Departamenti Amerikan i Shtetit ka vlerësuar disa prej aktiviteteve të organizuara nga Ambasada e Kosovës në Washington me rastin e 250-vjetorit të pavarësisë së Shteteve të Bashkuara të Amerikës.

Ambasada e Kosovës e ka mirëpritur këtë vlerësim, duke nënvizuar rëndësinë e përkujtimit të këtij përvjetori historik së bashku me miqtë amerikanë.

“Kemi kënaqësinë dhe e çmojmë vlerësimin nga Departamenti Amerikan i Shtetit për disa nga aktivitetet e Ambasadës sonë për nder të 250-vjetorit të pavarësisë së Shteteve të Bashkuara të Amerikës!”

“Jemi të nderuar ta shënojmë këtë moment historik së bashku me miqtë tanë amerikanë, si dhe të kremtojmë miqësinë e qëndrueshme dhe vlerat e përbashkëta që i lidhin kaq ngushtë Kosovën dhe Shtetet e Bashkuara.”

The post Departamenti Amerikan i Shtetit vlerëson veprimtarinë e Ambasadës së Kosovës në Washington appeared first on Albeu.com.

Në njoftimin zyrtar Departamenti Amerikan i Shtetit thekson se kredia do ta ndihmojë Shqipërinë të përmbushë angazhimin e miratuar në samitin e Hagës për rritjen graduale të shpenzimeve për mbrojtjen në 5% të Prodhimit të Brendshëm Bruto (PBB) deri në vitin 2035.

SHBA vlerëson gjithashtu Shqipërinë si një aleate të NATO-s, duke theksuar se ajo ka qenë e harmonizuar ngushtë me Uashingtonin në çështje kyçe të politikës së jashtme.

“Shtetet e Bashkuara janë krenare të njoftojnë ratifikimin dhe nënshkrimin nga Shqipëria të një kredie të re prej 302 milionë dollarësh për Financimin e Huaj Ushtarak (FMF), e cila do të mbështesë progresin e Shqipërisë drejt përmbushjes së Angazhimit të Mbrojtjes për të shpenzuar 5 përqind të PBB-së për mbrojtje deri në vitin 2035.

Kredia e FMF-së do të ndihmojë në modernizimin e forcave të armatosura të Shqipërisë duke mbështetur prokurimin e kapaciteteve kryesore me origjinë nga SHBA-ja dhe duke forcuar aftësinë e Evropës për të udhëhequr mbrojtjen e vet.

Si një aleate e NATO-s, Shqipëria është lidhur ngushtë me Shtetet e Bashkuara në çështje kritike të politikës së jashtme, duke përfshirë edhe rolin e anëtares themeluese të Bordit të Paqes të Presidentit Trump”, thuhet në njoftimin e DASH.

Reagimi i ministrit të Mbrojtjes

Për njoftimin e DASH reagoi edhe ministrin i Mbrojtjes, Ermal Nufi, i cili thotë se votë besimi strategjike e SHBA-së ndaj Shqipërisë është një hap historik në modernizimin e mbrojtjes shqiptare.

“Mirënjohje Shteteve të Bashkuara të Amerikës për partneritetin e palëkundur strategjik dhe mbështetjen e vazhdueshme në ndërtimin e një mbrojtjeje më të fortë për Shqipërinë, rajonin e më gjerë. Kjo mbështetje do të përshpejtojë modernizimin e kapaciteteve tona ushtarake, do të rrisë gatishmërinë operacionale dhe do të forcojë kontributin e Shqipërisë për sigurinë kolektive të Aleancës”, shkruan Nufi në Facebook.

Ratifikimi ne parlament mes debateve

Kujtojmë që Parlamenti shqiptar miratoi mes debateve huanë nga Shtetet e Bashkuara të Amerikës që synon rritjen e financimit të sektorit të mbrojtjes, duke synuar arritjen e objektivave buxhetore të NATO-s.

Kjo marrëveshje u ratifikua vetëm me votat e socialistëve, pasi PD nuk mori pjesë. Madje opozita e ka çuar në Gjykatë Kushtetuese procedurën e miratimit, pasi sipas tyre u bë në kundërshtim me Kushtetutën.

The post DASH njofton ratifikimin e Marrëveshjes me Shqipërinë për kredinë 302 milionë dollarë për mbrojtjen appeared first on Albeu.com.

Sipas raportit, vendi ynë vazhdon të përballet me probleme të thella që lidhen me korrupsionin, krimin e organizuar dhe pandëshkueshmërinë e personave me pushtet.

Sipas raportit, krijimi i Strukturës së Posaçme Kundër Korrupsionit dhe Krimit të Organizuar (SPAK) ka sjellë rritje të hetimeve dhe ndjekjeve penale ndaj zyrtarëve të nivelit të lartë, politikanëve dhe personave me ndikim ekonomik.

Megjithatë, dokumenti nënvizon se mbetet një shqetësim fakti që disa zyrtarë, politikanë, gjyqtarë dhe individë me interesa të fuqishme biznesi vazhdojnë të kenë mundësi t’i shmangen përgjegjësisë ligjore.

