Udhëheqësi i vendit Kiril Petkov u tha gazetarëve: “Shërbimet tona i identifikuan ata si njerëz që punonin kundër interesave tona.”

Ministria e Jashtme e Bullgarisë tha se i kishte kërkuar Rusisë të tërheqë stafin e saj diplomatik deri më 3 korrik.

“Arsyeja e parë është reciprociteti. Së dyti, për shkak të veprimtarisë së kryer nga zyrtarët rusë, e cila u konstatua nga autoritetet kompetente bullgare si të papajtueshme me Konventën e Vjenës për marrëdhëniet diplomatike,” tha ministria në një deklaratë./albeu.com

The post Bullgaria do të dëbojë 70 staf diplomatik rus appeared first on Albeu.com.

Më 19 mars, autoritetet bullgare njoftuan se kishin shkatërruar një grup spiunimi që i dërgonte Rusisë informacione sekrete ushtarake.

Prokurorët thanë se gjashtë persona, përfshirë ish-oficerë të inteligjencës dhe oficerë të tanishëm ushtarak, ishin akuzuar për dërgimin e informacionit të klasifikuar në lidhje me Bullgarinë, NATO dhe BE-në në Ambasadën Ruse në Sofje.

Ministria e Jashtme e Bullgarisë i shpalli diplomatët rusë të padëshiruar “persona non grata” më 22 mars sepse ata kishin kryer “aktivitete që nuk janë në pajtim me statusin e tyre diplomatik”. Ambasada Ruse në Bullgari e quajti vendimin “të pabazë” dhe tha se Moska “rezervon të drejtën e hakmarrjes”.

Bullgaria ka lidhje të ngushta kulturore, historike dhe ekonomike me Rusinë. Moska është partneri kryesor energjetik i vendit. Por, raportet mes dy vendeve janë lëkundur nga disa skandale spiunimi në vitet e fundit. Bullgaria është vend anëtar i NATO-s dhe Bashkimit Evropian.

Që nga tetori i vitit 2019, Bullgaria ka dëbuar pesë diplomatë dhe punonjës të Ambasadës Ruse të akuzuar për spiunim./REL

The post Spiunonin tek Rusia informacione sekrete ushtarake, Bullgaria dëbon dy diplomatë appeared first on Albeu.com.