Shërbimi i sigurimit kombëtar të Bullgarisë njoftoi dëbimin e tre burrave, duke përmendur vetëm emrat dhe kombësitë e tyre. Ai gjithashtu ua ndaloi hyrjen në vend për pesë vitet e ardhshme.

Të tre akuzohen për zbatimin e strategjisë hibride të Rusisë që synon të ndikojë në proceset socio-politike në Bullgari në favor të interesave të Kremlinit, sipas një deklarate nga agjencia.

Në një postim në Facebook, ambasada ruse theksoi se mes të treve ishte edhe përfaqësuesi i kishës ortodokse ruse në Sofje, arkimandriti Vasian.

Qeveria bullgare pro-evropiane “me sa duket ka marrë përsipër misionin e vënies së popullit rus dhe bullgar kundër njëri-tjetrit”, u ankua ambasada ruse, duke shprehur “zemërimin” e saj për vendimin “befasues”. “Ky rast është i paprecedentë, rezultat i një mendjeje satanike”, shtoi ambasada.

“Ky rast është i paprecedentë,” tha ambasadorja e Rusisë në Sofje, Eleonora Mitrofanova, në një video të transmetuar nga agjencia shtetërore e lajmeve TASS.

Një anëtare e Bashkimit Evropian dhe NATO-s, një vend sllav dhe ortodoks, Bullgaria është historikisht dhe kulturalisht e afërt me Rusinë. Por marrëdhëniet mes dy vendeve kanë qenë të tensionuara që nga fillimi i pushtimit rus të Ukrainës.

Në qershor 2022, Sofja njoftoi dëbimin e 70 diplomatëve rusë.

The post Bullgaria dëbon kreun e Kishës Orthodokse, tërbohet Rusia appeared first on Albeu.com.

Sipas projektligjit të  qeverisë britanike, personave që hyjnë në mënyrë të paligjshme në vend nuk do t’u lejohet të bëjnë kërkesë për azil dhe do të dëbohen në vendet e tyre apo në të ashtuquajturat vende të treta të sigurta.

Ata që hyjnë në mënyrë të paligjshme në vend nuk do të mund të përdorin më ligjet kundër skllavërisë me qëllim që të pengojnë kthimin e tyre.

“Sot po prezantojmë projektligj që e bën të qartë se nëse vini këtu në mënyrë të paligjshme nuk do mund të kërkoni azil. Ne do të ndalojmë ata që hyjnë ilegalisht dhe do t’i kthejmë brenda disa javësh në vendin e tyre ose në një vend të tretë të sigurt, si Ruanda. Pasi të jeni kthyer, do t’u ndalohet përgjithmonë, ashtu si në Amerikë apo Australi, që të hyni sërish në Britani. Kjo është mënyra se si ne do të shkatërrojmë modelin e biznesit të trafikimit të njerëzve dhe do të rimarrim nën kontroll kufijtë tanë”, tha zoti Sunak.

Zoti Sunak, e ka përcaktuar si një prej pesë përparësive të tij ndalimin e anijeve, pasi numri i emigrantëve që mbërritën në bregun jugor të Anglisë kapërceu në mbi 45 mijë vitin e kaluar.

“Njerëzit duhet të dinë që nëse vijnë këtu në mënyrë të paligjshme do të ndalohen dhe do të dëbohen menjëherë. Kur kjo të ndodhë dhe do ta dinë se po ndodh nuk do të vijnë më dhe anijet do të ndalen”, tha kryeministri Rishi Sunak në një konferencë për shtyp mbi projektligjin që synon të ndalojë qëndrimin e emigrantëve të paligjshëm në Britaninë e Madhe.

Zemërimi mbi rritjen e imigracionit ka luajtur një rol përcaktues në politikën britanike në 10 vitet e fundit dhe konservatorët e kryeministrit Sunak shpresojnë se duke ashpërsuar masat mund të rrisin mbështetjen popullore.

Sipas sondazheve ata kanë një mbështetje prej rreth 20% më të ulët se Partisë Laburiste në opozitë.

“Është krejt e padrejtë për qytetarët britanikë që kanë hapur shtëpitë për refugjatët e vërtetë që tani duhet të shpenzojnë rreth 6 milionë paund në ditë për strehimin e emigrantëve në hotele”, tha zoti Sunak.

