Ushtruesja e detyrës së Presidentes së Republikës së Kosovës, Albulena Haxhiu, e ka dekretuar Zejnullah Gashin në pozitën e Kryeprokurorit të ri të Shtetit.

Burime të “Betimi për Drejtësi” brenda Presidencës e kanë konfirmuar këtë vendim.

Dekreti është nxjerrë një ditë pasi Këshilli Prokurorial i Kosovës, në mbledhjen e tij të 298-të të hënën, e nominoi Gashin për Kryeprokuror të Shtetit dhe emrin e tij ia propozoi Haxhiut për dekretim, raporton “Betimi për Drejtësi“.

Në procedurën për këtë pozitë morën pjesë pesë kandidatë: Atdhe Dema, Naim Abazi, Rafet Halimi, Shqipdon Fazliu dhe Zejnullah Gashi.

Paneli Vlerësues i publikoi rezultatet pas intervistimeve të mbajtura më 1 korrik 2026. Zejnullah Gashi u vlerësua me 91.6 pikë, Atdhe Dema me 89.3 pikë, Naim Abazi me 89 pikë, Rafet Halimi me 87 pikë, ndërsa Shqipdon Fazliu me 86.3 pikë.

KPK-ja ka bërë publike gjithashtu intervistat e të pesë kandidatëve.

Kandidati Atdhe Dema kishte paraqitur ankesë lidhur me vlerësimin e tij në procesin e përzgjedhjes për Kryeprokuror të Shtetit. Megjithatë, Këshilli e refuzoi këtë ankesë në mbledhjen e 10 korrikut 2026.

Më 19 qershor 2026, Këshilli Prokurorial i Kosovës (KPK) i kishte miratuar kandidaturat e pesë garuesve për këtë post, me 6 vota për dhe 1 kundër.

Vendimi për hapjen e konkursit për Kryeprokuror të Shtetit ishte marrë në mbledhjen e Këshillit Prokurorial të Kosovës më 18 maj 2026.

Pas publikimit të konkursit, kryeprokurori i Prokurorisë Speciale të Republikës së Kosovës, Blerim Isufaj, kishte ngritur padi në Gjykatën Administrative, duke kërkuar masë të sigurisë për pezullimin e konkursit të shpallur nga KPK-ja. Kërkesa e tij u refuzua nga Gjykata Administrative, vendim që u konfirmua edhe nga Gjykata e Apelit.

The post Zejnullah Gashi dekretohet nga Albulena Haxhiu për Kryeprokuror të Shtetit appeared first on Albeu.com.

Haxhiu tha se këto rrëfime nuk përfundojnë me mbarimin e projektit, por vazhdojnë të jetojnë edhe pasi fiket ekrani dhe mbyllen debatet. Sipas saj, ato mbeten në familjet ku prej vitesh përsëritet e njëjta pyetje: si mund të kuptohet zhdukja me dhunë e njeriut të afërt gjatë luftës, ndërsa familja mbetet pa asnjë përgjigje.

Ajo theksoi se zhdukja me dhunë e ndërpret vetë fillin e kuptimit dhe se nuk ekziston asnjë shpjegim që e lehtëson pritjen e familjeve, asnjë fjalë që mund të zëvendësojë mungesën e njeriut të dashur.

Sipas saj, megjithatë, pamundësia për ta kuptuar nuk e shuan detyrimin për të ditur. Duke kujtuar fjalët e Primo Levit, Haxhiu tha se kur kuptimi është i pamundur, atëherë dija bëhet e domosdoshme, ndërsa për familjet e personave të pagjetur kjo mbetet kërkesa e vetme: të dinë se ku ndodhen më të dashurit e tyre.

