Ushtruesja e detyrës së presidentes së Kosovës, Albulena Haxhiu, zhvilloi sot një takim me senatoren amerikane Joni Ernst, të cilën e vlerësoi me Medaljen Presidenciale të Meritave për angazhimin e saj ndër vite.

Përmes një postimi në Facebook, Haxhiu e cilësoi Ernstin mike të dëshmuar të Kosovës dhe zë të rëndësishëm në forcimin e partneritetit mes Republikës së Kosovës dhe Shteteve të Bashkuara të Amerikës.

Sipas saj, gjatë takimit u diskutua për zhvillimet e fundit politike në Kosovë, çështjet e sigurisë dhe nevojën për vijimin e bashkëpunimit të afërt me SHBA-në.

Haxhiu bëri të ditur se dekorata iu akordua senatores Ernst si shenjë mirënjohjeje për kontributin e saj të çmuar në thellimin e marrëdhënieve Kosovë–SHBA dhe në mbështetjen e forcimit të kapaciteteve mbrojtëse të Republikës së Kosovës.

“Kosova do të vazhdojë ta ndërtojë të ardhmen e saj krah Shteteve të Bashkuara, duke e konsoliduar një partneritet me rëndësi të veçantë strategjike dhe historike për vendin tonë”, shkroi Haxhiu.

The post Haxhiu nderon senatoren Joni Ernst me Medaljen Presidenciale të Meritave appeared first on Albeu.com.

Ushtruesja e detyrës së presidentes së Republikës së Kosovës, Albulena Haxhiu, e ka nderuar kolonelin amerikan A. J. Berg me Medaljen Presidenciale Ushtarake, si vlerësim për rolin e tij në fuqizimin e partneritetit strategjik dhe bashkëpunimit ushtarak mes Kosovës dhe Shteteve të Bashkuara të Amerikës.

Përmes një publikimi në rrjetet sociale, Haxhiu njoftoi se kjo dekoratë iu dha Bergut në fund të mandatit të tij si atashe i Mbrojtjes i SHBA-së në Kosovë.

Ajo shprehu mirënjohje për kolonelin Berg për përkushtimin e tij në mbështetje të zhvillimit dhe modernizimit të Forcës së Sigurisë së Kosovës, si edhe për nxitjen e bashkëpunimit ndërinstitucional dhe forcimin e lidhjeve në fushën e mbrojtjes mes dy vendeve.

“Sot pata kënaqësinë ta dekoroj me Medaljen Presidenciale Ushtarake Kolonelin A. J. Berg, në shenjë vlerësimi për kontributin e tij të jashtëzakonshëm në forcimin e partneritetit strategjik dhe bashkëpunimit ushtarak ndërmjet Republikës së Kosovës dhe Shteteve të Bashkuara të Amerikës”, ka shkruar Haxhiu.

The post Albulena Haxhiu i jep kolonelit amerikan A. J. Berg Medaljen Presidenciale Ushtarake appeared first on Albeu.com.

Alexander Fomin i vlerësoi ushtarët për guximin dhe sakrificën e tyre gjatë luftës përpara se t’u jepte medaljet.

Një ditë më parë, Ukraina bëri të ditur se deri tani janë vrarë mbi 16 mijë ushtarë rusë gjatë luftimeve, ndërsa me mijëra të tjerë kanë mbetur të plagosur.

The post Rusia dekoron ushtarët e plagosur në luftë (FOTO LAJM) appeared first on Albeu.com.