Java e gjashtë e “Abissnet Superiore” rezervon derbin e parë të kryeqytetit të këtij edicioni, me Partizanin dhe Tiranën përballë. Data e zhvillimit ende nuk është përcaktuar, por rëndësia e veçantë e kësaj ndeshjeje është e padiskutueshme sa herë që dy skuadrat zbresin në fushë.

Këtë sezon, ndryshe nga ai i shkuar, të dyja ekipet drejtohen nga trajnerë të huaj: Florin Bratu në krye të të kuqve dhe Dean Klafuriç te bardheblutë. Deri tani, rrugëtimi i tyre nuk ka qenë bindës, siç pasqyrohet edhe në tabelën e kampionatit pas pesë javësh.

Tirana renditet e gjashta, me pesë pikë, ndërsa Partizani është një pikë më poshtë dhe zë vendin e shtatë. Megjithëse bardheblutë qëndrojnë përpara rivalëve në klasifikim, paraqitjet e të dyja skuadrave kanë pasur luhatje dhe nuk kanë dhënë shenja të një rendimenti premtues.

Përballja do të tregojë se çfarë zgjidhjesh do të zgjedhin Bratu dhe Klafuriç për t’i dhënë drejtim tjetër ecurisë së rezultateve. Në derbi, gjithçka vihet në provë dhe pretendimet për favoritë shpesh humbasin peshën.

The post Derbi Partizani–Tirana, prova e rëndësishme për Florin Bratun dhe Dean Klafuriçin appeared first on Albeu.com.

Tirana regjistroi një tjetër ndarje pikësh, kësaj radhe duke u ndalur nga Elbasani në sfidën e javës së pestë të Superiores. Pas takimit të zhvilluar në stadiumin “Selman Stërmasi”, trajneri i bardhebluve, Dean Klafuriç, doli para mediave për të analizuar paraqitjen e ekipit të tij.

“Pjesa e dytë ishte shumë e mirë, a nuk mund të luanit kështu edhe në të parën? Po, pikërisht kështu, u pa qartë ajo që ndodhi në fushë. Në fraksionin e dytë luajtëm shumë mirë dhe pasi lojtarët morën besimin e duhur, arritën të shënonin. E meritonin fitoren për gjithçka që dhanë në fushë,” u shpreh Klafuriç.

I pyetur se çfarë do të bëjë si trajner që skuadra të ketë më shumë besim dhe të sigurojë fitoren, ai u përgjigj: “U thashë lojtarëve të bënin atë që kemi përgatitur dhe stërvitur. Ata duhet të kenë besim nga minuta e parë deri në të fundit. Pësuam dy gola dhe nuk ishim të saktë në rastet që krijuam. Por, pasimi apo gjuajtja e fundit nuk ishin në nivelin e duhur.”

Lidhur me mungesën e Voglit, tekniku bardheblu sqaroi: “Të kushtëzuar për Voglin, ishte çështje taktike apo për shkak të rregullave? Të dyja arsyet. Për shkak të rregullores, jo sepse ai nuk është lojtar cilësor. Në mesfushë kemi superioritet me lojtarët që disponojmë,” përfundoi Klafuriç.

The post Tirana ndalet sërish në barazim, Klafuriç: Lojtarët e meritonin fitoren, por finalizimi na tradhtoi appeared first on Albeu.com.

Skënderbeu dhe Tirana u ndanë në barazim 1-1 në takimin e javës së 4-t të “Abissnet Superiore”. Përballja u luajt në stadiumin e Korçës, ndërsa pas ndeshjes trajneri i bardhebluve, Dean Klafuriç, komentoi situatat kryesore të sfidës.

“A u tërhoqëm pas avantazhit 0-1? Ky nuk ishte vendimi im. Doja që edhe pjesa e dytë të zhvillohej njësoj si e para. Megjithatë, Skënderbeu ushtroi shumë presion dhe ne patëm mundësitë tona edhe pse luajtëm me një lojtar më pak. Në fund, rezultati ishte barazimi.

Synimi ynë ishte të zhvillonim lojën tonë dhe të dilnim përpara në mënyrën tonë. Pasi Tirana kaloi në avantazh 0-1, Skënderbeu kërkoi me ngulm golin e barazimit. Presioni ishte i madh për ne, veçanërisht për shkak të tifozëve, pasi luanim në transfertë. Gjithsesi, e administruam ndeshjen dhe krijuam raste edhe në inferioritet numerik.

Sa i përket gjendjes fizike të Berishës dhe Hazrollajt, duhet thënë se patëm shumë kundërsulme dhe lojtarët përshkuan distanca të gjata. Për këtë arsye, ishte e pamundur që intensiteti i pjesës së dytë të mbetej i njëjtë. Edhe Skënderbeu bëri disa ndryshime. Për më tepër, Ndong u dëmtua dhe u detyruam ta zëvendësonim, gjë që na shqetësoi.