Agjencia e Kombeve të Bashkuara për refugjatët tha se ishte “thellësisht e shqetësuar” për propozimin i cili do u mohonte njerëzve të drejtën për azil, “pavarësisht nga sa të vërteta dhe bindëse” mund të jenë rastet.

Qeveria birtanike shkruan në faqen e parë të projekligjit se ai mund të mos përputhet me detyrimet e Britanisë së Madhe në kuadër të Konventës Europiane për të Drejtat e Njeriut, duke lënë të kuptohet se mund të përballet me sfida ligjore nëse miratohet.

Përfaqësues të opozitës dhe organizatave bamirëse kanë ngritur pikëpyetje nëse planet e fundit të qeverisë do të rezultojnë më të frytshme se përpjekjet e mëparshme në 5 vitet e fundit për të ndalur njerëzit të hyjnë ilegalisht me anije në Britani./VOA

The post “Emigrantët e paligjshëm do i dëbojmë”, Sunak: Do të shkatërrojmë biznesin që bëhet me trafikun e qenieve njerëzore appeared first on Albeu.com.

Dy javë më parë, një sulm me thikë tronditi Gjermaninë kur një burrë që udhëtonte në një tren rajonal u nis për në Hamburg, goditi me thikë rastësisht pasagjerët, duke vrarë dy prej tyre.

Autori i dyshuar, 33-vjeçari Ibrahim A.*, ishte i njohur për policinë, pasi paraprakisht kishte disa dënime për sulm. Sapo kishte dalë nga paraburgimi, megjithëse nuk kishte ku të shkonte.

Kur vizitoi skenën e sulmit, Ministrja e Brendshme Nancy Faeser nga Social Demokratët e qendrës së majtë (SPD) pyeti: “Si mund të ndodhte që një autor i tillë ishte ende këtu në vend?”

Cilat janë rregullat e Gjermanisë për riatdhesimin dhe dëbimin?

Në Gjermani, shtetasit e huaj mund të dëbohen nëse kanë kryer një vepër penale ose janë klasifikuar si anëtarë të një organizate terroriste. Ata mund të ndalohen dhe më pas të kthehen në vendin e tyre të origjinës. Për deportimet aktuale janë përgjegjëse shtetet federale.

Por do të ishte pothuajse e pamundur të dëbohej Ibrahim A., një person pa shtetësi me origjinë nga Rripi i Gazës.

“Dikush do të kishte nevojë për një shtet që është i gatshëm ta kthejë personin. Në rastin e personave pa shtetësi, nuk ka një shtet të tillë”, tha për DW studiuesi i migracionit Gerald Knaus.

Shtetasit e huaj për të cilët është konstatuar se nuk kanë të drejtë të qëndrojnë në Gjermani mund të deportohen. Në shumicën e rasteve, kërkesa e tyre për azil është refuzuar.

Në fund të vitit të kaluar, sipas shifrave zyrtare, janë regjistruar 304,308 persona që duhet të largohen nga vendi.

Qeveria e koalicionit të qendrës së majtë të Gjermanisë, e cila erdhi në pushtet pak më shumë se një vit më parë, kishte shpallur një “ofensivë riatdhesimi”. Mbi të gjitha, ata donin të siguroheshin që kriminelët dhe terroristët e mundshëm mund të detyroheshin të largoheshin më shpejt nga vendi.

Por njoftimet nuk janë ndjekur me veprim, tha ligjvënësja e opozitës Andrea Lindholz i Bashkimit Kristian Social Bavarez (CSU) të qendrës së djathtë.

“Ofensiva e shpallur e riatdhesimit nuk ka rezultuar më shumë se një shaka e trishtuar”, tha ajo.

Sipas Ministrisë së Brendshme, 12,945 njerëz u deportuan vitin e kaluar – shumica nga Gjeorgjia, Shqipëria, Serbia, Moldavia dhe Pakistani. Një vit më parë, ky numër ishte 11,982. Por para se të ndaleshin deportimet gjatë pandemisë COVID-19, numri i të dëbuarve në 2019 ishte pothuajse dy herë më i lartë dhe ishte 22,000.

Dëbimet janë një “pasojë e domosdoshme e ligjit tonë për azilin dhe qëndrimin”, tha Lindholz.

