Ish-zëvendëskryeministrja Belinda Balluku, po hetohet nga SPAK për ‘shkelje të barazisë në tendera’ për Unazën e Madhe dhe për tunelin e Llogarasë, ndërkohë që GJKKO e pezulloi atë nga detyra.

Pas këtij vendimi, kryeministri veproi duke kundërshtuar vendimin, ndërsa e çoi çështjen në Gjykatën Kushtetuese.

Në reagimin e Shoqatës së Gjyqtarëve, çdo deklaratë në lidhje me çështjet e gjyqësorit, është presion politik.

“Ndarja dhe balancimi i pushteteve është një nga parimet themelore të demokracisë, prandaj pavarësia e pushtetit gjyqësor, arbitrit final për zgjidhjen e të gjitha mosmarrëveshjeve, përbën një gur themeli për ndërtimin e shtetit të së drejtës. Kjo pavarësi vihet në rrezik jo vetëm nga veprime konkrete që synojnë kufizimin e sferës së kompetencave të këtij pushteti, por edhe nga çdo akt ose deklaratë që perceptohet si kërcënim ose presion politik ndaj veprimtarisë gjyqësore apo që ul reputacionin e organeve të drejtësisë në sytë e publikut dhe, në këtë mënyrë, minon besimin e tij tek këto organe”, thuhet në reagim.

Reagimi:

Shoqata Kombëtare e Gjyqtarëve të Republikës së Shqipërisë ka ndjekur me vëmendje prej disa ditësh komunikimin publik të Kryeministrit të vendit lidhur me çështjen gjyqësore në ngarkim të Zëvendëskryeministres dhe njëkohësisht Ministres së Infrastrukturës dhe Energjisë, e cila është duke u shqyrtuar në të njëjtën kohë nga Gjykata Kushtetuese, si dhe nga gjykatat e posaçme. Shoqata shpreh shqetësimin dhe indinjatën lidhur me qasjen që kreu i pushtetit ekzekutiv ka zgjedhur të bëjë për këtë problematikë, e cila është pjesë e juridiksionit të pushtetit gjyqësor. Nën petkun e ankesës për uzurpimin e pushteteve ekzekutiv dhe legjislativ nga ai gjyqësor në të vërtetë fshihet një mesazh presioni ndaj organeve të drejtësisë që kanë për shqyrtim çështjen në fjalë. Gjithashtu, mesazhe të tilla të përditshme të ushqyera ndaj publikut të gjerë synojnë të krijojnë një klimë mosbesimi ndaj pushtetit gjyqësor dhe mund të përdoren më tej si pretekst për marrjen e masave erozive ndaj këtij të fundit.

Shoqata rithekson se ndarja dhe balancimi i pushteteve është një nga parimet themelore të demokracisë, prandaj pavarësia e pushtetit gjyqësor, arbitrit final për zgjidhjen e të gjitha mosmarrëveshjeve, përbën një gur themeli për ndërtimin e shtetit të së drejtës. Kjo pavarësi vihet në rrezik jo vetëm nga veprime konkrete që synojnë kufizimin e sferës së kompetencave të këtij pushteti, por edhe nga çdo akt ose deklaratë që perceptohet si kërcënim ose presion politik ndaj veprimtarisë gjyqësore apo që ul reputacionin e organeve të drejtësisë në sytë e publikut dhe, në këtë mënyrë, minon besimin e tij tek këto organe. Komisioni Evropian ne raportet për Shqipërisë ka adresuar si shqetësim vazhdimin e përpjekjeve te ndërhyrjes dhe presionit ndaj sistemit gjyqësor nga zyrtarë të lartë publikë dhe politikanë.

