Po sot, kreu i shtetit ka dekretuar edhe emërimin e Ervin Demos në postin e Ministrit të Punëve të Brendshme.

Me dy dekretet e firmosura nga Presidenti Begaj, Ervin Demo, merr drejtimin e Ministrisë së Punëve të Brendshme, duke zëvendësuar në këtë detyrë Besfort Lamallarin.

The post Presidenti Begaj dekreton Ervin Demon si ministër i Brendshëm appeared first on Albeu.com.

Presidenti i Republikës, Sh. T. Z. Bajram Begaj, dekretoi emërimin e znj. Klodiana Spahiu në detyrën e Ministrit të Shëndetësisë dhe Mirëqenies Sociale.

Klodiana Spahiu, u propozua si ministre e Shëndetësisë një ditë pasi Evis Sala njoftoi dorëheqjen. Pas dekretit të Presidentit, Më pas, emri i Spahiut do t’i kalojë Kuvendit, ku do të votohet në seancë plenare.

Pas miratimit në Kuvend, Klodiana Spahiu, do të bëjë betimin dhe do të marrë zyrtarisht detyrën në krye të Ministrisë së Shëndetësisë.

Klodiana Spahiu, është deputete e PS për qarkun e Durrësit, ndërsa aktualisht mban edhe postin e nënkryetares së Kuvendit.

The post Presidenti Begaj dekreton largimin e Evis Salës, Klodiana Spahiu emërohet ministre e Shëndetësisë appeared first on Albeu.com.

U.d. Presidentes së Kosovës, Albulena Haxhiu, drejtoi ceremoninë ku u dekretuan gjeneralët e rinj të Forcës së Sigurisë së Kosovës.

Në këtë aktivitet ishin të pranishëm edhe kryeministri në detyrë, Albin Kurti, si dhe ministri në detyrë i Mbrojtjes, Ejup Maqedonci.

Ceremonisë iu bashkua gjithashtu komandanti i FSK-së, gjenerallejtënant Bashkim Jashari.

Dekretimi përbën një zhvillim me rëndësi për drejtimin dhe avancimin e Forcës së Sigurisë së Kosovës.

The post Haxhiu zyrtarizon dekretimin e gjeneralëve të rinj të FSK-së appeared first on Albeu.com.

Këto dekretime, vijnë vetëm pak ditë pas ndryshimeve të propozuara nga kryeministri Edi Rama.

Njoftimi:

Presidenti i Republikës, Sh. T. Z. Bajram Begaj, dekretoi sot shkarkimin nga detyra të:

Znj. Belinda Balluku, Zëvendëskryeministër dhe Ministër i Infrastrukturës dhe Energjisë;

Znj. Elisa Spiropali, Ministër për Evropën dhe Punët e Jashtme;

Z. Pirro Vengu, Ministër i Mbrojtjes;

Znj. Albana Koçiu, Ministër i Punëve të Brendshme;

Z. Besfort Lamallari, Ministër i Drejtësisë;

Z. Toni Gogu, Ministër i Shtetit për Marrëdhëniet me Parlamentin.

Po sot, Presidenti i Republikës, Sh. T. Z. Bajram Begaj, dekretoi emërimin në detyrë të:

Znj. Albana Koçiu, Zëvendëskryeministër;

Z. Ferit Hoxha, Ministër për Evropën dhe Punët e Jashtme;

Z. Besfort Lamallari, Ministër i Punëve të Brendshme;

Z. Ermal Nufi, Ministër i Mbrojtjes;

Z. Toni Gogu, Ministër i Drejtësisë;

Z. Enea Karakaçi, Ministër i Infrastrukturës dhe Energjisë;

Znj. Erjona Ismaili, Ministër i Shtetit për Marrëdhëniet me Parlamentin.

The post Presidenti Begaj dekreton shkarkimin e Belinda Ballukut dhe ndryshimet në kabinet appeared first on Albeu.com.