Në periudhën nga minuta e 60-të deri në të 80-tën pati një “black-out” nga Tirana. A mund të kishim bërë ndryshime? Sigurisht që po. Megjithatë, kjo ishte një ndeshje krejt tjetër nga ajo ndaj Vorës. Patëm mundësi për të shënuar, sidomos në pjesën e parë. Unë bëra gjithçka që mundesha”, deklaroi Klafuriç.

The post Bëra gjithçka që ishte e mundur”, Klafuriç pas barazimit me Skënderbeun: Tërheqja nuk ishte zgjedhja ime appeared first on Albeu.com.

Tirana do të udhëtojë drejt Korçës për t’u përballur me Skënderbeun në javën e katërt të “Abissnet Superiore”. Takimi do të luhet ditën e nesërme, duke nisur në orën 18:30. Në prag të kësaj sfide, trajneri i bardhebluve, Dean Klafuriç, foli për përgatitjet e skuadrës.

Tekniku kroat theksoi se koha në dispozicion mes ndeshjes me Vorën dhe asaj me Skënderbeun ka qenë e kufizuar, ndaj puna është përqendruar te rikuperimi fizik dhe aspekti taktik. Klafuriç u shpreh se ekipi është përgatitur mirë, ndodhet në gjendje të kënaqshme dhe se ai ka besim te futbollistët e tij.

Sipas trajnerit, Tirana synon të konfirmojë fitoren e marrë ndaj Vorës dhe të vijojë serinë e rezultateve pozitive, duke ruajtur ritmin e fitoreve.

I pyetur për deklaratën e Ahmatajt, Klafuriç tha se Tirana shkon në çdo ndeshje me synimin për të fituar. Ai nënvizoi respektin për trajnerin kundërshtar, Skënderbeun dhe tifozët e tij, por shtoi se skuadra e tij do të kërkojë triumfin në Korçë.

Për merkaton, trajneri deklaroi se është i kënaqur dhe se beson te grupi që ka në dispozicion te Tirana.

Klafuriç bëri të qartë se objektivi kryesor i bardhebluve është kualifikimi në Europë. Ai pranoi se ky mision nuk është i lehtë, duke pasur parasysh situatën e dy sezoneve të fundit, por insistoi se Tirana do të luftojë për të arritur rezultatet më të mira dhe, të paktën, për të siguruar pjesëmarrjen në Europë.

The post Klafuriç kërkon fitoren ndaj Skënderbeut: Tirana synon Europën dhe vazhdimësinë pas suksesit me Vorën appeared first on Albeu.com.

Starti i Tiranës në këtë edicion të Abissnet Superiores ka qenë alarmues. Bardheblutë kanë regjistruar dy humbje në po aq ndeshje, fillimisht 0 – 3 ndaj Egnatias dhe më pas 1 – 3 kundër Teutës.

Rezultati ndaj Teutës, ku kundërshtari përmbysi gjithçka në pjesën e dytë, nxori në pah një skuadër ende të pakonsoliduar dhe me çrregullime të theksuara në prapavijë. Megjithatë, vështirësitë e ekipit të drejtuar nga Dean Klafuriç nuk kufizohen vetëm te mbrojtja, pasi problemet janë shfaqur edhe në ndërtimin e aksioneve dhe në finalizim.

Pas vetëm 15 minutash lojë përballë Teutës, Tirana u tërhoq në mbrojtje dhe hasi vështirësi për të avancuar drejt zonës së kundërshtarit. Një qasje e ngjashme u pa edhe në pjesën e parë të sfidës me Egnatian.

Në dy takimet e para të kampionatit, rekordmenët e Shqipërisë kanë shënuar vetëm një gol, i cili erdhi nga pika e penalltisë. Goli nga aksioni dhe një lojë më e rrjedhshme vijojnë të mungojnë. Mundësia e radhës për t’i dhënë fund këtij hendeku të madh do të jetë më 6 shtator, kur Tirana do të përballet me Vorën.

The post Dy humbje në dy javë, Tirana shfaq probleme në çdo repart appeared first on Albeu.com.

Pas dy javësh të këtij edicioni të Abissnet Superiore, Tirana regjistron dy humbje dhe ka pësuar gjashtë gola. Pas disfatës së sotme përballë Teutës, trajneri Dean Klafuriç foli për mediat dhe analizoi atë që ndodhi në fushë.

“Në 15 minutat e para e kontrolluam ndeshjen dhe u përpoqëm të luanim sipas mënyrës sonë. Më pas gjërat nuk shkuan ashtu siç duhet dhe kjo ndikoi në rezultatin përfundimtar.

Rrjedha e ndeshjes ndryshoi edhe për shkak të qasjes së kundërshtarit. Sa i përket aspektit fizik, faza përgatitore ka shkuar shumë mirë, ndërsa Xhixha kishte probleme.

Ne patëm mundësi të shënonim edhe golin e dytë, por ai episod ndikoi shumë në vazhdimin e takimit. Nuk ishte plani ynë që të tërhiqeshim për të mbrojtur rezultatin, edhe pse rivali u favorizua disi në disa prej ndërhyrjeve të kryera.

Nuk ka asnjë lloj alibie. Duhet përgëzuar edhe Teuta, ndërsa ne duhet të përmirësojmë atë që kemi bërë gjatë fazës përgatitore”, u shpreh Klafuriç.