Haxhiu deklaroi se mungesa e përgjigjeve lidhet me faktin se Serbia vazhdon t’i mbajë të mbyllura arkivat e saj ushtarake, policore dhe shtetërore, duke mbajtur kështu përgjegjësi të drejtpërdrejtë në këtë proces. Ajo nënvizoi se pikërisht në këto arkiva mund të gjenden të dhëna për urdhra, varrime, zhvarrime dhe vendndodhje që familjet i presin prej më shumë se një çerek shekulli.

Ajo shtoi se zbulimi i varrezave masive në territorin e Serbisë ka dëshmuar qartë se fshehja e gjurmëve ka qenë e qëllimshme. Sipas Haxhiut, hapja e arkivave nuk duhet të mbetet në dorën e vullnetit të Beogradit dhe partnerët ndërkombëtarë duhet ta trajtojnë këtë si një detyrim të qartë të Serbisë ndaj familjeve, drejtësisë dhe së vërtetës. Ajo rikujtoi se rreth 1600 persona vazhdojnë të jenë në listat e të pagjeturve dhe shpesh përmenden vetëm si numra e statistika, ndërsa dokumentarë të tillë shkojnë përtej tyre duke sjellë emrat, fytyrat dhe rrëfimet përmes zërave që kanë pritur për shumë gjatë.

Haxhiu tha gjithashtu se nga Drenasi në Mitrovicë, nga Peja në Prizren, nga Gjilani në Ferizaj, nga Gjakova në Prishtinë, këto histori na rikujtojnë se ndonëse mungesa nuk përjetohet njësoj në çdo familje, pritja dhe kërkesa mbeten të përbashkëta.

Sipas saj, kërkesa për të ditur nuk duhet të mbetet vetëm barrë e kujtesës së familjeve, por kërkon angazhim të përditshëm institucional, përmes hetimit, dokumentimit, punës mjekoligjore, bashkëpunimit me familjet dhe ndjekjes së çdo informacioni që mund të çojë drejt së vërtetës.

Ajo falënderoi Institutin e Mjekësisë Ligjore, Komisionin Qeveritar, Prokurorinë Speciale, Policinë dhe partnerët ndërkombëtarë për angazhimin në gjetjen e personave të zhdukur me dhunë dhe në trajtimin e krimeve të luftës. Haxhiu u shpreh se vitet e fundit është shënuar përparim falë rritjes së kapaciteteve dhe ndryshimeve ligjore që kanë bërë të mundur gjykimin në mungesë, si përgjigje ndaj mosbashkëpunimit të Serbisë. Ajo shtoi se institucionet e Republikës së Kosovës mbeten të përkushtuara për ta mbështetur këtë proces, sepse drejtësia për krimet e luftës është një detyrim i pashmangshëm.

Në vijim, Haxhiu tha se Kosova ka ndërmarrë hapa të rëndësishëm edhe në aspektin ligjor dhe institucional për këtë çështje.

Ajo kujtoi se në korrik 2023, Kosova iu bashkua Komisionit Ndërkombëtar për Persona të Zhdukur, ICMP, ndërsa në gusht 2023 u themelua Instituti për Krimet e Kryera gjatë Luftës. Sipas saj, edhe Strategjia për Drejtësi Tranzicionale 2024–2034 e vendos kërkimin e të vërtetës, drejtësinë, reparacionet dhe reformën institucionale si shtylla të kësaj fushe. Haxhiu theksoi se kjo punë ka sjellë edhe rezultate konkrete, duke përmendur identifikimin e personave të zhdukur nga masakra e Kralanit dhe rivarrimin e tyre pas kaq shumë vitesh, si dëshmi se asnjë rast nuk mund të konsiderohet i mbyllur pa marrë familja përgjigje.

Në fund, u.d. presidentja falënderoi BIRN Kosovën, ACDC-në, Bashkimin Evropian dhe të gjithë ata që kanë kontribuar në këtë projekt, duke veçuar në mënyrë të posaçme familjet që kanë pranuar të flasin.

