Udinese ka konfirmuar zyrtarisht transferimin e mbrojtësit austriak David Alaba, i cili ka firmosur një marrëveshje dyvjeçare me klubin.

Pas përfundimit të kontratës me Real Madridin më 30 qershor 2026, lojtari u bë i lirë në treg dhe nisi kërkimin për një skuadër të re.

Gjatë javëve të fundit, mediat e lidhnin atë me një rikthim të mundshëm në Gjermani, veçanërisht te Hamburgeri dhe Union Berlini, të cilat po kërkonin përforcime në prapavijë.

Por, rrugëtimi i tij vijon në Itali dhe jo në Bundesligë, siç u raportua më herët. Klubi italian zbuloi marrëveshjen të enjten, duke specifikuar se kontrata do të zgjasë deri më 30 qershor 2027.

“David Alaba vishet bardhezi. Përvojë, lidership dhe një karrierë në majat e futbollit global. Mirë se erdhe në Udine, David!”, shkruan klubi në njoftimin zyrtar.

Te Udinese, Alaba do të ndajë dhomat e zhveshjes me mbrojtësin e përfaqësueses së Kosovës, Mërgim Vojvoda, i cili iu bashkua ekipit gjatë kësaj vere nga Como.

The post David Alaba prezantohet te Udinese, i bashkohet Mërgim Vojvodës në Itali appeared first on Albeu.com.

Pas një periudhe tre-mujore si agjent i lirë që nga largimi nga Real Madridi, ylli austriak David Alaba ka arritur një marrëveshje për të ardhmen e tij. Sot, ai ka pranuar një ofertë të re që e çon në një kapitull të ri të karrierës.

Sipas informacioneve të gazetarit Fabrizio Romano, Alaba është duke udhëtuar drejt Italisë, ku gjatë ditës së sotme (e mërkurë) pritet të firmosë kontratën me Udinesen.

Të gjitha pikat e marrëveshjes mes klubit italian dhe mbrojtësit me karrierë të gjatë janë harmonizuar plotësisht. Tani mbetet vetëm që Alaba të kalojë testet mjekësore sapo të mbërrijë në Udine.

Edhe pse është 34 vjeç, vitet e fundit për lojtarin janë karakterizuar më tepër nga mungesat për shkak të dëmtimeve sesa nga minutat e luajtura me fanellën e Realit.

Për pesë sezonet e fundit, ai ka qenë pjesë e Real Madridit, ndërsa më parë kaloi një dekadë të tërë duke veshur ngjyrat e Bayern Munichut.

Me bavarezët, austriaku ngriti lart 10 herë trofeun e Bundesligës dhe fitoi dy herë Ligën e Kampionëve. Po aq trofe të Champions-it shtoi edhe me Real Madridin, ku u shpall gjithashtu kampion i Spanjës.

Sa i përket Udineses, ekipi ka regjistruar një fillim të vështirë në këtë edicion të Serie A, duke grumbulluar tre humbje, një fitore dhe një barazim në pesë ndeshjet e para. Kjo formë e vendos skuadrën në vendin e 13-të në renditjen aktuale.

The post David Alaba i jep fund pritjes tre-mujore, zbret në Serie A te Udinese appeared first on Albeu.com.

Tregu i futbollit vazhdon të ketë në dispozicion një grup të jashtëzakonshëm lojtarësh të njohur, të cilët mund të transferohen pa pagesë edhe pas përfundimit të afatit kalimtar veror 2026.

Edhe pse merkatoja verore është mbyllur në pjesën më të madhe të ligave evropiane, klubet mund të firmosin ende me futbollistë që nuk kanë kontratë aktive.

Një listë me emra të rëndësishëm të lojtarëve të lirë është publikuar në rrjetet sociale dhe ka ngjallur interes të madh te tifozët në mbarë botën.

Mes mbrojtësve më të spikatur figurojnë veteranë si Sergio Ramos, Dani Carvajal dhe David Alaba.

Në repartin e mesfushës bien në sy Paul Pogba, i rikthyer pas pezullimit, si dhe kroati Marcelo Brozovic.

