Qeveria ka urdhëruar qytetarët e saj të mbajnë një qëndrim reflektimi solemn mbi jetën e të ndjerit ‘Lider i dashur’, babai i liderit aktual Kim Jong Un , i cili vdiq më 17 dhjetor 2011. Periudha e zisë filloi të mërkurën dhe do të përfundojë më 20 dhjetor.

“Asnjëherë nuk duhet të pini alkool apo të angazhoheni në argëtim, si të kënduarit apo të pini gjatë periudhës së përkujtimit”, tha një banor i provincës veriore të Ryanggang për Shërbimin Korean të Radios Free Asia.

Për më tepër, njerëzit supozohet të ulin tonin ose të shmangin ngjarjet kryesore të jetës, të tilla si ceremonitë ditëlindjeve, dasmat, funeralet, madje edhe ceremonitë për të kujtuar të vdekurit.

The post Koreja e Veriut përkujton ish-liderin e vendit, për 7 ditë ndalohen dasmat, ditëlindjet dhe këngët appeared first on Albeu.com.

Shtabi Qendror i Krizës i ka propozuar Qeverisë që të lejohet organizimi i dasmave edhe në ambiente të mbyllura.

Në ambientet e mbyllura organizimi i ahengjeve do të lejohet me maksimum 250 mysafirë, jo më shumë se 40% e kapacitetit të hapësirës.

The post Lejohen dasmat edhe në ambientet e mbyllura appeared first on Albeu.com.

Ndërsa masat që pritet të hyjnë në fuqi nga 1 qershori janë:

– Hiqet mbajtja e maskës mbrojtëse në ambiente të hapura. Ndërsa mbetet detyrimi për mbajtje të maskës në transport publik dhe ambiente të mbyllura.

– Lejohet prania e publikut në ngjarjet sportive në ambiente të hapura, por vetëm në 30% të kapacitetit të objektit, me detyrim për respektim të distancës fizike.

– Hiqet masa për ndalimin e grupimit të më shumë se katër personave në ambiente publike.

– Lejohet organizimi i dasmave, festave në ambiente të hapura, me prani të maksimum 100 personave, por jo më shumë se 50 përqind nga kapaciteti i hapësirës dhe gjashtë persona në një tavolinë, duke respektuar distancën fizike.

– Rritet numri i klientëve në objektet hotelerike nga katër në gjashtë personave në një tavolinë.

– Rekomandohet heqja e masës për punë me ndërrime dhe nga largësia.

Kurse pra policore mbetet në fuqi deri më 15.06.2021.

Nga Qeveria thonë se ky lehtësim i masave vjen si rezultat i uljes së numrit të infektimeve me COVID-19 në Maqedoni.

Ndërkaq, gjatë kësaj jave dhe javës së ardhshme, Komisioni për Sëmundje Infektive në bashkëpunim me organizatorët e ngjarjeve do të punojë në precizimin e protokolleve për mbajtje të ngjarjeve dhe koncerteve në ambient të jashtëm, sipas protokolleve të dakorduara.

The post Maqedoni: Hyjnë në fuqi më 1 qershor, ja të gjitha masat anti-covid, nisin dhe dasmat appeared first on Albeu.com.

“Komisioni ishte i qëndrimit se mundet të lejohet lehtësim shtesë i masave restriktive. Në këtë drejtim, maskat të mos jenë më të detyrueshme në ambient të hapur, të mos vlejë ndalesa për grupime, ndërsa në formë propozimi është që qytetarët nëse grupohen të kenë parasysh se maska është mbrojtje e shëndetit të tyre. Lejohen festat dhe organimet, si dasmat, në numër masimal deri në 100 të pranishëm në ambient të hapur dhe kapaciteti të mos jetë i plotësuar më shumë se 50% nga kapaciteti i tërsishëm i hapësirës ku organizohet.” – Deklaroi Venko Filipçe, Ministër i Shëndetësisë.

Përfundimisht do të lejohet organizimi i ahengjeve më të mëdha. Dasmat mund të festohen në restorante ose ambiente të hapura me maksimum 100 mysafirë dhe me muzikë.

