Dinamo ka prezantuar dy afrime të reja për ndeshjet europiane, duke shtuar në organikë Fabjan Përndrecën dhe David Fadairon.

Të dy futbollistët bashkohen momentalisht në formë huazimi për këtë rrugëtim në Europë. Përndreca vjen pasi mbylli aventurën me Bylisin, ndërsa Fadairo është larguar nga Partizani.

Me këto lëvizje, klubi dinamovit ka forcuar ndjeshëm repartin e prapavijës dhe atë ofensiv, teksa bëhet fjalë për dy afrime cilësore. Kujtojmë se “Newsport.al” e kishte raportuar lajmin për Fabjan Përndrecën që më 18 qershor.

Në njoftimin e publikuar, klubi blu shprehet: “FC Dinamo njofton se Fabjan Përndreca dhe David Fadairo janë përforcimet e skuadrës tonë për ndeshjet europiane. Dy lojtarët vijnë në formë huazimi përkatësisht nga Bylisi dhe Partizani, duke fuqizuar ekipin në mbrojtje dhe në sulm. Besojmë se ata do të rritin kualitetin e grupit në këto sfida europiane. Suksese me fanellën blu!”

The post Dinamo zyrtarizon Fabjan Përndrecën dhe David Fadairon para sfidave europiane appeared first on Albeu.com.

David Fadairo pritet të bëhet afrimi më i fundit i Dinamos. Sipas shtypit të shkruar, sulmuesi 25-vjeçar do të ndahet përkohësisht nga Partizani për t’u bashkuar me “Nëndetësen” në formë huazimi, vetëm për angazhimin në Kupat e Evropës, konkretisht në Conference League.

Me këtë lëvizje, Ilir Daja forcon repartin e avancuar, teksa Fadairo aktivizohet në krahun e djathtë të sulmit. Edhe pse periudha e tij te “Demat” nuk ka rezultuar sipas pritshmërive, futbollisti nigerian konsiderohet si një alternativë e vlefshme për sfidat evropiane.

Partizani e afroi Fadairon nga Teuta në janar të këtij viti. Megjithatë, në 7 ndeshjet e zhvilluara me fanellën e të kuqve, ai nuk ka arritur të shënojë dhe as të dhurojë asist.

The post Dinamo gjen përforcim te Partizani, David Fadairo drejt huazimit për ndeshjet e Conference League appeared first on Albeu.com.