Lista përfshin gjithashtu emra të njohur të futbollit evropian, si Philippe Coutinho, Renato Sanches dhe Yves Bissouma.

Edhe alternativa në sulm është mjaft e pasur, me disa futbollistë të njohur që aktualisht nuk kanë angazhim me ndonjë klub.

Ekipet në kërkim të përforcimeve ofensivë mund të shqyrtojnë emrat e Karim Benzema, Mauro Icardi, Jadon Sancho, Raheem Sterling, Riyad Mahrez dhe Wilfried Zaha.

Në mesin e lojtarëve të lirë ndodhet edhe ukrainasi Oleksandr Zinchenko, aftësitë e të cilit mund t’u shërbejnë shumë skuadrave.

Ditët e ardhshme do të tregojnë se cilët prej këtyre yjeve do të gjejnë klubin e ri dhe do ta vijojnë karrierën e tyre të pasur.

The post Pogba, Benzema, Alaba e Brozovic mes yjeve të njohur që janë ende pa kontratë appeared first on Albeu.com.

Kapiteni i Austrisë, David Alaba, është shprehur i bindur se ekipi i tij ka mundësi të befasojë Spanjën në raundin e 1/16 të Kupës së Botës, edhe pse përballë do të ketë një nga skuadrat favorite të këtij kompeticioni.

Në një prononcim për “MARCA” përpara ndeshjes me eliminim direkt, ish-mbrojtësi i Real Madridit e pranoi se Spanja është një kundërshtar tepër i fortë dhe ndër pretendentët më seriozë për trofeun, por nënvizoi se Austria do të paraqitet me vetëbesim të plotë.

“Spanja është një nga ekipet më të mira në botë dhe një nga favoritët për të fituar titullin,” tha Alaba.

“E dimë që do të duhet të japim më të mirën tonë dhe se do të jetë një sfidë shumë e vështirë, por në futboll gjithçka është e mundur.”

Mbrojtësi austriak, që ka luajtur pesë sezone në Spanjë me Real Madridin, theksoi se kjo sfidë ka për të edhe një ngarkesë emocionale, për shkak të lidhjes së tij me futbollin spanjoll dhe me shumë prej lojtarëve që ka pasur përballë në La Liga.

Ai bëri të ditur gjithashtu se stafi teknik do ta përgatisë ekipin sa më mirë të jetë e mundur dhe se, nëse do të jetë e nevojshme, ai është gati të kontribuojë me eksperiencën e tij.

Austria e siguroi kalimin në fazën eliminatore pas një paraqitjeje mbresëlënëse në grup dhe tani synon të bëjë histori duke arritur kualifikimin në 1/8 e finales së Kupës së Botës për herë të parë pas shumë vitesh.

The post Alaba: Austria ka besim se mund të surprizojë Spanjën në Kupën e Botës appeared first on Albeu.com.

Qendërmbrojtësi austriak ka humbur sezonin njësoj si partneri i tij në qendër të mbrojtjes Eder Militao dhe kjo ka bërë që Carlo Ancelotti të mos jetë i qetë.

Aktualisht te Reali në pozitën e mbrojtësit qendror janë vetëm Antonio Rudiger dhe Nacho Fernandez dhe kjo ka bërë që Los Blancos të vihen në kërkim të një mbrojtësi të ri.

Defensa Central ka raportuar se Los Blancos kanë gjetur zëvendësuesin e Alabas në Bundesliga dhe ai është ekuadoriani Piero Hincapie që po shkëlqen me Bayer Leverkusenin.

21-vjeçari ka qenë fantastik këtë edicion me fanellën e Bayer Leverkusen dhe prej disa javësh ai është ndjekur nga drejtuesit e kryeqytetasve spanjoll.

Reprezentuesi i Ekuadorit është duke u kërkuar edhe nga Roma, Milan, Newcastle United e Liverpool, por duket se ai preferon transferimin në Real Madrid.