Dekretimi dhe më pas botimi në Fletoren Zyrtare i ligjeve të paketës fiskale, i hap rrugë zbatimit të tyre nga administrata tatimore.

Ndërsa zbatimi i plotë nis pas botimit në Fletoren Zyrtare dhe miratimit të akteve nënligjore përkatëse.

Nga 7 ligjet e paketës fiskale në Fletoren Zyrtare, është botuar vetëm ligji për “Rivlerësimin e Pasurive të Paluajtshme”.

Ndër ligjet që kanë nxitur pritshmëri të larta nga bizneset, pavarësisht rezervave të shprehura nga institucionet ndërkombëtare, janë ligjet për Marrëveshjen e Paqes Fiskale dhe “Për fshirjen e detyrimeve të papaguara në tatime dhe dogana”.

Janë të shumta bizneset që po kërkojnë të nënshkruajnë marrëveshjen e Paqes Fiskale me administratën tatimore, por kërkesat e tyre po refuzohen nga inspektorët tatimore, për shkak të mungesës së akteve nënligjore për zbatimin e tyre.

Administrata Tatimore sqaroi për Monitor së do të nisë zbatimin e këtyre ligjeve, pas dekretimit të tyre nga Presidenti i Republikës, botimit në Fletoren Zyrtare, si dhe miratimi i akteve nënligjore përkatëse, që përcaktojnë procedurat për zbatimin e tyre.

Edhe Ministria e Financave sqaroi për Monitor se ligjet hyjnë në fuqi pas dekretimit të tyre nga Presidenti dhe botimit në Fletoren zyrtare, ndërsa udhëzimi për zbatimin e ligjit për fshirjen e detyrimeve të papaguara në tatime dhe dogana duhet të miratohet brenda 15 ditëve nga hyrja në fuqi e ligjit, ndërsa udhëzimi për Marrëveshjen e Paqes Fiskale duhet të miratohet brenda 3 muajve nga hyrja në fuqi.

Konkretisht në ligjin “Për Marrëveshjen e Paqes Fiskale”, përcaktohet se hyn në fuqi 15 ditë pas botimit në Fletoren Zyrtare dhe i shtrin efektet deri në vitin tatimor 2028.

Shtrirja e efekteve zgjat deri në 2028, pasi marrëveshja do të zbatohet për një vit tatimor, por me të drejtë rinovimi për dy vite tatimore të tjera.

Gjithashtu, në ligj përcaktohet se procedurat për hartimin dhe përmbajtjen e propozimit të marrëveshjes, mënyrat e komunikimit me tatimpaguesin dhe konfirmimin elektronik, regjistrimin dhe ruajtjen e marrëveshjes në regjistrin elektronik tatimor, si dhe trajtimin e rasteve të refuzimit, mospranimit apo pavlefshmërisë së saj, do të përcaktohen me udhëzim të ministrit përgjegjës për financat.

Edhe procedurat për Përfundimi i vlefshmërisë së Marrëveshjes së Paqes Fiskale do të zbatohen sipas procedurave që do të përcaktohen me udhëzim të ministrit përgjegjës për financat.

Sipas ligjit Marrëveshja e Paqes Fiskale përfundon në rastet kur: tatimpaguesi ndryshon llojin e veprimtarisë së deklaruar; nuk realizon rritjen mbi 18% të fitimit të tatueshëm; pezullon ose ndërpret përfundimisht aktivitetin ekonomik; kryen shkelje të përsëritura të detyrimeve tatimore që cenojnë ndershmërinë fiskale; nuk paguan detyrimet sipas marrëveshjes; nuk përmbush kushtet e parashikuara në nenin 6 të ligjit; realizon rritje të fitimit të tatueshëm mbi 50% gjatë vitit tatimor përkatës, krahasuar me vitin paraardhës.

