Klevis Balliu ka theksuar se Shqipërisë i duhet të lërë pas fjalët dhe të kalojë në vepra, duke miratuar një rezolutë që njeh gjenocidin serb në Kosovë dhe duke u angazhuar në lobime ndërkombëtare për të dokumentuar krimet e luftës.

Sipas tij, mosveprimi i vazhdueshëm i qeverisë dhe parlamentit ka sjellë një problem serioz, pasi Aleksandër Vuçiç e shfrytëzon refuzimin e Shqipërisë për të mohuar krimet kundër shqiptarëve. Kur viziton zyra ndërkombëtare, Vuçiç paraqet si provë mosvotimin e rezolutës nga ana e parlamentit shqiptar dhe pozicionin e Edi Ramës për të argumentuar se nuk ka pasur gjenocid në Kosovë.

Balliu nënvizon dallimin thelbësor midis deklaratave dhe veprimeve. Ai insiston se, pas miratimit të rezolutës, ajo duhet t’u kërkohet edhe vendeve mike dhe shton se lobimet konkrete janë të domosdoshme për të mbrojtur të vërtetën historike, e cila rrezikon të shtrembërohet nga interesa të ndryshme. Sipas tij, nëse vazhdon kjo mënyrë pasiviteti, mund të vijë dita kur të flitet për një gjenocid të shqiptarëve në Serbi, sepse e pavërteta mund të përhapet nëse paguhet sa duhet.

Ai theksoi nevojën e mbledhjes së fondeve për të mbështetur ushtarët, liderët dhe këdo që përballet padrejtësisht me drejtësinë në lidhje me Ushtrinë Çlirimtare të Kosovës dhe luftën për çlirimin e vendit nga brutaliteti i regjimit të Millosheviçit. Gjithashtu, duhen fonde për të lobuar ndërkombëtarisht dhe për të nxjerrë në pah krimet e kryera, të cilat përfshijnë foshnja të vrara në djep, përdhunime të të miturve, fëmijë të ekzekutuar para syve të prindërve dhe fshatra të tëra të djegura.

Për Balliun, është e turpshme të mohohet gjenocidi përballë këtyre fakteve. Edhe më e turpshme, shtoi ai, është heshtja e atyre që nuk ndërmarrin asgjë për ta ndrequr këtë situatë. Megjithatë, ai e përshëndeti deklaratën e shtetit shqiptar për një çështje kombëtare, por këmbënguli se ajo mbetet vetëm në nivel fjalësh. Sipas tij, arsyeja pse janë arritur në këtë pikë është pikërisht zakoni për t’u mjaftuar me deklarata të bukura e patriotike, pa i shoqëruar ato me hapa të prekshëm, siç është rezoluta për njohjen e gjenocidit serb në Kosovë, e cila kërkohet prej vitesh.

The post Balliu kërkon veprime konkrete nga Shqipëria për njohjen e gjenocidit serb në Kosovë appeared first on Albeu.com.

Deputeti i Lëvizjes Vetëvendosje, Hekuran Murati, deklaroi se ndaj fjalëve të përdorura nga përfaqësuesit e Listës Serbe duhet të veprojnë organet e rendit dhe prokuroria.

“Nuk mendoj se u tolerua, po besoj se e patë se ne votuam kundër. Sa i përket fjalëve që dikush mund t’i thotë aty për aty, ne nuk e kemi në kontroll. Për këtë gjë duhet të merreshin organet e rendit, prokuroria”, tha Murati.

Reagimi erdhi pas deklaratave të deputetit të Listës Serbe, Sllavisha Simiq, i cili gjatë seancës së sotme foli për “popullin serb” dhe Kuvendin e Kosovës e quajti Parlamenti i Prishtinës. Këto komente u bënë teksa ai propozoi Igor Simiqin për postin e nënkryetarit të Kuvendit.