Bayer Leverkusen po lufton për titullin e kampionit në Bundesliga dhe dëshiron ta mbajë yllin e tyre, por një ofertë prej 60 milionë euro nga Reali do të bënte që të ndryshonin mendje. /Telegrafi/

The post Real Madridi gjen zëvendësuesin e David Alabas appeared first on Albeu.com.

CFARE NDODHI?
Qendërmbrojtësi e ktheu gjurin në mënyrë të vështirë në terren në pjesën e parë të ndeshjes së Madridit në La Liga me Villarrealin. Pasi kaloi dy minuta në tokë duke shtrënguar gjurin e majtë, ai u ndihmua të dilte nga fusha.

Lëndimi i Alaba – nëse është aq i rëndë sa dukej – e lë Madridin me vetëm dy qendërmbrojtës të lartë në formë. Mesfushori Aurelien Tchouameni ka zëvendësuar tashmë në mbrojtjen qendrore këtë vit, që do të thotë se menaxheri Carlo Ancelotti ka shumë për të menduar.

A E DINI?
Madridi ka pësuar disa lëndime në gju tashmë këtë sezon. Portieri Thibaut Courtois grisi ACL-në e tij një javë përpara hapjes së La Ligës. Militao zgjati më pak se një orë në ndeshjen e parë të Los Blancos përpara se të pësonte një dëmtim të tij ACL. Eduardo Camavinga është jashtë fushës deri në vitin e ri pas këputjes së ligamentit të gjurit në detyrë në Francë.

David Alaba had to come off after suffering a knee injury ? pic.twitter.com/9alkxos2EP

— ESPN FC (@ESPNFC) December 17, 2023

The post Mbrojtësi i Real Madridit, David Alaba dëmtohet në gju appeared first on Albeu.com.

Klubi madrilen raportoi se Alaba u diagnostikua me dëmtim të muskulit të djathtë të shputës, ndërsa Tchuameni ka problem me shputën e këmbës së majtë.

Ditën e shtunë, Alaba luajti një ndeshje të plotë në La Liga kundër Villarrealit, ndeshje e cila përfundoi me fitoren 2 me 1 të “nëndetseve” të verdha, ndërsa Tchuameni luajti 64 minuta në këtë ndeshje, duke u paraqitur në fushë si titullar.

Ndeshja mes Real Madridit dhe Valencias do të zhvillohet më 11 janar. /albeu.com

The post Alaba dhe Tchouameni mungojnë përballë Valencias, Ancelotti me skemë të re për Superkupën e Spanjës appeared first on Albeu.com.

62-vjeçari Frank Heppner është një kuzhinier me emër në Kitzbuel të Austrisë, ku gjithashtu zotëron një restorant. Sipas “Bild”, hetuesit besojnë se Heppner ishte një anëtar i rangut të lartë të krahut ushtarak të grupit Reichsburger.

Këta persona të arrestuar dëshironon të përmbysnin shtetin modern demokratik gjerman dhe në krye të vendosnin një anëtar të një familjeje mbretërore gjermane si liderin e ri./ h.ll/albeu.com

The post Grusht shteti dhe ekzekutim, vjehrri i lojtarit të Real Madrid mes të arrestuarëve appeared first on Albeu.com.

Një aksion model Alaba-Kroos-Benzema, dhe David Alaba në fund finalizon këtë aksion tiki-taka.

Por, VAR ka ndërhyrë duke anuluar golin për pozicion jashtë loje./h.ll/albeu.com

Shikoni golin e anuluar

The post VAR i mohon Real Madrid një super gol (VIDEO) appeared first on Albeu.com.

Austriaku ishte titullar në ndeshjen e Ligës së Kombeve, ndërsa kërkoi zëvendësim në minutën e 70, pas një shqetësimi muskulor.

Për të mos rrezikuar, mbrojtësi u largua nga fusha dhe pritet që testet të nxjerrin në pah një dëmtim të lehtë, por asnjëherë nuk i dihet./albeu.com

The post Real Madridi në ankth, Alaba la fushën i dëmtuar me Austrinë appeared first on Albeu.com.