Por ligjvënësja e Partisë së Majtë, Clara Bünger është e shqetësuar për deportimet në vendet e dominuara nga lufta, represioni politik ose varfëria.

“Gjithashtu, ne shohim shumë dhunë dhe poshtërim policor gjatë deportimeve”, tha ajo.

Disa pengesa për riatdhesimin

Ka shumë arsye pse riatdhesimi nuk vazhdon. Emigrantët dhe avokatët e tyre, për shembull, mund të kundërshtojnë urdhrat e dëbimit, gjë që kërkon kohë për të kaluar një proces gjyqësor.

Aplikantët e refuzuar për azil mund ta çojnë çështjen e tyre në një “komision të vështirësive”, i cili nga ana tjetër mund t’i rekomandojë ministrit të brendshëm gjerman të pezullojë dëbimin.

Individët nuk mund të deportohen në vendet ku ata përballen me një kërcënim për jetën e tyre përmes luftës ose persekutimit. Një veprim i tillë do të shkelte Konventën Evropiane për të Drejtat e Njeriut. Gjithashtu, një sëmundje mendore ose fizike përbën bazën për të parandaluar dëbimin.

Një vonesë e zakonshme është për shkak të mungesës së dokumenteve të udhëtimit ose identitetit, pasi autoritetet duhet të verifikojnë se po deportojnë personin e duhur. Vendi pritës gjithashtu mund të vonojë ose të refuzojë plotësisht riatdhesimin.

Dhe deportimi nuk është gjithmonë fundi i kohës së një personi në vendin nga i cili është larguar – ndonjëherë, individët që janë dëbuar kthehen në Gjermani dhe riaplikojnë për azil.

Të mërkurën, Joachim Stamp i FDP-së neoliberale do të marrë postin e përfaqësuesit special për migracionin në Ministrinë e Brendshme.

Stamp, ish-ministri i integrimit për shtetin e Rhein-Vestfalisë së Veriut, ka përshkruar detyrat e tij në një deklaratë për shtyp: “Atyre që duan të punojnë në Gjermani duhet t’u jepen mundësi të drejta. Nga ana tjetër, kriminelët dhe personat e rrezikshëm duhet të deportohen. Për këtë qëllim, shkroi ai, është e nevojshme të vendosen “marrëveshje praktike dhe të bazuara në partneritet me vendet kryesore të origjinës”.

Studiuesi i migracionit Gerald Knaus mendon se prezantimi i një përfaqësuesi special është, në thelb, një ide e mirë.

“Përqendrimi në dëbimin e të gjithë personave të rrezikshëm dhe kriminelëve të kualifikuar është ambicioz. Por po aq e rëndësishme është ndërtimi i koalicioneve evropiane për këtë qëllim”, tha Knaus për DW

BE dëshiron të rrisë presionin ndaj vendeve të origjinës

Shumë vende evropiane thonë se kanë arritur kufirin e tyre: numri i azilkërkuesve është rritur dhe 4 milionë njerëz të tjerë kanë ikur nga Ukraina në vendet e BE-së duke kërkuar mbrojtje nga lufta në vendin e tyre.

BE-ja gjithashtu dëshiron të përshpejtojë procesin e dërgimit të azilkërkuesve të refuzuar. Në të gjithë Bashkimin Evropian, vetëm një në pesë të huaj pa të drejtë qëndrimi u riatdhesua vitin e kaluar.

“Ne kemi një shkallë shumë të ulët të riatdhesimit dhe unë shoh se mund të bëjmë përparim të konsiderueshëm këtu”, tha Komisionerja e Çështjeve të Brendshme të BE, Ylva Johansson javën e kaluar.

Një nga arsyet kryesore për shkallën e ngadaltë të riatdhesimit është se shumë vende të origjinës nuk duan të marrin përsëri shtetasit e tyre, tha Johansson. Ajo dëshiron të ushtrojë më shumë presion mbi këto vende të origjinës.

Ndryshimet në politikën e vizave të BE-së janë ndër “instrumentet më të rëndësishme për të përmirësuar bashkëpunimin me vendet e treta për kthimin dhe ripranimin”, sipas një dokumenti të fundit të BE-së.

Sipas Knaus, shtetet ballkanike, Moldavia dhe Gjeorgjia janë ndër vendet që bashkëpunojnë shumë mirë, sepse nuk duan të rrezikojnë të humbasin statusin e udhëtimit pa viza në BE.