Ndërsa në seancën e 9 shtatorit, kryetarja e Kuvendit, Albulena Haxhiu, kishte kundërshtuar deklaratën e Igor Simiqit gjatë propozimit të Slavko Simiqit për nënkryetar. Në atë rast, Simiqi kishte thënë se kandidatura paraqitej “në emër të popullit serb”.

Haxhiu e kishte cilësuar këtë formulim si të papranueshëm dhe në kundërshtim me Kushtetutën e Kosovës, duke i kërkuar deputetit që ta tërhiqte deklaratën.

Këtë herë, megjithatë, kryetarja e Kuvendit nuk reagoi ndaj fjalimit të Simiqit, i cili tha se bëhej fjalë për “deputetët nga radhët e komunitetit e popullit serb që e përfaqësojnë popullin serb këtu në parlamentin e Prishtinës”.

“Deputetët nga radhët e komunitetit e popullit serb që e përfaqësojnë popullin serb këtu në parlamentin prishtinas, si kandidat për nënkryetar e propozojnë z. Igor Simiqin”, tha Simiq.

Ndryshe nga seanca e kaluar, kur përmendja e “popullit serb” në propozim solli ndërprerjen e seancës, këtë radhë punimet vazhduan. Lëvizja Vetëvendosje votoi kundër propozimit.

Pas refuzimit të kandidaturës së tij për të dytën herë radhazi, Lista Serbe paraqiti emra të tjerë për nënkryetar të Kuvendit.

Fillimisht u votua deputetja Liljana Stefanoviq, e cila nuk siguroi numrin e nevojshëm të votave. Më pas, të njëjtin rezultat patën edhe propozimet për Srdjan Popoviq, Branislav Nikoliq, Jovana Radosavleviq, Milan Joksimoviq dhe Zlatan Elek.

Pas votimit kundër disa kandidaturave të Listës Serbe, Lëvizja Vetëvendosje mbështeti deputeten e kësaj partie, Tanja Vujoviq, për postin e nënkryetares së Kuvendit. Ajo mori 62 vota për, gjashtë kundër dhe tri abstenime.

The post Murati kërkon ndërhyrjen e organeve të rendit për deklaratat e Listës Serbe appeared first on Albeu.com.

Adri Mehmeti vazhdon të jetë një nga emrat shqiptarë të përfolur për një të ardhme me fanellën kuqezi. Edhe pse deri tani nuk është bërë asnjë hap konkret për afrimin e tij, paraqitjet e 17-vjeçarit me RB New York në kampionatin amerikan kanë tërhequr vëmendjen.

I pyetur për mundësinë e përfaqësimit të Shqipërisë, talenti shqiptar theksoi se nuk e ka mbyllur asnjë derë, por se aktualisht është i përqendruar te zhvillimi i tij në Shtetet e Bashkuara.

“Jam ende i hapur për të gjitha mundësitë. Sigurisht, të jesh pjesë e këtyre diskutimeve është diçka e madhe, por momentalisht jam këtu. Jam i përqëndruar plotësisht këtu sepse ky është edhe vendi ku vjen i gjithë zhvillimi im profesional. E si rrjedhojë, vjen më pas edhe ftesa nga Kombëtarja”, u shpreh Mehmeti.

Kështu, 17-vjeçari vijon ta lërë të hapur mundësinë për të luajtur me Shqipërinë. Ndërkohë, emri i tij është përfshirë edhe në listën e lojtarëve që po ndiqen nga trajneri Rolando Maran.

Sipas përditësimit të fundit të “Transfermarkt”, kartoni i Adri Mehmetit vlerësohet aktualisht 6 milionë euro. Kjo përbën një rritje të ndjeshme krahasuar me muajin shkurt, kur vlera e tij ishte 1 milionë euro.

The post Adri Mehmeti lë të hapur mundësinë e Shqipërisë: Jam i hapur për çdo alternativë appeared first on Albeu.com.

Dervishi i ka quajtur si “thënie të paharrueshme”, ndërsa i rendit ato nga 1 deri te 10. Shumica e tyre janë deklaruar nga kreu i qeverisë, Edi Rama, si “Përgjegjësia është individuale”, “Fajin nuk e ka individi, por sistemi”, “AKSHI, histori suksesi”, etj.

