dega e pd Archives - Albeu.com

Incidenti në mitingun e Elbasanit, reagon dega e PD: S’ka pasur tensione politike, ishte konflikt banal mes të rinjve

V K — Thu, 08 May 2025 11:05:44 +0000

Në një deklaratë për mediat, Partia Demokratike, dega Elbasan, ka reaguar në lidhje me incidentin e ndodhur gjatë mitingut përmbyllës të në qytet, ngjarje e ndodhur dje.

Sipas demokratëve, ngjarja ishte një konflikt i natyrës krejtësisht banale mes disa të rinjve, pa asnjë lidhje me organizimin e mitingut apo me përplasje midis grupeve mbështetëse të kandidatëve.

“Nuk bëhet fjalë për asnjë tension të karakterit politik. Ky episod i izoluar po keqpërdoret nga qarqe të afërta me mazhorancën për të politizuar ngjarjen dhe për të njollosur një takim madhështor”, thuhet në deklaratën e PD Elbasan.

Partia Demokratike, thekson se mitingu në Elbasan ishte një demonstrim i fuqishëm mbështetjeje për Sali Berishën dhe vizionin e PD-së për ndryshim, ndërsa u bën thirrje qytetarëve të mos bien pre e manipulimeve dhe të qëndrojnë të fokusuar në synimin e përbashkët: fitoren e vlerave demokratike dhe të së ardhmes.

The post Incidenti në mitingun e Elbasanit, reagon dega e PD: S’ka pasur tensione politike, ishte konflikt banal mes të rinjve appeared first on Albeu.com.

Dega e PD në Cërrik denoncon vjedhjen e zyrës: Kanë marrë kompjutera dhe një televizor

V K — Fri, 02 May 2025 08:03:12 +0000

Gjatë natës janë vjedhur nga dega e PD-së në Cërrik, një kompjuter dhe një televizor. Denoncimi është bërë nga sekretarja e degës.

“Rreth orës 07:40 të mëngjesit të sotëm, ka kallëzuar shtetasja A. Ll., me detyrë sekretare e degës së subjektit politik “Partia Demokratike e Shqipërisë”, Cërrik, se në ambientin e marrë me qira (lokal), për qëllime elektorale, ka konstatuar se mungonin 1 kompjuter dhe 1 televizor”, njofton policia.

Nga këqyrja paraprake në vendngjarje, nuk janë konstatuar thyerje apo dëmtime të objektit.

Në drejtimin e Prokurorisë, grupi i posaçëm hetimor po punon për të sqaruar rrethanat e rastit.

The post Dega e PD në Cërrik denoncon vjedhjen e zyrës: Kanë marrë kompjutera dhe një televizor appeared first on Albeu.com.

Përfundon numërimi i votave, zgjidhet kryetarja e degës së PD në Divjakë

E B — Wed, 20 Apr 2022 17:21:43 +0000

Komisioni i Organizimit dhe Kontrollit të Operacioneve Elektorale të Partisë Demokratike njofton që është mbyllur procesi zgjedhor për zgjedhjen e kryetarit të PD Divjakë.

Pas numërimit të fletëve të votimit, Kryetare e PD dega Divjakë u shpall znj. Elizabeta Rredhi me 59% të votave.

“Komisioni i Organizimit dhe Kontrollit të Operacioneve Elektorale falenderon të gjithë anëtarët që u bënë pjesë e procesit të votimit për zgjedhjen e Kryetarit të degës së tyre sipas parimit “një anëtar një votë”, për një Parti Demokratike më të bashkuar, më të fortë e më të hapur”, thuhet ndër të tjera në njoftim./albeu.com

The post Përfundon numërimi i votave, zgjidhet kryetarja e degës së PD në Divjakë appeared first on Albeu.com.