Procedura e aplikimit për Marrëveshjen e Paqes Fiskale

Ligji përcakton se marrëveshja e paqes Fiskale mes biznesit dhe administratës tatimore do të kryhet nëpërmjet aplikimit që bëhet nga tatimpaguesi përmes platformës elektronike “e-filing”, brenda afatit për dorëzimin e deklaratës vjetore të të ardhurave të vitit paraardhës. Për vitin e parë të zbatimit, afati përcaktohet me udhëzim të Drejtorit të Përgjithshëm të Tatimeve.

Propozimi i marrëveshjes hartohet nga administrata tatimore dhe i komunikohet tatimpaguesit nëpërmjet platformës “e-filing”, duke përmbajtur vlerën e fitimit të tatueshëm dhe normat e detyrimit tatimor për periudhën përkatëse.

Tatimpaguesi ka të drejtë ta pranojë ose refuzojë propozimin deri më 15 prill. Me pranimin dhe nënshkrimin elektronik, marrëveshja konsiderohet e lidhur dhe ka efekt ligjor për vitin tatimor përkatës. Tatimpaguesi ka detyrimin të deklarojë dhe të paguajë detyrimin tatimor sipas marrëveshjes, ndërsa mosrespektimi i saj trajtohet si shkelje tatimore.

Ligji për fshirjen e detyrimeve tatimore dhe doganore

Ligji “Për fshirjen, shuarjen dhe pagesën e detyrimeve tatimore ndaj administratës tatimore qendrore e vendore dhe të detyrimeve të pagueshme në doganë” hyn në fuqi 15 ditë pas botimit në Fletoren Zyrtare.

Brenda 15 ditëve nga hyrja në fuqi, ministri përgjegjës për financat nxjerr udhëzimin për zbatimin e ligjit. Ky ligj i shtrin efektet nga 1 janar 2026 deri më 31 dhjetor 2026.

Ligji “Për disa ndryshime në ligjin nr. 92/2014 “Për tatimin mbi vlerën e shtuar në Republikën e Shqipërisë”, i ndryshuar hyn në fuqi 15 ditë pas botimit në Fletoren Zyrtare.

Zbatimi i këtij ligji do të sjellë kompensimin 10% të TVSH -së për fermerët për shitjet e mallrave bujqësore që ata do të bëjnë në grumbulluesit, përpunuesit apo agrobizneset e certifikuara. Kompnesimi do të bëhet nëpërmjet autofaturave të lëshuara nga blerësit e mallrave bujqësore./ Monitor

The post Presidenti dekreton ligjet për Paqen Fiskale dhe fshirjen e detyrimeve, kur nis zbatimi appeared first on Albeu.com.

Edi Rama, ka mbërritur në Presidencë për t’i dorëzuar kreut të Shtetit emrat e ministrave të rinj, të cilët i shpalli një ditë më parë, më 11 shtator, në Asamblenë e Partisë Socialiste.

Ky do të jetë mandati i katërt për Edi Ramën, që drejton ekzekutivin shqiptar që prej vitit 2013 si kryetar i Partisë Socialiste.

Në Asamble, Rama zbuloi se kryetar i Kuvendit do të jetë Niko Peleshi, i cili ka mbajtur postin e ministrit të Mbrojtjes në qeverinë Rama 3 (deri korrik 2024).

Kabineti i ri qeveritar

1. Zv.kryeministre, njëherësh ministre e Infrastrukturës dhe Energjisë, Belinda Balluku
2. Ministrie e Punëve të Brendshme, Albana Koçiu
3. Ministre për Evropën dhe Integrimin, MPJ, Elisa Spiropali
4. Ministër i Financave, Petrit Malaj
5. Ministër i Kulturës, Turizmit dhe Sportit, Blendi Goxhja
6. Ministër i Mjedisit, Sofjan Jaupaj
7. Ministre e Arsimit, Mirela Kumbaro
8. Ministre e Shëndetësisë dhe Çështjeve Sociale, Evis Sala
9. Ministre e Ekonomisë dhe Inovacionit, Delinda Ibrahimaj
10. Ministre e Inteligjences Artificiale, “Diella”
11. Ministër i Drejtësisë, Besfort Ramallari
12. Ministër i Mbrojtjes, Pirro Vengu
13. Ministër i Bujqësisë, Andis Salla
14. Ministër për Pushtetin Vendor, Ervin Demo
15. Ministre e Shtetit për Administratën Publike dhe Antikorrupsionin, Adea Pirdeni
16. Ministrie e Shtetit për kryenegociator, Majlinda Dhuka
17. Ministër për Marrëdhënien me Parlamentin, Toni Gogu

The post Kabineti i ri/ Presidenti Bajram Begaj dekreton qeverinë “Rama 4” (FOTO) appeared first on Albeu.com.