“Kjo domethënë që të organizohen dasmat me muzikë, ndoshta kemi harruar ta bashkangjesim si informacion në komunikatë, numri i mysafirëve në tavolinë në të gjitha objektet gastronomke, jo vetëm për organizimin e këtyre festave rritet në gjashtë. Ne këtë javë do të punojmë dhe pas kësaj do të sjellim protokolle të përshtatshme që do të vlejnë pas 10 apo 15 qershprit. Me organizatorët e eventeve, koncerteve dhe ngjarjeve, sepse këtu ka disa specifika dhe ne i punojmë sëbashku, kështu që sërish do t’i përpunojmë bashkë. “ – Deklaroi Venko Filipçe, Ministër i Shëndetësisë.

Përndryshe në 24 orët e fundit janë shënuar 50 raste të reja me Covid-19, ndërkaq 18 persona e kanë humbur betejën me këtë virus. Deri dje janë vaksinuar gjithsej 231.014 qytetarë, prej të cilëve 59.815 me nga dy doza.

The post Nga 1 qershori pa maska në ambient të hapur, Filipçe: Dasmat me muzikë, por jo më shumë se 100 mysafirë (VIDEO) appeared first on Albeu.com.

Kryetari i Odës së Hotelerisë dhe Turizmit, Hysen Sogojeva ka thënë se më së shumti do të lejohen 150 deri në 200 persona.

Ai tha se janë dakorduar që në çdo tavolinë të ketë nga 4 persona.

“Ekziston mundësia që ti përmbahemi kësaj guide që është tani, për shembull në hapësira jemi dakordu që të ketë, në çdo tavolina 4 veta, pra distanca të jetë 2 metra e gjysmë, kështu që i bjen që në 250 metra katrorë, të jenë 100 persona. Tash me i leju dasmat, nuk ka më dasma me 500, 600 veta, maksimumi do të jenë 150-200. Nuk ka më dasma masovike, ne duhet ti përmbahemi udhëzimeve”, tha ai për Kanal 10.

The post Nuk ka më dasma të mëdha, ja sa persona do lejohen appeared first on Albeu.com.

Ministri i shëndetësisë, Venko Filipçe, ka përsëritur se po mendohet seriozisht të lejohen ahengjet familjare në fillim të muajit qershor nën protokolle të caktuara. “Gjasat janë të mëdha për diçka të tillë, në rast se shifrat edhe të tej ulen, siç janë ulur deri tani”, shton Filipçe.

Restorantet edhe në të ardhmen pritet të jenë të hapura vetëm në pjesën e jashtme të kapaciteteve hotelerike, ndërsa po mendohet për më shumë mysafirë në një tavolinë apo së paku gjashtë. Megjithatë, propozimet e tilla duhet të shqyrtohen dhe miratohen nga Komisioni i Sëmundjeve Ngjitëse.

Në ndërkohë, pronarët e restoranteve thonë se është në rritje interesimi i qytetarëve për rezervime pas paralajmërimeve se pas më shumë se një viti të ndërprerjes të punës, do të vazhdojnë me organizimin e ahengjeve familjare. Nga Këshilli Nismëtar i Restoranteve për organizimin e dasmave thonë se presin që muajin tjetër të fillojnë me punë, si dhe pranimin e propozim-protokolleve nga ana e tyre nga kompetentët.

“Vlerësojmë se në tavolina duhet të lejohen të ulen maksimalisht gjashtë të rritur dhe dy fëmijë, ndërsa tavolinat duhet të jenë në distancë. Njëherësh duhet të ketë distancë edhe midis muzikës dhe mysafirëve. Gjithashtu, numri i mysafirëve në raport me kapacitetet ekzistuese duhet të jetë i përgjysmuar. Vizitorët nuk kanë nevojë të mbajnë maska për shkak se personeli shërbyes do të mbajë pajisje mbrojtëse. Rregullisht do të kryhet edhe dezinfektimi i tualeteve dhe do të mbahet kujdes që të gjithë vizitorët të respektojnë masat parandaluese”, thotë Marija Sinadinmovska Arsovska nga ky këshill.

Sipas saj, apelohet që kompetentët me kohë të dorëzojnë rregulloret e reja për punë, apo disa javë më parë me qëllim që hotelierët të kenë kohë të mjaftueshme për përgatitje, si dhe të informohen dasmorët për rregullat e reja nën të cilat do të organizohen dasmat.

