Mbledhjet e grupit parlamentar të Partisë Demokratike krahas debateve për çështjen “Berisha”, ditët e fundit kanë prodhuar edhe pakënaqësi të deputetëve të PD sa i takon aksionit opozitar.

Të shtunën Lulzim Basha mblodhi deputetët për t’i komunikuar vendimin se nga kjo e hënë do të jenë në Kuvend për të marrë pjesë fizikisht në komisionet parlamentare. Gjatë mbledhjes në pikën e parë e rendit të ditës, Basha kërkoi nga deputetët e tij të intensifikim të kontakteve me qytetarët dhe ngritja e çdo problematike që shqetëson komunitetet lokale dhe ndjekja e çdo abuzimi qeveritar në çdo sektor.

Gjatë mbledhjes, kreu i demokratëve kërkoi që denoncimi i problematikave të qytetarëve të bëhet përmes dy koordinatorëve, teksa kreu i grupit parlamentar, Alfred Rushaj kërkoi që për daljet mediatike, deputetët të koordinohen me zyrën e shtypit. Kjo kërkesë e Rushajt nuk është pranuar nga deputeti i Lezhës, Agron Gjekamarkaj i cili me tone të larta i ka bërë të qartë drejtuesve të PD se ai nuk mund të kthehet në vartës i zyrës së shtypit dhe nuk do ta respektoj këtë vendimmarrje.

Debati në PD

Lulzim Basha: Ajo që dua nga secili prej jush është që të jeni që të bëheni zëri i problemeve të qytetarëve. Zbrisni në zonat tuaja dhe bëni publike shqetësimet e qytetarëve. Rritja e çmimeve është skandaloze në kushtet e një varfërie që ka përfshirë shumicën dërrmuese të qytetarëve,  ndaj është detyra jonë t’i bëjmë publike problematikat e tyre.

Ndaj në PD do të ketë një strukturë funksionale për të koordinuar problematikat e qytetarëve dhe propozimet konkrete që do vijnë nga degët dhe deputetët demokratë. Sigurisht që publikimi i këtyre fakteve duhet të bëhet në koordinim të plotë me dy përfaqësuesit e grupit parlamentar që do të merren me këtë organizim. Dua që të mos jemi kaotik në denoncimin e çdo problematike, por të jemi të koordinuar me zyrën e shtypit.

(Kreu i PD largohet nga mbledhja për t’u rikthyer sërish pas pak çastesh)

Alfred Rushaj: Në vijim të asaj që tha kryetari sa i takon organizimit të daljeve mediatike, kërkoj mirëkuptimin tuaj për të njoftuar për çdo dalje mediatike zyrën e shtypit. Do të doja të mos konfirmonit dalje meditiake, pa marrë fillimisht dakordësinë e zyrës së shtypit dhe pa koordinuar mesazhin politik për temat që do të diskutoni në debatet ku do të merrni pjesë apo intervistat që do të jepni.

Agron Gjekmarkaj (ngre zërin): Unë po jua them këtu që ta dini. Unë nuk bëhem vartës i zyrës së shtypit. Kjo parti këtë problem ka pasur 8 vite që nuk lejon individët të thonë atë që mendojnë, por i nxjerr të cicërojnë në deklarata shtypi me letër përpara. Secili duhet të ketë individualitetin e tij. Po e theksoj edhe njëherë unë nuk i marr leje askujt për daljet e mia, për të qenë në debate apo për të dhënë intervista. Jam intelektual dhe kam mendimin tim, të cilin do ta shpreh kudo që unë do të shkoj!/abcnews.al

The post Sërish debat në PD, Gjekmarkaj përplaset me Bashën dhe Rushajn: Jam intelektual, nuk bëhem vartës appeared first on Albeu.com.

Noka ka hedhur akuza ndaj Bashës, duke i thënë se e ka kthyer në thërrime kauzën e “masakrës zgjedhore. Gjithashtu i kërkoi kryedemokratit të dilte në terren dhe t’u jepte sqarim qtetarëve për përjashtimin e Berishës.

Debati mes Nokës dhe Bashës:

Noka: Deri ne zgjedhjen e kryesise e kishe kauzen politike “masakren zgjedhore”, dhe pas zgjedhjes se kryesise, ti e ktheve ne therrime ceshtjen e masakres zgjedhore.

Basha: S’eshte e vertete. Une e kam deklaruar dhe kam folur per masakren ne cdo dalje timen. Ju duhet te merrni informacion prane prokurorive dhe te interesoheni per masakren zgjedhore te 25 prillit, ashtu sic u be me Vaun e Dejes.

Noka: Ti duhet te dalesh ne terren, per tu shpjeguar demokrateve vendimin qe more per perjashtimin e Berishes, se ke percare demokratet.

Basha: Une do dal, do kem aksion, por jo tani, se s’dua ti hedh benzine zjarrit.

Noka: Ti i ke hedhur tritolin./albeu.com

The post Sërish debat në mbledhjen e grupit të PD, Noka-Bashës: Ke përçarë demokratët, hodhe tritolin appeared first on Albeu.com.