Deputetët e rinj do të mblidhet dhe betohet të premten, më 12 shtator, ora 10:00, një ditë pas Asamblesë së Partisë Socialiste.

Në mesazhin e tij drejtuar qytetarëve dhe deputetëve të rinj, Kreu i Shtetit, e cilësoi këtë moment si historik për Shqipërinë, e cila ndodhet në një fazë vendimtare të rrugëtimit drejt anëtarësimit në Bashkimin Evropian.

“Kuvendi është simbol i demokracisë, hapësira ku duhet të dëgjohen dhe respektohen zërat e të gjithë shqiptarëve. Shqipëria ndodhet përpara një momenti historik dhe Kuvendi ka nderin e detyrimin të jetë përfaqësues i vizionit dhe aspiratës sonë për një Shqipëri evropiane”, u shpreh Presidenti Begaj.

Gjithashtu, ai theksoi se legjislatura e re duhet të kombinojë përvojën e deputetëve të vjetër me energjinë e të rinjve të sapozgjedhur, duke e parë këtë si pjesë të natyrshme të proceseve demokratike.

Mazhoranca, sipas tij, duhet ta ushtrojë pushtetin me përulësi, ndërsa opozita të jetë aktive, konstruktive dhe e përkushtuar ndaj rolit të saj thelbësor.

“Dialogu dhe respekti për dallimet janë themel i bashkëjetesës demokratike”, tha Presidenti, duke vënë theksin te diskutimet konstruktive dhe vendimmarrja e urtë në shërbim të qytetarëve.

Kreu i Shtetit, vuri në dukje se prioriteti madhor mbetet anëtarësimi në Bashkimin Evropian, proces që kërkon reforma të thella dhe angazhim të palëkundur.

Ai theksoi domosdoshmërinë e një drejtësie funksionale e të pavarur, luftën kundër korrupsionit dhe krimit të organizuar, si dhe përmirësimin e cilësisë së ligjeve në përputhje me nevojat e shoqërisë.

Në planin e jashtëm, Presidenti u shpreh se Shqipëria do të vijojë përfaqësimin dinjitoz në marrëdhëniet ndërkombëtare në bashkëpunim me BE-në, SHBA-në dhe NATO-n, duke mbështetur njëkohësisht Kosovën dhe shqiptarët në rajon.

Ai theksoi rolin e vendit si faktor paqeje dhe dialogu në Ballkan, duke e cilësuar vëllazërinë fetare shqiptare si një shembull frymëzues për rajonin.

Presidenti Begaj, u kujtoi deputetëve përgjegjësinë që mbajnë për besimin e dhënë nga qytetarët.

“Kjo është koha ta ktheni atë besim në veprim. Shqiptarët presin rezultate konkrete, mirëqeverisje dhe zhvillim që sjell mirëqenie”, u shpreh ai, duke uruar suksese për punimet e legjislaturës së re me Shqipërinë “në mendje dhe në zemër”.

The post Presidenti Begaj dekreton datën e mbledhjes së parë të Kuvendit, ja kur do të betohen deputetët e rinj appeared first on Albeu.com.

Ceremonia nisi me ekzekutimin e Himnit Kombëtar dhe vijoi me leximin e dekretit të Presidentit të Republikës për emërimin e Shefit të Shtabit të Përgjithshëm.

Emërimi i tij vjen në mbështetje të Kushtetutës dhe ligjit “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”.