Rritja e presionit ndaj vendeve që nuk janë të gatshëm të marrin shtetasit e tyre mbrapsht, mund të nënkuptojë, për shembull, që aplikimet për viza të përpunohen më ngadalë ose që tarifat për viza të rriten. Maroku, Tunizia dhe Algjeria janë vende që shpesh nuk u lëshojnë dokumente qytetarëve të tyre ose nuk i njohin dokumentet e BE-së. Atëherë riatdhesimi është praktikisht i pamundur. BE-ja tashmë ka ngritur shiritin për aplikimet për viza nga Bangladeshi, Iraku, Gambia dhe Senegali.

Reduktimi i ndihmës ekonomike ose zhvillimi për vendet jo bashkëpunuese është diskutuar gjithashtu mes ministrave të brendshëm të BE-së. Por Nancy Faeser e Gjermanisë është shprehur kundër kësaj, duke shkaktuar kritika nga opozita brenda vendit.

“Faeser flet për dëbimet në Berlin, por i bllokon ato në Bruksel”, tha për DW deputetja e CSU-së Lindholz.

Në Gjermani, sulmi i fundit me thikë ka ndezur sërish debatin mbi dëbimet, një temë e përkëdhelur për të djathtën ekstreme të vendit në fushatën e tyre të vazhdueshme kundër emigrantëve.

Pritshmëritë janë të mëdha që përfaqësuesi i ri i qeverisë për migracionin, Joachim Stamp, të sigurojë që njerëzit e dënuar për krime dhe me histori të rrezikshme të riatdhesohen më lehtë në të ardhmen. / albeu.com

The post Debati në Gjermani, kërkohen rregulla më të rrepta dëbimi dhe riatdhesimi appeared first on Albeu.com.

Shqiptari, i cili kërkoi azil në Mbretërinë e Bashkuar një dekadë më parë, nuk ka precedentë penalë, nuk është arratisur kurrë dhe thotë se ka respektuar vazhdimisht kërkesat e imigracionit duke raportuar çdo dy javë në Home Office. Dy fëmijët e tij kanë lindur në Mbretërinë e Bashkuar dhe kanë leje për të qëndruar.

“Është sikur kam një gju në qafë, sikur po më mbysin”, ka thënë ai për The Guardian.

“Ata erdhën për të kontrolluar restorantin ku unë po ndihmoja, më shumë se 10 prej tyre, të gjithë të veshur me uniforma. Ata thanë se kishin një informatë se një punonjës i paligjshëm është këtu dhe filluan të pyesnin njerëzit për mua. Ata nuk më dhanë asnjë shpjegim, vetëm më çuan në stacionin e policisë, më mbajtën atje dhe më pas në qendrën e imigracionit. Më trajtojnë si kafshë”, ka treguar shqiptari nga qendar e largimit.

Burri, i cili po mbahet për akuzat e imigracionit pasi i janë shteruar të drejtat e tij për apelim, thotë se ka të drejtë për jetën familjare pasi fëmijët e tij kanë lindur në Mbretërinë e Bashkuar dhe kanë leje për të qëndruar. Ai beson se Home Office po synon në mënyrë të padrejtë shqiptarët.

“I gjithë ky vend [Harmondsworth] është plot me shqiptarë. Duket sikur po na rrethojnë për të na futur në një fluturim charter nga këtu. Djali me të cilin po ndaj qelinë dhe gjysma e krahut tjetër janë shqiptarë. Më shkoi në mendje se kjo është një hakmarrje ndaj nesh. Duket se qeveria po gjen boshllëqe për të na nxjerrë jashtë. Të gjithë janë kaq të shqetësuar dhe të frikësuar, ne nuk e dimë se çfarë do të ndodhë me ne”, ka thënë ai.

Të enjten, Ministria e Brendshme britanike njoftoi një marrëveshje me qeverinë shqiptare, e cila synon të largojë azilkërkuesit e refuzuar “sa më shpejt të jetë e mundur” mes një rritje të numrit të mbërritjeve me varka të vogla nga Shqipëria.