Gjyqtarët janë të pavarur dhe i nënshtrohen vetëm Kushtetutës dhe ligjeve e si të tillë qëllimi i misionit të tyre nuk është fitimi i pëlqimit të shumicës së publikut apo një pjese të tij, por zbatimi me fanatizëm i vullnetit të sovranit të shprehur në këto akte. Vendimet gjyqësore mund të jenë të papëlqyeshme për disa subjekte, por kjo nuk i bën ato ilegjitime, pasi sistemi demokratik i qeverisjes vepron brenda kufijve që i përcaktohen nga standardet e shtetit të së drejtës dhe zbatuesit finalë të këtyre standardeve janë gjyqtarët. Në këtë kuadër, Shoqata Kombëtare e Gjyqtarëve të Republikës së Shqipërisë fton dhe i kërkon secilit zyrtar të lartë të dy pushteteve të tjera që të respektojë pavarësinë e gjyqtarëve në vendimmarrjen e tyre dhe të distancohet nga çdo sjellje që e cenon atë. Ndërhyrja në veprimtarinë e gjyqtarëve gjatë zhvillimit të procedurave gjyqësore përbën formën më të rrezikshme në shkeljen e parimit të ndarjes së pushteteve, pasi ka si qëllim deformimin e vendimmarrjes nëpërmjet formave të ndryshme të presionit.

The post Deklaratat e Ramës për Ballukun, reagon Shoqata Kombëtare e Gjyqtarëve: Presion politik ndaj veprimtarisë gjyqësore appeared first on Albeu.com.

Tabaku theksoi se qeveria ka pranuar më në fund rritjen dramatike të çmimeve të produkteve bazë, që arrijnë nga 30% deri në 60%, duke u bërë barrë e rëndë për qytetarët.

Sipas saj, rritjet e pagave dhe pensioneve që ofron qeveria janë të pamjaftueshme dhe nuk ndikojnë në përmirësimin e jetesës së familjeve shqiptare.

Deputetja denoncon gjithashtu, koncentrimin e ekonomisë në pak duar dhe prodhimin kryesisht për një pakicë, ndërsa shumica e qytetarëve përballen me ulje fuqie blerëse dhe mungesë mbështetjeje reale nga shteti.

“Një familje që shpenzon 40% të buxhetit vetëm për ushqime nuk mund të trajtohet si histori suksesi nga propaganda qeveritare”, tha Tabaku.

Sipas saj, rritja e çmimeve dhe varfërimi i qytetarëve janë realiteti i vërtetë që do të përballet me buxhetin e vitit të ardhshëm, jo premtimet për “vit të administratës” apo “vit të pensionistëve”.

The post Jorida Tabaku: Rritja e pagave e pamjaftueshme, qytetarët përballen me çmime të larta dhe varfëri appeared first on Albeu.com.

“Të reagojmë si shoqëri të largojmë vatrën e këtij helmi të madh shoqëror. Më 11 Maj votojmë kundër këtij që ju kërkon fëmijëve të shohin fotot e tij nudo. Në 11 Maj votojmë për njerëz me moral, për qytetarin, për Shqipërinë dhe Shqiptarët”, shkruan Balliu.

REAGIMI I KLEVIS BALLIUT:

Mungesa e reagimit nga institucionet arsimore dhe fetare, ndaj një akti flagrant në një fjalim kundër edukimit moral të fëmijëve nga Edi Rama është një akt i turpshëm, është një akt anti-njeri.

I cili nxjerr në pah korruptimin e shtetit në qelizë të tij.

Si shoqëri ne duhet të reagojmë ndaj këtij akti të shëmtuar anti familje.

Ashtu siç po bën shoqëria amerikane në pastrimin e kësaj filozofie Sorosiane.

Institucionet e drejtësisë, ato ligjzbatuese dhe ato fetare, duhet të ngrihen në këmbë kundër kësaj filozofie qe ka në palcë prindin një dhe prindin dy.

Të reagojmë si shoqëri të largojmë vatrën e këtij helmi të madh shoqëror.

Më 11 Maj votojmë kundër këtij që ju kërkon fëmijëve të shohin fotot e tij n******d****o.

Në 11 Maj votojmë për njerëz me moral, për qytetarin, për Shqipërinë dhe Shqiptarët.

The post Deklaratat e Ramës me të rinjtë/ Klevis Balliu: Mungesa e reagimit nga institucionet arsimore dhe fetare është një akt i turpshëm appeared first on Albeu.com.

