Në fjalën e saj para deputetëve, Ministrja Ibrahimaj shpjegoi se akti normativ për ndryshimet në Buxhetin e vitit 2024, nuk është vetëm një instrument buxhetor, por një shenjë e qartë e përkushtimit të qeverisë për të përmirësuar klimën ekonomike dhe për të promovuar zhvillimin e qëndrueshëm.

Lidhur me rishikimet e bëra në buxhet, ministrja tha se ato fokusohen kryesisht në fuqizimin dhe forcimin e kapitalit njerëzor, si dhe në garantimin e buxhetit për sektorët kyç të zhvillimit ekonomik.

Ministrja Ibrahimaj theksoi rëndësinë e zhvillimit të turizmit të qëndrueshëm dhe krijimit të një infrastrukture cilësore turistike. Për këtë qëllim, akti normativ konfirmon krijimin e një Task-Force të specializuar për monitorimin e cilësisë së infrastrukturës turistike, duke siguruar një përvojë cilësore për turistët që vizitojnë Shqipërinë.

Në lidhje me investimet në infrastrukturë, ministrja u ndal tek alokimi i buxhetit për Portin Tregtar të Durrësit, si një projekt strategjik që do të ndihmojë në përmirësimin e lidhjeve tregtare ndërkombëtare dhe në rritjen e konkurrueshmërisë së vendit.

“Buxheti që alokohet për Portin Tregtar të Durrësit është një buxhet me rëndësi strategjike për vendin tonë, pasi është një projekt madhor që do t’i garantojë Shqipërisë që do të jetë porta hyrëse kryesore në vendet e Ballkanit perëndimor, por edhe më gjerë, në të gjithë vendet e Evropës Lindore. Në bashkëpunim me të gjithë projektet madhore infrastrukturore që Shqipëria ka ndërmarrë gjatë viteve të fundit, ky port do të ndërlidhë më mirë dhe do të sigurojë që transporti të jetë më lehtësuar dhe më i shpejtë, dhe të kryhet nëpërmjet vendit tonë, duke ndikuar drejtpërdrejt në bilancet tregtare të vendit”, u shpreh ministrja Ibrahimaj.

Përveç kësaj, ajo theksoi edhe rëndësinë e investimeve në arsimin profesional dhe mbështetjen e sipërmarrjes, duke evidentuar rritjen e eksporteve dhe forcimin e kursit të këmbimit, duke përmirësuar kështu klimën për biznesin në vend.

Një nga pikat kyçe të prezantimit ishte edhe mbështetja për Ministrinë e Ekonomisë, Inovacionit dhe Kulturës, me synimin për të forcuar kapacitetet inovative të vendit.

Ministrja Ibrahimaj u ndal edhe tek sfidat me të cilat po përballet sektori i industrisë fasone, si pasojë e luhatjeve që pësoi kursi i kembimit me rënien e shpejtë të euros dhe forcimit të lekut.

“Për sektorin fason që nuk importon lëndë të para, por merr materiale porositëse dhe vetëm i përpunon në vend, kostot janë rritur, të ndikuar si nga rritja e kursit të këmbimit, por edhe nga rritja e kostove të punës për shkak të zhvillimeve të tjera ekonomike të vendit. Pas një konsultimi të gjerë dhe të vazhdueshëm me sektorin fason, menjëherë që në vitin e kaluar, ku euro filloi të bjerë në mënyrë të shpejtë dhe të forcohej leku, morëm masën e parë, ku shtymë të gjitha këstet e parapagimit të tatim-fitimit në dorëzim të bilanceve, me qëllim që të mos ngarkonim me taksa këtë sektor. Masa e dytë është kjo që është përfshirë sot në aktin normativ, që sektori fason të ketë mundësi dhe akses në financim me kosto të ulët, duke u bërë shteti garantor i investimeve të tyre, me qëllim se ky sektor të modernizohet, të kthehen në një strategji që është prej vitesh duke u punuar, për kthimin e sektorit fason në një sektor prodhimi, ku cikli i prodhimit të jetë i mbyllur”, theksoi Ibrahimaj.

Sipas ministres, në këtë rast qeveria do të garantojë investimet dhe një pjesë të kapitalit qarkullues që këtyre fasonëve do t’u duhet për blerjen e lëndëve të para.

