“Berisha, tani duhet të largohet nga partia”- thotë Shehi, “se nuk ka çfarë t’i japë më demokracisë”.

“Unë nuk jam me Berishën se e kanë shpallur non-grata. Kjo sigurisht e rëndon situatën e Berishës. Është një hall i tij. Ama burrërisë duhet t’i dalë për zot vetë, jo të merret politika sepse dëmton në mënyrë kolegjiale sepse e paguan gjithë PD-ja. Ky është një gabim i madh. Unë nuk jam me Berishën për shumë gjëra. Unë mendoj që Berisha atë që ia kishte për të dhënë demokracisë ia dha para shumë vitesh, tani po e dëmton.

Ka treguar gjatë rrugës se prevalon më shumë interesi personal, partiak mbi interesin e shtetit, shqiptarëve dhe mendoj që nuk është më një eksperiment që mund të ripërsëritet pafundësisht. Edhe në logjikën më elementare kjo nuk ka të bëjë me demokracinë. Berisha do t’i ketë gjithmonë një tufë njerëzish nga mbrapa se ka qëndruar shumë vite në PD. Unë them se vulën e mori ai që e meritonte. Mendimi im është që tani Berishën ta lënë të dalë në Parlament, se deputetet e tij një herë po flasin, ndërsa Berisha del ditë për ditë. Nuk ia kanë ndaluar të drejtën e fjalës.”, tha Dash Shehi.

The post Dash Shehi reagon ashpër ndaj Sali Berishës: Ai duhet të largohet nga partia, nuk ka çfarë të japë më appeared first on Albeu.com.

Padyshim, promemoria e Shehit u prit me revoltë nga Berisha dhe Meksi por edhe pjesa tjetër e PD-së. Lista me më shumë se 20 deputetë nisi të tkurrej dhe në finale mbetën vetëm gjashtë prej tyre bashkë me Shehin, ndër të cilët, Alfred Serreqi, Tomorr Dosti, Ariana Nati, Bashkim Kopliku. Firmëtarët e promemories u larguan nga PD.

The post “Berisha ka gabuar”, Dashamir Shehi: Kam një pishman të madh në jetën politike appeared first on Albeu.com.

Berisha në emisionin “Log.” në ABC, u pyet se çfarë i mban peng deputetët si Grida Duma dhe Ervin Salianji që të bashkohen më të. Kësaj pyetje Berisha iu përgjigj me nota vlerësuese për të dy deputetët duke theksuar se ka komunikim periodik me ta.

“Fatmir Xhafa bën gjithçka për dënimin e Ervin Salianjit në gjykatë për çështjen Babale. Me Salinajin dhe me Gridën komunikoj periodikisht. Unë do t’i japë shkakun, për tu bashkuar. Gridës bravo i qoftë se ia numëron në lule të ballit, në Parlament. Grida Dumës i janë bërë epitete dhe asaj bravo i qoftë që me një guxim epik iu përgjigj.”tha Sali Berisha.

Ndërkohë Berisha ka shprehur vlerësimin e tij edhe për deputetët Alfred Rrushaj dhe Dhurat Çupit.

“Kanë respektin tim të dy. Qoftë në administratë, qoftë në parti. Janë të mirëpritur në çdo kohë. Që të jem realist, ky proces duhet të jetë i vullnetshëm” tha Berisha.
Ndërkohë duke u ndalur tek aleancat dhe partitë e vogla, Berisha theksoi se do të vijojnë negociatat me Shpëtim Idrizin si dhe me Dash Shehin.

The post “Do negocioj me Shehin dhe Idrizin”, Çfarë i tremb Dumën dhe Salianjin të bashkohen me Berishën? Përgjigjet ish-kryeministri appeared first on Albeu.com.

Shehi tha se ka ardhur koha që gjithsecili të tërhiqet nga pak për t’i hapur rrugë brezit të ri.

I pyetur nga moderatori Xhafo se përse kjo tërheqje pasi në 2019-n e la të hapur mundësinë për kandidimin për të qenë qytetari i parë i Tiranës, Shehi tha se kanë kaluar katër vjet dhe ai është edhe më i vjetër.