Dervshi sjell ë vëmendje edhe një thënie të kryeministrit Rama të bërë që në mandatin e parë: “Brenda 2022 çështja e ujit të pijshëm 24 orë nuk do të diskutohet më”.

Dy postimet e Lutfi Dervishit:

Thënie të paharrueshme (2)
10.
“Ka rënë euro se është forcuar leku.”
9.
“Përgjegjësia është individuale.”
8.
“Punë ka, por nuk ka profesionistë.”
7.
“Fajin nuk e ka individi, por sistemi.”
6.
“Zvërneci do të jetë dhuratë për Europën.”
5.
“Do ta fusim Bashkimin Europian në Shqipëri.”
4.
“Me Diellën do ta ndihmojmë Gjermaninë të luftojë korrupsionin.”
3.
“4.2 milionë euro për Kanye West ishin investim.”
2.
“Gratë nuk vjedhin…”
1.
“Vlonjatët do të thonë: banojmë përballë Trump”

Thënie të paharrueshme!
10.
“Nuk do të paguajnë asnjë qindarkë qytetarët, do t’i paguajë buxheti.”
9.
“Një individ që merr 140 euro në muaj nuk konsiderohet i varfër.”
8.
“AKSHI, histori suksesi!”
7.
“Buldozerët në Zvërnec po hapnin rrugë për kalimin e komunitetit.”
6.
“Brenda vitit 2022, çështja e ujit të pijshëm 24 orë nuk do të diskutohet më në Shqipëri.”
5.
“Nëse nuk e bën një punë për 8 vjet, ik lëri vendin tjetrit.”
4.
“Po të ishte rritur korrupsioni, nuk do të ishte rritur ekonomia.”
3.
“Nuk keni parë gjë akoma!”
2.
“Do bëjmë shtet.”
1.
“Me satelitët marrin fund ndërtimet pa leje

The post Analisti Lutfi Dervishi ironizon me “thëniet e paharrueshme” të bëra nga Rama dhe përfaqësues të PS: Brenda 2022 çështja e ujit të pijshëm 24 orë nuk do të diskutohet më, “gratë nuk vjedhi”, “fajin nuk e ka individi, por sistemi” appeared first on Albeu.com.

Gjykata Speciale në Hagë planifikon që faza e deklaratave përmbyllëse në çështjen e dytë ndaj ish-presidentit Hashim Thaçi, Bashkim Smakajt, Hajredin Kuçit, Isni Kilajt dhe Fadil Fazliut të përfundojë deri më 14 shtator. Ky afat është bërë i ditur përmes një dokumenti të publikuar në faqen zyrtare të gjykatës.

Në kalendarin e paraqitur nga institucioni gjyqësor parashikohet që palët t’i mbajnë deklaratat përmbyllëse më 10, 11 dhe 14 shtator. Kjo konsiderohet një nga etapat e fundit të procesit gjyqësor.

Zbatimi i këtij plani do të ndikohet edhe nga ecuria e dëshmisë së Bashkim Smakajt, e planifikuar për më 17, 18 dhe 19 gusht. Nëse dëshmia mbyllet brenda afatit të caktuar, gjykata synon të vijojë me deklaratat përmbyllëse në datat e përcaktuara.

Çështja ka tërhequr interes të lartë publik për shkak se në të përfshihen personalitete të njohura të jetës politike dhe institucionale të Kosovës. Pas përfundimit të deklaratave përmbyllëse, do t’i hapet rruga fazës në të cilën trupi gjykues do të marrë vendimin.

The post Haga përcakton afatin për deklaratat përmbyllëse në çështjen e dytë ndaj Hashim Thaçit appeared first on Albeu.com.

Ish-zëvendëskryeministrja Belinda Balluku, po hetohet nga SPAK për ‘shkelje të barazisë në tendera’ për Unazën e Madhe dhe për tunelin e Llogarasë, ndërkohë që GJKKO e pezulloi atë nga detyra.

