Shumë njerëz mund të kenë tendencën të konsumojnë ushqime të pasura me sheqer, kafe të zezë ose ushqime të skuqura në mëngjes, por këto mund të shkaktojnë probleme me tretjen, urth, rritje të shpejtë të sheqerit në gjak dhe irritim të dhëmbëve.

Në vend të këtyre, është e rekomandueshme të filloni ditën me ushqime të buta dhe ushqyese që nuk ndikojnë negativisht në trup.

Drithërat e plota, bollguri, vezët dhe pijet që janë të lehta për tretje janë opsione të shkëlqyera për të mbështetur funksionimin e duhur të trupit në mëngjes.

Këto mund të ofrojnë energji të qëndrueshme dhe të ndihmojnë në mbajtjen e një ekuilibri të shëndetshëm të sheqerit në gjak, duke siguruar një start të shëndetshëm për ditën tuaj.

The post Cilat ushqime nuk duhet të konsumoni nëse keni stomakun bosh? appeared first on Albeu.com.

Në kuadër të operacionit policor të koduar “Mashtrimi”, Prokuroria kërkoi burg për Serxho Mahmutaj dhe detyrim paraqitje për shtetasit Zenel Ruzaj, Endi Stafa dhe Panajot Kristo.

Sipas Prokurorisë, këta persona kanë krijuar 3 subjekte tregtare për të kryer importet në favor të tregtarëve të ndryshëm, që këta të fundit ta marrin produktin pa faturë.

Këto shoqëri kanë përfituar duke mos deklaruar xhiron reale, shmangur detyrimet tatimore dhe duke i shkaktuar shtetit një dëm prej 53 milionë lekë.

Nga hetimet, rezultoi se këto subjekte kanë kryer importe të mallrave të ndryshme, të cilat janë përdorur për rishitje nga subjekti kundrejt pagesës.

Serxho Mahmutaj ka përdorur të dhënat e tre shtetasve Zenel Ruzaj, Endi Stafa dhe Panajot Kristo. me të cilat ka regjistruar këto subjekte dhe ka kryer çdo veprim në emër të tyre.

The post I shkaktuan shtetit dëm 53 milionë lekë, Prokuroria e Tiranës jep masat e sigurisë për 4 persona appeared first on Albeu.com.

“Më datë 21.04.2024, prokuroria kërkoi masën e sigurimit “arrest në burg” ndaj 2 shtetasve Loren Dobi (administrator) dhe organizatori shtetasi Sandi Koçibelli (Specialist Taksash në Drejtorinë e Borxhit, në Administratën Tatimore) të lidhur ngushtë me subjektin fiktiv “AL-Dor””, thuhet në njoftimin zyrtar të Prokurorisë.

Pas vendimit të Gjykatës së Rrethit Gjyqësor Tiranë dhoma penale, të dy personat janë shpallur në kërkim.

Hetimet

Nga analizimi dhe studimi i të dhënave të shoqërive objekt hetimi, rezulton se ato kanë funksionuar si furnizues, të cilët kanë lëshuar fatura fiktive duke mos kryer asnjë blerje dhe duke mos ushtruar në asnjë moment aktivitet ligjor.

Faturat fiktive janë injektuar në mënyrë direkte në shoqëri tregtare që operojnë në fusha të ndryshme, në vlerën totale prej 320,608,000 lekë, duke i shkaktuar shtetit një dëm finaciar në TVSH dhe TF (Tatim Fitimi), afërsisht 1 milion euro.

Akuzat

Këta shtetas në bashkëpunim me njëri-tjetrin, të lidhur ngushtë me subjektin Al-Dor, kanë konsumuar elementë të vepres penale “Skemë Mashtrimi në lidhje me Tatimin mbi Vlerën e Shtuar dhe “Bashkëpunimit”, parashikuar nga nenet 144/a dhe 25 e Kodit Penal.

Gjithashtu dyshohet se në këtë skemë kriminale mashtrimi janë të përfshirë edhe persona dhe subjekte të tjera, si dhe funksionar të administratës shtetrore, për të cilat vazhdojnë hetimet dhe veprimet proçedurale për të dokumentuar të gjithë veprimtarin kriminale.

The post Shkaktuan 1 mln euro dëm përmes mashtrimit me fatura fiktive, Prokuroria Tiranë kërkon “arrest me burg” për dy persona appeared first on Albeu.com.

Këto aktivitete janë kryer duke krijuar fatura fiktive me qëllimin e rimbursimit të TVSH-së, si dhe shmangien e detyrimeve fiskale.

Dëmi i kryer nga këto aktivitete llogaritet të jetë 195 milion Euro, i cili është i shpërndarë në 17 shtete kryesisht Evropiane.