Ndërsa shtoi se kandidimi i tij nuk do të sillte bashkimin e opozitës, prandaj duhet një emër që i bën të gjitha palët bashkë.

Pjesë nga biseda:

Xhafo: Në 2019-tën nuk ja mbylle derën vetës për një kandidim të mundshëm në Tiranë, ke ndryshuar?

Shehi: Jam një katër vjet më i vjetër. Situata aktuale është që të gjithë të heqim nga pak dorë nga vetja jonë për t’i hapur rrugë brezit të ri. Po të kandidoj unë nuk e bëj atë bashkimin e opozitës. Është momenti të dalin figura të reja. Ne na bashkojnë tre gjëra në këtë rast, na bashkon lufta kundër PS-së, lufta kundër arrogancës së Ramës, na bashkon edhe kandidati i përbashkët. Unë mendoj se janë të mjaftueshme për të përballuar një betejë elektorale. Kush na nda? Na ndajnë shumë gjëra, prandaj duhet të amplifikojmë këto që na bashkojnë.

The post Dash Shehi zbulon nëse do të kandidojë për kryetar të Tiranës appeared first on Albeu.com.

I pyetur nga moderatorja Xhokaxhi se çfarë duhet të bëjë opozita për të qenë më e bashkua, Shehi tha se fillimisht të gjitha partitë opozitare duhet të bëjnë një skaletë politike, se si do të sillen në parlament, në rrugë dhe në media.

Ai tha se për momentin e vetmja formulë bashkimi mes opozitës së përçarë është ajo që të gjithë bashkë të paktën deri në zgjedhjet lokale të shohin si kundërshtar vetëm qeverisjen socialiste dhe Edi Ramën.

Pjesë nga biseda:

Xhokaxhi: Sesioni i ri parlamentar nis dje. Në çfarë kushtesh e shihni opioztën?

Shehi: Unë shpresoj që të kemi gjëra të reja. Ne opozitë jemi, vbazhdimësia e muajvge të mëparshme do të jetë, opozita ka nevojë të rinovohet. Që do të thotë që nga këtu deri tek zgjedhjet lokale të vëmë një skaletë politike, se çfarë do të bëjmë brenda parlamentit të Shqipërisë, ku duhet të fokusohemi më shumë. E dyta që është pjesa jashtëparlamentare, protesta. E treta si do përfaqësohemi mediatikisht, e katërta kush janë njerëzit me të cilat do të hyjmë në zgjedhjet lokale. Këto janë temat kryesore.

Xhokaxhi: Shihni përkushtim?

Shehi: Shoh një përkushtim të madh, shoh një pakënaqësi të madhe popullore, i duhet dhënë një formë politike. Nga kjo pikëpamje nuk jemi në momentin më të mirë, ka paqartësi brenda blloku opozitar, kush po na udhëheq, a kanë interesi politike këta njerëz.

Xhokaxhi: Çfarë alternativash ka zoti Shehi?

Shehi: Alternativa ka plot. Kush janë? Ideja ime është që e vetmja formulë që opozita të bashkohet ose të qëndrojë si trup opozitar është që brenda kësaj formule së formulës opozitare, ajo që e bashkon të jetë lufta kundër qeverisë socialiste dhe Edi Ramës. Kjo është e vetmja mënyrë. Vija mbi të cilën të qëndrojmë të gjithë jemi kundër Ramës, pastaj mbi këtë vijën e emëruesit mund të rrijë Berisha, Meta, Shehi etj, edhe duke patur probleme me njëri-tjetrin. Kjo është e vetmja mënyrë të paktën deri në zgjedhjet lokale.

The post Dash Shehi: Kjo është formula e vetme që mund të bashkojë opozitën appeared first on Albeu.com.

I kontaktuar nga Abcnews.al, Shehi u shpreh falënderues ndaj kolegëve të tij për propozimin, por shtoi se kjo mbetet një hipotezë, pasi janë dhe grupet e tjera në parlament që përfaqësojnë dhe ato opozitën që do të paraqesin emrat e tyre.