Pas leximit të dekretit, Gjeneral Lejtnant Arben Kingji, bëri betimin me dorën mbi Kushtetutë.

Në ceremoninë e betimit të Shefit të Shtabit të Përgjithshëm, mori pjesë Ministri i Mbrojtjes Pirro Vengu, Zëvendësshefi i Shtabit të Përgjithshëm, si dhe komandantët e forcave dhe strukturave të tjera të Forcave të Armatosura.

The post Presidenti Begaj dekreton për një mandat të dytë Shefin e Shtabit të Përgjithshëm të FA-së, Arben Kingji appeared first on Albeu.com.

Begaj tha se; “Ndryshimet janë fryt i marrëveshjes pozitë-opozitë në zbatim të vendimeve të Gjykatës Kushtetuese .

Begaj tha se Vota e disaporës, është një zhvillim historik për zgjedhjet në Shqipëri.

Gjithashtu, presidenti u bëri edhe apel institucioneve përgjegjëse, që Vota nga jashtë vendit te zbatohet në zgjedhjet e ardhshme parlamentare.

Begaj ka shtuar se Kritikat ndaj mekanizimit ligjor të votimit parapëlqyes, nisen nga qëllimi legjitim për të demokratizuar më shumë këtë mekanizëm.

Begaj ka thënë se ekzistenca e dy formave alternative që rregullojnë prurjen në parlament, është përcaktuar në pikën 3 të nenit 64 të Kushtetutës.

Njoftimi:

NJOFTIM SHTYPI

Tiranë, më 30 korrik2024

Presidenti i Republikës shpalli sot ligjin nr. 81/2024, “Për disa shtesa dhe ndryshime në ligjin nr. 10 019, datë 29.12.2008, “Kodi Zgjedhor i Republikës së Shqipërisë̈”, i ndryshuar”.

Ky ligj, që mori mbështetje të gjerë parlamentare, është fryt i diskutimeve dhe i marrëveshjes pozitë-opozitë për zbatimin evendimeve të Gjykatës Kushtetuese, të cilat kishin shfuqizuar disa dispozita të Kodit Zgjedhor.

Bashkëpunimi parlamentar, si dhe përgjegjshmëria dhe respekti ndaj parimit të kushtetutshmërisë dhe shtetit ligjor janë vlera politike dhe ligjore të një sistemi të mirëfilltë demokratik, të cilat meritojnë të kultivohen e të shumëfishohen në praktikën institucionale shqiptare.

Ndër të tjera, ky ligj vendos kornizën për votimin nga jashtë vendit, i cili përbën një zhvillim historik për zgjedhjet në Shqipëri.

Presidenti i Republikës mbështet dhe nxit institucionet e ngarkuara që të caktojnë prioritet absolut masat dhe përgatitjet për të implementuar votën nga jashtë vendit në zgjedhjet e ardhshme parlamentare dhe për ta shndërruar këtë procedurë në një histori të plotë suksesi.

Debati rreth përmbajtjes së dispozitave të veçanta të këtij ligji u ndoq me vëmendje nga Presidenti i Republikës. Ligji u shqyrtua edhe në këndvështrim të këtij debati.

Presidenti i Republikës konstaton se kritikat ndaj mekanizimit ligjor të votimit parapëlqyes nisen nga qëllimi legjitim për të demokratizuar më shumë këtë mekanizëm.

Ekzistenca e dy formave alternative që rregullojnë prurjen në parlament, (prurja për shkak të renditjes në listë dhe prurja për shkak të votës parapëlqyese), është përcaktuar në pikën 3 të nenit 64 të Kushtetutës.

Dispozita e këtij neni ka kaluar provën e kushtetutshmërisë me vendimin nr. 28 të vitit 2021 të Gjykatës Kushtetuese, e cila nuk ka vënë re cenim të barazisë përpara ligjit për këtë shkak.

Gjykata Kushtetuese ka konsideruar kufizim disproporcional vendosjen e mekanizmit të herësit në përmasën që kishte ligji i vitit 2020.