“Kjo është strategjia që ne kemi, ajo për të mbështetur dhe rritur produktivitetin e biznesit dhe besoj fort që nëpërmjet kësaj nisme, sektori do të modernizohet dhe rrisë performcën e vet dhe produktet “Made in Albania”, do të rrisin eksportet e tyre në vendet e Bashkimit Evropian”, përfundoi ministrja Ibrahimaj.

The post Akti normativ për ndryshimet në Buxhetin e 2024/ Ministrja e Financave: Prioritetet për zhvillimin ekonomik të vendit, si dhe mbështetjen për sektorin fason appeared first on Albeu.com.

Në një takim me përfaqësues të ekosistemit të startupeve dhe sipërmarrës të rinj, ministrja theksoi se përmes thirrjes që do të jetë e hapur për 30 ditë, duke nisur nga 16 shkurt do të mbështeten startup-et në tre faza të tyre, ndërsa programi pritet të mbështesë 50-80 projekte, me një fond total prej 3 milionë euro, transmeton AlbEu.com.

Por, siç ndodh zakonisht, institucionet shtetërore duket se e kanë të vështirë të bëjnë një thirrje ashtu sic duhet, pa bërë një hile që vë në pikë pyetje të gjithë nismën.

Konkretisht, siç ka vënë re portali AlbEu.com, në thirrjen e publikuar një ditë para lancimit publik në këtë link, me datë 14 Shkurt 2024 për kandidatin për anëtar të Këshillit të Startup-eve klasifikuar si ekspert i ekosistemit dhe anëtari ekspert ndërkombëtar nga fusha e startup-eve, afati i fundit për aplikim është caktuar po e njëjta ditë (14 shkurt), ora 23:00. Pra, të interesuarit për dy anëtarët ekspert të Këshillit të Startup-eve, të cilët do të vendosin se kujt do t’i jepen këto fonde, kishin vetëm disa orë brenda datës 14 Shkurt për të aplikuar, gjë që ngre dyshime të arsyeshme për emra të paracaktuar dhe favorizim të disa individëve nga ana e Ministrit të Shtetit për Sipërmarrjen dhe Klimën e Biznesit.

Dhe për ironi, në thirrjen e ministrisë, e cila ka afat vetëm disa orë thuhet që “Anëtari ekspert i ekosistemit dhe anëtari ekspert ndërkombëtar nga fusha e start up-eve, do të përzgjidhen mbi bazën e një procesi transparent konkurrimi”.

Se sa transparent dhe e drejtë mund të jetë një thirje që aplikimi hapet dhe mbyllet brenda një dite, nuk ka nevojë të thuhet me fjalë, por vazhdimi i praktikave të njejta me ato të para dy viteve kur nisma e ngjashme për financim startup-esh u përfol për parregullësi të shumta, tregon edhe një herë se në këtë vend akoma nuk ka ndryshuar asgjë.

Për të vërtetuar që publikimi i njoftimit dhe afati është në të njëjtën ditë, përvec linkut (i cili mund edhe të editohet pas publikimit të këtij lajmi), ju sjellim më poshtë “screenshot” të linkut në faqen e Ministrit të Shtetit për Sipërmarrjen dhe Klimën e Biznesit:

/AlbEu.com/

The post Ministrja Delina Ibrahimaj hap thirrjen e aplikimeve për startup-et, por ja skandali i parë që vë në pikëpyetje rregullësinë e kësaj nisme! appeared first on Albeu.com.

Përmes një konference për mediat, Rama, Ibrahimaj dhe Balluku po tregojnë se cilat janë masat që do të ndërmarrë qeveria për të përballuar krizën energjetike.

Kujtojmë se Balluku bëri me dije një ditë më parë se në skenarin e Shqipërisë nuk përfshihet ndërprerja e energjisë elektrike pas orës 22:00. Ndërkohë pak ditë më parë kryeministri Edi Rama paralajmëroi se në seknarët më të keq të Europës parashikoheshin ndërprerje të energjisë pas orës 22:00.

Tregu aktual i bursës së energjisë ka pësuar goditje të rëndë për shkak të luftës në Ukrainë, ku çmimet kanë arritur shifra marramendëse./albeu.com/

The post LIVE/ Prezantohet paketa me masat kundër krizës energjitike në Shqipëri appeared first on Albeu.com.