Reagimi:

KËRKESË PUBLIKE
“Për Garantimin e Pavarësisë dhe Autoritetit të Sistemit të Drejtësisë në Shqipëri”
Drejtuar:

Presidentit të Republikës së Shqipërisë

Prokurorisë së Posaçme Kundër Korrupsionit dhe Krimit të Organizuar (SPAK)

Këshillit të Lartë Gjyqësor (KLGJ)

Këshillit të Lartë të Prokurorisë (KLP)

Delegacionit të Bashkimit Evropian në Shqipëri

Komisionit Evropian / DG NEAR

Komisionit për Punët e Jashtme të Parlamentit Evropian

Delegacionit të Parlamentit Evropian për Shqipërinë

Ambasadës së Shteteve të Bashkuara të Amerikës

Misioneve të tjera diplomatike dhe organizatave partnere

Mediave të Republikës së Shqipërisë

Të nderuar përfaqësues të institucioneve, misioneve dhe mediave në Shqipëri,
Ne, qytetarët shqiptarë të Diasporës, të angazhuar për mbrojtjen e parimeve të shtetit të së
drejtës dhe integritetit të sistemit të drejtësisë në Shqipëri, shprehim shqetësimin tonë të thellë
për sulmet e vazhdueshme publike kundër gjyqtarëve dhe prokurorëve që po trajtojnë
çështje të rëndësishme penale dhe korrupsioni.

Publikimet dhe deklaratat denigruese të përhapura në media, të cilat cënojnë drejtpërdrejt
profesionalizmin, autoritetin dhe pavarësinë e magjistratëve, bien në kundërshtrim flagrant
me parimin e shenjtë të “Ruajtjes së autoritetit dhe paanshmërisë së gjyqësorit” (Maintaining
the authority and impartiality of the judiciary), i cili mbrohet nga Kushtetuta e Republikës së
Shqipërisë, Konventa Evropiane për të Drejtat e Njeriut (KEDNJ), si dhe Kodi Penal dhe Kodi i
Procedures Penale të Republikës së Shqipërisë.

Një shtet i së drejtës, dhe kandidat për t`u anëtarësuar në Bashkimin Evropian, nuk mund të tolerojë këto praktika që minojnë besimin e publikut tek drejtësia dhe ndihmojnë të krijojnë presion mbi magjistratët, për të devijuar trajtimin e çështjeve me interes të lartë publik.

Deklaratat e bëra pas arrestimit të tij, nga Kryetari i Bashkisë së Tiranës, Erion Veliaj, si dhe
deklarata të mëparshme kundër sistemit të drejtësisë të bëra nga politikanë të tjerë të
pozitës dhe opozitës, minojnë parimin e shtetit të së drejtës dhe autoritetin e pushtetit gjyqësor.

Shpesh deklaratat e tyre përbëjnë vepër penale sipas Nenit 318 të Kodit Penal i cili sanksionon
se: “Fyerja e gjyqtarit apo anëtarëve të trupit gjykues, prokurorit, avokatit ose anëtarit të
arbitrazhit, për shkak të veprimtarisë së tyre në një çështje, përben kundërvajtje penale dhe
dënohet me gjobë ose me burgim gjer në tre muaj”.

DPSHL 8046 Zyrih, Zvicër ● info@diasporaofalbania.com ● www.diasporaofalbania.com ● UID: CHE-209.641.991

Së fundmi, një skandal i rëndë ka përshirë mazhorancën qeverisëse, ku Kryeministri i
Republikës së Shqipërisë i ka drejtuar një deklaratë të papranueshme një institucioni
kushtetues si SPAK dhe tërë sistemit të drejtësisë, duke deklaruar: “Mos të gabojnë të
kërkojnë telefonin tim.”

Një sjellje e tillë minon shtetin e së drejtës dhe shpresat e Shqipërisë
për integrimin e vërtetë në BE, pasi synon të pengojë institucionet e drejtësisë në detyrën e tyre
dhe të nxisë pandëshkueshmërinë, duke dhënë mesazhin se dikush në Shqipëri mund të jetë mbi
ligjin, qofshë ky edhe Kryeministri.