Prokuroria e Posaçme Kundër Korrupsionit dhe Krimit të Organizuar, në bashkëpunim me Policinë e Shtetit, ka kryer 5 kontrolle ambientesh, nga të cilat janë sekuestruar pajisje të ndryshme elektronike (aparate telefonike, laptop, si dhe USB/HDD), janë marrë në pyetje shtetas të ndryshëm, si dhe janë siguruar të gjitha provat materiale që subjektet në hetim kanë kryer në Shqipëri.

Ky hetim është shtrirë në 17 shtete (Shqipëri, Austri, Kroaci, Qipro, Çeki, Estoni, Gjermani, Hungari, Itali, Maltë, Holandë, Poloni, Portugali, Sllovaki, Slloveni, Suedi dhe në Mbretërinë e Bashkuar), duke kryer më shumë se 180 kontrolle, si dhe janë arrestuar 14 shtetas. Më shumë se 680 hetues të ndryshëm janë angazhuar për të realizuar këto veprime hetimore.

The post Evazion fiskal me vlerë 195 milionë euro/ SPAK hetim të përbashkët me EPPO, 14 të arrestuar appeared first on Albeu.com.

Nga 12 të arrestuarit, 9 prej tyre janë shtetas italianë.

Në kuadër të këtij operacioni, janë bërë të mundur ekzekutimet e Vendimit të Gjykatës së Rrethit Gjyqësor Tiranë, e cila ka caktuar masë sigurimi “arrest në burg” ndaj 12 shtetasve, (3 shtetas Shqiptarë dhe 9 shtetas Italianë) me iniciale E.D., B.H., E.D., D.M., T.M., D.D., F.P., R.R., U.M., G.R., S.D., A.P.

Njoftimi i prokurorisë së Tiranës:

“Nga hetimet e kryera rezultoi se këta persona kanë mundur të organizojnë një strukturë të mirfilltë kriminale me qëllim të vetëm përfitimin me anë të shmangies së detyrimeve tatimore, duke kryer aktivitet në fushën e shërbimeve të konsulencave.

Faturimi i dyshuar fiktiv i këtyre konsulencave është kryer nga subjekte ‘Persona Fizik’ në subjekte SH.P.K (Shoqëri me Përgjegjësi të Kufizuara), ku më pas këto të fundit (subjekte SH.P.K) këto shërbime i kanë eksportuar (shitur) në shtetin Italian. Duke rritur në mënyrë fiktive shpenzimet, është bërë e mundur barazimi i tyre me të ardhurat dhe në këtë mënyrë vlera e detyrimit të tatim fitimit për tu paguar del më e ulët, duke shmangur kështu detyrimin real që lind nga tatim fitimi. Në këtë mënyrë janë konsumuar elementë të veprave penale të parashikuara nga nenet 180, 190 dhe 143 të Kodit Penal në Republikën e Shqipërisë.

Nga ky aktivitet kriminal, shtetasit e sipërpërmendur, nëpërmjet subjekteve fiktive, kanë mundur të përfitojnë nga rritja fiktive e shpenzimeve, deri në këtë fazë të hetimeve, një vlerë të llogaritur prej 471,778,384 lekë, duke i shkaktuar kështu një dëm monetar dhe financiar shtetit Shqiptar në vlerën rreth 2 milion Euro. Dyshohet se në këtë veprimtari kriminale janë të përfshirë persona dhe subjekte të tjera, si dhe funksionarë të administratës shtetrore, për të cilat vazhdojnë hetimet dhe veprimet proceduriale për të dokumentuar të gjithë veprimtarin kriminale. 

Ky aktivitet kriminal dyshohet që shtrihet edhe në shtetin Italian, aty ku edhe operojnë përfituesit kryesorë, të cilët janë subjekte që përfitojnë të gjithë vlerën e shërbimeve të dyshuara fiktive të konsulencës, e cila përllogaritet mbi 6 milion Euro. Po punohet që hetimet të shtrihen edhe në shtetin Italian”, thuhet në njoftimin e prokurorisë.

The post Shkaktuan 2 mln euro dëm ekonomik duke shmangur detyrimet tatimore, 12 të arrestuar në Tiranë appeared first on Albeu.com.

Viktima , emri i të cilit nuk bëhet i ditur, u plagos në brinjë nga demi Cotinero në festivalin në qytetin e Pobla de Farnals, Valencia, të shtunën.

Ai u dërgua në spital ku dha frymën e fundit.

Shikoni videon

A la Pobla de Farnals estan #OnFire 10 puntets #ByTheFace https://t.co/pyROE7V4Jx pic.twitter.com/0pRZ371xdL

— Federació Darwinista Valenciana de Bous al Carrer (@FederBousVal) September 24, 2023

Një person tjetër u plagos në këmbë nga i njëjti dem gjatë ndeshjes me dema në rrugët e qytetit dhe është në gjendje të qëndrueshme.

