Gazetari Igli Çelmeta, theksoi se deri më sot i vetmi Drejtor Policie, që ka tentuar të ndajë policinë nga politika është Gledis Nano.

Çelmeta theksoi se qëllimi i Nanos ishte që duke ndarë policinë nga ndikimi politik, ta ndante edhe nga ndikimi kriminal, pasi sipas tij krimi dhe politika në Shqipëri janë të lidhura ngushtë.

Gazetari tregoi disa raste kur operacionet e Gledis Nanos për arrestimin e Ervis MArtinajt dështonin njëri pas tjetrit, kjo për shkak se ato dekonspiroheshin nga vartësit e tij.

“Në rastin ku ka qenë Drejtor Policie, Gledis Nano, ka patur dekonspirime operacionesh. Ishte i vetmi Drejtor Policie, që donte ta bënte Policinë e Shtetit, ta ndante Policinë e Shtetit nga politika. Nëse policia e Shtetit ndikohet nga politika, atëhere do të jetë e ndikuar edhe nga krimi, sepse politika ka lidhje të drejtëpërdrejtë me krimin. Në rastin e fushatës zgjedhore, ato dejtues policie që bënë fushatë për MInistrat e Brednshëm, kushdo qofshin, marrin edhe poste drejtuese, sepse vlerësohen me votat që marrin për politikanët. Në momentin që politikanët bëhen njësh me krimin në raste zgjedhjesh, atëherë edhe Policia e Shtetit kriminalizohet bashkë me krimin, si dhe nrastin e fundit siç ishte rasti i Drejtorit të Operacionales, Olti Bistri, i cili u jepte informacione personazheve të botës së krimit. Ndërkohë që Gledis Nano bënte i vetëm operëacione për ta arrestuar Ervis Martinajn, dekonspirohej nga Drejtues të tjerë të policisë të cilët i kishte poshtë vetes”, u shpreh Çelmeta.

I pranishëm në studio ishte edhe ish-drejtuesi i policisë, Krenar Ahmetaj, i cili tregoi se prej omentin që është larguar nga forcat e Policisë, jeton në Gjermani, ku jo pak herë ka punuar edhe si shofer kamioni.

The post Si dështuan operacionet për arrestimin e Ervis Martinajt? Gazetari plas “bombën”, zbulon se kush e dekonspironte Gledis Nanon appeared first on Albeu.com.

“Ka pasur rrjedhje të informacionit, mund të ketë ardhur nga vetë ato që kanë kryer investigimin ose nga ekipet operacionale”, ka thënë Nano në dokumentar duke shtuar se nuk dihej nga cilët persona vinte ky dekonspirim.

Megjithatë, në dokumentarin ku ai përshkruhet si “i hekurt”, shprehet se ka goditur fort mafian shqiptare.

“Kishim 32 në shënjestër dhe arrestuam 1, 2, 3 ,4 …..Anëtarë të bandave jashtëzakonisht shumë të dhunshme të trafikut të drogës dhe vrasjeve me pagesë”. Më tej Gledis Nano thotë se për shkak të reformës në drejtësi, i është dashur të shkarkojë nga puna shumë kolegë.

“Ka një reformë të drejtësisë që po vazhdon në këto momente. Prokurorë dhe gjykatës janë shkarkuar dhe ne po bëjmë të njëjtën gjë me policët tanë. Kjo gjë do pak kohë. Për këtë arsye me është dashur të sanksionojë shumë kolegë te mi në pozicione shumë të larta në detyrë. U shkarkuan. Kjo gjë sepse nëqoftëse një ditë do duam të integrohemi ne BE, duhet të përmbysim disa rregulla. Një nga këto është lufta kundër korrupsionit”.

Çfarë ndodhi në “Operacionin Plumbi i Artë”?

Me vendim nga Gjykata Kundër Krimit të Organizuar dhe Korrupsionit u lëshuan 32 urdhër arreste, nga të cilat 18 u ekzekutuan nga policia (prej të cilave 9 masa iu komunikuan persona të arrestuar për vepra të tjera penale), ndërsa 14 ( të cilëve iu referohet Gledis Nano) u shpallën në kërkim.

Prokuroria e Posaçme kundër Krimit të Organizuar dhe Korrupsionit, pas 6 muajve hetime dhe me dëshmitë kyçe të dy personave tashmë të vënë në dispozicion të drejtësisë, Nuredin Dumani dhe Henrik Hoxha, ka bashkuar 18 dosje penale në një të vetme, në atë të Dumanit dhe Hoxhës, regjistruar në 14 prill 2022 për vrasje mbetur në tentativë, armëmbajtje pa leje në formën e grupit të strukturuar kriminal dhe përkrahje e autorit.

Mes emrave të tjerë të shpallur në kërkim janë Ervis Martinaj dhe Talo Çela, i cili u lokalizua me anë të përgjimeve, por nuk u arrit të arrestohet, Florenc Çapja i cili ndodhet në Dubai, Kamer Mehja dhe avokati Alban Bengasi për të cilin burimet thonë se ka manipuluar provat për dy vrasje në favor të grupeve kriminale. Po ashtu, si pasojë e konflikteve që kishte me bashkëshorten, avokati është konstatuar në përgjime duke i kërkuar grupeve kriminale të djegin e makinës e gruas me të cilën po divorcohej.

Në mesin e të ndaluarve, është edhe një efektiv polici në Lezhë, Leonard Palushi, ish-shef i policisë në Elbasan, që dyshohet se u jepte informacion grupeve kriminale dhe dekonspironte aksionet. Ai është një personazh i njohur për mediat, pasi ai ka parë me sy vrasjen e nënkomisarit Saimir Hoxha nga 21 vjeçari Aldi Rama.

Nuredin Dumani i konsideruar një nga personazhet më të kërkuar të botës së krimit, u arrestua në Fier më 29 mars 2022 pas një tentativë të dështuar për të vrarë Talo Çelën. Bashkë me të, u vu në pranga ushtari i tij, Henrik Hoxhaj që e ndihmoi në arratinë e shkurtër.

Kujtojmë se Gledis Nano u shkarkua nga posti i Drejtorit të Policisë së Shtetit më 31 gusht. Lajmin e zyrtarizoi ministri i Brendshëm Blendi Çuçi gjatë mbledhjes së qeverisë./albeu.com/

The post “Operacionet dekonspirohen”, Gledis Nano për median franceze: Si na ikën “nga duart” Ervis Martinaj dhe 13 kriminelë të tjerë appeared first on Albeu.com.