U bëjmë thirrje mediave që të jenë mjaft të kujdesshme dhe të respektojnë standardet e
vendeve të zhvilluara dhe të Bashkimit Evropian, duke ushtruar autocensurë dhe kujdes kur
bëhet fjalë për mbrojtjen parimit kushtetues të autoritetit të pushtetit gjyqësor.

Mediat nuk duhet të publikojnë kurrësesi deklarata nga persona në hetim, të pandehur ose avokatët e
tyre në lidhje me çështje që janë në proces hetimi apo gjyqësor, duke shmangur kështu
ndikimin mbi opinionin publik dhe proceset e drejtësisë.

KËRKOJMË ME URGJENCË:

1. Deklaratë publike nga Këshilli i Lartë Gjyqësor dhe Këshilli i Lartë i Prokurorisë, që
të denoncojnë dhe të dënojnë sulmet e padrejta kundër gjyqtarëve dhe prokurorëve, si
dhe të riafirmojnë mbrojtjen institucionale ndaj pavarësisë së gjyqësorit.

2. Deklaratë nga Prokuroria e Posaçme SPAK, ku të paralajmërohet se do të ndjekë rrugë
ligjore për ndalimin e deklaratave dhe publikimeve që dëmtojnë hetimet dhe cenojnë
figurën e magjistratëve, duke përfshirë fillimin e ndjekjes penale për fyerjen e
magjistratëve.

3. Në përputhje me praktikat më të mira ndërkombëtare, paraqitjen nga Prokuroria e
Posaçme SPAK, në gjykatë, të një kërkese ligjore për ndalimin e publikimit të
deklaratave nga persona në hetim, të pandehur dhe avokatët e tyre në media
publike, për aq kohë sa deklaratat ndikojnë në pavarësinë e drejtësisë dhe procesin e
rregullt ligjor.

Pse kërkojmë këto masa?

Për të mbrojtur integritetin e gjyqtarëve dhe prokurorëve që përballen me presione të
padrejta.

Për të garantuar një proces penal të drejtë, të paanshmëm dhe larg ndikimeve politike apo
mediave.

Për të forcuar besimin e qytetarëve tek reforma në drejtësi dhe sundimi i ligjit.
Ne, Diaspora për një Shqipëri të lirë dhe të drejtë, do të vazhdojmë të monitorojmë nga afër
zhvillimet dhe do të denoncojmëm këdo që minon institucionet e drejtësisë dhe rrezikon të
ardhmen demokratike dhe Europiane të Shqipërisë.

DIASPORA PËR SHQIPËRINË E LIRË

The post Deklaratat e Veliajt kundër Prokurorit pas arrestimit/ Diaspora për Shqipërinë e Lirë reagon pro SPAK-ut appeared first on Albeu.com.

Ata kërkojnë nga qeveria që të respektojë pavarësinë dhe integritetin profesional të prokurorëve dhe gjyqtarëve.

Në vijim të qëndrimeve të mëparshme për garantimin e pavarësisë së prokurorëve, e rithekson mbështetjen ndaj institucionit të prokurorisë për ushtruar funksionet e tij në mënyrë të pavarur, të paanshme dhe në përputhje me ligjin.

Ruajtja e këtyre parimeve, është thelbësore për funksionimin e drejtësisë dhe forcimin e shtetit të së drejtës.

Këshilli kërkon që të respektojnë pavarësinë dhe integritetin profesional të prokurorëve, duke siguruar që ata të ushtrojnë funksionet e tyre pa ndikime të jashtme në funksion të dhënies së drejtësisë.

Pavarësia e prokurorisë, është një gur themeli për besimin e qytetarëve tek institucionet e drejtësisë dhe për garantimin e një sistemi ligjor të drejtë e transparent.