“Pandëshkueshmëria mbetet një problem serioz. Me krijimin e SPAK-ut në vitin 2019, arrestimi dhe ndjekja penale e zyrtarëve që kryejnë abuzime është rritur, megjithatë shumë zyrtarë, politikanë, gjyqtarë dhe persona me interesa të fuqishme biznesi janë ende në gjendje t’i shmangen ndjekjes penale. Korrupsioni vazhdon të jetë një problem serioz në qendrat e paraburgimit, veçanërisht në lidhje me aksesin në punë dhe programet speciale të lirimit”, thekson raporti.

Sipas vlerësimit, korrupsioni prek fusha të rëndësishme të funksionimit të shtetit, përfshirë sistemin gjyqësor, administratën publike, prokurimet qeveritare dhe menaxhimin e kontratave publike.

Investitorët e huaj, sipas raportit, e konsiderojnë mungesën e transparencës, konkurrencën e kufizuar dhe zbatimin e dobët të kontratave si ndër pengesat kryesore për klimën e biznesit.

Raporti po ashtu nënvizon se krimi i organizuar mbetet një nga kërcënimet kryesore për sigurinë në Shqipëri. Grupet kriminale shqiptare përmenden për aktivitet në trafik droge, pastrim parash, korrupsion, trafikim njerëzor dhe forma të tjera të kriminalitetit ndërkombëtar.

Sipas dokumentit, një nga sfidat kryesore për autoritetet shqiptare është dobësimi i ndikimit të këtyre rrjeteve dhe parandalimi i ndërthurjes së interesave kriminale me biznesin dhe institucionet publike.

Raporti vlerëson punën e SPAK dhe strukturave të tjera ligjzbatuese, por thekson se korrupsioni institucional, mungesa e koordinimit ndërmjet institucioneve dhe burimet e kufizuara vazhdojnë të pengojnë një goditje të plotë ndaj rrjeteve kriminale.

The post DASH ngre alarmin për Shqipërinë: Pandëshkueshmëria mbetet një problem serioz! Zyrtarët i shmangen ndjekjes penale! Shqetësim korrupsioni dhe krimi appeared first on Albeu.com.

Shtetet e Bashkuara kanë deklaruar se presin krijimin e rrethanave të nevojshme për fillimin e Dialogut Strategjik me Kosovën. Sipas Uashingtonit, mes këtyre kushteve hyn edhe përmbushja e angazhimeve të Prishtinës ndaj komunitetit serb.

Në një deklaratë për Radion Evropa e Lirë, një zëdhënës i Departamentit amerikan të Shtetit tha se SHBA-ja vazhdon të jetë e angazhuar për avancimin e interesave të përbashkëta me popullin e Kosovës.

“Ne mbetemi të përkushtuar për avancimin e interesave të përbashkëta të Shteteve të Bashkuara dhe popullit të Kosovës. Presim me padurim të zhvillojmë një Dialog Strategjik me Kosovën kur të krijohen kushtet e duhura, përfshirë përmbushjen nga Kosova të zotimeve të saj në raport me serbët e Kosovës”, thuhet në përgjigje.

Departamenti i Shtetit nuk ka përcaktuar një datë të mundshme për nisjen e këtij procesi dhe as nuk ka dhënë hollësi të tjera për masat që pret të ndërmarrin institucionet e Kosovës.

Dialogu Strategjik me Kosovën është pezulluar në shtator të vitit 2025 “për një periudhë të pacaktuar”, si pasojë e shqetësimeve të SHBA-së për veprimet e Qeverisë në detyrë të Kosovës, rikujtoi zëdhënësi amerikan.

Kjo përgjigje është dhënë në të njëjtën ditë kur Uashingtoni hap rundin e parë të Dialogut Strategjik me Serbinë. Ky mekanizëm synon forcimin e bashkëpunimit mes dy vendeve në siguri, ekonomi dhe politikë të jashtme.

“Nëpërmjet këtij dialogu, SHBA-ja dhe Serbia do të punojnë për arritjen e objektivave të përbashkëta, përfshirë paqen dhe stabilitetin rajonal, zgjerimin e lidhjeve në fushën e biznesit dhe arsimit, si dhe ndërtimin e një të ardhmeje më të begatë”, tha zëdhënësi i Departamentit të Shtetit për Radion Evropa e Lirë.

Kur dhe pse u pezullua Dialogu Strategjik me Kosovën?

Më 12 shtator 2025, Ambasada amerikane në Prishtinë njoftoi se Shtetet e Bashkuara kishin vendosur ta ndalonin Dialogun Strategjik me Kosovën për një kohë të pacaktuar.

Ambasada bëri të ditur atëherë se ky vendim lidhej me “shqetësimet lidhur me veprimet e Qeverisë në detyrë”, të cilat, sipas saj, “kanë rritur tensionet dhe paqëndrueshmërinë”. Këto zhvillime, sipas ambasadës, kufizuan mundësinë e SHBA-së për të bashkëpunuar në mënyrë produktive me Kosovën për prioritetet e përbashkëta.