Pas këtij vendimi, kryeministri veproi duke kundërshtuar vendimin, ndërsa e çoi çështjen në Gjykatën Kushtetuese.

Në reagimin e Shoqatës së Gjyqtarëve, çdo deklaratë në lidhje me çështjet e gjyqësorit, është presion politik.

“Ndarja dhe balancimi i pushteteve është një nga parimet themelore të demokracisë, prandaj pavarësia e pushtetit gjyqësor, arbitrit final për zgjidhjen e të gjitha mosmarrëveshjeve, përbën një gur themeli për ndërtimin e shtetit të së drejtës. Kjo pavarësi vihet në rrezik jo vetëm nga veprime konkrete që synojnë kufizimin e sferës së kompetencave të këtij pushteti, por edhe nga çdo akt ose deklaratë që perceptohet si kërcënim ose presion politik ndaj veprimtarisë gjyqësore apo që ul reputacionin e organeve të drejtësisë në sytë e publikut dhe, në këtë mënyrë, minon besimin e tij tek këto organe”, thuhet në reagim.

Reagimi:

Shoqata Kombëtare e Gjyqtarëve të Republikës së Shqipërisë ka ndjekur me vëmendje prej disa ditësh komunikimin publik të Kryeministrit të vendit lidhur me çështjen gjyqësore në ngarkim të Zëvendëskryeministres dhe njëkohësisht Ministres së Infrastrukturës dhe Energjisë, e cila është duke u shqyrtuar në të njëjtën kohë nga Gjykata Kushtetuese, si dhe nga gjykatat e posaçme. Shoqata shpreh shqetësimin dhe indinjatën lidhur me qasjen që kreu i pushtetit ekzekutiv ka zgjedhur të bëjë për këtë problematikë, e cila është pjesë e juridiksionit të pushtetit gjyqësor. Nën petkun e ankesës për uzurpimin e pushteteve ekzekutiv dhe legjislativ nga ai gjyqësor në të vërtetë fshihet një mesazh presioni ndaj organeve të drejtësisë që kanë për shqyrtim çështjen në fjalë. Gjithashtu, mesazhe të tilla të përditshme të ushqyera ndaj publikut të gjerë synojnë të krijojnë një klimë mosbesimi ndaj pushtetit gjyqësor dhe mund të përdoren më tej si pretekst për marrjen e masave erozive ndaj këtij të fundit.

Shoqata rithekson se ndarja dhe balancimi i pushteteve është një nga parimet themelore të demokracisë, prandaj pavarësia e pushtetit gjyqësor, arbitrit final për zgjidhjen e të gjitha mosmarrëveshjeve, përbën një gur themeli për ndërtimin e shtetit të së drejtës. Kjo pavarësi vihet në rrezik jo vetëm nga veprime konkrete që synojnë kufizimin e sferës së kompetencave të këtij pushteti, por edhe nga çdo akt ose deklaratë që perceptohet si kërcënim ose presion politik ndaj veprimtarisë gjyqësore apo që ul reputacionin e organeve të drejtësisë në sytë e publikut dhe, në këtë mënyrë, minon besimin e tij tek këto organe. Komisioni Evropian ne raportet për Shqipërisë ka adresuar si shqetësim vazhdimin e përpjekjeve te ndërhyrjes dhe presionit ndaj sistemit gjyqësor nga zyrtarë të lartë publikë dhe politikanë.