The post Deklaratat e Ramës për SPAK/ KLP mbështet prokurorët: Qeveria të respektojë pavarësinë dhe integritetin e tyre profesional appeared first on Albeu.com.

DEKLARATA E BERISHËS:

Me gjithë përpjekjet e jashtëzakonshme të narkoshtetit, mediave të kontrolluara prej tij, që censurojnë intervistën e ish-zëvendëskryeministrit Arben Ahmetaj, theksoj se kjo intervistë është ndër më të jashtëzakonshmet në historinë e një shteti.

Për vërtetësinë, ose faktimin e vërtetësisë të akuzave të opozitës ndaj Edi Ramës, dhe vërtetësisë së madhe me dokumente, faktimin nga ish-bashkëpunëtori më i ngushtë, numri dy për vite të tëra i qeverisë shqiptare, tashmë i përndjekur, azilant në Zvicër, Arben Ahmetaj.

Arben Ahmetaj iu faktoi shqiptarëve edhe njëherë se Edi Rama nuk është kryeministër, por është bosi, padrinoja, kryetari i një organizate të mirëfilltë kriminale.

Dhe kudo që shkon, ai shkon dhe udhëton jo si kryeministri i Shqipërisë, por si kreu i një organizate kriminale, më e rrezikshmja në historinë e këtij vendit, të rajonit dhe Europës.

Arben Ahmetaj, edhe njëherë zhveshi dje lakuriq Edi Ramën si arkitekti i krimit më të madh që mund të ketë ndodhur në historinë e vendit, kanabizimit të Shqipërisë.
Dhe se në mbledhjen e qeverisë, kjo strategji u kundërshtua nga ai dhe 4 kolegë ministra. Mirëpo Edi Rama ishte i pandalshëm, erdhi nga krimi dhe vetëm krim mund të mbillte në këtë vend.

Arben Ahmetaj faktoi, ose u tregoi shqiptarëve se pse Erion Veliaj qarkullon i lirë pasi ka firmosur djegësin jo për Shkodrën apo për VLorën, por djegësin e Tiranës, ku është vetë kryetar bashkie.

Ai, njeriu me njohuri të plota për këtë afër, Erion Veliaj djegësin e ka firmosur me urdhër dhe presion të fortë të Edi Ramës, duke pohuar se këta të dy janë pronarë të vërtetë të një objekti që ka kushtuar 130 milionë euro dhe që nuk ekziston as në themele.

Dhe që kanë bërë përgjegjës për këtë Taulant Tushën dhe një Simixhiu, në mënyrën më qesharake dhe më amorale, dhe kanë lëshuar mandat arresti për Arben Ahmetajn që e ka kundërshtuar atë. Pesë herë ka qenë kundër tij dhe me Arben Ahmetaj zgjodhi Edi Rama të mbulojë krimin e tij të shëmtuar dhe vjedhjen e madhe me djegësat, vjedhje e cila është unike në të gjithë historinë e këtij shteti dhe këtij vendi.

Vjedhje e cila mbulohet në mënyrën më kriminale nga Altin Lala dhe organizata tjetër kriminale e Skrapit.

Jashtë çdo lloj standardi, jashtë çdo lloj kriteri, ligji apo praktike.

Arben Ahmetaj me një guxim të madh qytetar, nën presione të jashtëzakonshme të bandave nga zyrat e narkoshtetit tek burgjet e tij, u dëshmoi shqiptarëve se vjedhjet e Ramës me Belinda Ballukun vetëm me disa nga objektet, tejkalojnë dy herë dëmet e tërmetit që kaloi.

Se Edi Rama dhe Belinda Balluku i kanë trajtuar sikur të ishin private 12 miliardë euro në punëra publike që nuk kushtojnë as një të dhjetën e çmimit të tyre.

The post Sali Berisha: Ahmetaj faktoi se pse Erion Veliaj lëviz i lirë (VIDEO) appeared first on Albeu.com.

Sot ka reaguar kreu i Prokurorisë së Përgjithshme, duke hedhur poshtë akuzat.

