Vetëm një ndeshje e ndan Kombëtaren e Anglisë nga finalja e Kupës së Botës 2026, megjithatë historia e shumicës së lojtarëve të grumbulluar nga Thomas Tuchel nuk ka zanafillë në arenat prestigjioze të Ligës Premier.

Prej 26 futbollistëve të përzgjedhur për turneun botëror, plot 20 prej tyre kanë provuar më parë ashpërsinë e kategorive inferiore angleze, ndërsa një pjesë e tyre kanë njohur edhe realitetin e futbollit gjysmëprofesionist, shumë kohë përpara se të shkelnin në skenën më madhështore të sportit.

Ky realitet dëshmon se shtegu drejt suksesit rrallëherë është i shtruar, pasi një numër i konsiderueshëm i protagonistëve aktualë të “Tre Luanëve” kanë kaluar sezone të tëra në impiante të thjeshta dhe me skuadra larg qendrës së vëmendjes mediatike.

Jordan Pickford, gardiani i portës titullare, kaloi në gjashtë periudha huazimi që përshkuan gjithë piramidën e futbollit anglez. Ai u aktivizua në Ligën Kombëtare (shkalla e pestë), në Kategorinë e Katërt, të Tretë dhe të Dytë, derisa siguroi një pozicion të qëndrueshëm te Sunderland dhe më vonë u shndërrua në zgjedhjen e parë të portës së Anglisë.

Një trajektore të ngjashme ndoqi edhe Dean Henderson, që numëron paraqitje në Ligën Kombëtare si dhe në Kategorinë e Katërt, të Tretë e të Dytë. James Trafford, nga ana tjetër, u brumos në Kategorinë e Tretë me fanellat e Accrington Stanley dhe Bolton Wanderers, përpara se të shpërthente me Burnleyn në Kategorinë e Dytë.

Në repartin e prapavijës, emra si John Stones, Marc Guehi, Trevoh Chalobah, Ezri Konsa, Reece James, Djed Spence dhe Jarell Quansah i hodhën hapat e parë në Kategorinë e Dytë ose të Tretë, aty ku grumbulluan përvojën e nevojshme që më vonë i transferoi në klubet e mëdha të vendit.

Një rast veçanërisht motivues është ai i Dan Burn, i cili dikur punonte në një supermarket për të plotësuar buxhetin, ndërkohë që luante në Ligën Kombëtare. Në moshën 34-vjeçare, ai shijon tani debutimin në Kupën e Botës me kombëtaren angleze.

As yjet e sulmit nuk e patën rrugën më të lehtë. Kapiteni Harry Kane veshi fillimisht uniformën e Leyton Orient në Kategorinë e Tretë, e më pas ato të Millwall dhe Leicester City në Kategorinë e Dytë, përpara se të shndërrohej në ikonë te Tottenham.

Jude Bellingham i mjaftoi një sezon i vetëm me Birmingham City në Kategorinë e Dytë që të bindte Borussia Dortmundin për ta blerë. Ndërkaq, Ollie Watkins zbriti deri në Ligën Kombëtare, për të kaluar më pas në Kategorinë e Katërt, më vonë në të Dytën dhe përfundimisht të ngjitej në elitë.

Ivan Toney kaloi shumë vite në Kategorinë e Katërt dhe të Tretë me disa formacione, derisa shpërtheu te Brentford në Kategorinë e Dytë dhe fitoi të drejtën e fanellës kombëtare. Edhe Anthony Gordon, sot pjesë e Barcelonës, pati një eksperiencë jo fort të lumtur në Kategorinë e Dytë te Preston North End, ku e humbi vendin e titullarit pas një ndryshimi në stolin e trajnerit.

Kontrasti vjen vetëm nga gjashtë futbollistë të ekipit aktual që nuk kanë shkelur kurrë në kategoritë e ulëta angleze: Nico O’Reilly, Declan Rice, Kobbie Mainoo, Bukayo Saka, Marcus Rashford dhe Noni Madueke — ky i fundit luajti në kategorinë e dytë holandeze me ekipin rezervë të PSV-së, jo në Angli.

Rruga e kësaj gjenerate të kombëtares angleze dëshmon qartë se arritjet madhore nuk burojnë gjithmonë nga akademitë e privilegjuara apo debutimet e hershme në Ligën Premier. Për shumicën e nxënësve të Thomas Tuchel, udha që i çoi në gjysmëfinalen e Kupës së Botës kaloi fillimisht në terrenet e vështira dhe sfidat e ashpra të kategorive të fundit të futbollit anglez.

The post Rrugëtimi me baltë drejt lavdisë: 20 lojtarët e Anglisë që prekën fundin për të mbërritur në majat e Botërorit appeared first on Albeu.com.

Portieri i talentuar zbuloi se ai i kërkoi klubit që ta lejonte të provonte fatin e tij diku tjetër në kërkim të minutave të lojës.

“Nuk doja që trajneri të vinte dhe të mund të më shihte vetëm në stërvitje, sepse e dija se ai ndoshta do të donte të më mbante në klub por jo të më aktivizonte.

Biseda që pata me Manchesterin pas Euro 2020 ishte “ ju po vini këtu për të qenë portieri i parë”. Askush nuk e mbajti fjalën e tij. Ishte kaq zhgënjyese gjithashtu sepse kam refuzuar gjithë ato oferta të mira verën e kaluar për këtë arsye, dhe ata nuk më lanë të shkoja, kështu që përfundova në stol gjithmonë.

Ndaj në momentin kur erdhi Ten Hag i kërkova klubit të largohesha, sepse e dija që edhe ai në stol do më linte”, është shprehur Henderson./h.ll/albeu.com

The post Portieri i Manchester United shokon me deklaratën e tij: I kërkova klubit të largohesha sapo erdhi Ten Hag appeared first on Albeu.com.

“The Sun” pretendoi se një lojtar i Ligës Premier, i cili nuk mund të përmendet për arsye ligjore, u arrestua në vitin 2019 për sulmin e të dashurës së tij dhe dërgimin e mesazheve abuzive.

Lojtari thuhet se ka rënë dakord për një marrëveshje jashtë gjykatës me gruan, e cila përfshinte një shumë pesëshifrore.

Portieri i “djajve të kuq” doli me një deklaratë publike pas raportimeve se një lojtar i paidentifikuar i Ligës Premier ishte arrestuar për sulmin ndaj të dashurës së tyre.

Dean Henderson ka shkruar në Instagram: “Nuk mund ta besoj se duhet ta bëj këtë, por do të doja të trajtoja thashethemet që kanë dalë në dritë në dy ditët e fundit. Ka disa njerëz të trishtuar në botë që i kanë bashkangjitur emrin tim lajmeve të tilla të papërshtatshme, lënduese dhe krejtësisht të rreme. Unë kam një familje që është prekur nga kjo, kështu që doja t’i mbyllte thashethemet dhe të vazhdonte”, thuhet në postimin e tij./ h.ll/albeu.com

The post U akuzua se sulmoi të dashurën, reagon ashpër portieri i Manchester United appeared first on Albeu.com.