Gjyqtarët janë të pavarur dhe i nënshtrohen vetëm Kushtetutës dhe ligjeve e si të tillë qëllimi i misionit të tyre nuk është fitimi i pëlqimit të shumicës së publikut apo një pjese të tij, por zbatimi me fanatizëm i vullnetit të sovranit të shprehur në këto akte. Vendimet gjyqësore mund të jenë të papëlqyeshme për disa subjekte, por kjo nuk i bën ato ilegjitime, pasi sistemi demokratik i qeverisjes vepron brenda kufijve që i përcaktohen nga standardet e shtetit të së drejtës dhe zbatuesit finalë të këtyre standardeve janë gjyqtarët. Në këtë kuadër, Shoqata Kombëtare e Gjyqtarëve të Republikës së Shqipërisë fton dhe i kërkon secilit zyrtar të lartë të dy pushteteve të tjera që të respektojë pavarësinë e gjyqtarëve në vendimmarrjen e tyre dhe të distancohet nga çdo sjellje që e cenon atë. Ndërhyrja në veprimtarinë e gjyqtarëve gjatë zhvillimit të procedurave gjyqësore përbën formën më të rrezikshme në shkeljen e parimit të ndarjes së pushteteve, pasi ka si qëllim deformimin e vendimmarrjes nëpërmjet formave të ndryshme të presionit.

The post Deklaratat e Ramës për Ballukun, reagon Shoqata Kombëtare e Gjyqtarëve: Presion politik ndaj veprimtarisë gjyqësore appeared first on Albeu.com.

Tabaku theksoi se qeveria ka pranuar më në fund rritjen dramatike të çmimeve të produkteve bazë, që arrijnë nga 30% deri në 60%, duke u bërë barrë e rëndë për qytetarët.

Sipas saj, rritjet e pagave dhe pensioneve që ofron qeveria janë të pamjaftueshme dhe nuk ndikojnë në përmirësimin e jetesës së familjeve shqiptare.

Deputetja denoncon gjithashtu, koncentrimin e ekonomisë në pak duar dhe prodhimin kryesisht për një pakicë, ndërsa shumica e qytetarëve përballen me ulje fuqie blerëse dhe mungesë mbështetjeje reale nga shteti.

“Një familje që shpenzon 40% të buxhetit vetëm për ushqime nuk mund të trajtohet si histori suksesi nga propaganda qeveritare”, tha Tabaku.

Sipas saj, rritja e çmimeve dhe varfërimi i qytetarëve janë realiteti i vërtetë që do të përballet me buxhetin e vitit të ardhshëm, jo premtimet për “vit të administratës” apo “vit të pensionistëve”.

The post Jorida Tabaku: Rritja e pagave e pamjaftueshme, qytetarët përballen me çmime të larta dhe varfëri appeared first on Albeu.com.

“Të reagojmë si shoqëri të largojmë vatrën e këtij helmi të madh shoqëror. Më 11 Maj votojmë kundër këtij që ju kërkon fëmijëve të shohin fotot e tij nudo. Në 11 Maj votojmë për njerëz me moral, për qytetarin, për Shqipërinë dhe Shqiptarët”, shkruan Balliu.

REAGIMI I KLEVIS BALLIUT:

Mungesa e reagimit nga institucionet arsimore dhe fetare, ndaj një akti flagrant në një fjalim kundër edukimit moral të fëmijëve nga Edi Rama është një akt i turpshëm, është një akt anti-njeri.

I cili nxjerr në pah korruptimin e shtetit në qelizë të tij.

Si shoqëri ne duhet të reagojmë ndaj këtij akti të shëmtuar anti familje.

Ashtu siç po bën shoqëria amerikane në pastrimin e kësaj filozofie Sorosiane.

Institucionet e drejtësisë, ato ligjzbatuese dhe ato fetare, duhet të ngrihen në këmbë kundër kësaj filozofie qe ka në palcë prindin një dhe prindin dy.

Të reagojmë si shoqëri të largojmë vatrën e këtij helmi të madh shoqëror.

Më 11 Maj votojmë kundër këtij që ju kërkon fëmijëve të shohin fotot e tij n******d****o.

Në 11 Maj votojmë për njerëz me moral, për qytetarin, për Shqipërinë dhe Shqiptarët.

The post Deklaratat e Ramës me të rinjtë/ Klevis Balliu: Mungesa e reagimit nga institucionet arsimore dhe fetare është një akt i turpshëm appeared first on Albeu.com.