Shehi theksoi se nëse palët do të propozonin emrin e tij, ai do e mirëpriste, por në fund do të jetë Rama dhe mazhoranca ata që do të vendosin për zgjedhjen e Presidentit të ri.

“Janë të gjitha manovra përpara, nuk merremi ne me këtë. Ne kemi detyrimin për të propozuar një emër, unë i falënderoj, por kjo është një hipotezë politike. Në dorë e ka Rama. Të shohim kë do të propozojë PD e ndarë në dy pjesë. Nëse i pëlqej popullit opozitar le të më votojnë, por siç e thashë janë të gjitha manovra politike”, deklaroi Shehi./abcnews.al

The post Mediu dhe Duka e propozuan për president, reagon Dash Shehi appeared first on Albeu.com.

Shehi tha se është për të ardhur keq që vendi ynë ndodhet në këtë situatë për shkak të rritjes së çmimeve dhe sipas tij, e gjithë kjo ndodh për shkak të papërgjegjshmërisë së qeverisë.

Sipas tij është e rëndësishme që dhe në këtë situatë ku ndodhemi të subvencionohen bujqit dhe të mos lëmë pa punuar shumë sipërfaqe të tokave.

“Kjo është një dramë ndërkombëtare dhe se në të gjithë botën po ngrihen bota, por është e vërtetë se në botë merren masa reale, jo arnime siç po ndodh te ne. Kjo është një krizë që do të përgjigjet për 2-3 vjet jo për 2 dhe 3 muaj, kjo është një përgjegjësi e qeverisë pasi kriza ka muaj që është dhe qeveria duhet që ta kishte parashikuar. Këtu ndodhemi në emergjencë është emergjencë ndërkombëtare u japim nga një copë bukë dhe e mbyllim. Një qeveri e përgjegjshme mëndin 2-3 vite para jo çfarë do të ndodhe 2-3 muaj.

Bujqësia të gjithë e dinim se çfarë do të ndodhë por ne para tre muajsh i futëm një shkelm tjetër bujqësisë. Me rastin e krizës duhet që të kishim bërë të mundur që të prodhonim 30% më shumë, jemi në periudhë pranvere dhe shumica e tokave do të ngelin pa punuar, por sërish nuk është vonë. Ne duhet që të presim zinxhirin e rritjes së çmimeve që në doganë jo të monitorojmë, nëse do të subvencionojmë fermerët do të kemi një punim të gjerë të tokës. Nëse presim që bujqit të marrin kredi në banka një gjë e tillë nuk do të ndodhe kurrë”, ka thënë ai.

Ndër të tjera ai është shprehur se një vit më parë bëmë një shpërdorim të shitjes së energjisë e tashmë ndodhemi në vështirësi.

“Berisha mund të ketë punët dhe hallet e veta por për energjinë e tha të vërtetët, vjet është keqmenaxhuar kaskada me shpresën se do të kishte shi në vjeshtë por një gjë e tillë dili komplet e kundërta nëse do të kishim kontrata nuk do e blenim me 500 mijë dollarë”, tha Shehi./albeu.com/

The post “Tanket hynë në Ukrainë e kriza na kapi ne”, Dash Shehi: Do kemi vitin më të keq në bujqësi appeared first on Albeu.com.

I ftuar në emisionin Opinion në Tv Klan, Shehi tha se mbrëmjen e së mërkurës që pati një rënie të lehtë të çmimit të karburantit, nuk erdhi si pasojë e uljes së çmimit në bursë, por si pasojë e një telefonate të Kryeministrit.

“Kjo që po të them unë të jesh i sigurt që nuk është ulur fare prej asaj të bursës, por është ulur se jam i sigurt që Kryeministri jonë i nderuar ka marrë një nga ata në telefon dhe i ka thënë çfarë bëni more legena, ku e çuat, e nxorët popullin atje.

Prandaj është e rëndësishme ajo që tha zotëria, që ne duhet të dalim dhe duhet të dalim për t’i treguar që ore ky popull reagon. Më bëhet qejfi që kanë reaguar shqiptarët”, – tha ndër të tjera Dash Shehi.

