Mesfushori nga Prekazi, në një intervistë për “Panorama Sport”, ka folur për të shkuarën e tij, Kombëtaren, Europianin e 2016 si edhe ndeshjen e ardhshme kundër Serbisë.

Ditët e sotme, shumë lojtarë e mbyllin karrierën ne moshë me të re, ndërsa ju vazhdoni edhe pse 39 vjeç. Cili është sekreti i Mehës?

Sekreti është se unë edhe në shtëpinë time, bëj ushtrime edhe me ekipin e mbaj veten në gjendje të mirë gjithmonë. Nuk i kam ndalur kurrë ushtrimet sepse e dua futbollin me zemër dhe ky është sekreti, të kesh dashuri për futbollin.

Cili është pengu që keni nga Kombëtarja?

Pengu më i madh që kam nga Kombëtarja, është mungesa në Europian. E kisha ëndërr Europianin e Francës, që të isha aty, por trajneri De Biazi më bëri padrejtësi atë kohë.

A mendon se mund të përsëriten skenat e 11 viteve më parë?

Serbisë nuk duhet që t’i besohet asnjëherë dhe besoj se futbollistët tonë, do ta kenë shumë të vështirë të luajnë atje. Gjithsesi, unë dua që t’iu uroj shumë suksese dhe të na bëjnë krenarë me një fitore.

The post Nuk mund t’i besohet Serbisë/ Ish-futbollisti i Kombëtares: Peng Europianin, padrejtësi nga De Biazi appeared first on Albeu.com.

“Unë mora ofertë nga Boluspr që në verë. Por ajo erdhi pasi kisha arritur akordin me Egnatian. Tre muaj më parë, përfaqësuesit e Boluspor erdhën në Shqipëri për një ndeshje tonën. Më pas bënë ofertën zyrtare. Ksha oferta të tjera nga Turqia, gjithashtu edhe nga skuadra rumune dhe polake. Por vendimin e mora duke u bazuar mbi mundësinë më të madhe për të luajtur.

Boluspori e pagoi Egnatian. Kjo ishte arsyeja pse procesi i transferimit zgjati disi. Jam i lumtur që ata treguan vendosmëri për mua. Transferimi nuk u bë zyrtar deri në momentin e pagesës së shumës.

Unë e kam cilësuar kampionatin shqiptar si një trampolinë. Më besoni që shkova të luaja te Egnatia kryesisht vetëm për të luajtur kundër klubit armen (Ararat Armenia në Ligën e Konferencës). Disa tifozë thonë se Egnatia është kryesuese, duhej të kisha qëndruar atje. Por tifozët nuk i dinë problemet atje. Nuk kishte probleme madhore, më paguanin rregullisht. Megjithatë, kishte vështirësi për shkak të cilësisë së stadiumeve. Edhe gjuha ishte një problem gjithashtu. Disa tifozë mund ta mendojnë transferimin tim te Boluspor një hap mbrapa, por brenda 6 muajsh do t’u vërtetoj që është një hap para”, tha për mediat azere futbollisti i cili ka shënuar 6 gola në kampionatin shqiptar në muajt që qëndroi te Egnatia.

Më pas, ai foli edhe për dëshirën për të luajtur me ekipin kombëtar të Azerbajxhanit dhe shprehu pakënaqësinë ndaj ish-trajnerit të kësaj përfaqësueseje, Xhani De Biazit, i cili nuk e kishte grumbulluar.

“Ndjej keqardhje që nuk jam ftuar në përfaqësuese kur luaja te Egnatia, nëse do të ndodhte do të transferohesha në ndonjë klub tjetër. Nuk e di pse Xhani De Biazi nuk më grumbulloi. Por ishte e qartë që bëri padrejtësi me mua. Megjithatë, ai nuk është më në ekipin kombëtar dhe është e gabuar që të flasësh pas shpinës së tij. Në fakt, unë desha që të dija arsyen nga vetë De Biazi. I shkrova SMS, por nuk m’u përgjigj”, tha ish-sulmuesi i Egantias. /panoramasport/

The post “Largimi nga Egnatia, që tre muaj më parë”, ish-sulmuesi i rrogozhinasve: De Biazi bëri padrejtësi me mua, i çova SMS appeared first on Albeu.com.

