Rumbullaku tha se ka nisur prej muajit gusht operacioni për vëzhgimin dhe kapjen e personave të përfshirë në trafik të lëndëve narkotike, ku i përfshirë ishte dhe komisari Dritan Meta.

I pyetur nga gazetarët nëse ka patur rrjedhe informacioni, Rrumbullaku e mohoi.

“Policia Gjyqësore e Pollicisë së Shtetit po vazhdojnë të ndjekin intensivisht të çdo lloj veprimtarie tjetër, nëse do i kishim do i kishim deklaruar. Pavarësisht informacioneve të padokumetuara ju them që po kërkojm të ruajm imazhin e Policisë së Shtetit, por në të gjitha rastet punonjësit e policisë që do të jenë përgjegjës para ligjit, do të përgjigjen. Ju deklaroj që nuk kemi asnjë dekonspiracion për kapjen e shtetasve të shpallur në kërkim”, tha Rrumbullaku.

Sa i përket të shumëkëkuarit Gëzim Çela, banesa e të cilit u rrethua nga policia, Rrumbullaku la të kuptohej se ai dhe dy persona të tjerë ndodhen jashtë shtetit, dhe se policia ka informacion për vendndodhjen e tyre

Gjitashtu ai bëri të qartë se në këtë operacion nuk ka punonjës të tjerë të përfshirë, ndërsa paralajmëroi se kush bën pis uniformën blu do të përgjigjet para ligjit.

The post Arrestimi i Dritan Metës, Rrumbullaku jep detaje nga operacioni: Nuk patëm dekonspirim appeared first on Albeu.com.

Dervishaj akuzohet se në cilësinë e supervizorit ka miratuar dhe më pas ka dorëzuar pranë ministrive përkatëse situacioe për punime fiktive të shoqërisë së Klodian Zotos që ka fituar koncesionin për ndërtimin e inceneratorit të Fierit. Ndërsa katër të tjerët janë proceduar për krijimin e skemave mashtruese me Tatimin e Vlerës së Shtuar, TVSH, po në funksion të shoqërisë së Zotos.

Të mërkurën më 16 nëntor, Prokuroria e Posaçme Kundër Korrupsionit dhe Krimit të Organizuar, SPAK njoftoi se kishte avancuar hetimet për inceneratorin e Fierit duke siguruar në gjykatë më 11 nëntor 11 masa sigurie të reja, nga të cilat 10 “arrest në burg” dhe një në “arrest shtëpie”. Por gjysma e urdhërndalimeve të reja nuk janë ekzekutuar. Sipas të dhënave të publikuara nga SPAK, për inceneratorin e Fierit janë nën hetim 20 persona.

Përfaqësuesi ligjor i një prej të hetuarve, Juri Ymerajt, deklaroi të premten për mediet se klienti i tij gjendej jashtë shtetit për arsye shëndetësore. Avokati Loren Liço vërejti se Ymeraj ishte paraqitur disa herë pranë SPAK për të dhënë shpjegime dhe se kishte njoftuar në prokurori për largimin e tij jashtë Shqipërisë për arsye shëndetësore. Ai theksoi se nuk kishte prova që përfshijnë Ymerajn në ndonjë rrethanë të paligjshme.

SPAK nuk ju përgjigj pyetjeve që BIRN i drejtoi lidhur me të dhënat e personave për të cilët nuk është bërë e mundur të ekzekutohet urdhër ndalimi dhe veprat penale për të cilat akuzohen; nëse dyshohet për dekonsipirim të hetimit; si dhe nëse po hetohet në këtë drejtim. “Çështja është në hetim dhe nuk mund t’ju përgjigjemi pyetjeve tuaja”, pohoi për BIRN koordinatorja për mediat në SPAK, Xhuljeta Krasta.

Si përgjegjës për aferën korruptive në inceneratorin e Fierit është akuzuar më parë Klodian Zoto, aksioneri kryesor i shoqërisë koncesionare ‘Integrated Technology Waste Treatment Fier’ sh.p.k. i cili vijon të jetë në arrati, si dhe administratori i kësaj shoqërie, Arenc Myrtezani, i ndaluar më parë. Po ashtu, hetimet kanë zbuluar përgjegjësi penale për ish-ministrin e Mjedisit Lefter Koka dhe ish-sekretarin e tij të Përgjithshëm, Alqi Bllako, si dhe për anëtarët e komisionit të dhënies së koncesionit, Azem Shatëri, Florjan Muçaj, Erjon Murataj, Sabina Cenameri dhe Etleva Kondi.

Sipas SPAK, Koka ka përfituar 146 milionë lekë ryshfet nga kompania koncesionare në këmbim të favorizimit të kësaj të fundit, ndërsa Bllako ka përfituar 14.9 milionë lekë përmes punësimit fiktiv të babait të tij në inceneratorin e Tiranës, përmes një page prej 6 mijë eurosh në muaj për periudhën tetor 2018-janar 2020. Koka dhe Bllako janë vënë në pranga, ndërkohë që Klodian Zoto mbetet në arrati.

Në këtë aferë korruptive rezulton të jetë krijuar edhe një skemë tjetër mashtrimi për sigurimin e përfitimeve të paligjshme nëpërmjet TVSH-së. Sipas SPAK, shtetasit Klodian Zoto, Arenc Myrtezani, Regan Merdani, Gentian Zifla, Enver Sheshi dhe Robert Shabani, kanë organizuar dhe vënë në funksionim skemën e mashtrimit me TVSH, me qëllim fitimin material për llogari të shoqërisë koncesionare “Integrated Technology Waste Treatment Fier” sh.p.k.. Nga kreditimi i TVSH-së nëpërmjet faturimeve fiktive, i është shkaktuar dëm ekonomik buxhetit të shtetit, në vlerën totale 59.9 milionë lekësh./BIRN

The post Afera me inceneratorin e Elbasanit, BIRN: Kush janë personat që nuk janë ndaluar dot dhe a ka pasur dekonspirim të operacionit? SPAK-u “hesht” appeared first on Albeu.com.