Dasma kthehet në tragjedi Archives - Albeu.com

Dasma kthehet në tragjedi, 100 të vdekur dhe 150 të lënduar pas zjarrit në lokal

E B — Wed, 27 Sep 2023 05:38:14 +0000

Të paktën 100 persona kanë vdekur dhe 150 të tjerë janë plagosur pas një zjarri që shpërtheu në një dasmë në Irakun verior.

Qindra njerëz po festonin në Al-Hamdaniya në provincën veriore Nineveh të Irakut, kur zjarri shpërtheu në vendin e ngjarjes vonë të martën në mbrëmje.

Nuk dihet ende se çfarë e shkaktoi zjarrin, por raportet e para thonë se ai shpërtheu pasi u ndezën fishekzjarrë.

“Zjarri çoi në shembjen e pjesëve të sallës si rezultat i përdorimit të materialeve ndërtimi shumë të ndezshme dhe me kosto të ulët që shemben brenda pak minutash kur shpërthen zjarri”, tha drejtoria e mbrojtjes civile të Irakut, cituar nga agjencia shtetërore e lajmeve INA.

Nuk ishte e qartë nëse nusja dhe dhëndri ishin mes viktimave. Raportet fillestare në mediat irakiane thanë se ata kishin vdekur nga flakët, ndërsa agjencia e lajmeve Nina më vonë raportoi se ata ishin gjallë, por po trajtoheshin për djegie.

Një foto e postuar nga Nina tregonte dhjetëra zjarrfikës që po luftonin me zjarrin, dhe fotot nga gazetarët lokalë në mediat sociale tregojnë mbetjet e djegura brenda sallës së ngjarjeve.

The post Dasma kthehet në tragjedi, 100 të vdekur dhe 150 të lënduar pas zjarrit në lokal appeared first on Albeu.com.

Dasma ktehet në tragjedi, vdesin 100 të ftuar

Erv Isa — Wed, 14 Jun 2023 11:12:39 +0000

Një ngjarje e rëndë ka ndodhur në Nigeri.

100 persona të cilët po kthehshin nga një dasmë kanë humbur jetën, pasi varka me të cilën po udhëtonin u përmbys, e u fundos në lumin Niger.

Zëdhënësi i policisë së zonës deklaron se bilanci i viktimave mund të rritet më tej pasi shumë persona janë shpallur të humbur, teksa 100 të tjerë janë nxjerrë nga ujërat e lumit.

Mbytjet e varkave në lumenjtë e Nigerisë janë të shpeshta dhe kjo për shkak të amortizimit të tyre dhe numri të madh të pasagjerëve që transportojnë./albeu.com/

The post Dasma ktehet në tragjedi, vdesin 100 të ftuar appeared first on Albeu.com.

Dasma kthehet në tragjedi, aksidentohet autobusi me të ftuarit, 10 të vrarë, 25 të plagosur

Erv Isa — Mon, 12 Jun 2023 06:16:17 +0000

Të paktën 10 persona janë vrarë dhe 25 të tjerë janë lënduar kur autobusi që transpportonte dasmorë është përplasur në një rrethrrotullim. Ngjarja e rëndë ka ndodhur ditën e djeshme në Uellsim e Ri Jugor në Australi.

Ky është një nga aksidentet rrugore më vdekjeprurëse në Australi në dekadat e fundit, shrkuan Reuters. Shoferi i autobusit, 58-vjeç u dërgua në spital i shoqëruar nga policia për t’u marrë në pyetje.

Nuk dihen ende shkaqet e aksidentit fatal. Policia po heton rrethanata e aksidentit.

Australia përjetoi dy aksidentet më vdekjeprurëse të autobusëve në vitin 1989, të dyja të ndodhura në shtetin e Uellsit të Ri Jugor. Në këtë aksidente u përfshin dy autobusë që u përplasën mes vete, ku 55 pasagjerë humbën jetën.

/albeu.com/

The post Dasma kthehet në tragjedi, aksidentohet autobusi me të ftuarit, 10 të vrarë, 25 të plagosur appeared first on Albeu.com.