Vendimi u mor pas hapave të autoriteteve të Kosovës kundër institucioneve serbe që vepronin në territorin e Kosovës.

Autoritetet gjithashtu kishin kritikuar publikisht Gjykatën Kushtetuese të Kosovës për një vendim që kishte të bënte me mandatin e deputetëve.

Për Uashingtonin, këto çështje ndikuan në rritjen e tensioneve politike dhe në vështirësimin e bashkëpunimit. Qeveria në detyrë, ndërkaq, i mbrojti veprimet e saj duke i cilësuar “të ligjshme dhe kushtetuese”.

Çfarë pritet nga Kosova në raport me serbët?

Prej vitesh, Kosova është thirrur nga Shtetet e Bashkuara dhe Bashkimi Evropian që t’i zbatojë marrëveshjet e arritura në dialogun e ndërmjetësuar nga BE-ja me Serbinë.

Kërkesat kryesore përfshijnë krijimin e Asociacionit të komunave me shumicë serbe, si edhe garantimin e një shkalle vetëmenaxhimi për komunitetin serb në Kosovë, në pajtim me Marrëveshjen Bazë të vitit 2023 dhe Aneksin e Ohrit.

Perëndimi kërkon gjithashtu zgjidhjen e mosmarrëveshjeve me Kishën Ortodokse Serbe, mbrojtjen e lirive fetare dhe shmangien e hapave të njëanshëm në veriun e Kosovës. Sipas Uashingtonit, veprime të tilla kanë shtuar tensionet me komunitetin serb.

Prishtina mban qëndrimin se obligimet që dalin nga dialogu duhet të zbatohen në mënyrë të ndërsjellë. Kosova thotë se masat e saj në veri, nga largimi i dinarit serb nga përdorimi deri te mbyllja e shumicës së institucioneve paralele serbe, janë ndërmarrë për të shtrirë sundimin e ligjit. / REL

The post DASH: Dialogu Strategjik me Kosovën do të nisë pas përmbushjes së kushteve, përfshirë zotimet ndaj serbëve appeared first on Albeu.com.

Dialogu Strategjik mes Shteteve të Bashkuara të Amerikës dhe Serbisë shënon “një epokë të re në marrëdhëniet mes dy vendeve”, ka deklaruar Departamenti amerikan i Shtetit (DASH) në një përgjigje për Radion Evropa e Lirë (REL).

Sipas DASH-it, ky proces dëshmon përkushtimin e përbashkët të Uashingtonit dhe Beogradit për ta zgjeruar dhe thelluar partneritetin e tyre.

Nëpërmjet dialogut, SHBA-ja dhe Serbia synojnë të avancojnë objektiva të përbashkëta, përfshirë paqen dhe stabilitetin në rajon, forcimin e lidhjeve në biznes dhe arsim, si dhe krijimin e një të ardhmeje më të begatë, thuhet në përgjigjen e DASH-it për REL-in.

Departamenti amerikan i Shtetit rikujtoi gjithashtu se sekretari amerikan i Shtetit, Marco Rubio, më 6 gusht të vitit të kaluar kishte njoftuar se SHBA-ja do ta nisë këtë dialog me Serbinë.

Çfarë deklaroi Gjuriqi?

Rundi i parë i Dialogut Strategjik pritet të zhvillohet më 17 korrik, siç kishte paralajmëruar më herët ministri i Punëve të Jashtme i Serbisë, Marko Gjuriq.

Duke folur për Radiotelevizionin e Serbisë më 14 korrik, Gjuriq e cilësoi zhvillimin e së premtes si një moment historik në raportet diplomatike dhe politike ndërmjet Serbisë dhe Shteteve të Bashkuara.

Sipas tij, vendimi do të ndikojë në forcimin e gjendjes ekonomike të Serbisë dhe të pozitës së saj në arenën ndërkombëtare.

Gjuriq tha po ashtu se Serbia, përmes këtij procesi, futet në grupin e shteteve me të cilat SHBA-ja zhvillon nivelin më të lartë të bashkëpunimit institucional.

RTS-ja raportoi se ai e konsideroi këtë të rëndësishme edhe për “çështjet kyç shtetërore dhe kombëtare”, duke përmendur Kosovën, Republikën Sërpska dhe ruajtjen e stabilitetit të brendshëm në Serbi.

Ai deklaroi se procesi ka rëndësi për Serbinë edhe në lidhje me Kosovën, ku Beogradi mbështetet në mbrojtjen e popullit të tij, si dhe për Republikën Sërpska. Gjuriq shtoi se vitin e kaluar administrata e presidentit amerikan Donald Trump kishte treguar mirëkuptim të konsiderueshëm për zgjidhjen e problemeve në Bosnje e Hercegovinë.

Çfarë i parapriu vendimit të SHBA-së?

SHBA-ja zhvillon dialogje strategjike me dhjetëra vende në botë për të thelluar bashkëpunimin në fusha të ndryshme, duke nisur nga ekonomia dhe siguria deri te politika e jashtme.

