“Kam shumë kohë pa lexuar gazetat. Më sqaro çfarë është patronazhisti?”, thotë në fillim ai. Kur i sqarojmë çëshjen dhe i japim faktet, Egbo mbetet i befasuar.

“Nuk di fare për çfarë po flet. Kjo është shaka apo seriozisht e keni? Kush është ky Alban Arapi? Unë nuk e di kush është. Qenka një histori e çuditshme”, deklaroi ishtrajneri i Tiranës. Nigeriani ka mbetur i befasuar prej situatës në Shqipëri.

Ai jeton prej dy dekadash në Shqipëri, duke përfituar edhe shtetësinë shqiptare, por nuk i ka shpëtuar lojës më të re dhe “trendy” aktualisht në vendin tonë, asaj të patronazhit.

Nga lista e të dhënave që janë bërë publike prej ditësh, mësohet se edhe ish-portieri dhe trajneri nigerian i Tiranës, Ndubuisi Emanuel Egbo, ka një patronazhist te PS-ja që e survejon në përditshmërinë e tij.

Nga baza e të dhënave që janë bërë publike del se patronazhisti i Egbosë është Alban Arapi, një emër që në pamje të parë nuk lë të kuptosh për ndonjë lidhje me sportin apo klubin e futbollit Tirana, që është edhe emri i punëdhënësit. /panorama

The post PS e bëri me patronazhist, reagon për herë të parë Emanuel Egbo: Shaka është kjo?! appeared first on Albeu.com.

Ai shpjegoi se procesi është i ngjashëm me atë të një sondazhi që bëhet prej vitesh nga partitë.

Intervista në “Breaking”:

Fillimisht doja të thoja që si një njeri i lirë në momentin që kërkova të angazhohesha ishte si patronazhist, dhe kjo është që të vihesh në kontakt të drejtëpërdrejtë me njerëzit, t’i takosh ata edhe derë më derë. Çdo e dhënë, nuk është e vjedhur por është e dhënë prej tyre, është si një sondazh, se dhe ai që të pyet për kë do votoni është një patronazhist, por thjesht se keni ditur emrin më para.

Dhe kur dikush ta thotë se për kë voton, t’i e shënon aty që është votë sigurt. Mbledhjet ne i bëjmë në zyrat, dua ta theksoj që çdo informacion jepet me konsensus askush nuk detyrohet, nuk shpiken këto të dhëna.

Ka persona që t’i japin infot me dëshirën e tyre, se mund të kenë dhe një hall dhe presin që halli të zgjidhet.

Çfarë përfitoni ju vetë që e bëni këtë punë?

Jo është vullnetare, patronazhist bëhet çdo njeri që do të japë kontribut në partinë që do.

Nuk është se ka një numër fiks për sa do kesh në patronazh, funksionon me familje, nuk di një numër fiks.

Persona që me dëshirë japin informacion, presin që partia tu zgjidhë halli.

Si u zbulua kjo gjë?

Nuk e di, di të them punën time .

Si ka qenë reagimi nga PS, ju është kërkuar diçka tjetër?

Është një punë që bëhet përditë, jo vetëm në kohe zgjedhjesh, patronazhisti është në kontakt të vazhdueshëm me personat që ka në patronazh.

Si e vërteton PS që ato që sillni janë të vërteta?

Patronazhimi është një lloj sondazhi dhe shihet pastaj rezultati.

A janë patronazhistët persona që qëndrojnë në qendra e votimit?

Ditën e  zgjedhjeve patronazhisti kërkon që ato që i ka pas vota të sigurta përpiqet t’i telefonojë përsëri që të vijnë të votojnë nëse nuk ka shkuar ende.

Po informacione të rreme keni dhënë?

Jo nuk ka pse të bëhet, se sondazhi duhet të jetë sa  më i sigurt.

Prej sa kohësh e bëni këtë punë?

E bëj prej 4-5 vitesh. /TCH

The post Për herë të parë! Patronazhisti zbulon si u “punësua” dhe ku i merr të dhënat: E bëj prej 5 vitesh! appeared first on Albeu.com.

Një “web” me emrin  ‘Patronazhisti im’ është hapur online duke mos lodhur më qytetarët për të gjetur se kush ia ka marrë të dhënat për t’i future ato më pas në database-in e Partisë Socialiste.

Krijuesi i ‘webit’ nuk i ka kursyer as ironitë ndaj qeverisë duke shkruar poshtë se të drejtat e autorit i takojnë ‘Komitetit Qëndror’.

Ndërkohë kujtojmë se pak ditë më parë në media u bë publike se Partia Socialiste zotëron një database me të dhënat e 910 mijë qytetarëve të Tiranës.

Në këtë database ndodhet çdo e dhënë e qytetarëve, emër, mbiemër, numër telefoni, numri i ID-së, numri i qendrës së votimit, vendi i punës dhe sigurisht patronazhisti, i cili krijon idenë se sa vota do të fitojë partia e tij për zgjedhje.

The post Do të zbulosh patronazhistin tënd? Tani është e mundur vetëm me një klikim appeared first on Albeu.com.