The post “Ç’bëni more legenë, nxorët popullin në rrugë”, Dash Shehi: Rama mori në telefon ata të naftës appeared first on Albeu.com.

Shehi i kërkoi Lindita Nikollës që të vendosë një kufij në replikat mes Ramës dhe Bashës në seancat që do të vijnë, gjë që sipas tij do i jepte mundësinë të gjithëve për të ndarë mendimet.

“Të them edhe unë nja dy fjalë për procedurë. Unë nuk mund t’ju jap mend, por një këshillë të vogël. Kemi gjithë mëngjesin këtu, kryetari i opozitës dhe kryeministri bëjnë replikë.

Bëjnë shumë mirë, por replika nuk mund të jetë pa fund, duhet një farë kufiri. Unë e kuptoj dëshirën për të folur, se edhe unë jam pak llafazan. Mirëpo ka një kufi kjo. Ata të kenë mundësi të flasin sa të duan, por jo pafundësisht.

Këto janë njerëz që kanë edhe hapësira të tjera. Kjo punë po teprohet, javë për javë” tha Shehi./albeu.com/

The post Acarohet Dash Shehi: Rama e Basha e tepruan me replika, llafazan jam edhe unë appeared first on Albeu.com.

Shehi shtoi se nuk ka asnjë pëlqyeshmëri për ish liderin e PD-së Sali Berisha, por edhe për liderin aktual të PD-së, Lulzim Basha.

Por pavarësisht kësaj, sipas tij, veprimi i sotëm i Bashës, që ka folur me emra për oligarkët që sipas tij mbështesin Ramën, duhet vlerësuar.

Deklaratat Shehi i bëri në emisionin “Log” në ABC, ku ishte i ftuar.

Nzarko: Nuk i bie dot oligarkut.

Dashamir Shehi: Pse nuk i bie dot. Opozita e gjykon që ky i bie ndesh interesave se ndryshe nuk është më opozitë. Nuk po them që biznesi është fajtor e ka qeveria por kur bëhet partner me këto muhabete të parregullta me ligjin si qenka kjo punë. Nuk përfiton ai, e ti themi qenke zhvillimor se merr paratë publike e tenderat.

Myslim Murrizi: Në Prokurime publike nuk më rezulton Samiri. A ka fituar para indirekt, po. Kur u përjashtua projekti i rrugës së Elbasanit të gjithë opozita tha se po i shkon rruga. Kush ja bëri? Luli. Kush i ka marrë tenderat, Kastrati.

Dashamir Shehi: Deri tani është diskutuar pse nuk përmend emra. Tani i turren të gjithë. Prit tani se ky është një proces. Nuk ka hije. Ta thash. Nuk më pëlqen as Sali Berisha dhe as Lulzim Basha. I konsideroj si një pengës emancipimi të opozitës drejt ringritjes së demokracisë. Megjithatë se kam këtë formë gjykimi për Bashën që i ka mbaruar koha politike, se nuk vazhdojmë gjithë jetën duke pritur për Bashën. Por sot ka treguar kurajo të madhe politike. Ashtu si Berisha që pas disa vitesh sot reflekton për disa të vërteta. Por ju edhe prit të bëhet opozitë dhe dikush nga opozita që shpesh herë janë të lidhur me njëri tjetrit, sot merr kurajon qoftë edhe të gabuar. Unë e konsideroj akt kurajoz që duhet të ja çmojmë zotit Basha,. Siç ja vejmë një dukje defekte. Po u krijua kjo frymë frike dhe kompromisi me botën kundër kujt po bëjmë luftë.? Se nuk na kanë ardhur të korruptuarit e huaj këtu por shqiptarët po rrjepin shqiptarë. Është gjest i vogël ta gjykojmë se si do eci.

The post “Shqiptarët po rrjepin shqiptarët”, Dash Shehi vlerëson Bashën: Kreu i PD-së u tregua kurajoz appeared first on Albeu.com.