Mundësia për nisjen e një dialogu të tillë me Serbinë ishte përmendur në gusht të vitit 2025, por atëherë procesi nuk u realizua.

Në atë periudhë, ishte thënë se dialogu mund të hapte “një epokë të re” në marrëdhëniet dypalëshe, përmes rigjallërimit të lidhjeve politike, zgjerimit të bashkëpunimit në biznes dhe mbrojtje, si edhe në energji dhe teknologji të komunikimit.

Serbia nënshkroi marrëveshjen e saj të parë strategjike me SHBA-në në sektorin e energjisë në shtator të vitit 2024.

Në janar të këtij viti, presidenti serb Aleksandar Vuçiq deklaroi se SHBA-ja i kishte paraqitur Serbisë dy “kërkesa formale” për fillimin e Dialogut Strategjik. Njëra prej tyre kishte karakter politik, ndërsa tjetra lidhej me energjinë, por ai nuk bëri publike hollësi të tjera.

Një prej interesave kryesore të Uashingtonit në Ballkanin Perëndimor është kufizimi i ndikimit të Kinës dhe Rusisë.

Ligji amerikan për Autorizimin e Mbrojtjes Kombëtare, i miratuar në mesin e muajit dhjetor, përfshiu si objektiv uljen e varësisë energjetike të Ballkanit Perëndimor nga Rusia.

I njëjti ligj përmend gjithashtu si synim zvogëlimin e ndikimit kinez në Ballkanin Perëndimor.

Po ashtu, SHBA-ja synon përparim të menjëhershëm në dialogun mes Kosovës dhe Serbisë.

Sipas përcaktimit të përmendur, SHBA-ja duhet të mbështesë arritjen e një marrëveshjeje përfundimtare ndërmjet Kosovës dhe Serbisë, e cila të bazohet në njohjen e ndërsjellë.

Gjatë vitit të fundit, marrëdhëniet mes SHBA-së dhe Serbisë janë ndikuar edhe nga sanksionet ndaj Industrisë së Naftës së Serbisë (NIS), pasi shumica e aksioneve të kompanisë ndodhen në pronësi të rusëve.

Administrata amerikane vendosi sanksionet ndaj NIS-it në fillim të vitit 2025, me synimin për t’ia pamundësuar Rusisë përdorimin e të ardhurave nga sektori energjetik për luftën në Ukrainë.

Zbatimi i sanksioneve është shtyrë vazhdimisht për më shumë se një vit. Që kur kompania hungareze MOL shfaqi interes për blerje, licenca e Zyrës amerikane për Kontrollin e Pasurive të Huaja (OFAC) është rinovuar periodikisht.

Më 30 qershor, OFAC-i e vazhdoi licencën për 30 ditë të tjera.

Ende vazhdojnë negociatat për shitjen e aksioneve ruse në rafinerinë e vetme të naftës në Serbi.

Pronarët rusë kontrollojnë 56.15 për qind të aksioneve të NIS-it, ndërsa 44.85 për qind u përkasin kompanisë shtetërore Gazprom Neft.

Më 16 qershor, MOL-i hungarez dhe Qeveria e Serbisë nënshkruan marrëveshjen mes aksionarëve për menaxhimin e ardhshëm të NIS-it./REL

The post Dialogu SHBA-Serbi hap një kapitull të ri, me Kosovën në fokus appeared first on Albeu.com.

Lajmi është bërë i ditur nga vetë Departamenti i Shtetit, i cili në një reagim për “News24” ka sqaruar se janë lëshuar përjashtime për disa prej përcaktimeve sipas nenit 7031(c), të vendosura nga administrata e mëparshme.

Sipas reagimit zyrtar, këto përjashtime janë dhënë pasi, siç thuhet, “shërbejnë një interesi kombëtar bindës të Shteteve të Bashkuara”.

“Departamenti i Shtetit ka lëshuar përjashtime për disa prej përcaktimeve sipas nenit 7031(c) që ishin vendosur nga administrata e mëparshme, pasi dhënia e këtyre përjashtimeve i shërben një interesi kombëtar bindës të Shteteve të Bashkuara.”, thuhet nga reagim.

The post Departamenti Amerikan i Shtetit konfirmon heqjen e “non gratës” për Sali Berishën appeared first on Albeu.com.

Më 19 maj të 2021, DASH-i ia ndaloi hyrjen në territorin amerikan ish-presidentit dhe ish-kryeministrit të Shqipërisë, Sali Berisha dhe anëtarëve të familjes së tij të ngushtë, për shkak të përfshirjes së tij në korrupsion të gjerë. Sekretari amerikan i Shtetit në atë kohë, Antony Blinken, tha se Berisha, në cilësinë e tij zyrtare, në veçanti si kryeministër i Shqipërisë, ishte i përfshirë në veprime korruptive, të tilla si shpërdorim i fondeve publike dhe ndërhyrje në proceset publike.