Reagimi:

KËRKESË PUBLIKE
“Për Garantimin e Pavarësisë dhe Autoritetit të Sistemit të Drejtësisë në Shqipëri”
Drejtuar:

Presidentit të Republikës së Shqipërisë

Prokurorisë së Posaçme Kundër Korrupsionit dhe Krimit të Organizuar (SPAK)

Këshillit të Lartë Gjyqësor (KLGJ)

Këshillit të Lartë të Prokurorisë (KLP)

Delegacionit të Bashkimit Evropian në Shqipëri

Komisionit Evropian / DG NEAR

Komisionit për Punët e Jashtme të Parlamentit Evropian

Delegacionit të Parlamentit Evropian për Shqipërinë

Ambasadës së Shteteve të Bashkuara të Amerikës

Misioneve të tjera diplomatike dhe organizatave partnere

Mediave të Republikës së Shqipërisë

Të nderuar përfaqësues të institucioneve, misioneve dhe mediave në Shqipëri,
Ne, qytetarët shqiptarë të Diasporës, të angazhuar për mbrojtjen e parimeve të shtetit të së
drejtës dhe integritetit të sistemit të drejtësisë në Shqipëri, shprehim shqetësimin tonë të thellë
për sulmet e vazhdueshme publike kundër gjyqtarëve dhe prokurorëve që po trajtojnë
çështje të rëndësishme penale dhe korrupsioni.

Publikimet dhe deklaratat denigruese të përhapura në media, të cilat cënojnë drejtpërdrejt
profesionalizmin, autoritetin dhe pavarësinë e magjistratëve, bien në kundërshtrim flagrant
me parimin e shenjtë të “Ruajtjes së autoritetit dhe paanshmërisë së gjyqësorit” (Maintaining
the authority and impartiality of the judiciary), i cili mbrohet nga Kushtetuta e Republikës së
Shqipërisë, Konventa Evropiane për të Drejtat e Njeriut (KEDNJ), si dhe Kodi Penal dhe Kodi i
Procedures Penale të Republikës së Shqipërisë.

Një shtet i së drejtës, dhe kandidat për t`u anëtarësuar në Bashkimin Evropian, nuk mund të tolerojë këto praktika që minojnë besimin e publikut tek drejtësia dhe ndihmojnë të krijojnë presion mbi magjistratët, për të devijuar trajtimin e çështjeve me interes të lartë publik.

Deklaratat e bëra pas arrestimit të tij, nga Kryetari i Bashkisë së Tiranës, Erion Veliaj, si dhe
deklarata të mëparshme kundër sistemit të drejtësisë të bëra nga politikanë të tjerë të
pozitës dhe opozitës, minojnë parimin e shtetit të së drejtës dhe autoritetin e pushtetit gjyqësor.

Shpesh deklaratat e tyre përbëjnë vepër penale sipas Nenit 318 të Kodit Penal i cili sanksionon
se: “Fyerja e gjyqtarit apo anëtarëve të trupit gjykues, prokurorit, avokatit ose anëtarit të
arbitrazhit, për shkak të veprimtarisë së tyre në një çështje, përben kundërvajtje penale dhe
dënohet me gjobë ose me burgim gjer në tre muaj”.

DPSHL 8046 Zyrih, Zvicër ● info@diasporaofalbania.com ● www.diasporaofalbania.com ● UID: CHE-209.641.991

Së fundmi, një skandal i rëndë ka përshirë mazhorancën qeverisëse, ku Kryeministri i
Republikës së Shqipërisë i ka drejtuar një deklaratë të papranueshme një institucioni
kushtetues si SPAK dhe tërë sistemit të drejtësisë, duke deklaruar: “Mos të gabojnë të
kërkojnë telefonin tim.”

Një sjellje e tillë minon shtetin e së drejtës dhe shpresat e Shqipërisë
për integrimin e vërtetë në BE, pasi synon të pengojë institucionet e drejtësisë në detyrën e tyre
dhe të nxisë pandëshkueshmërinë, duke dhënë mesazhin se dikush në Shqipëri mund të jetë mbi
ligjin, qofshë ky edhe Kryeministri.

