Sipas revistës People, çifti kurorëzoi dashurinë në ishullin ekskluziv Necker, në pronësi të miliarderit britanik Richard Branson, ku zhvilluan një ceremoni intime me praninë e familjarëve dhe miqve më të afërt.
Ndryshe nga videot e tij spektakolare dhe sfidat me miliona dollarë që e kanë bërë një nga krijuesit më të njohur në YouTube, MrBeast zgjodhi që momentin më të rëndësishëm të jetës së tij ta mbante larg kamerave dhe mediave.

Në dasmë morën pjesë rreth 70 të ftuar, ndërsa festimet zgjatën disa ditë në një atmosferë private dhe relaksuese.

Olivia Wilde ngre debat me deklaratën për marrëdhëniet dhe afërsinë emocionale
Thea Booysen u shfaq me një fustan elegant nusërie të dizenjuar nga Nicole Felicia, ndërsa MrBeast veshi një smoking klasik nga Ralph Lauren. Pas ceremonisë së betimeve, të ftuarit shijuan një darkë festive dhe muzikë live.

Historia e dashurisë së çiftit nisi në vitin 2022, kur ata u takuan në Afrikën e Jugut. Më pas lidhja e tyre u bë publike, ndërsa në Krishtlindjet e vitit 2024 MrBeast i propozoi martesë Theas.

Çifti kishte deklaruar më herët se dëshironte një ceremoni të vogël dhe larg vëmendjes mediatike, një dëshirë që e realizuan me dasmën e tyre në një nga ishujt privatë më luksozë në botë.

The post MrBeast i jep fund beqarisë/ YouTuberi më i famshëm në botë martohet në një ishull privat luksoz appeared first on Albeu.com.

Përmes një videoje të publikuar në rrjetet sociale, turistja tregoi se vetëm pak minuta pasi zbriti nga autobusi, u gjend mes atmosferës festive të një dasme shqiptare.

“Zbrita nga autobusi në Maqedoninë e Veriut… dhe pesë minuta më vonë, pa e kuptuar, u bëra pjesë e kolonës së automjeteve të një dasme shqiptare”, ka shkruar ajo në postimin e saj.

Turistja tregoi se nuk njihte askënd nga të pranishmit, por vendosi të pranonte ftesën për t’iu bashkuar festës.

Ajo shkroi: “Nuk e kisha fare idenë se kush ishin ata njerëz, por kur më thanë të hipja në makinë, mendimi im i vetëm ishte: ‘Epo… ose kjo do të jetë fillimi i një historie fantastike, ose i një dokumentari të Netflix-it’”.

Në fund, ajo tha se përjetoi një kujtim të paharrueshëm dhe shprehu vlerësimin për mikpritjen shqiptare.

“Fatmirësisht, doli të ishte e para. Shqiptarët janë shumë të mrekullueshëm! Ju dua shumë”, tha ajo.

Përmes postimit, Alindogan u bëri thirrje edhe ndjekësve të saj që ta ndihmojnë të gjejë dy shqiptarët që e ftuan në kolonën e automjeteve të dasmës.

“Internet, bëje magjinë tënde dhe më ndihmo t’i gjej këta dy shqiptarë. Dua t’i falënderoj siç duhet për këtë kujtim kaq të bukur!”, u shpreh ajo.

The post Turistja mahnitet nga vargu i makinave në një dasmë shqiptare, ftohet t’i bashkohet festës appeared first on Albeu.com.

Por sa e vërtetë është kjo histori?

Ajo që dihet me siguri është se çifti ka kurorëzuar dashurinë e tyre pas muajsh spekulimesh dhe paraqitjesh publike së bashku. Fillimisht ata zhvilluan një ceremoni private civile, ndërsa më pas organizuan një festë madhështore në Itali, ku morën pjesë miq dhe të afërm të çiftit.

Megjithatë, menjëherë pas publikimit të fotove nga ceremonia luksoze, në disa faqe të huaja të showbiz-it dhe në rrjete sociale nisën të qarkullojnë pretendime se historia e dasmës nuk përfundon aty. Sipas këtyre raportimeve, Dua dhe Callum mund të jenë duke planifikuar edhe një festë të tretë, këtë herë me elementë tradicionalë shqiptarë dhe me Tiranën si destinacion.