Ndryshimet e reja e kanë hequr mekanizimin e herësit dhe kanë pranuar ndarjen sasiore që vendos dispozita e Kushtetutës, sipas së cilës “ligji për zgjedhjet garanton që votimit parapëlqyes t’i nënshtrohen jo më pak se dy të tretat e listës shumëemërore dhe të sigurojë përfaqësim gjinor”. Mbajtja e raportit në kufirin e sipërm të kësaj dispozite nuk lë vend për të debatuar kushtetutshmërinë e një kriteri që është vendosur nga vetë Kushtetuta.

Nëse votimi parapëlqyes duhet të ndjekë këtë raport, apo duhet të jetë më i zbutur, brenda marzhit që lejon Kushtetuta, kjo është çështje vizionesh dhe kompromisesh politike e ligjore, për të cilat Presidenti i Republikës nuk ka tagër dhe nuk mund të mbajë qëndrim, përndryshe do të vepronte në kundërshtim me parimin e ndarjes së pushteteve.

The post Presidenti Begaj dekreton ndryshimet në Kodin Zgjedhor: Fryt i marrëveshjes pozitë-opozitë appeared first on Albeu.com.

Kryeministri Edi Rama, njoftoi të dielën ndryshimet në qeveri, gjatë Kongresit Zgjedhor të PS-së.

Begajt iu deshën dy ditë për të miratuar këto ndryshime, duke nxjerrë dhe dekretet. Kujtojmë se sot në orën 18:00, do të mblidhet Kuvendi në një seancë të posaçme, për të miratuar këto ndryshime.

Dy ditë pas propozimeve të kryeministrit Rama për të ndryshuar qeverinë, Presidenti i Republikës, Bajram Begaj ka dekretuar emrat e rinj të kabinetit qeveritar, konkretisht, Ervin Hoxhën ministër i Brendshëm, Petrit Malaj ministër i Financave, Pirro Vengu, ministër i Mbrojtjes dhe Taulant Balla ministër Shtetit për Marrëdhëniet me Parlamentin.

Konkretisht, Presidenti dekretoi shkarkimin e Ministrit të Brendshëm, Taulant Balla, ministrin e Mbrojtjes Niko Peleshi dhe ministrin e Financave, Ervin Mete.

Po ashtu, Presidenti dekretoi edhe shkarkimin e Elisa Spiropali si Ministre e Shtetit për Marrëdhëniet me Parlamentin.

Njoftimi:

NJOFTIM PËR SHTYP

Tiranë, 30 korrik 2024

Presidenti i Republikës së Shqipërisë, Sh. T. Z. Bajram Begaj, në zbatim tëkompetencave të tij kushtetuese, mori në shqyrtim propozimin e Kryeministrit të Republikës së Shqipërisë, Sh.T.Z. Edi Rama, të datës 28 korrik 2024, për shkarkimin dhe emërimin e disa ministrave.

Në përfundim të procedurës së shqyrtimit, Presidenti i Republikës, Sh. T. Z. Bajram Begaj,dekretoi sot, më 30 korrik 2024:

Shkarkimin e Ministrit të Brendshëm, z. Taulant Balla;

Shkarkimin e Ministrit të Mbrojtjes, z.NikoPeleshi;

Shkarkimin e Ministrit të Financave, z.Ervin Mete;

Shkarkimin e Ministrit të Shtetit për Marrëdhëniet me Parlamentin, znj.ElisaSpiropali;

Emërimin e Ministrit të Brendshëm, z.Ervin Hoxha;

Emërimin e Ministrit të Mbrojtjes, z. Pirro Vëngu;

Emërimin e Ministrit të Financave, z. Petrit Malaj;

Emërimin e Ministrit të Shtetit për Marrëdhëniet me Parlamentin, z. Taulant Balla.

The post Ndryshimet në qeveri/ Presidenti Begaj dekreton ministrat e rinj appeared first on Albeu.com.