Kryetari i PD-së, Sali Berisha hyri në sallën e Kuvendit të enjten duke deklaruar “Unë erdha, u krye”. I pyetur nga gazetarët, Berisha tha se ka pasur komunikim zyrtar nga autoritetet amerikane, por nuk tha se kush ia ka komunikuar.

“Sali Berisha nuk ka qenë kurrë non grata [person i padëshiruar]. Ka pasur një sanksion, vizën. Kundërshtarët e mi e quajtën non grata dhe unë nuk është se e kundërshtova”, tha Berisha ndërsa nuk iu përgjigj gazetarëve nëse sanksionimi është hequr edhe për familjarët e tij.

Sipas DASH-it, ish-kryeministri shqiptar, përdori pushtetin e tij për përfitimet dhe për të pasuruar aleatët e tij politikë dhe anëtarët e familjes së tij. Për këtë arsye iu ndalua hyrja në SHBA Berishës, bashkëshortes së tij, Liri Berisha, djalit të tij, Shkelzen Berisha dhe vajzës, Argita Berisha Malltezi.

Pas deklaratave nga Berisha dhe Partia Demokratike, reagoi kreu i grupit parlamentar të Partisë Socialiste, Taulant Balla.

“Statusi ‘non grata’ është vendosur mbi bazën e seksionit 7031(c). Në vlerësimin tim është pak vështirë të hiqet. Unë do ta komentoj vetëm kur të ketë një njoftim zyrtar nga DASH-i ose nga Ambasada amerikane. Nuk komentoj biseda telefonike, sepse nuk është korrekte dhe nuk është institucionale”, tha Balla.

Menjëherë pas vendimit të DASH-it për Berishën, drejtuesit e Strukturës së Posaçme kundër Korrupsionit dhe Krimit të Organizuar, e njohur si SPAK, deklaruan se çdo material apo indicie që do të vihej në dispozicion do të hetohej.

Në vitin 2023, SPAK kërkoi masë sigurie ndaj Berishës në dosjen e njohur si çështja “Partizani”, ku kishte dyshime se kishte përdorur ndikimin e tij si kryeministër për të favorizuar dhëndrin e tij, Jamarbër Malltezi, në privatizimin dhe zhvillimin e një prone në Tiranë.

Berisha u detyrua fillimisht të paraqitej periodikisht para autoriteteve dhe të mos largohej nga vendi. Në fund të vitit 2023, pasi nuk zbatoi detyrimin e paraqitjes, Gjykata e Posaçme vendosi ndaj tij masën e arrestit shtëpiak. Në shtator 2024, SPAK-u e mori zyrtarisht të pandehur për korrupsion pasiv dhe dosja kaloi për gjykim. Në nëntor 2024, arresti shtëpiak u hoq, por procesi gjyqësor vazhdoi. Në korrik 2025 nisi gjykimi në Gjykatën e Posaçme kundër Korrupsionit dhe Krimit të Organizuar. Berisha i ka mohuar akuzat dhe i ka cilësuar ato si të motivuara politikisht.

Vendimi i DASH-it pati ndikim edhe në aspektin politik. Në shtator të vitit 2021, kryetari i atëhershëm i PD-së, Lulzim Basha, e përjashtoi Berishën nga grupi parlamentar i PD-së, duke argumentuar se ky ishte një vendim për të ruajtur marrëdhëniet me SHBA-në. Berisha nisi “Foltoren” – takime me anëtarët dhe simpatizantët demokratë në të gjithë Shqipërinë, duke sfiduar drejtimin e Bashës. Në fund të vitit 2021, përplasja solli ndarjen e PD-së në dy kampe dhe zhvillimin e dy kuvendeve të ndryshme.

Gjatë vitit 2022, Basha dha dorëheqjen dhe Berisha u rikthye në krye të Partisë Demokratike, duke fituar zgjedhjet për kryetar. Edhe gjatë kohës kur ishte nën hetim dhe më pas në arrest shtëpie, Berisha vazhdoi të drejtonte PD-në.

Sali Berisha është presidenti i parë i Shqipërisë pas rrëzimit të totalitarizmit 50-vjeçar të Shqipërisë. Ardhja e tij në krye të vendit në vitin 1992 shënoi hapjen e parë të Shqipërisë drejt demokratizimit dhe një epokë të re në marrëdhëniet e Shqipërisë me botën, përfshirë SHBA-në. Berisha ishte presidenti i parë i Shqipërisë që pas gjysmë shekulli u prit për herë të parë nga një president amerikan në Zyrën Ovale në Shtëpinë e Bardhë nga George Bush.

Në kohën sa Berisha ishte kryeministër, më 2007, Shqipërinë e vizitoi presidenti amerikan, George W. Bush, prej ku dhe shprehu përkrahjen për pavarësinë e Kosovës. Tetë muaj pas vizitës së Bushit në Shqipëri, Kosova shpalli pavarësinë. Në mandatin e parë si president i vendit, Berisha mbikëqyri ndryshimet e mëdha shoqërore – nga një shoqëri e mbyllur në kalimin drejt një shoqërie me treg të hapur dhe reforma demokratike.

