Sipas kryedemokratit, Vuçiçi është ‘padroni i Edi Ramës’ dhe deklaratat e tij përbëjnë një sinjal alarmi për Kosovën dhe të gjithë rajonin.

Kryetari i PD-së Sali Berisha, e cilëson deklaratën si një ‘kërcënim të hapur çnjerëzor me frymëzim mitologjik’, ndërsa akuzon Vuçiçin për një politikë të drejtuar nga urrejtja ndaj shqiptarëve.

“Ky kërcënim i hapur çnjerëzor me frymëzim mitologjik dëshmon dhe një herë se Presidenti i Serbomadhisë Vuçiç me imagjinatën e tij të sëmurë është i aftë që në një urrejtje të pakufishme ndaj shqiptarëve të planifikojë përdorimin edhe të etjes si armë genocidale ndaj etnisë së tyre dhe vendit fqinj”, thekson ai.

Reagimi i plotë i Berishës:

Do t’ju shterojë ujin! Ky është kërcënimi i fundit i padronit të Edi Ramës, Aleksandër Vuçiç ndaj Kosovës dhe qytetarëve të saj.

Ky kërcënim i hapur çnjerëzor me frymëzim mitologjik dëshmon dhe një herë se Presidenti i Serbomadhisë Vuçiç me imagjinatën e tij të sëmurë është i aftë që në një urrejtje të pakufishme ndaj shqiptarëve të planifikojë përdorimin edhe të etjes si armë genocidale ndaj etnisë së tyre dhe vendit fqinj.

Partia Demokratike dënon me forcë një kërcënim të tillë si akt destabilizues për paqen dhe stabilitetin në rajon.

The post Deklarata e Vuçiç për lumin Ibër, Berisha: Kërcënimi i fundit i padronit të Ramës ndaj Kosovës appeared first on Albeu.com.