Banorët e pranishëm shprehën mbështetjen e tyre për ruajtjen e Bashkisë Divjakë, duke kundërshtuar mundësinë e bashkimit të saj me Bashkinë Lushnjë.

Takimi u çel nga këshilltari Said Ibrahimaj, i cili ftoi pjesëmarrësit të paraqisnin qëndrimet dhe opinionet e tyre mbi reformën territoriale.

Kryetari i Bashkisë Divjakë, Josif Gorrea, prezantoi më pas përfundimet e komisionit dhe arsyet e kundërshtimit të shkrirjes së bashkisë me Lushnjën.

Gorrea argumentoi se Divjaka ka kapacitete ekonomike, shtrirje gjeografike dhe një popullsi që e pozicionojnë atë mes vendeve 27 dhe 31 nga 61 bashkitë e Shqipërisë.

Pas përmbylljes së dëgjesave, komisioni do t’ia përcjellë Kuvendit dokumentacionin e hartuar, së bashku me firmat e qytetarëve që morën pjesë në takimet publike. Propozimi do të shqyrtohet nga komisioni parlamentar dhe më pas do t’i nënshtrohet votimit në Kuvend.

The post Remasi mbyll dëgjesat për reformën territoriale, banorët kundërshtojnë bashkimin e Divjakës me Lushnjën appeared first on Albeu.com.