Ai mbikëqyri krijimin e institucioneve, hartimin e Kushtetutën e Shqipërisë si Republikë demokratike dhe u përball me sfidat e tranzicionit që pa një numër të madh të shqiptarëve që migronin drejt vendeve të Bashkimit Evropian, për t’i ikur varfërisë.

Pika më kundërthënëse e qeverisjes së tij në mandatin e dytë si president ishte lejimi i funksionimit të skemave piramidale, kolapsimi i të cilave e çoi Shqipërinë në luftë civile, pasi një numër i madh i qytetarëve humbën kursimet jetësore me vlerë 1.2 miliard dollarë.

Në vitin 1997 shteti i Shqipërisë kolapsoi ekonomikisht dhe politikisht dhe vendi u zhyt në anarki, me qytetarët që thyen depot e armëve për t’i përdorur ato kundër fraksioneve të ndryshme komunitare. Konflikti civil në Shqipëri la mbi 2 mijë persona të vdekur.

Kjo çoi në dorëheqjen Berishës si president në vitin 1997, duke i hapur rrugë mbajtjes së zgjedhjeve të parakohshme dhe krijimit të një qeverie teknike, e cila kishte për qëllim stabilizimin e Shqipërisë.

Në këtë periudhë, Berisha vazhdoi të luajë rol të rëndësishëm në politikën shqiptare, si kreu i opozitës deri në vitin 2005, kur partia e tij fitoi zgjedhjet dhe ai u bë kryeministër. Gjatë mandatit të tij si kryeministër, Berisha synoi ta bëjë Shqipërinë anëtare të NATO-s dhe më 2009, Shqipëria iu bashkua Aleancës Veria-Atlantike.

Në mes të mandatit të tij si kryeministër, në periudhën 2005-2013 kur Partia Demokratike ishte rikthyer për ta qeverisur Shqipërinë, Shqipëria u trondit nga shpërthimi i një depoje të armëve ushtarake në Gërdec, në afërsi të Tiranës.

Njëzetegjashtë persona, përfshirë fëmijë, mbetën të vdekur teksa po përpunonin armatimin e vjetër të periudhës komuniste, si pjesë e një kontrate me një kompani private që po furnizonte këtë lloj armatimi për ushtrinë afgane, pas ndërhyrjes amerikane në Afganistan.

Hulumtime të shumta e kanë nxjerrë Berishën, familjarët dhe persona tjerë të afërt në qendër të këtij incidenti me përmasa ndërkombëtare, me djalin e tij që besohet të ketë qenë pjesë e kësaj kontrate.

Në vitin 2013, Berisha dha dorëheqje si kryetar i Partisë Demokratike, pasi partia e tij humbi zgjedhjet. Qeverisja e Berishës, sikurse edhe e rivalëve të tij politikë, është përcjellë me tensione të cilat shpeshherë, është vlerësuar se kanë minuar progresin e Shqipërisë në përmbushjen e reformave demokratike, në veçanti rreth sundimit të ligjit.

Përgjatë karrierës së tij, Sali Berisha ka pasur përplasje me faktorin ndërkombëtar për ndërhyrje në drejtësi – në vitin 1995 kur shkarkoi gjyqtarin Zef Brozi nga Gjykata e Lartë dhe arrestimin e liderëve të minoritetit grek në Tiranë. Përplasja u thellua në maj 1996 ku SHBA-ja nuk njohu zgjedhjet e përgjithshme, në të cilat u përdor dhunë mbi opozitën dhe ku komisionerët e saj u larguan nga qendrat e votimit.

Më pas në 21 janar 2011, SHBA-ja angazhoi Byronë Federale të Hetimeve (FBI) për të kryer verifikimet shkencore të plumbave që vranë katër persona në protestat e Partisë Socialiste, që në atë kohë ishte në opozitë. Një përplasje tjetër ishte mbi reformën në drejtësi – ku ambasadori amerikan i asaj kohe bëri përpjekje për të bindur palët për të miratuar ndryshimet kushtetuese. Berisha kishte thënë se ambasadorët me misione në Shqipëri, po silleshin si guvernatorë./REL

The post PD thotë se Berishës iu hoq ndalesa amerikane, DASH ende pa konfirmim publik appeared first on Albeu.com.

Një zëdhënës i Departamentit amerikan të Shtetit tha për Radion Evropa e Lirë se “bllokimi i vazhdueshëm politik dëmton besimin në institucionet e Kosovës”.

“Ne po i ndjekim nga afër zhvillimet. Do të donim t’i shihnim të gjitha grupet politike të bashkëpunojnë për interesat më të mira të popullit të Kosovës”, tha zëdhënësi.

Kosova do të mbajë zgjedhjet e parakohshme parlamentare më 7 qershor. Ato u shpallën pasi Kuvendi u shpërnda automatikisht këtë javë, për shkak të dështimit për të zgjedhur presidentin e ri brenda afatit kushtetues.