Në këto festivale, demat lihen në rrugët e qytetit, ndërsa njerëzit vrapojnë para tyre, një traditë e vërejtur në të paktën 1820 qytete në Spanjë çdo vit.

Festivalet mbeten shumë të njohura , megjithëse shumë aktivistë i përshkruajnë ato si të rrezikshme dhe brutale. Vitet e fundit është diskutuar propozimi për ndalimin e tyre.

The post Video e rëndë, demi vret një person gjatë festivalit në Spanjë appeared first on Albeu.com.

I ftuar në emisionin “Log’, Hoxha tha se nuk e di se pse u thirr në SPAK i pari kryetari i Partisë së Lirisë, Ilir Meta.

Sipas Hoxhës, dëmi i shkaktuar për këtë çështje ndaj qytetarëve shqiptar është 600 milionë euro.

“Jam thirrur më parë në SPAK. Kjo është një çështjes që për shkak të kohës së gjatë që ka pasur në dyert e drejtësisë. Është çështjes që nuk ka objektiv vetëm Metën, por përfshin të treja palët kryesore në këtë vend. Përfshin ish-qeverinë e djathtë, Berishën, njerëz të afërt të tij, qeverinë e majtë që është sot dhe zotin Meta që ka qenë në koalicion në mandatin e dytë të qeverisë së PD dhe në mandatin e parë të qeverisë Rama. Është çështjes komplekse. Se di pse është zgjedhur i pari Meta. Mund të thërriste këdo. Do thirren shumë të tjerë. OSHEE e sotme u privatizua në kohën e Berishës dhe më pas u shtetëzua gjatë qeverisjes së PS. Ndaj janë të përfshirë të gjithë në këtë histori. Mënyra se si e mori shteti, ishte me spec. janë 600 mln euro që rezultojnë si dëm që e kanë paguar qytetarët shqiptarë. E vetmja gjë që ka fituar shteti shqiptar është një vendim sekuestro, që iu gjet drejtuesit të DIA-s. Historia e inceneratorëve nuk është e re, pasi ka qenë prezentë më parë me këtë çështjes. Kemi një dëshmi që është dhënë në Austri, dhe më pas në 2014 është dhënë një tjetër dëshmi. Kjo është çështjes që është kërkuar të riaktivizohej, por bëhej presion. Që t’ja mbyllnin gojën Katriot Ismailjat, ia sekuestruan paratë, dhe pensionin e nënës. bashkëshortja dhe fëmijët ikën për azil në Austri. unë u thirrja në SPAK, se gjatë hetimit që kishte bërë prokuroria, kishte deklarimet i ish-ministrit Prifti. Pse u thirrën sot? Se sot kanë ndryshuar rrethanat. Sot prokuroria është në të tjera rrethana, se ka mjetet. Shpresoj se do të shohim ministra të majtë që do thirren, nëse çështja do kufizohet vetëm te Meta, atëherë do kemi të bëjmë me një çështje që nuk do shkohet në thellësi. Duhet hetim i thelluar dhe shterues, është bast për mundësitë që ka SPAK, që të hetojë lart dhe jo poshtë.”, tha Hoxha.

The post Çështja ÇEZ-DIA, Hoxha: Përfshihen 3 palë, shqiptarëve iu shkaktua 600 milionë euro dëm appeared first on Albeu.com.

Domatet
Të pasura me vitaminë C, kalium dhe lëndë të tjera ushqyese të shëndetshme, domatet janë më të mirë kur lihen në banak, veçanërisht nëse planifikoni t’i hani ato në ditët në vijim, thotë Dana Greene, RD, një dietologe e regjistruar në Boston. “Temperaturat e ftohta do të ndikojnë në strukturën dhe aromën e domates.” Një studim i botuar në vitin 2020 në Frontiers Plant Science, nuk gjeti asnjë ndryshim në ngjyrën apo shijen e domateve të mbajtura në frigorifer krahasuar me ato të mbajtura në banak.

Patatet
Asnjëherë mos i ruani patatet në frigorifer. I ftohuri e kthen niseshtenë e patates në sheqer dhe kur patatja piqet ose skuqet, këto sheqerna mund të prodhojnë akrlamid kimik që shkakton kancer, sipas Public Health England, një agjenci ekzekutive e Departamentit të Shëndetit dhe Kujdesit Social në Mbretërinë e Bashkuar. Në vend të kësaj, ruajini ato në një vend të freskët dhe të errët, sugjeron thotë Robin Foroutan, RD, dietolog i mjekësisë integruese në Morrison Center në Neë York City. Errësira i ndalon patatet të bëhen jeshile.