Edhe vetë ish-trajneri i kuqezinjve është i bindur se historia do të përsëriet, siç e ka shpjeguar për se si e sheh Shqipërinë aktuale dhe ku ndryshonte ajo nga skuadra e cila shkroi historinë në Francë.

“Eksperienca ime me kombëtaren azere le të themi që po shkon mirë, po rritemi shumë. Është e qartë që kemi disa vështirësi strukturore të lidhura me një cilësi shumë të ulët futbollistësh në nivlet e larta. Kemi një kampionat me shumë skuadra, të mbushura me futbollistë të huaj, kjo qartësisht nuk ndihmon detyrën e një kombëtareje.

Por sa i përket rezultateve të kombëtares shqiptare, jam shumë i lumtur se përtej pasaportës që kam, mbetem i lidhur me një komb i cili më ka dhënë shumë dhe që mendoj se i kam dhënë gjithçka që kisha. Kemi arritur të bëjmë diçka të pabesueshme dhe kjo është gjëja që më mbush më shumë me krenari, se të shohësh nga ku u nisëm dhe si ia dolëm të arrinim një ëndërr rishte diçka entuziazmuese.

Unë besoj dhe shpresoj se kombëtarja shqiptare të jetë në Europianin e ardhshëm në Gjermani, në fakt nuk kam asnjë dyshim rreth kësaj gjëje. Ndeshja kyç do të jetë ajo ndaj Republikës Çeke se pastaj rrugëtimi është më i thjeshtë me Moldavinë dhe Ishujt Faroe. Mendoj se Shqipëria ka gjithçka që duhet për ta mbyllur edhe e para në grup.

Ndryshimi mes dy periudhave? Nuk është e lehtë të krahasosh dy realitete, skuadra ime që shkoi ne Europian dhe kjo e sotmja. Kjo aktuale është më e pasur me lojtarë me cilësi, me lojtarë që kanë eksperienca ndërkombëtare të rëndësishme në klube të mëdha dhe mendoj se ky është aspekti kryesor që i jep cilësi kësaj skuadre. Skuadra jonë ishte me pak lojtarë që luanin në klube të mëdha. Në Serinë A luante vetëm Cana kur mbërrita unë, më pas erdhën me radhë Hysaj, Berisha, Basha, por edhe pak të tjerë. Pjesa tjetër ishin lojtarë që luanin në kampionatin zviceran e jo më shumë”, tregoi De Biazi në fjalët e tij.

The post De Biazi i bindur: Shqipëria shkon në europian appeared first on Albeu.com.

De Biazi, a e patë ndeshjen e Shqipërisë në Çeki?

Nga fillimi deri në fund.

Edhe… ç’mendim keni?

Që luajtën mirë dhe me shumë personalitet. Por ai rasti në fund… Ah sikur të kishte pasuar si duhet ai djaloshi debutues (Daku). Oh, çfarë rasti ishte…

Kështu si luajmë dhe kaq pikë sa kemi, a mund të shkojmë në Europian?

Pse më pyesni vazhdimisht për këtë? Ua kam thënë edhe më parë: po, Shqipëria i ka shanset, që jo vetëm të shkojë në Europian, por edhe ta mbyllë e para në grup. Ia kam thënë edhe Armandos (Dukës) që kur u hodh shorti se shanset janë vërtetë të mira.

Ju e dini se si elektrizohet atmosfera në Shqipëri pas disa rezultateve të mira… Si menaxhohet kjo situatë kur ke vetëm dy ditë kohë të përballesh me Poloninë?

Bllokoni Levandovskin dhe mos humbni më raste si ai kundër Çekisë… (qesh).

Vetëm kaq?

OK, t’i lëmë batutat mënjanë. Me Poloninë nuk është asnjëherë e lehtë, por duhen bërë 3 gjëra…/PanoramaSport/

The post “Shqipëria ia del”, De Biazi i jep tri këshilla Kombëtares për të menaxhuar presionin në ndeshje appeared first on Albeu.com.