, Ousmane Dembele, pritet të mposhtë në këtë garë talentin e Barcelonës, Lamine Yamal, dhe të fitojë Topin e Artë për meshkuj të hënën.

Ajka e futbollit botëror do të mblidhet në “Teatrin e Chatelet” në qendër të Parisit për të zbuluar se kush do të jenë fituesit e fundit të një çmimi të dominuar për kaq shumë kohë nga Lionel Messi dhe Cristiano Ronaldo.

Të dy së bashku ata fituan Topin e Artë 13 herë nga viti 2008 deri në vitin 2023, me vitin e kaluar që shënoi përfundimisht fundin e një epoke kur çmimi i shkoi mesfushorit të Manchester Cityt, Rodri, pasi ai udhëhoqi Spanjën drejt lavdisë në Euro 2024.

Me Rodrin që nuk është një pretendent për të fituar çmimin më prestigjioz individual në futboll, pasi sezoni i kaluar u shënua nga një dëmtim, Dembele ka dalë si favoriti nga një listë kandidatësh të dominuar nga PSG.

Nëntë anëtarë të ekipit të PSG-së që fitoi Ligën e Kampionëve, duke shkatërruar Interin 5-0 në finale, janë midis 30 të nominuarve.

The post Ousmane Dembele, favorit për të fituar Topin e Artë appeared first on Albeu.com.

Ish-lojtari i blaugranëve, duket pak përpara në garë, i mbështetur nga triumfi i tij në Ligën e Kampioneve, një trofe që shpesh peshon shumë në vendimet e jurisë.

Jamal, megjithatë, e ka magjepsur Europën me performancat e tij të paracaktuara, duke u bërë tashmë simbol i epokës së re të Barçës në vetëm 18-vjeç.

Për këtë trofe flet edhe Serxhio Buskets, një zë i respektuar në futbollin spanjoll dhe një legjendë katalanase.

Kur u pyet për fituesin e mundshëm, mesfushori që aktualisht luan për Inter Majemin nuk kishte dyshime: “Dembele ka qenë më i mirë se të tjerët dhe më i qëndrueshëm. Ne e dimë se çfarë lloj lojtari është ai, ndryshimin që mund të bëjë dhe çfarë është i aftë të ofrojë. Disa nga lojtarët e Barcelonës do ta meritonin gjithashtu, por nuk e di se çfarë do të vendosin votuesit”.

Këto janë fjalë me peshë, veçanërisht duke pasur parasysh lidhjen e fortë të Buskets me klubin.

Një qëndrim që pasqyron njohjen ndërkombëtare të sezonit të jashtëzakonshëm të Dembeles, duke kombinuar talentin dhe qëndrueshmërinë, dy cilësi që atij shpesh i mungonin në të kaluarën.

The post Dembele apo Jamal? Buskets voton për ish-shokun e tij të skuadrës: “Topin e Artë” e fiton… appeared first on Albeu.com.

Të dhënat zyrtare të INSTAT, tregojnë se në tetor-dhjetor të vitit të kaluar inaktivittei në tregun e punës shënoi rritje vjetore me 3,1% në popullsinë e grupmoshës 15-64-vjeç.

Kjo ishte rritja e parë pas një tendence rënëse të normave të “dembelizimit”, që nga 3-mujori i parë i vitit 2021 (shiko grafikun më poshtë).

Mbi 464,055 persona të moshës 15-64-vjeç, nuk janë në punë dhe as nuk janë në kërkim të punës. Kjo kategori u zgjerua me mbi 15 mijë persona gjatë një viti, duke e çuar drejt rritjes një fenomen që po ulej me shpejtësi nga presionet që sollën ofertat në rritje në tregun e punës.

Të dhëna më të detajuara tregojnë se është përkeqësuar ndjeshëm papunësia afatgjatë. Në 3-mujorin e tretë të vitit të kaluar, rreth 73% e personave joaktivë në tregun e punës ishin të papunë afatgjatë.

INSTAT, raportoi se gjatë 3-mujorit të katërt të vitit 2023, 16,1% e popullsisë ekonomikisht joaktive dhe në moshë pune (15- 64 vjeç), ishin duke përmbushur detyrat shtëpiake, 9,2 % e saj ishte në pension ose pension të parakohshëm, ndërsa 12,6 % në paaftësi të përhershme.

Në të njëjtën periudhë, 4,6% e popullsisë ekonomikisht jo-aktive (në grup-moshën 15-64-vjeç), deklaruan se nuk po kërkonin punë pasi besonin se nuk ka punë të disponueshme, pra klasifikohen si të papunë të dekurajuar.