Thashethemi është përhapur me shpejtësi, jo vetëm në mediat shqiptare, por edhe në faqe të huaja të dedikuara për jetën e personazheve të famshëm. Megjithatë, deri në këtë moment nuk ekziston asnjë konfirmim zyrtar nga vetë Dua Lipa, Callum Turner apo përfaqësuesit e tyre.

As data e përfolur në fund të korrikut dhe as vendi i mundshëm i organizimit nuk janë konfirmuar publikisht.

Kjo nuk do të ishte aspak e habitshme për fansat e këngëtares. Dua ka treguar vazhdimisht krenarinë për rrënjët e saj shqiptare dhe lidhjen e fortë me Kosovën dhe Shqipërinë. Pikërisht për këtë arsye, ideja e një ceremonie tradicionale shqiptare duket mjaft e besueshme në sytë e publikut.

Megjithatë, për momentin gjithçka mbetet në nivelin e spekulimeve.

Pra, nëse po pyesni nëse Dua Lipa dhe Callum Turner do të martohen sërish në Tiranë, përgjigjja është: ende nuk e dimë. Zërat po qarkullojnë me shpejtësi në rrjet, por deri tani nuk ka asnjë provë apo deklaratë që ta konfirmojë këtë lajm.

Deri atëherë, fansave nuk u mbetet gjë tjetër veçse të presin nëse një nga çiftet më të komentuar të momentit do të zgjedhë vërtet Shqipërinë për kapitullin e radhës të historisë së tyre të dashurisë.

The post A do të mbajnë vërtet Dua Lipa dhe Callum Turner një dasmë të tretë në Tiranë? Ja çfarë dihet deri tani appeared first on Albeu.com.

Dasma mblodhi së bashku familjarë, miq të afërt dhe shumë emra të njohur të skenës shqiptare, duke u kthyer në një nga eventet më të komentuara të momentit. Atmosfera festive u ndez nga performancat e artistëve të përzgjedhur nga çifti, mes tyre Artjola Toska dhe Ervis Behari, të cilët krijuan një mbrëmje plot emocion dhe energji.

Pamje dhe video nga dasma janë bërë menjëherë virale në rrjetet sociale, ku nuk kanë munguar momentet e veçanta që kanë tërhequr vëmendjen e publikut.

Megjithatë, ajo që është vënë re nga ndjekësit ka qenë mungesa e Flori Mumajesit, të paktën në videot dhe materialet e publikuara deri më tani. Ende nuk dihet nëse artisti ka qenë i pranishëm në dasmë apo jo.

Interesi për emrin e Flori Mumajesit lidhet edhe me një deklaratë të mëparshme të bashkëshortes së Klajdit, Orgesës, e cila në një intervistë kishte zbuluar se Flori do të ishte një nga këngëtarët që do të performonte në dasmën e tyre.

“Flori do të jetë mes këngëtarëve që do të performojnë në dasmë”, ishte shprehur ajo në atë kohë, një deklaratë që ngjalli menjëherë interes tek publiku.

Prej kohësh, Flori Mumajesi është tërhequr nga jeta publike dhe daljet e tij janë bërë tepër të rralla. Për këtë arsye, pjesëmarrja e tij në dasmën e Klajdi Harunit do të konsiderohej një rikthim i veçantë, qoftë edhe për një natë, duke ngjallur kureshtjen e fansave që prej kohësh presin ta shohin sërish artistin në publik.

The post FLAKË/ Klajdi Haruni i jep fund beqarisë, dasmë madhështore mes artistëve shqiptarë (VIDEO) appeared first on Albeu.com.

Me entuziazëm të madh, ajo shpërtheu: “Banorë, pas një propozimi nga Mateo, ku Brikena tha ‘po’, Vëllai i Madh ju jep mundësinë të organizoni dasmën e dytë të këtij edicioni. Dasma do të zhvillohet sonte në mbrëmje!”

Megjithatë, në videon e postuar në Instagram nga BBVA, u vunë re reagime të ndryshme.

Brikena nuk tregoi asnjë emocion dhe nuk buzëqeshi, ndërsa Mateo dukej shumë i lumtur.

Selin, përkundrazi, shpërtheu në gëzim dhe u duk tepër e emocionuar.

Komentet e shikuesve nuk munguan; disa shkruanin se Brikena nuk po duket se dëshiron të martohet, ndërsa të tjerë shprehën me shaka se Selin u gëzua më shumë sesa vetë Brikena.

