Ambasada shkruan se kjo është stërvitja më e madhe në Ballkanin Perëndimor.

Gjatë muajit të fundit, pothuaj 6,000 ushtarë amerikanë janë stërvitur krah për krah me homologët e tyre shqiptarë. Stërvitja ka krijuar mundësi për bashkëpunim në të gjithë Shqipërinë, ku ushtarët kanë jetuar dhe kanë kryer së bashku operacione të ndryshme stërvitore.

The post Tanke, raketa e helikopterë: Si u “blindua” Shqipëria nga armatimi amerikan (FOTO LAJM) appeared first on Albeu.com.

Kjo stërvitje, do të angazhojë të gjitha strukturat e Forcave tona të Armatosura, përkrah atyre amerikanë nga Durrësi në Vlorë dhe më 23 Maj do të zhvendoset në Tiranë për ta përmbyllur më pas në Kuçovë dy ditë më pas.

“Stërvitja Defender Europe 21 me pjesëmarrjen masive të trupave shqiptare dhe amerikane do të zhvillohet gjatë gjithë muajit Maj deri në mesin e muajit qershor.

Përgjatë kësaj periudhe në qytetet ku do të zhvillohet kjo stërvitje do të ketë ditë të hapura për publikun. Më 20 Maj do të jemi në Durrës, më 21 Maj në Lungomare Vlorë, më 23 Maj në sheshin “Nënë Tereza”, Tiranë dhe më 25 Maj në Kuçovë”, njofton ministri.

The post Tanke e helikopterë, kjo është data kur trupat ushtarake do të blindojnë Tiranën (VIDEO) appeared first on Albeu.com.

Kryeministri Rama ka ndarë disa pamje nga anija ushtarake të Rojes Bregdetare shqiptare me gjeneralin amerikan T.D.Ëolters, Komandanti Suprem i Aleancës së Atlantikut të Veriut, e me të tjerë.

Në një moment, Rama i dhuron gjeneralit, një souvenir teksa gjenerali i dhuroi një medalje, që Rama me shumë entuziasëm tha se do t’ja dhuronte të birit, Zaho.

Biseda

Rama: Ky ishte Regani.
Gjenerali Walter: Në Shqipëri?
Rama: Po! Kjo ishte mënyra sesi na bënin “lavash truri” në Shqipëri
Gjenerali Walter:Faleminderit. Kjo është shumë speciale.
Rama:Ndërsa kjo është medalja e mirënjohjes. Një suvenier nga Shqipëria. Këtë do t’ja jap djalit. Ka një vend special ku i vendos. Më thotë: Këto janë gjërat më speciale që kam.

The post Gjenerali amerikan i dhuron medalje, Rama: Do ja jap Zahos (VIDEO) appeared first on Albeu.com.

Rama: Është lumturi e veçantë t’ ju kemi mes nesh. Iu falenderoj në krye të herës për fjalët që drejtuat sot dhe për vlerësimin që i bëtë përpjekjes kundër pandemisë. Shumë të nderuar gjeneralë, është kënaqësi e madhe dhe nder të kemi kaq shumë yje në një vend të vogël. Kam bindjen se kjo stërvitje është shumë më tepër. Ne vazhdimisht i vlerësojmë marrëdhëniet si të shkëlqyera, por mund të jenë gjithmonë e më shumë falë një besimi të madh. Gjenerata jonë lindi dhe u rrit ne gjysmën e jetës me idenë që iu nuk duhet kishit lënë kurrë të shkelnit në këtë vend. Ne të gjithë u brymosur nga propaganda e regjimit me bindjen se jeni e keqja më e madhe që mund t’ i ndodhë Shqipërisë dhe mbarë botës. Është mrekulli e madhe që e kemi ndarë jetën mes dy botëve. Edhe ju do të ndodhë ajo që u ndodh të gjithëve kur vijnë në Shqipëri; duan të kthehen. Shqipëria nuk këshillohet për të ardhur për shkak të stereotipit, por kush vjen dëshiron të kthehet përsëri. Kam besim që kjo do ndodhë edhe me ju.

Më tej, ai uroi sukses ushtarakëve në këtë stërvitje historike.

The post Rama iu drejtohet ushtarakëve amerikanë: Kush vjen në Shqipëri, dëshiron të kthehet përsëri appeared first on Albeu.com.

Në fjalën e saj, Ambasadorja amerikane Yuri Kim falenderoi autoritetet shqiptare për mikpritjen që kanë treguar ndaj ushtrisë amerikane. Kim tha se Shqipëria e ka treguar gjithnjë mikpritjen, gatishmërinë dhe mirënjohjen. Në mbyllje, ambasadorja foli shqip dhe tha se “Do të punojmë krah për krah”.

“Roli i Shqipërisë në aleancë vetëm rritet. Stërvitja aftëson që Shqipëria të presë forcat ushtarake. Përgëzojmë Shqipërinë për mbështetjen. Nuk keni hezituar kurrë të ofroni trupat dhe aleatët tuaj. Na e keni treguar gjithnjë potencialin tuaj. Jemi mirënjohës për mikpritjen tuaj. Kjo stërvitje në Shqipëri është historike, por ky operacion zhvillohet sot në Portin e Durrësit. Kjo tregon aftësinë e SHBA për të dërguar trupa ushtarake në vendin ku duhet dhe në kohën e duhur. Disa muaj më parë isha për vizitë në këtë port dhe s’ kishte shenja që do të niste një stërvitje e këtyre përmasave. Kjo është një stërvitje historike, fillimi i gjërave më të mëdha që do të vijnë. Do të punojmë më gjatë, krah për krah (flet shqip). “-tha Kim.