Shifrat e fundit të publikuara nga Home Office tregojnë se 2,165 shqiptarë mbërritën në Britaninë e Madhe me varka të vogla në gjashtë muajt e parë të 2022, krahasuar me 23 në të njëjtën periudhë të vitit të kaluar. Nga të gjithë ata që hynë në Mbretërinë e Bashkuar përmes kësaj rruge, më shumë se gjysma (51%) ishin nga tre kombësi, me shqiptarë dhe afganë secili që përbënte 18% të të ardhurve, shkruan abcnews.al

Zyra e Brendshme e Britanisë synon të pengojë ata që kërkojnë të kalojnë Kanalin duke lëshuar paralajmërime se ata nuk do të kenë të drejtë të jetojnë ose punojnë në Mbretërinë e Bashkuar dhe mund të përballen me dënime me burg të shtuar për shkeljet e imigracionit.

Sipas Zyrës së Brendshme, Shqipëria është një “vend i sigurt dhe i begatë” dhe shumë shtetas “po udhëtojnë nëpër vende të shumta për të bërë udhëtimin në Mbretërinë e Bashkuar” përpara se të bëjnë “kërkesa të rreme për azil kur të mbërrijnë”.

Shifrat e Home Office të publikuara të enjten tregojnë se rreth gjysmës së të gjithë shqiptarëve që kërkojnë azil u jepet statusi i refugjatit. Të dhënat tregojnë se 21 persona janë larguar me forcë me arsyetimin se janë “të papranueshëm” për azil që nga Brexit, pavarësisht se ministrat zgjeruan fushën e këtij rregulli.

Sipas planeve të reja, oficerët e policisë shqiptare do të dërgohen në bregun e Kentit për të vëzhguar ardhjet e emigrantëve dhe për të shkëmbyer informacione me qeverinë britanike. Departamenti nuk ka konfirmuar se kur do të paraqiten propozimet.

“Publiku britanik nuk duhet të ketë asnjë dyshim për vendosmërinë tonë për të larguar ata që nuk kanë të drejtë të jenë në Mbretërinë e Bashkuar. Ne kemi hequr tashmë pothuajse 1000 shkelës mes shtetasve të huaj shqiptarë dhe shkelës të imigracionit këtë vit deri më tani, duke përfshirë disa që kaluan Kanalin ilegalisht për të ardhur në këtu”, ka thënë një zyrtar nga Zyra e Brendshme, sipas The Guardian.

“Sipas planeve të shpallura këtë javë, personat që vijnë nga kjo rrugë do t’iu  trajtohen menjëherë kërkesat e tyre për azil, dhe ata që nuk kanë të drejtë të jenë në Mbretërinë e Bashkuar do të largohen sa më shpejt të jetë e mundur”, shtoi ai.

The post “Është hakmarrje ndaj nesh, na trajtojnë si kafshë”, shqiptari përballet me dëbimin në Britani: Kam 10 vite këtu appeared first on Albeu.com.

Agjencia France-Presse raporton se Stanislaw Zaryn u tha gazetarëve “Agjencia e sigurisë së brendshme ka hartuar një listë me 45 persona që punojnë në Poloni nën mbulesën e aktiviteteve diplomatike”, duke akuzuar të dyshuarit për shënjestrimin e Polonisë.

Ai tha se lista e të dyshuarve ishte transferuar në ministrinë e jashtme, duke postuar në Twitter se “ABW po kërkon që ata të dëbohen nga territori polak”.

ABW “ka arrestuar një shtetas polak me dyshimin për spiunazh për shërbimet sekrete ruse”, shtoi zëdhënësi në Twitter.

Raportohet se ambasadori rus ishte thirrur në ministrinë e jashtme në Varshavë. Agjencia e lajmeve RIA në Rusi po raporton se ministria e jashtme atje tashmë është e angazhuar të hakmerret nëse diplomatët e saj dëbohen nga Polonia.

The post Polonia identifikon 45 diplomatë rusë të dyshuar si spiunë, gati dëbimi appeared first on Albeu.com.

Avioni i Emirates me Djokovic u ul pas një fluturimi 13 orë e gjysmë nga Melburni, ku ai argumentoi në gjykatë se duhet të lejohej të qëndronte në vend dhe të konkurronte në turne nën një raport mjekësor për shkak të një infeksioni nga koronavirusi muajin e kaluar.

Gjatë pritjes në aeroport ai është parë duke bërë selfie me disa fansa.