“Unë nuk e kam takuar kurrë McGonigal. Gjithçka është thënë në media, është në vazhdën e akuzave të vazhdueshme, te pabaza që bëhen për institucion që unë drejtoj. Nuk ka pasur asnjë arsye për të takuar McGonigal, as nuk e kam njohur kurrë dhe emrin ia kam dëgjuar pas publikimeve ne mediat shqiptare”, tha ai.

Meta tha se akuzon Dumanin për veprimtari politike të qëllimtë

“Hetimi i SPAK-ut tarallakut ka nisur në dhjetor të 2019, me prokuror Altin Dumanin, që bën si i fortë dhe mburret se do merret me Ilir Metën dhe se ka mbështetjen e amerikanëve. SPAK ka nisur hetim në dhjetor 2019 për CEZ. Sipas të dhënave të mia, pas takimeve të Dumanit me McGonigalin e Edi Ramës. Dhe pse ka nisur në 2019 për një çështje të mbyllur? Ka nisur që Meta nuk lejonte të pushtohej Gjykata Kushtetuese nga banda e Ramës, që të mos kishte asnjë mendim pakice dhe të asgjësohej drejtësia

Ma sillni këtu Altin Dumanin. Do të frenojë Ilir Metën të sjellë pluralizmin. E duke kapur ndonjë laraskë lart e poshtë po tenton të marrë Partinë e Lirisë. I duhet Edi Ramës të marrë peng PL, siç mori peng PD dhe vulën. Ma sill këtu Altin Dumanin ta shohin shqiptarët. E akuzoj për veprimtari politike të qëllimtë. Ky person nuk ka kurajo t’i vërë Ramë hekurat për inceneratorët. Nuk ka kurajo t’ia vërë Veliajt hekurat. U jep pyetje gazetarëve të vetë që është Meta andej e këtej. Nuk kam asgjë për të më hetuar. Kam qenë zyrtari më korrekt i këtij shteti”, tha Meta dje në emisionin “Opinion”.

The post Altin Dumani hedh poshtë deklaratat e Ilir Metës: S’e kam njohur kurrë McGonigal, akuza të pabaza ndaj meje dhe SPAK appeared first on Albeu.com.

Tabaku shprehet se brenda Komisionit të Ligjeve, do të krijohet një mekanizëm me opozitën për procesin e integrimit, thekson se qeveria u kujtua për procesin e integrimit megjithëse deri dje hapat e këtij procesi, i ka mbajtur mbyllur në sirtaret e kryeministrisë.

Gjithashtu, Tabaku shprehet se; “Beteja kundër korrupsionit që duhet të jetë prioriteti kyç i Kuvendit të Shqipërisë. Natyrisht që kjo betejë nuk mund të dalë nga një qeveri përfaqësuesit e së cilës shpenzojnë sot më shumë kohë në zyrat e SPAK se në zyrat e ministrive”.

Ndër të tjera, deputetja thekson se; “Duhet të ketë sistemet për luftën ndaj informalitetit e pastrimit parasë.

E qartesisht kjo është pjesë e punës së parlamentit, por jo e një institucioni me krahë të prera pa fuqinë reale që duhet të ketë sepse një institucion i tillë nuk ia del dot”.

Postimi i plotë:

“Integrimi si Mision Kombëtar: Fuqizimi i Parlamentit dhe Lufta Kundër Korrupsionit. Më në fund, qeveria u kujtua për procesin e integrimit megjithëse deri dje hapat e këtij procesi i ka mbajtur mbyllur në sirtaret e kryeministrisë. Për nga rëndësia dhe pesha procesi integrimit duhet të jetë një debat kombëtar që fatkeqësisht deri më tani ka dështuar për të qenë i tillë si pasojë e miopisë së qeverisë (si në çdo gjë) për ta pasur pronë të saj. Ka dështuar për t’i vënë qytetarët e përfituesit në qendër të këtij diskutimi.