Haxhiu tha se ato nuk kanë folur për ta shndërruar dhimbjen në një rrëfim publik, por sepse e dinë që e vërteta duhet të ketë si zë, ashtu edhe dëshmitarë. Ajo përfundoi se personat e pagjetur janë emra që i përkasin kujtesës së këtij vendi dhe përgjegjësisë së institucioneve të tij, ndërsa deri në momentin kur të ketë përgjigje për ta, kjo punë nuk mund të konsiderohet e përfunduar.

The post Haxhiu: Çelja e arkivave s’mund të varet nga vullneti i Serbisë appeared first on Albeu.com.

Më parë, Kreu i Shtetit liroi znj. Blerta Kadzadej vetëm nga detyra e Ambasadorit të Jashtëzakonshëm dhe Fuqiplotë të Republikës së Shqipërisë në Republikën e Azerbajxhanit, jo rezident, e cila aktualisht mban detyrën Ambasador i Jashtëzakonshëm dhe Fuqiplotë i Republikës së Shqipërisë në Republikën e Turqisë, rezident, si dhe Ambasador i Jashtëzakonshëm dhe Fuqiplotë i Republikës së Shqipërisë në Republikën e Azerbajxhanit, në Republikën e Kirgistanit, në Republikën Islamike të Pakistanit, në Gjeorgji, në Republikën Islamike të Afganistanit dhe në Republikën e Kazakistanit, jo rezident.

Gjithashtu, Presidenti i Republikës, Bajram Begaj, dekretoi sot emërimin në detyrë të znj. Artemis Malo, Ambasador i Jashtëzakonshëm dhe Fuqiplotë të Republikës së Shqipërisë në Kanada, rezident.

The post Presidenti Begaj dekreton Besart Kadian si ambasador të Shqipërisë në Azerbajxhan appeared first on Albeu.com.

Njoftim i Institucionit të Presidentit të Republikës

Presidenti i Republikës, Sh.T.Z. Ilir Meta, ka dekretuar me shpallje këto ligje:

– Ligj nr. 22/2022 “Për ratifikimin e marrëveshjes ndërmjet Republikës së Shqipërisë dhe Bashkimit Europian për pjesëmarrjen e Republikës së Shqipërisë në programin Europa Krijuese (2021-2027)”.

Aderimi i Republikës së Shqipërisë në Programin “Europa Krijuese: krijon një dritare të re, që u mundëson të drejtën subjekteve juridike të së drejtës shqiptare, të cilët operojnë në fushën e kulturës e artit, të aplikojnë dhe të marrin pjesë në aktivitetet e Programit Europa Krijuese (2021-2027), duke përfituar mbështetje financiare, ndërvepruar dhe shkëmbyer praktikat më të mira me aktorë të tjerë të fushave prioritare të këtij programi në nivel europian.

– Ligj nr. 23/2022 “Për ratifikimin e marrëveshjes ndërmjet Republikës së Shqipërisë dhe Republikës së Kosovës për sigurime shoqërore”.

Krijimi i mundësive të përfitimit të pensioneve nga shqiptarët që jetojnë e punojnë në Kosovë, si dhe për shtetasit kosovarë, të cilët vijnë për të punuar në Shqipëri, është i vonuar. Mes Kosovës dhe Shqipërisë, nuk duhet të ketë asnjë barrierë që pengon qytetarët nga të dy anët e kufirit, të përfitojnë nga skemat e mbrojtjes shoqërore, duke respektuar parimin e trajtimit të barabartë, me synimin parësor për mirëqenien më të lartë dhe trajtimin më të mirë të tyre.

– Ligj nr. 24/2022 “Për ratifikimin e marrëveshjes ndërmjet Këshillit të Ministrave të Republikës së Shqipërisë dhe qeverisë së Republikës së Kosovës për rregullat e regjimit të trafikut lokal të kufirit”.