The post Goli i dytë ndikoi në vazhdimësi”, Klafuriç analizon humbjen ndaj Teutës: Nuk u futëm për t’u mbrojtur appeared first on Albeu.com.

Edicioni i ri i “Abissnet Superiore” starton këtë javë, ndërsa ndeshja Vllaznia – Skënderbeu do të hapë kampionatin më 21 gusht. Formati i këtij sezoni sjell risi, me tri faza të rregullta të ndara në një kalendar prej gjithsej 27 javësh.

Vëmendjen më të madhe para nisjes e tërheqin lëvizjet në pankina, pasi gjatë verës 6 prej 10 klubeve kanë ndërruar trajnerët, pra më shumë se gjysma e skuadrave. Serinë e ndryshimeve e nisi Egnatia, e cila pranë përfundimit të sezonit të kaluar mbylli bashkëpunimin me Edlir Tetovën dhe ia besoi drejtimin Nevil Dedes.

Pas largimit nga Rrogozhina, Tetova u rikthye në Durrës dhe u zyrtarizua në krye të Teutës. Ndryshime bënë gjithashtu Partizani, që emëroi Florin Bratun, Tirana me Dean Klafuriçin, Skënderbeu që zgjodhi Julian Ahmatajn dhe Laçi që ia dorëzoi pankinën Qatip Osmanit.

Katër klubet që ruajtën të njëjtët trajnerë janë Vllaznia, Elbasani, Vora dhe Dinamo City. Shkodranët vazhdojnë me Edi Martinin, nënkampionët siguruan qëndrimin e Ivan Gvozdenovic, Ilir Daja mbetet i padiskutueshëm te Dinamo, kurse Arjan Bellai vijon detyrën te skuadra vorake.

The post Revolucion në pankinat e Superiores, gjashtë skuadra hyjnë në sezon me trajnerë të rinj appeared first on Albeu.com.

Me Dean Klafuriç në drejtimin e skuadrës, Tirana ka ndryshuar ndjeshëm përbërjen e saj. Trajneri kroat ka ndërhyrë në mënyrë të rëndësishme në formacion, duke afruar 10 futbollistë të rinj, mes të cilëve edhe tre lojtarë të dalë nga akademia bardheblu.

Në të njëjtën kohë, nga klubi janë larguar po 10 futbollistë. Kjo tregon se kryeqytetasit kanë kaluar në një fazë të plotë tranzicioni, me synimin për të qenë gati për sezonin e ri të Superiores, i cili nis më 22 gusht.

Para startit të kampionatit, Tirana do të zhvillojë një miqësore kundër Laçit, një prej rivalëve të saj në kampionat. Përballja është programuar të shtunën, në orën 18:00, në stadiumin “Selman Stërmasi”.

Pas mbylljes së fazës përgatitore në Turqi, skuadra e drejtuar nga Klafuriç synon të paraqitet me ambicie të tjera në edicionin e ardhshëm. Bardheblutë kërkojnë rikthimin në zonat e para të tabelës dhe një përfundim më pozitiv, pasi sezonin e kaluar e mbyllën duke shmangur vetëm në limite rënien një kategori më poshtë.

The post Tirana përfundon përgatitjet e merkatos dhe sfidon Laçin para nisjes së Superiores (DATA-ORA) appeared first on Albeu.com.

Të shtunën, në orën 17:00, skuadra bardheblu do të zhvillojë takimin e parë nën drejtimin e trajnerit Dean Klafuric, në duelin miqësor të organizuar në Turqi kundër Corum FK.

Pas një merkatoje të ngarkuar dhe afrimeve në të gjitha repartet, tekniku kroat do të shfrytëzojë këtë mundësi për të testuar filozofinë e tij të lojës dhe për t’u integruar më thellë me grupin që ka në dispozicion.

Përballja merr një shije të veçantë për Tiranën, pasi radhët e ekipit turk i përket edhe Ylber Ramadani, aseti i Kombëtares shqiptare që këtë verë iu bashkua Corum FK, pas një aventure në Serie A me fanellën e Lecces.

The post Starti i epokës Klafuric, Tirana përballet në testin turk me skuadrën e mesfushorit kuqezi (PROGRAMI) appeared first on Albeu.com.

Tirana ka zyrtarizuar afrimin e Bojan Ilievskit, duke e prezantuar mbrojtësin përmes një njoftimi të fundit në platformat sociale.

Kjo lëvizje përfaqëson një tjetër përforcim të rëndësishëm për ekipin e drejtuar nga Dean Klafuric, duke i adresuar kështu një kërkesë shtesë në fazën mbrojtëse.

Eksperienca e Ilievskit në kampionatin maqedonas dhe fleksibiliteti i tij për të mbuluar role të ndryshme në mbrojtje do t’i mundësojnë teknikut kroat ta përshtasë atë sipas skemës që do të zgjedhë në startin e sezonit të Superiores.

The post Me vlerë 500 mijë euro, Dean Klafuric gëzohet për përforcimin e fundit të Tiranës appeared first on Albeu.com.