The post Ambasadorja amerikane flet shqip: Kjo stërvitje është historike, do të punojmë krah për krah! appeared first on Albeu.com.

Ministri i Mbrojtjes, Niko Peleshi, ka publikuar videon prezantuese të eventit ku sqarohet se “duke u mbështetur në suksesin e vitit të kaluar, “Defender Europe 21“ do të jetë gatishmëri dhe ndërveprueshmëri ndërmjet aleatëve e partnerëve, në përgatitjen e forcave që të kundërveprojnë shpejt ndaj krizave, si dhe të kryejnë operacione të mëdha luftimi, nëse u kërkohet”.

Ajo që bie në sy, është dhe fakti se kryeministri Edi Rama dhe presidenti Ilir Meta janë bërë bashkë. Ka qenë pikërisht stërvitja që i ka bashkuar pavarësisht sulmeve ndaj njëri tjetrit, edhe pse kanë mbajtur distancë.

Në krah të kryeministrit Edi Rama qëndron ambasadorja amerikane Yuri Kim, teksa anë krah të kreut të shtetit, qëndron kreu i Kuvendit, Gramoz Ruçi.

“Sot nga Durrësi fillon stërvitja “Defender Europe 21“, me pjesëmarrjen e rreth 28 mijë trupave shumëkombëshe, nga 27 shtete, që realizojnë operacione pothuajse të njëkohshme në më shumë se 30 zona stërvitjeje, në 12 vende”, shkruan Peleshi.

Stërvitja do të ushtrojë aftësinë e Ushtrisë Amerikane në Evropë dhe Afrikë për të shërbyer si Komandë e Bashkuar e Komponentit të Forcës Tokësore, dhe si partner i sigurisë në rajonet me rëndësi strategjike të Ballkanit dhe të Detit të Zi, ndërsa mbështet aktivitetet në Evropën Veriore dhe Afrikë.

Manovrat Defender-Europe këtë vit kanë përfshirë rreth 28,000 forca amerikane, aleate dhe partnere nga 27 vende për të kryer operacione të njëkohshme në më shumë se 30 zona trajnimi në më shumë se 12 shtete, nga Balltiku dhe Afrika në Detin e Zi dhe Ballkan. Përveç ofrimit të gjashtë bazave detare, tokësore dhe ajrore, Shqipëria, anëtare e NATO-s që nga viti 2009, do të angazhojë 1000 trupa në këtë stërvitje.

Gjenerali Tod Ëolters, Komandant i Komandës Europiane të Shteteve të Bashkuara të Amerikës dhe Komandant Suprem i Aleatëve Europian të NATO-s në fjalën përshëndetëse në ceremoninë e nisjes së stërvitjes Defender Europe 21 tha se nga pranimi në NATO Shqipëria ka qemë më e sigurtë. Duke folur për stërvitjen ai theksoi se pandemia s’duhet të kthehet në një krizë sigurie.

“Dua të falenderoj gjithë këtë komb kaq të bekuar. Më lejoni tju shpreh ngushëllimet të gjithë ata që kanë humbur poersonat e dashur nga covid dhe tu falënderoj për vigjilencën e këtij kombi që kjo pandemi të mos mayterializohet në një krizë. Kemi një rrugë të gjatë përpara.

Dua të falënderoj edhe autoritetet ushtarake për këtë stërvitje ushtarake dhe ju e dini se sot kemi provën e asaj  që duhet të bëjmë, të përirësojmë të gjithë transparencën strategjike. Ne ndodhemi këtu sot dhe shohim bregdetin dhe duhet të kujtojmë se çfarë ndodhi gjatë luftës së dytë botërore. I gjithë pushtim i Normandidsë ligjistika në tokë dhe det, do ulemi të shohim se çfarë prove e vështirë është kjo.

Të dëshmojmë se kj ostërvitje dhe sicili prej nesh të jetë përgjegjës të reagojmë më mirë dhe ta përmbushim këtë test më së miri. Nga pranimi në Nato na ka dhënë një Shqipëri më të sigurt një pjesë perëndimore më të sigurtë. Ne përmirësohemi ditë pas dite dhe jemi më të fortë të gjithë së bashku”, tha ai.

Shefi i Shtabit të Përgjithshëm të Ushtrisë shqiptare, Bajram Begaj, në fjalën e tij tha se kjo stërvitje dhe përzgjedhja e Shqipërisë vë në dukje rëndësinë e pozicionit tonë strategjik në një rajon të brishtë por edhe vlerësimin e rolit të vendit tonë.

“I uroj mirëseardhjen gjithë personelit amerikan këtu dhe i siguroj që mikpritja shqiptare nuk do t’i zhgënjejë. Shtëpia e shqiptarëve është e Zotit dhe e mikut.  Së bashku jemi të gatshëm të përballemi me çdo vështirësi”, tha Begaj.

The post Nis stërvitja më e madhe ushtarake në Ballkanin Perëndimor, bëhen bashkë Rama dhe Meta (VIDEO) appeared first on Albeu.com.