Partia në pushtet, Lëvizja Vetëvendosje, e akuzoi opozitën për bojkotim të qëllimshëm të seancave, ndërsa partitë opozitare e fajësuan pushtetin për mungesë bashkëpunimi dhe për tentim të përqendrimit të pushtetit në një dorë të vetme.

Legjislatura e dhjetë, e dalë nga zgjedhjet e parakohshme të 28 dhjetorit, zgjati më pak se tre muaj. Ato zgjedhje u mbajtën pas një krize të zgjatur politike që nisi pas zgjedhjeve të rregullta të 9 shkurtit 2025, kur Kuvendi nuk arriti të konstituohej për muaj të tërë dhe përpjekjet për formimin e Qeverisë përfunduan pa sukses.

Analistët paralajmërojnë se Kosova rrezikon të përballet me një skenar të ngjashëm me atë të Bullgarisë, e cila në pesë vjetët e fundit ka kaluar nëpër shtatë cikle zgjedhjesh të njëpasnjëshme, pa arritur stabilitet institucional. Ata shtojnë se kriza ndikon edhe në ritmin e vendimmarrjes shtetërore dhe sjell barrë të konsiderueshme financiare për buxhetin e shtetit.

Më 2 maj, Komisioni Qendror i Zgjedhjeve njoftoi se ka nisur afati për partitë politike për t’u deklaruar për pjesëmarrje në zgjedhjet e 7 qershorit, si dhe për formimin e koalicioneve, i cili do të zgjasë deri më 7 maj.

Sipas planit të aktiviteteve të miratuar nga KQZ-ja, më 2 maj ka nisur edhe afati për certifikimin e partive të reja dhe dorëzimin e listave të kandidatëve për deputetë. Afati për partitë e reja përfundon më 10 maj, ndërsa për listat e kandidatëve më 12 maj. Një ditë më parë, KQZ-ja miratoi edhe planin e aktiviteteve dhe buxhetin për zgjedhjet e parakohshme, të cilat do të kushtojnë 10 milionë e 887 mijë euro.

Fushata zgjedhore do të zgjasë 10 ditë, nga 28 maji deri më 7 qershor në orën 07:00, kur hapen vendvotimet. Votimi me postë do të zhvillohet nga 25 maji deri më 6 qershor, ndërsa një ditë para zgjedhjeve do të organizohet votimi në përfaqësitë diplomatike. Regjistrimi për votim nga jashtë vendit do të bëhet nga 6 deri më 17 maj.

Në zgjedhjet e 28 dhjetorit, mbi 2 milionë qytetarë të Kosovës, brenda dhe jashtë vendit, kishin të drejtë vote – një shifër që pritet të mbetet e ngjashme edhe në zgjedhjet e ardhshme. Pjesëmarrja ishte rreth 45 për qind./REL

The post DASH: Bllokimi i vazhdueshëm politik dëmton besimin në institucionet e Kosovës appeared first on Albeu.com.

Sipas njoftimit, thuhet se Departamenti i Shtetit po shtrëngon masat ndaj vizave për personat që sipas tyre ‘punojnë në emër të kundërshtarëve të SHBA-së”.

The post Ambasada Amerikane në Tiranë njofton shtrëngimin e masave të DASH për dhënien e vizave: Preken ata që punojnë në emër të kundërshtarëve tanë appeared first on Albeu.com.

Sipas autoriteteve amerikane, këto udhëzime synojnë të ndihmojnë qytetarët të planifikojnë udhëtimet duke pasur një pasqyrë më të qartë të rreziqeve të sigurisë dhe për të marrë masa mbrojtëse gjatë qëndrimit jashtë vendit. Në rajonin e Ballkanit, Shqipëria dhe Kosova janë klasifikuar në Nivelin 2, që nënkupton “ushtroni kujdes të shtuar”. Në të njëjtin nivel renditet edhe Serbia. Ndërkohë, Maqedonia e Veriut dhe Mali i Zi janë në Nivelin 1, niveli më i ulët i rrezikut, ku rekomandohet vetëm ndjekja e masave të zakonshme të sigurisë.

Ndër vendet me rrezik më të lartë, Irani klasifikohet në Nivelin 4, me rekomandimin “Mos udhëtoni”. Sipas Departamentit Amerikan të Shtetit, rreziqet përfshijnë terrorizëm, trazira civile, rrëmbime, arrestime arbitrare të qytetarëve amerikanë dhe ndalime të padrejta.

Ndërkohë, disa vende të tjera të rajonit si Arabia Saudite, Omani, Kuvajti dhe Bahreini janë renditur në nivelet 2 dhe 3, që variojnë nga “ushtroni kujdes të shtuar” deri te “rishikoni udhëtimin”. Përditësimi i fundit reflekton shqetësimet në rritje për sigurinë globale, ndërsa autoritetet amerikane u bëjnë thirrje qytetarëve të informohen mirë përpara çdo udhëtimi ndërkombëtar.