Komentet Ibrahimaj i bëri gjatë një konference për shtyp, teksa foli për të dhënat e tre mujorit të parë. Ibrabimaj tha se inflacioni në muajin korrik ishte 7.5% dhe sipas saj është më i ulët se në vendet e tjera të rajonit.

Një nga faktorët që kanë ndikuar në këto rezultate pozitive për ekonominë sipas ministres janë edhe ngritja e bordeve. Ibrahimaj u shpreh se bordet e mbajtën çmimet nën kontroll.

“Gjatë tre mujorit të parë ekonomia shqiptare performoi mirë. Paketat e qeverisë, por edhe ngritja e bordeve të ndryshme, e ndërthurur me politikën e subvencionit, për çmimin e energjisë, nga njëra anë, por edhe nga ana tjetër duke ndikuar indirekt në inflacion. Ndërthurja e këtyre politikave, sëbashku me mbështetjen për çmimet e karburanteve ka sjellë që deri më tani ekonomia shqiptare të ketë një performancë pozitive. Inflacioni është më i kontrolluar me vendet e tjera të rajonit.

Inflacioni në vendin tonë është ndjeshëm më i ulët. Shqipëria me një inflacion 7.5% në korrik është më ndjeshëm se Maqedonia, Kosova. Ndërsa mesatarja e BE është 8.9%.

Elementi që ka ndikuar më shumë në rritjen e çmimeve janë ushqimet dhe pijet. Që nga fillimi i vitit ne kemi pasur një stabilizim të çmimeve. Ecuria ndikohet më së shumti edhe nga kërkesat.

Të dhënat më të fundit tregtojnë për një stabilitet të ekonomisë. Një përgjigje pozitive të biznesit shqiptar. Ne kemi një ecuri të ekomomisë shumë më të mirë se një vit më parë”, deklaroi ministrja./albeu.com/

The post Ministrja Ibrahimaj: Me bordet që ngritëm i mbajtëm çmimet nën kontroll, ekonomia shqiptare ka performuar mirë appeared first on Albeu.com.

Përmes një komunikimi për mediat, ku Ibrahimi u pyet lidhur me deklaratën e saj, përgjigja e saj ka qenë se përgjigja ka qenë për një puetje si një tregues statistikor.

“Sot jemi për të folur për krizën, deklarata është një pyetje që mu bë për një tregues statistikor. Kam teknikalitet në statistika. Ne mund të flasim shumë gjatë për këtë tregues , por nuk është sot momenti për mënyrën se si INSTAT kalkulon shifrat. Sot është momenti për të folur për produktet e shportës”, tha ajo.

Kujtojmë se ministrja e Financave dhe Ekonomisë, Delina Ibrahimaj në emisionin ‘Opinion’ se sa duhet të jenë të ardhurat mujore të një personi për të mos u konsideruar i varfër në situatën ku po jetojmë.

Ibrahimaj tha se që një person të mos konsiderohet i varfër duhet të gjenerojë 130-140 euro.

“Ne kemi një përllogaritje të familjes mesatare. Nuk kemi një përllogaritje sa duhet të jenë të ardhurat e një personi. Patjetër kjo shumëzohet me familjen mesatare që është 3.5 persona. Nëse pyetja referohet sa duhet të gjenerojë një individ për të mos u konsideruar i varfër, kjo shifër është diku tek 130-140 euro për person”, ka thënë më herët Ibrahimaj./albeu.com/

The post Tha se me 130-140 euro në muaj nuk konsiderohesh i varfër, “justifikohet” ministrja e Financave appeared first on Albeu.com.

“Marrëveshja ka të bëjë me mbrojtjen sociale të shtetasve shqiptarë atë të sigurimeve shoqërore mes Republikës së Shqipërisë dhe Kosovës. Përmes kësaj marrëveshje të gjithë qytetarët shqiptarë që jetojnë në Kosovë do të përfitojnë, në raste lindjesh, nga pensionet e pleqërisë të invaliditetit. Kjo marrëveshje më parë është lidhur më parë me vendet e tjera dhe deri më tani janë 3100 shqiptarë që përfitojnë nga marrëveshje të tilla”, u shpreh Ibrahimaj./albeu.com

The post Marrëveshja Shqipëri-Kosovë për mbrojtjen sociale, Ibrahimi jep detajet appeared first on Albeu.com.