Në ndërkohë, ekspertët e kësaj fushe thonë se pas më shumë se një viti të lodhshëm të pandemisë, ajo po dobësohet dukshëm dhe pritet të zbehet në fillim të muajit korrik. Në ditët e kaluara kemi pasur 55 raste në 100 mijë banorë, po ulet numri i të shtruarve në spitale, por megjithatë akoma janë të larta shifrat e pacientëve që i pësojnë në mënyrë fatale pasojat e këtij virusi. Se epidemia i afrohet fundit apo se po ndërpritet zgjerimi i saj, mund të themi kur incidenca 14 ditore do të ulet nën 20, apo kur do të ulet dukshëm numri i të sëmurëve në mesatare në 100 mijë banorë, thonë ekspertët.

“Në këtë rast do të mund të themi se ka kaluar epidemia dhe me shifra të tilla – edhe mund të relaksohen masat që do të ishte në fund të muajit qershor apo fillimin e muajit korrik, thotë profesori universitar i epidemiologjisë, Dragan Danillovski. Edhe ekspertët e tjerë pajtohen se siç po shkojnë punët, mund të presin normalizim të situatës. Profesori universitar i mikrobiologjisë, Nikolla Panovski thotë se më e keqja ka kaluar, kemi fituar imunitet kolektiv, që për fat të keq e kemi paguar me çmimin shumë të shtrenjtë apo me mbi 5200 vdekje. “Mund të presim që gjysma e qytetarëve do të vaksinohen deri në fillim të muajit gusht, ndërsa 70 për qind deri në fund të vitit në rast se procesi i imunizimit do të lëviz me hapa të ngjashme si deri tani”. Ai pret të kemi një vjeshtë të qetë, pa një numër më të madh të të sëmurëve dhe rasteve të vdekjes. Njëherësh apelon edhe për vaksinimin e popullatës, për shkak se vetëm në këtë mënyrë do të fitojmë këtë luftë të vështirë me pandeminë. (koha.mk)

The post Dasmat në fillim të qershorit? appeared first on Albeu.com.

Qeveria nesër do të vendos për masat mbrojtëse dhe restriktive, por nuk dihet nëse në rend dite do të jetë edhe kërkesa e gastronomëve të cilët për javë të tëra kanë protestuar edhe para Qeverisë.

Nga Oda e Pavarur e Hotelerike kërkojnë që të mos kufizohet orari i punës së tyre, të lejohet muzikë e gjallë, më tepër persona në tavolinë, por edhe organizimi i festave më të mëdha sipas protokolleve të caktuara.

Ministri i Ekonomisë, Kreshnik Bekteshi, pati paralajmëruar mundësinë për lehtësimin e punës së gastronomëve kah fundi i muajit maj, por një vendim i tillë për këtë sektor ende mbetet pezull.

Siç njofton Agjencia e lajmeve MIA, duke u thirur në konfirmimin e Ministrisë së Shëndetësisë, edhe përkundër uljes së numrit të të infektuarve me koronavirus, nuk do të ketë lehtësim të masave restriktive. Ata apelojnë që të respektohen masat ekzistuese, ndërsa për kërkesat e pronarëve të objekteve hotelerike ende nuk ka vendim zyrtar.

MIA njofton se Komisioni për sëmundje ngjitëse, në mbledhjen e mbajtur mëngjesin e sotëm, ka sjellë vendim që të mbeten në fuqi masat aktuale restriktive. Ora policore edhe më tej do të fillojë nga mesnata dhe do të zgjasë deri në ora 04:00 të mëngjesit, ndërsa lokalet do të mund të punojnë deri në ora 23:00.

Vendimi për lehtësimin e masave u soll të hënën e kaluar në bazë të pasqyrës epidemiologjike që konstatoi ulje të numrit të rasteve të reja dhe lehtësim të kapaciteteve spitalore.

Por edhe përkundër numrit gjithnjë e më shumë në rënie të rasteve pozitive, autoritetet vlerësojnë se masat duhet të respektohen, ndërsa në mesin e tyre mbetet edhe mbajtja e maskave në ambient të hapur. /shenjatv/

The post Ora policiore mbetet në fuqi, Qeveria pritet të vendosi për dasmat (VIDEO) appeared first on Albeu.com.