Kungulli i dimrit
Mbajini kungujt e dimrit në një vend të freskët dhe të errët, thotë Foroutan. Pjesa e jashtme e fortë e kungujve të dimrit mbron pjesën e brendshëm për periudha të gjata kohore, thotë ajo.

Kafeja
Nuk është e pazakontë të shohësh kanaçe kafeje në frigorifer, por ky nuk është vendi më i mirë për të ruajtur kafenë, thotë Greene. “Kafeja ka shumë të ngjarë të marrë aromën e produkteve të tjera përreth saj kur është në frigorifer.” Ajo sugjeron ta mbani kafenë tuaj të bluar në një enë të mbyllur larg rrezeve të diellit për të ruajtur aromën e saj.

Bananet
Nëse keni vendosur ndonjëherë banane në frigorifer, me siguri e keni vënë re që ajo merrte një ngjyrë kafe të errët. Pra ajo nuk supozohet të futet në frigorifer, thotë Foroutan. Bananet duhet të mbahen në temperaturën e dhomës. “Bananet lëshojnë një gaz që pjek fruta të tjerë, kështu që bananet mbajini larg frutave të tjerë,” shton Foroutan.

Gjalpi
Gjalpi përhapet më mirë kur mbahet në temperaturën e dhomës sipas Departamentit të Bujqësisë të Shteteve të Bashkuara (USDA).

Borziloku
Bimët si borziloku dhe rozmarina do të thahen shumë shpejt dhe do të humbasin aromën e tyre nëse i mbani në frigorifer, thotë Greene. Në vend të kësaj, ajo sugjeron t’i vendosni larg rrezeve të diellit në një gotë me ujë.

Buka
Mbajtja e bukës në frigorifer do ta mbrojë atë nga myku në periudha të gjata kohore por kjo do i prishë shijen thotë Greene. “Buka në frigorifer thahet dhe nuk është aq e shijshme,” thotë ajo. Sipas USDA, buka mund të ruhet në temperaturë dhome për dy deri në katër ditë dhe shtatë deri në 14 ditë në frigorifer.

Pjepri
Mbajtja e shalqirit dhe pjeprit në temperaturë dhome maksimizon vlerën e tyre ushqyese. Kur ruhet në temperaturë dhomë shalqiri ka dyfishin e sasisë së antioksidantit beta karoten dhe 20 përqind më shumë likopen sipas një studimi në Journal of Agriculture and Food Chemistry. Sidoqoftë kur pjepri dhe shalqiri janë të prerë kjo është një histori tjetër, thotë Greene. “Ruajtja e pjeprave të prerë në temperaturën e dhomës mund të çojë në rritjen e baktereve.”

Qepa
Në qoftë se nuk priten ose qërohen, qepët duhet të mbahen në një vend të freskët, të thatë, të errët dhe të ajrosur mirë, vëren Shoqata Kombëtare e Qepëve. Mungesa e ajrimit do ta zvogëlojë jetëgjatësinë e tyre të magazinimit. Por qepët e qëruara ose të prera duhet të futen në frigorifer.

Hudhra

Hudhra mbahet e freskët në temperaturën e dhomës gjithashtu, sugjeron Greene.

Agrumet
Kjo varet nga ju, thotë Foroutan. “Agrumet nuk duhet të rrinë në frigorifer, por në qoftë se ju nuk do t’i hani ato menjëherë mund t’i vendosni në frigorifer.” E njëjta gjë vlen dhe për të gjitha frutat tropikale si mango, kivi dhe ananasi. “

Avokado
Mbajini këto fruta në temperaturën e dhomës, thotë Foroutan. Por kjo këshillë ka vlerë vetëm nëse do i hani së shpejti. “Përndryshe, mbajini në frigorifer”, thotë ajo.

Mjalti
Mbajeni mjaltin në një enë të mbyllur fort në një vend të freskët larg rrezeve të diellit, thotë Greene. “Nëse e mbani në frigorifer, mund të ngurtësohet, duke e bërë më të vështirë përdorimin”, shton ajo.

Gjalpi i kikirikut
Mbase shqiptarët nuk e përdorin shumë gjalpin e kikirikut por nëse e preferoni duhet ta dini që ai ruhet në temperaturën e dhomës. “Gjalpi i kikirikut bëhet më i mirë në një vend të thatë dhe të freskët”, thotë Foroutan.

Ketchup

Ketchup-i i pahapur do të zgjasë të paktën një vit, sipas Institutit të Tregut të Ushqimit dhe Institutit të Shkencës së Ushqimit të Universitetit Cornell. Pasi të hapet, duhet të përdoret brenda një muaji nëse ruhet në dhomë ose brenda gjashtë muajve nëse ruhet në frigorifer.

The post Kujdes, janë plot 16 produkte që nuk duhet t’i mbani kurrë në frigorifer appeared first on Albeu.com.