Dejvi Bregu ka startuar sot eksperiencën e tij të re te skuadra nga Riadi, Al Zulfi. Me anë të një publikimi në rrjetet sociale, sulmuesi 30-vjeçar ka përcjellë emocionet e para për këtë lëvizje të radhës në karrierën e tij, ndërsa në fotot e postuara dallohet qartë dëshira për të vazhduar në të njëjtën linjë pozitive.

“Sfida të reja”, shkruan sulmuesi vlonjat në postimin e tij, teksa shfaqet duke zhvilluar seancën e parë stërvitore me pjesën tjetër të ekipit.

Për ish-lojtarin e Dinamos, ky përbën një hap të rëndësishëm, pasi gjatë periudhës me kryeqytetasit la pas vetëm përshtypje të mira. Kujtojmë se për Bregun kishte interes edhe nga Teuta, siç raportoi “Newsport.al” pak ditë më parë, por vetë futbollisti kishte vendosur të largohej nga Shqipëria për të provuar një etapë të re përtej kufijve.

The post Dejvi Bregu hap kapitullin e ri te Al Zulfi, sulmuesi vlonjat ndan entuziazmin për nisjen e aventurës jashtë Shqipërisë appeared first on Albeu.com.

Dejvi Bregu është zyrtarisht lojtari më i ri i Al Zulfi. Sulmuesi 30-vjeçar ka lënë pas eksperiencën me Dinamon në Superiore, duke zgjedhur të vazhdojë karrierën në Arabinë Saudite, te një skuadër që militon në ligën e dytë.

Siç ishte bërë e ditur edhe pak ditë më parë nga “Newsport.al”, Bregu i është bashkuar ekipit nga provincia e Riadit. Për sulmuesin vlonjat, kjo do të jetë eksperienca e parë në futbollin saudit.

Para këtij transferimi, Bregu ka luajtur edhe jashtë Shqipërisë në Turqi me Boluspor dhe Umraniyespor, si edhe në Poloni me Wisla Krakow. Ndërsa në kampionatin shqiptar, ai ka qenë pjesë e Dinamos, Teutës, Skënderbeut, Luftëtarit dhe Flamurtarit.

The post Dejvi Bregu prezantohet te Al Zulfi pas ndarjes së menjëhershme me Superioren appeared first on Albeu.com.

Dinamo ka bërë publik largimin e tre futbollistëve të tjerë nga skuadra. Përmes një postimi në “Instastory” në Instagram, klubi kryeqytetas njoftoi se Saliou Guindo, Andre Texeira dhe Dejvi Bregu nuk do të vazhdojnë të jenë pjesë e ekipit në sezonin e ardhshëm.

Ndarja mes palëve vjen pasi kontratat e lojtarëve përfundonin me mbylljen e sezonit që sapo lamë pas. Ndërkohë, për Dejvi Bregun tashmë është e qartë zgjedhja e tij, me anësorin që do të transferohet në Arabinë Saudite, ashtu siç raportoi “Newsport.al” ditën e djeshme. Gjithsesi, emri i klubit të tij të ri nuk është bërë ende i ditur.

Sa u takon paraqitjeve në sezonin e fundit, Bregu luajti 34 ndeshje, realizoi 10 gola dhe dha 4 asistime. Nga ana tjetër, Guindo shënoi 4 herë në total në 14 aktivizime, ndërsa qendërmbrojtësi Texeira u paraqit në 28 ndeshje dhe dha kontribut me 3 gola.

The post Dinamo zyrtarizon edhe tre largime të tjera, Guindo, Texeira dhe Bregu mbyllin aventurën te kryeqytetasit appeared first on Albeu.com.

Dejvi Bregu ka sqaruar përfundimisht të ardhmen e tij, teksa ka vendosur të vazhdojë karrierën te një skuadër nga Arabia Saudite.

Lajmi në përditësim…

The post Dejvi Bregu vendos për të ardhmen, transferohet në Arabinë Saudite appeared first on Albeu.com.

Paraqitjet e mira të futbollistit dhe cilësitë e tij kanë bindur trajnerin Edlir Tetova, i cili ka kërkuar me ngulm afrimin e Bregut për sezonin e ardhshëm.

Sipas të njëjtave burime, lojtari pritet të nënshkruajë një marrëveshje që i garanton 15 mijë euro në muaj, çka e rendit atë mes futbollistëve më të paguar në Superiore. Duke qenë se kontratat në futbollin shqiptar zakonisht janë 10 mujore, në përfundim të edicionit Dejvi Bregu do të përfitojë 150 mijë euro.

Ndërkohë, Teuta po kalon një fazë të thellë riorganizimi. Me Edlir Tetovën në krye, klubi është kthyer në një “kantier” të vërtetë, ndërsa trajneri ka përcaktuar qartë organikën që synon të ketë në edicionin e ri. Presidenti Troplini, nga ana tjetër, ka vënë në dispozicion “çekun e bardhë”, me objektivin e vetëm që Teuta të jetë kandidate absolute për titullin kampion në sezonin e ri.

The post Dejvi Bregu drejt Teutës, 150 mijë euro e afrojnë titullarin e Dinamos me Durrësin appeared first on Albeu.com.

Dhe Dejvi Bregu është bërë menjëherë protagonist.

Mesfushori vlonjat ka gjetur rrugën e rrjetës që në sfidën e parë pas rikthimit, në ndeshjen e Boluspor në transfertë ndaj Goztepe.

Në minutën e 61-të të takimit, Bregu ishte ai që i dha avantazhin 1-0 skuadrës së tij, duke shënuar golin e tij të tretë në këtë kampionat ku ka dhënë edhe 3 asiste.

Futbollisti shqiptar është kthyer në një figurë qendrore te klubi turk, i cili synon që të afrohet me zonën e play-off përngjitjen në Superligën turke në edicionin e ardhshëm.

The post Dejvi Bregu protagonist në Turqi, shënon gol appeared first on Albeu.com.