Të rinjtë e moshës 15-29-vjeç që deklaruan se janë nxënës/studentë, ose në trajnim përbëjnë 72,6% të të rinjve ekonomikisht jo-aktivë.

Ndër të rinjtë e moshës 15-29-vjeç ekonomikisht joaktivë, 1,4%, klasifikohen si të papunë të dekurajuar. Në popullsinë e moshës 30-64-vjeç, ky grup përbën 15,8% të popullsisë ekonomikisht joaktive të kësaj grupmoshe.

Popullsia jo-ekonomikisht aktive, përfshin të gjithë personat të cilët nuk janë klasifikuar si të punësuar, ose të papunë (pra, nxënës/studentë, shtëpiakë, në pension, të paaftë, të papunë të dekurajuar).

Rritja e personave joaktive në tregun e punës, erdhi në një kohë kur tregjet e punës janë të tendosura dhe disa sektorë si turizmi, ndërtimi etj, po kontraktojnë punonjës të huaj nga Azia dhe Afrika.

Pagat u rritën

Inaktiviteti në tregun e punës, është rritur pavarësisht se punonjësit po paguhen më mirë. Të dhënat e tjera të INSTAT tregojnë se pagat janë rritur vazhdimisht vitet e fundit, të nxitura si nga paga minimale ashtu dhe nga presioni i emigracionit. Madje pagat e profesioneve elementare po rritet më shpejt se të atyre me arsim të lartë.

Në fund të vitit 2023, Paga mesatare mujore për një të punësuar me pagë në sektorin privat ishte 69.4 mijë lekë, nga 62.2 mijë lekë në fund të 2022-t, me rritje gati 12%. Ndërsa në shtet paga mesatare arriti në 87.8 mijë lekë, nga 74.4 mijë lekë një vit më parë, ose 18% më shumë.

Të dhënat zyrtare nga INSTAT tregojnë se në 3-mujorin e fundit të vitit, punonjësit me profesione elementare kishin rritjen më të madhe të pagës nominale mujore bruto, me rreth 16% në tremujorin e fundit të vitit 2023 në krahasim me 3-mujorin e fundit të vitit 2022.

Rritjet më të larta me ritme dyshifrore të pagav,e ishin edhe në sektorin e tregtisë dhe shërbimeve me rreth 15%. Në këto sektor, pjesa më e madhe e punonjësve përfaqësohet nga shitësit në tregtinë me pakicë dhe nga punonjësit e hoteleve dhe restoranteve, kryesisht kamarierë, banakierë dhe pastrues.

Më tej, rritja më e lartë ka qenë e pranishme në sektorin e industrisë automative dhe në sektorin e bujqësisë, me mbi 13% nga tremujori i katërt 2022 në të katërtin e 2023.

Në kontrast, pagat e punonjësve me arsim të lartë dhe profesionisteve u rritën në të njëjtën periudhë me 11%, ndërsa pagat në sektorin e ushtrisë kishin rritje më të ulët me rreth 10.6%. Pagat në forcat e armatosura kishin një rritje më të lartë në vitin 2022.

The post Shqiptarët po bëhen më “dembelë”, shtohet inaktiviteti në tregun e punës appeared first on Albeu.com.

Më poshtë ju njohim me tre nga shenjat më përtace të zodiakut:

Demi:

Personat “dem” i përkushtohen shumë punës që kanë në duar, por kur rrugës i dalin detaje të reja, ata tërhiqen. “Demat” e kanë më të lehtë të vështrojnë natyrën apo frigoriferin me orë të tëra, se sa të përfundojnë atë çka kanë nisur.

Luani:

“Luanët” i adhurojnë pushimet, duke harruar edhe përgjegjësitë e përditshme. Mirëpo, kjo nuk është një shenjë e mirë, pasi jeta nuk është vetëm argëtim. Përpiquni të jeni më fleksibël.

Bricjapi:

“Bricjapët” përtacinë e justifikojnë me faktin se nuk arrijnë gjithmonë atë që dëshirojnë. Por kjo nuk është arsye që të mësoheni me këtë gjendje, pasi gjithsecili duhet të bëjë punën që i takon. Pra, dembelizmi do të bierë ndesh me të mirat që mund të të ofrojë jeta.

The post Këto janë shenjat më dembele të Horoskopit appeared first on Albeu.com.

I transferuar me shumë bujë nga Barcelona, Dembele cilësohet tashmë nga klubi francez si një lojtar tepër i rëndësishëm i ekipit.

Following in the footsteps of greatness#DEMB10UZ pic.twitter.com/Is3VvslpiM

— Paris Saint-Germain (@PSG_inside) August 17, 2023

The post Zyrtare/ Ousmane Dembele merr numrin e Neymar te PSG appeared first on Albeu.com.