U bëjmë thirrje mediave që të jenë mjaft të kujdesshme dhe të respektojnë standardet e
vendeve të zhvilluara dhe të Bashkimit Evropian, duke ushtruar autocensurë dhe kujdes kur
bëhet fjalë për mbrojtjen parimit kushtetues të autoritetit të pushtetit gjyqësor.

Mediat nuk duhet të publikojnë kurrësesi deklarata nga persona në hetim, të pandehur ose avokatët e
tyre në lidhje me çështje që janë në proces hetimi apo gjyqësor, duke shmangur kështu
ndikimin mbi opinionin publik dhe proceset e drejtësisë.

KËRKOJMË ME URGJENCË:

1. Deklaratë publike nga Këshilli i Lartë Gjyqësor dhe Këshilli i Lartë i Prokurorisë, që
të denoncojnë dhe të dënojnë sulmet e padrejta kundër gjyqtarëve dhe prokurorëve, si
dhe të riafirmojnë mbrojtjen institucionale ndaj pavarësisë së gjyqësorit.

2. Deklaratë nga Prokuroria e Posaçme SPAK, ku të paralajmërohet se do të ndjekë rrugë
ligjore për ndalimin e deklaratave dhe publikimeve që dëmtojnë hetimet dhe cenojnë
figurën e magjistratëve, duke përfshirë fillimin e ndjekjes penale për fyerjen e
magjistratëve.

3. Në përputhje me praktikat më të mira ndërkombëtare, paraqitjen nga Prokuroria e
Posaçme SPAK, në gjykatë, të një kërkese ligjore për ndalimin e publikimit të
deklaratave nga persona në hetim, të pandehur dhe avokatët e tyre në media
publike, për aq kohë sa deklaratat ndikojnë në pavarësinë e drejtësisë dhe procesin e
rregullt ligjor.

Pse kërkojmë këto masa?

Për të mbrojtur integritetin e gjyqtarëve dhe prokurorëve që përballen me presione të
padrejta.

Për të garantuar një proces penal të drejtë, të paanshmëm dhe larg ndikimeve politike apo
mediave.

Për të forcuar besimin e qytetarëve tek reforma në drejtësi dhe sundimi i ligjit.
Ne, Diaspora për një Shqipëri të lirë dhe të drejtë, do të vazhdojmë të monitorojmë nga afër
zhvillimet dhe do të denoncojmëm këdo që minon institucionet e drejtësisë dhe rrezikon të
ardhmen demokratike dhe Europiane të Shqipërisë.

DIASPORA PËR SHQIPËRINË E LIRË

The post Deklaratat e Veliajt kundër Prokurorit pas arrestimit/ Diaspora për Shqipërinë e Lirë reagon pro SPAK-ut appeared first on Albeu.com.

Ata kërkojnë nga qeveria që të respektojë pavarësinë dhe integritetin profesional të prokurorëve dhe gjyqtarëve.

Në vijim të qëndrimeve të mëparshme për garantimin e pavarësisë së prokurorëve, e rithekson mbështetjen ndaj institucionit të prokurorisë për ushtruar funksionet e tij në mënyrë të pavarur, të paanshme dhe në përputhje me ligjin.

Ruajtja e këtyre parimeve, është thelbësore për funksionimin e drejtësisë dhe forcimin e shtetit të së drejtës.

Këshilli kërkon që të respektojnë pavarësinë dhe integritetin profesional të prokurorëve, duke siguruar që ata të ushtrojnë funksionet e tyre pa ndikime të jashtme në funksion të dhënies së drejtësisë.

Pavarësia e prokurorisë, është një gur themeli për besimin e qytetarëve tek institucionet e drejtësisë dhe për garantimin e një sistemi ligjor të drejtë e transparent.

The post Deklaratat e Ramës për SPAK/ KLP mbështet prokurorët: Qeveria të respektojë pavarësinë dhe integritetin e tyre profesional appeared first on Albeu.com.