Por, më në fund qeveria i thirri mendjes duke hapur fillimisht veshët dhe sytë tek një temë që kam kohë që e flas dhe diskutoj publikisht për rëndësinë dhe nevojën. Ndaj mirë është të mos nxitohet por të fokusohet në tre drejtime kryesore: 1. Rritja e rolit të parlamentit jo vetëm në kapacitetet e ngritura por në eficencën e punës së tij sidomos në kontrollin ndaj qeverisë. Kjo do të thotë shqyrtim i imtësishëm i financave publike (pra shpenimeve të qeverisë), ligjeve që kalojnë me procedura të përshpejtuara apo inkezistente dhe një parlament ku opozita kryen funksionet që kushtetuta e ligji i përcakton fare mirë dhe që janë zemra e Demokracisë Institucionale në ndarjen e pushteteve.

1.Fryma e integrimit është gjithëpërfshirëse sikundër KKIE e ka treguar. Prandaj detyra e një mazhorance që nuk e ka pronë integrimit duhet të jetë ajo e garantimit (si pasojë e numrave që ka) të një fryme gjithëpërfshirëse në çdo iniciativë duke përfshirë jo vetëm opozitën por edhe shoqërinë civile edhe më gjerë. Kjo do të thotë gjithëpërfshirës dhe dialog në grupet e negociatave. Ftesa e kujtdo nga studentet, fermerët e çdo grupi interesi në tryezë diskutimi dhe jo ta kthesh atë tryezë në një takim partiak.

2.Beteja kundër korrupsionit që duhet të jetë prioriteti kyç i Kuvendit të Shqipërisë. Natyrisht që kjo betejë nuk mund të dalë nga një qeveri përfaqësuesit e së cilës shpenzojnë sot më shumë kohë në zyrat e SPAK se në zyrat e ministrive. Beteja kundër korrupsionit përpos vullnetit politik ka nevojë edhe për moralin politik, prandaj nuk mund të drejtohet nga një qeveri e cila ndonëse pretendon se e ka ideuar ajo SPAK dhe Reformën në Drejtësi, rezulton të ketë pasur zero denoncime në Prokurorinë e Posaçme Kundër Korrupsionit dhe Krimit të Organizuar.

Për një reformë të vërtetë kundër korrupsionit domosdoshmëria është përfshirja e plotë e opozitës, falë të cilës është krijuar SPAK padyshim me dakordësinë e partnerëve strategjikë si SHBA dhe BE. Nga prokurirmet publike; te media, tatimet, doganat, investimet e huaja, dogana e tatime e çdo institucion ligjzbatues sot duhet rikonceptuar me frymën e sistemin antikorrupsion. Duhet të ketë sistemet për luftën ndaj informalitetit e pastrimit parasë.

E qartesisht kjo është pjesë e punës së parlamentit, por jo e një institucioni me krahë të prera pa fuqinë reale që duhet të ketë sepse një institucion i tillë nuk ia del dot. Pikërisht këtu është vullneti për të zbatuar Kushtetutën dhe ligjin e Rolit të Kuvendit në Procesin e Integrimit.

Prandaj tej shpikjeve alla shqiptare që nuk i shërbejnë integrimit por zakonisht përqëndrimit të pushtetit në një dorë, detyra jonë është forcimi dhe puna e Këshillit Kombëtar të Integrimit që sipas ligjit e bën dhe e ka kryer me përpikmëri duke shërbyer si një platformë në shërbim të publikut dhe jo vetëm.

Dëshmitarët e këtij vullneti politik të opozitës për të çuar përpara procesin e integrimit nuk janë vetëm shqiptarët por edhe vetë anëtarët e mazhorancës në atë këshill sikundër dhe ministrat e kësaj qeverie. Por një vullnet politik që ka munguar deri më sot tek qeveria dhe që duhet të ekzistojë për ta ndryshuar realisht Shqipërinë. Përndryshe do mbetemi të numërojmë të rinjtë që ikin, e pronat që ndahen si qoka”, shkruan ajo.

The post Tabaku pas deklaratave të Ramës: Të fokusohet në tre drejtime kryesore, përndryshe do të numërojmë të rinjtë që ikin appeared first on Albeu.com.