Në fjalën e tij si i ftuar nderi, presidenti Begaj vlerësoi rolin e NATO-s si një aleancë politike, ushtarake dhe morale që garanton siguri dhe stabilitet në Evropë dhe më gjerë.

Ai tha se anëtarësimi i Shqipërisë në NATO në vitin 2009, ishte një kthesë historike që e vendosi vendin në zemër të familjes euroatlantike.

“Shqipëria ka rritur buxhetin për mbrojtjen, po investon në infrastrukturën ushtarake dhe po rijetëson industrinë e saj të mbrojtjes”, tha Presidenti, duke nënvizuar angazhimin e vendit për të kontribuar në sigurinë evropiane dhe për të përmbushur detyrimet e saj si aleate.

Duke reflektuar mbi 30-vjetorin e Marrëveshjes së Dayton-it, Presidenti tha se paqja është e brishtë dhe kërkon përkushtim të vazhdueshëm politik, diplomatik dhe ushtarak.

Ai theksoi se Ballkani Perëndimor nuk është një kapitull i mbyllur i Evropës, por një hap i radhës strategjik për të.

“Integrimi i rajonit në Bashkimin Evropian nuk është çështje gjeografie, por çështje besueshmërie, kohezioni dhe vizioni strategjik”, u shpreh Presidenti Begaj.

Ai shtoi se Shqipëria është krenare për partneritetin me SHBA dhe për rolin e saj si vend kandidat për anëtarësim në BE.

Presidenti solli në vëmendje edhe realitetin e Kosovës si shtet i pavarur, falë vendimeve të guximshme ndërkombëtare në një moment kritik, ndërsa paralajmëroi se paqja në rajon duhet mbrojtur çdo ditë nga zërat që e tërheqin drejt së kaluarës.

Në përfundim, Presidenti theksoi se ajo që i duhet Ballkanit, është një prani e qëndrueshme strategjike e SHBA-së, NATO-s dhe BE-së, si dhe një vizion i qartë për përballimin e sfidave, forcimin e demokracisë dhe përshpejtimin e integrimit euroatlantik.

The post Presidenti Begaj, i ftuar si folës nderi në Asamblenë Parlamentare të NATO-s: Ballkani Perëndimor është hapi i radhës strategjik për Europën appeared first on Albeu.com.

Presidenti kujtoi se tri dekada më parë, në këtë qytet, diplomacia triumfoi mbi shkatërrimin dhe Marrëveshja e Dejtonit i dha fund një lufte të egër në Ballkan, duke mbetur gur themeli i paqes, stabilitetit dhe shpresës.

“Ne shqiptarët e kuptojmë vlerën e paqes sepse e kemi përjetuar vetë pasojën e konfliktit. Kosova sot qëndron si një shtet i ri, i pavarur, demokratik dhe funksional, një dëshmi e fuqishme e potencialit për transformim përmes sakrificës dhe dialogut”,– tha Presidenti.

Ai shprehu mbështetjen e Shqipërisë për Marrëveshjen e Deytonit dhe theksoi nevojën për integrimin euroatlantik të Bosnje-Hercegovinës, duke e lidhur këtë me përkushtimin më të gjerë të Shqipërisë për paqe, siguri, zhvillim të qëndrueshëm dhe fqinjësi të mirë.

Gjithashtu, Presidenti Begaj nënvizoi rëndësinë e partneritetit strategjik me Shtetet e Bashkuara të Amerikës.

“Pa udhëheqjen amerikane, Marrëveshja e Dejtonit dhe pavarësia e Kosovës nuk do të ishin të mundura. Rajoni nuk do të kishte arritur stabilitetin që ka sot”, u shpreh ai, duke vlerësuar angazhimin e vazhdueshëm të SHBA, NATO-s dhe BE-së në Ballkan.

Në fjalën e tij, ai konfirmoi rritjen e buxhetit të mbrojtjes nga Shqipëria dhe përkushtimin ndaj forcimit të solidaritetit dhe kohezionit në NATO, si dhe rolin e rëndësishëm që ka Bashkimi Evropian për demokracinë dhe zhvillimin ekonomik në rajon.

Presidenti u ndal edhe te agresioni rus ndaj Ukrainës, duke theksuar se paqja dhe liria nuk janë të dhëna njëherë e përgjithmonë, por duhen mbrojtur në çdo kohë dhe në çdo cep të globit.

“Le të rikonfirmojmë përkushtimin tonë për Ballkanin Perëndimor, një rajon që nuk mbetet në hijen e së kaluarës, por qëndron në dritën e së ardhmes së vet”, përfundoi Presidenti Begaj.

The post Presidenti Begaj fjalim në Dayton: Paqja në Ballkan është një detyrë që na përket të gjithëve appeared first on Albeu.com.

Gjithashtu, kreu i shtetit vlerësoi ndihmën e vazhdueshme të SHBA-ve në proceset demokratike të vendit, sidomos në reformën në drejtësi në forcimin e sundimit të ligjit dhe në modernizimin e institucioneve, përfshirë mbështetjen në fushën e mbrojtjes dhe sigurisë me fokus të veçantë në sigurinë kibernetike

“Jemi mirënjohës për mbështetjen që SHBA-ja i ka dhënë demokratizimit transformimit dhe modernizimit të Forcave tona të Armatosura dhe në mënyrë të veçantë reformimit historik të sistemit të drejtësisë”, u shpreh Presidenti Begaj.

Në fushën ekonomike, ai theksoi se Shqipëria është e gatshme të thellojë bashkëpunimin bilateral dhe të nxisë investimet amerikane në turizëm infrastrukturë teknologji dhe siguri kibernetike, duke ftuar kompanitë amerikane të investojnë në sektorë strategjikë të ekonomisë shqiptare

“Projektet e SHBA-së siç janë ato në energjinë e rinovueshme apo transformimin digjital krijojnë mundësi punësimi dhe modernizojnë ekonominë shqiptare”, tha Presidenti

Ai vlerësoi edhe rolin e Shteteve të Bashkuara në rajon, si një faktor i pazëvendësueshëm për paqen sigurinë dhe stabilitetin, duke përcjellë mesazhin për nevojën e vijimësisë së prezencës amerikane në Ballkan

Presidenti çmoi rolin e SHBA-së në NATO dhe e njohu Zëvendëssekretarin Landau, me angazhimin e Shqipërisë për të rritur buxhetin e mbrojtjes duke theksuar se; “Të jesh anëtar i NATO-s do të thotë të marrësh përgjegjësi dhe Shqipëria është e përkushtuar në përmbushjen e tyre”.

The post Presidenti Begaj takohet me Zëvendëssekretarin e SHBA në Dayton: Mirënjohje për mbështetjen, ftojmë investitorët amerikanë në vendin tonë appeared first on Albeu.com.