Miratimi i kësaj marrëveshjeje me Republikën e Kosovës është vetëm hapi i parë drejt thjeshtëzimit e lehtësimit të procedurave dhe të masave të lidhura me regjimin e trafikut kufitar lokal e të lejeve për këtë qëllim përgjatë kufirit.

Për të mundësuar realisht lehtësimin e qarkullimin e banorëve të zonave kufitare, nevojitet që autoritete shqiptare të marrin pa vonesë masa për nxjerrjen e akteve rregullatorë në zbatim të marrëveshjes, duke shmangur çdo lloj burokracie.

Vijon…

The post Meta dekreton 3 ligje, mes tyre dhe ai për sigurimet shoqërore mes Kosovës dhe Shqipërisë appeared first on Albeu.com.

Tashmë GJL ka 10 anëtarë, nga 19 që duhet të ketë.

Njoftimi i plotë i Presidencës:

Presidenti i Republikës, Ilir Meta, në datën 10 shkurt 2022, ka administruar propozimin e Këshillit të Lartë Gjyqësor, për emërimin e zonjës Arbena Ahmeti si anëtarja më e re në Gjykatën së Lartë, e cila është përzgjedhur për t`u emëruar në këtë Gjykatë përmes procedurave të ngritjes në detyrë nga radhët e gjyqësorit.

Presidenti Meta, pasi shqyrtoi vendimmarrjen e Këshillit të Lartë Gjyqësor dhe propozimin e përcjellë nga ky organ, së bashku me praktikën dokumentare të ngritjes në detyrë për në Gjykatën e Lartë, nga radhët e gjyqtarëve, për pozicionin e lirë në fushën e të drejtës administrative, të shpallur për kandidim që prej datës 26.2.2020, në mbështetje të nenit 93 dhe nenit 136 të Kushtetutës, nenit 48, pika 11 dhe 13 të ligjit nr. 96/2016 “Për statusin e gjyqtarëve dhe prokurorëve në Republikën e Shqipërisë”, i ndryshuar, ka pranuar propozimin e KLGJ-së, dhe sot përmes Dekretit nr. 13477, datë 16.02.2022, ka vendosur që:

Zonja Arbena Ahmeti emërohet gjyqtare e Gjykatës së Lartë.

Me këtë emërim të ri, Gjykata e Lartë, nga sot bëhet me 10 (dhjetë) gjyqtarë, nga 19 anëtarë, që duhet të ketë.

Presidenti i Republikës, në mbështetje të Kushtetutës, dhe me vullnetin që Gjykata e Lartë të jetë sa më shpejt plotësisht funksionale me të gjithë trupën e nevojshme të saj, i bën thirrje Këshillit të Lartë Gjyqësor që të vijojë punën me impenjim të plotë, të pandërprerë, me transparencë, me qëllim përfundimin pa vonesë të procedurave për plotësimin e Gjykatës së Lartë me të gjithë numrin e nevojshëm të gjyqtarëve./albeu.com

The post Meta dekreton emërimin e një tjetër gjyqtari, Gjykata e Lartë bëhet me 10 anëtarë appeared first on Albeu.com.

Meta u përpoq t’i shmangej pyetjes duke thënë se ende nuk i kishte shkuar në zyrë një vendim i tillë i Kuvendit.

“Nuk dëshiroj të komentoj diçka që nuk ka ardhur apo ndoshta nuk vjen, të mos futemi në çështje procedurale. S’është zbardhur se këta dhe falsifikojnë. Dua t’ju them. Ky proces ishte parashikuar”, tha Meta./albeu.com

The post A do e dekretojë zgjatjen e Vettingut? Ja si përgjigjet presidenti Meta appeared first on Albeu.com.

Sipas Metës, këto ndryshime mbrojnë sistemin financiar dhe të ekonomisë në tërësi nga kërcënimet e pastrimit të parave duke forcuar integritetin e sistemit parandalues në vend.