Vendet e Nivelit 1 përfshijnë:

Niveli 1 është niveli më i ulët i alarmeve të udhëtimit, dhe amerikanët që nxiten të “praktikojnë masat paraprake të zakonshme”.

Andorra
Anguilla
Antigua dhe Barbuda
Argjentinë
Aruba
Australi
Austri
Barbados
Bermuda
Butani
Bonaire
Ishujt e Virgjër Britanikë
Brunei
Bullgaria
Kepi ​​i Gjelbër
Kanada
Ishujt Kajman
Kroacia
Kuraçao
Qipro
Çekia
Dominikë
El Salvador
Estonia
Shtetet Federale të Mikronezisë
Fixhi
Finlanda
Guiana Franceze
Polinezia Franceze
Inditë Perëndimore Franceze
Gjeorgji
Greqi
Guadelupë
Hungaria
Islanda
Irlandë
Japoni
Kazakistani
Kiribati
Kuvajt
Kirgistani
Letonia
Lihtenshtajni
Lituania
Luksemburg
Malajzi
Maltë
Ishujt Marshall
Martinikë
Mongolia
Mali i Zi
Montserrat
Nauru
Zelanda e Re
Norvegji
Palau
Paraguai
Polonia
Portugali
Republika e Maqedonisë së Veriut
Rumania
Saba
Shën Bartolemi (Indet Perëndimore Franceze)
Shën Kits dhe Nevis
Shën Luçia
Shën Martini (Indet Perëndimore Franceze)
Shën Vincent dhe Grenadinet
Samoa
Senegali
Sejshellet
Singapor
Shën Eustatius
Shën Martin
Sllovakia
Slloveni
Koreja e Jugut
Surinam
Zvicër
Tajvan
Tonga
Turkmenistani
Tuvalu
Uzbekistani
Vanuatu
Vietnami
Zambia

Vendet e Nivelit 2 përfshijnë:

Në destinacionet e Nivelit 2, amerikanëve u këshillohet të “ushtrojnë kujdes të shtuar”.

Shqipëria
Algjeri
Angola
Antarktida
Armenia
Bahamas
Belgjikë
Belize
Benin
Bolivi
Bosnjë dhe Hercegovinë
Botsvana
Brazili
Kamboxhia
Kamerun
Kili
Kinë
Komore
Kosta Rika
Kuba
Bregu i Fildishtë (Bregu i Fildishtë)
Danimarka
Xhibuti
Republika Dominikane
Ekuador
Egjipti
Guinea Ekuatoriale
Eritrea
Eswatini
Ishujt Falkland
Francë
Gabon
Gjermania
Ganë
Gjibraltar
Groenlandë
Grenada
Guinea
Hong Kong
India
Indonezi
Ishulli i Manit
Italia
Xhamajka
Kenia
Kosovë
Laosi
Lesoto
Liberia
Makao
Madagaskar
Malavi
Maldive
Mauritius
Meksikë
Moldavia
Monako
Marok
Mozambik
Namibia
Holanda
Panama
Peru
Filipinet
Republika e Kongos
Ruanda
San Marino
Sao Tome dhe Principe
Serbia
Sierra Leone
Ishujt Solomon
Afrika e Jugut
Spanjë
Sri Lanka
Suedi
Taxhikistan
Tajlandë
Gambia
Timori Lindor
Togo
Tunizia
Turqi
Ishujt Turks dhe Kaikos
Mbretëria e Bashkuar
Uruguai
Qyteti i Vatikanit
Zimbabve
Vendet e Nivelit 3 përfshijnë:

Në vendet e Nivelit 3, amerikanëve u këshillohet të “rishqyrtojnë udhëtimin”, me qeverinë që vëren rreziqe të tilla si krimi në rritje, rrëmbimi, terrorizmi ose problemet e shërbimit shëndetësor.

Azerbajxhani
Bahrein
Bangladesh
Burundi
Çad
Kolumbia
Qipro
Republika Demokratike e Kongos
Etiopia
Guatemalë
Guinea-Bissau
Guajana
Hondurasi
Izrael
Jerusalem
Jordania
Kuvajt
Mauritani
Nepal
Kaledonia e Re
Nikaragua
Nigeria
Oman
Pakistani
Papua Guinea e Re
Katar
Arabia Saudite
Tanzania
Trinidad dhe Tobago
Uganda
Emiratet e Bashkuara Arabe
Venezuela
Vendet e Nivelit 4 përfshijnë:

Për vende si Irani, të cilat janë nën këshillën më të lartë të Nivelit 4, amerikanëve u është udhëzuar të shmangin udhëtimet krejtësisht.

Afganistan
Bjellorusia
Burkina Faso
Republika Qendrore Afrikane
Haiti
Irani
Iraku
Liban
Libia
Mali
Mianmar
Niger
Koreja e Veriut
Rusia
Somali
Sudani i Jugut
Sudan
Siria
Ukrainë
Jemen

The post Raporti/ DASH publikon listën me vendet më të rrezikshme për amerikanët, Shqipëria e Kosova në Nivelin 2! appeared first on Albeu.com.