Dubai, kryeqyteti tregtar i Emirateve të Bashkuara Arabe , nuk kërkon që udhëtarët të vaksinohen, megjithëse ata duhet të tregojnë një test negativ PCR.Në mesditë avioni i tij u ul në Beograd, ku shumë media ishinb në aeroport. Djokovic foli pas vendimit të gjykatës përmes një deklarate të lëshuar përpara se të largohej nga Australia.

Disa qindra mbështetës, disa me flamuj serbë, u mblodhën para ndërtesës së aeroportit të Beogradit për ta mbështetur me thirrje si “Novak, ti ​​je kampioni ynë” dhe “Nole, Nole” por ata nuk mundën ta shihnin idhullin e tij. /albeu.com

JUST IN: Deported tennis star #NovakDjokovic met by supporters as he arrives at #Dubai airport in the #UAE. #AusOpen pic.twitter.com/nlEHzuNlfH

— Dan Murphy (@dan_murphy) January 17, 2022

The post U dëbua nga Australia, Djokovic zbarkon në Beograd (VIDEO) appeared first on Albeu.com.

Ministrja e Jashtme gjermane, Annalena Baerbock tha më 15 dhjetor se ambasadori rus në Gjermani, Sergei Nechayev është njoftuar për dëbimin e diplomatëve.

Përfshirja ruse në vrasjen e Tornike Kavtarashvili më 2019 ishte “shkelje e rëndë e ligjeve gjermane dhe sovranitetit të Gjermanisë”, tha Baerbock.

Gjykata në Berlin tha se autori i vrasjes së Kavtarashvili ishte 56-vjeçari Vadim Krasikov, i njohur edhe me emrin Vadim Sokolov.

Vraja e Kavtarashvili në Berlin kishte përkeqësuar raportet mes Rusisë dhe Gjermanisë. Por, gjykata tha se vendimet e saj nuk janë ndikuar nga raportet politike midis Berlinit dhe Moskës.

Krasikov dyshohet se është agjent i shërbimit sekret rus, FSB.

Prokurorët thanë se Moska e kishte urdhëruar vrasjen sepse Kavtarashvili, që njihej edhe si Zelimkhan Khangoshvili, ishte komandant i separatistëve në Kaukazin Verior në periudhën ndërmjet vitit 2000 dhe 2004.

Presidenti rus, Vladimir Putin, e kishte cilësuar Khangoshvilin si “bandit” dhe terrorist.

Prokurori federal, Nikolaus Forschner gjatë gjykimit argumentoi se nuk ishte e rëndësishme nëse viktima ishte terrorist, pasi ai kishte qenë azilkërkues në Gjermani që prej vitit 2016 dhe sipas prokurorit, Khangoshvili nuk paraqiste rrezik që do të justifikonte vrasjen e tij.

Forschner e akuzoi udhëheqjen ruse për “shpërfillje të sundimit të ligjit” dhe shkelje të sovranitetit të Gjermanisë.

Ambasada ruse në Gjermani tha se vendimi i gjykatës ishte “i motivuar politikisht” dhe ky vendim do të komplikojë edhe më shumë raportet mes Rusisë dhe Gjermanisë.

The post Gjermania dëbon dy diplomatë rusë appeared first on Albeu.com.

Prokuroria Publike nuk kishte kërkuar dëbimin e kosovarit të akuzuar. Ajo e ngarkonte atë për rrezikim jete me rastin e aksidentit të rëndë që ai kishte shkaktuar në shtator të vitit 2018. Kjo është një “vepër katalogu”, me të cilën kërkohet dëbimi në vendin e prejardhjes, i personave me shtetësi të huaj.

Por prokuroria, në rastin konkret ka pasur konsideratë për të akuzuarin, duke e përshkruar si “rast të rëndë”. Sipërmarrësi i ri, tregtar makinash, jeton në Zvicër që kur ishte tre vjeç dhe është i integruar mirë, thotë prokuroria.

Ndërkaq, Gjykata Penale e Bazelit kur ka marrë vendimin të hënën, e ka parë ndryshe këtë rrethanë dhe ka urdhëruar dëbimin pesëvjeçar të kosovarit nga vendi.

The post U vetëaksidentua, sipërmarrësi shqiptar dëbohet nga Zvicra: Rrezikoi jetën e vajzës që e shoqëronte appeared first on Albeu.com.