“Ndryshimet në këtë ligj synojnë të mbrojnë sistemin financiar dhe të ekonomisë në tërësi nga kërcënimet e pastrimit të parave dhe financimit të terrorizmit, duke forcuar njëkohësisht integritetin e sistemit parandalues në vend dhe rritjen e koordinimit dhe bashkëpunimit për të kontribuar për paqen, sigurinë dhe përmbushjen e detyrimeve ndërkombëtare.

Ligji synon që të rrisë garancitë dhe mekanizmat që agjencitë ligjzbatuese të ushtrojnë efektivisht funksionin për parandalimin, zbulimin dhe goditjen e kërcënimeve për pastrimin e parave dhe financimit të terrorizmit. Akoma më e rëndësishme, është përpjekja për reflektimin e rekomandimeve të FATF (Financial Action Task Force – FATF) dhe Monyeval”, thotë Presidenti./albeu.com

The post Meta dekreton ligjin për parandalimin e pastrimit të parave appeared first on Albeu.com.

Ligjin nr. 109/2021 “Për ratifikimin e Konventës së Këshillit të Europës për Bashkëprodhimin Kinematografik (e rishikuar), Roterdam, 30.1.2017”.

Ligjin nr. 108/2021 “Për ratifikimin e konventës ndërmjet Këshillit të Ministrave të Republikës së Shqipërisë dhe qeverisë së shtetit të Izraelit për shmangien e taksimit të dyfishtë dhe parandalimin e evazionit fiskal në lidhje me tatimin mbi të ardhurat”./albeu.com

The post Presidenti Meta dekreton tre ligje appeared first on Albeu.com.

I pyetur nëse qeveria do të dekretohet te presidenti Meta, Rama konfirmoi se po, duke thënë se përderisa është akoma në detyrë, tek ai do të dekretohen.

“Keni të drejtë që të thoni çfarë të doni. Ka një dallim të qartë. Dallimi mes qendrimeve politike dhe distancimeve politike dhe përsa kohë presidenti është në zyrë dhe në pritje për t’u gjykuar. Ai mbetet në detyrë. Ne e kemi marrë vendimin tonë. Kjo është një republikë kushtetuese”, tha Rama./albeu.com

The post A do t’ju dekretojë Meta? Përgjigjet kryeministri Rama appeared first on Albeu.com.

Në njoftimin zyrtar të institucionit të Presidencës thuhet se bëhet fjalë për ligjin “për ratifikimin e marrëveshjes së garancisë ndërmjet Shqipërisë dhe Bankës Europiane për Rindërtim dhe Zhvillim (BERZH), për marrëveshjen e huas ndërmjet Agjencisë së Sigurimit të Depozitave dhe Bankës Europiane për Rindërtim dhe Zhvillim për linjën e kredisë për Agjencinë e Sigurimit të Depozitave””.

Po ashtu Kreu i Shtetit ka deklratuar ligjin “Për ratifikimin e marrëveshjes së huas ndërmjet Republikës së Shqipërisë, (huamarrësi), përfaqësuar nga Ministria e Financave dhe Ekonomisë, dhe KfË Frankfurt am Main (KfË) për mbështetjen e reformës në sektorin energjetik në Shqipëri – faza I””.

Ndërsa ligji i tretë eshte “Për ratifikimin e vendimit nr. 1/2021 të Këshillit të Stabilizim-Asociimit Bashkimi Europian – Shqipëri, që ndryshon Marrëveshjen e Stabilizim-Asociimit, ndërmjet komuniteteve europiane dhe shteteve të tyre anëtare, nga njëra anë, dhe Republikës së Shqipërisë, nga ana tjetër, duke zëvendësuar protokollin 4 të saj në lidhje me përkufizimin e konceptit “produkte origjinuese” dhe metodat e bashkëpunimit administrativ””.

The post Marrëveshja me BERZH dhe dy të tjerë, këto janë ligjet që dekretoi sot Presidenti Meta appeared first on Albeu.com.