The post Dasmë e dytë në BBVA: Mateo martohet me Brikenën, banorja nuk tregon asnjë emocion appeared first on Albeu.com.

Sipas raportimeve të medieve britanike, çifti ka vendosur tashmë një datë për dasmën, por dëshiron që gjithçka të mbahet sa më private.

Për këtë arsye, lista e të ftuarve do të jetë e kufizuar dhe disa nga miqtë e tyre të famshëm mund të mos jenë të pranishëm, shkruan The Sun.

Mes emrave të njohur që njihen si miq të këngëtares janë Elton John, Olivia Dean, Mark Ronson, Donatella Versace dhe Charli XCX, por jo të gjithë pritet të marrin ftesë.

Burime pranë çiftit tregojnë se edhe disa persona që prisnin të merrnin ftesa shtesë janë njoftuar se numri i të ftuarve do të jetë shumë i kufizuar.

Sa i përket vendit të dasmës, çifti ka shqyrtuar disa destinacione, përfshirë Italinë dhe Mbretërinë e Bashkuar, me mundësinë që ceremonia të zhvillohet në Itali.

Dua Lipa dhe Callum Turner e bënë publike lidhjen e tyre në fillim të vitit 2024, pak javë pas ndarjes së saj nga regjisori francez Romain Gavras.

Fejesa u konfirmua më vonë në një intervistë për revistën British Vogue, ndërsa çifti është njohur fillimisht në festën e ditëlindjes së një miku të përbashkët.

The post Dua Lipa dhe Callum Turner planifikojnë një dasmë intime këtë verë, me listë të kufizuar të ftuarish appeared first on Albeu.com.

princ leka blerta celibashi.jpg (6)

Por pas fejesës, çifti mesa duket ka nisur përgatitjet për ceremoninë martesore dhe se së shpejti do të kurorëzojnë dashurinë e tyre me një dasmë.

Ka qenë vetë Blerta ajo e cila ka ngritur dyshimet për një dasmë, pas një fotoje të publikuar së fundmi në rrjetet sociale, ku ka lënë të kuptohet se ka nisur kërkimet për fustanin e nusërisë.

Fotoja është shkrepur teksa ajo ndodhej me shpinë, duke mos zbuluar shumë detaje nga pjesa e përparme e fustanit, por vetëm vellon e gjatë.

Vetë dyshja nuk ka bërë asnjë datë zyrtare, por më herët kanë deklaruar se dasma ishte në planet e tyre.

Kujtojmë se fejesa e Princ Lekës me fotografen e familjes mbretërorë, Blerta Celibashi, erdhi pas divorcit të tij të bujshëm me aktoren Elia Zaharia.

Sipas Lekës, ndarja e tij nga Elia erdhi në disa faza. Sipas tij, fillimisht ka qenë faza emocionale, distancimi dhe më pas divorci. Siç tregon ai, ata jetonin në të njëjtën shtëpi, por të distancuar, madje edhe fotot familjare që publikonin, ishin falso.

“Kemi pasur një raport korrekt. Ndarja ka ardhur me fazë të ndryshme, ka qenë ajo faza emocionale, distancimi, kemi jetuar në një shtëpi, por të distancuar, kam qëndruar vetëm më vajzën, por nuk kishim kontakt, as fizik. Herë pas herë kemi qenë për mediat, foto, një kartolinë e bukur, por krejtësisht falso. Ka qenë faza ligjore”, tha ai i ftuar në “Mirëmbrëma Yje”.

Ndër të tjera ai zbuloi se mes tyre nuk ka pasur tradhti, pasi ai i ka treguar Elias për lidhjen që po niste me fotografen e familjes së tyre, Blerta Celibashi.

“Me të gjithë këto strese, edhe Blerta ka qenë viktime e të gjitha sulmeve, narrativeve që nuk ishin reale. Nuk ka pasur tradhti. Presion i parë që unë kam njoftuar për lidhjen time me Blertën, ka qenë pikërisht Elia. I kam thënë Elias para se të përqafohesha me Blertë, që jam takuar me Blertën”, tha ai.

The post Dasmë mbretërore në horizont! Blerta Celibashi nis përgatitjet për ceremoninë martesore me Princ Lekën appeared first on Albeu.com.

Por duket se kjo nuk ishte fundi i surprizave për fansat dhe mediat që e ndjekin nga afër.

Së fundmi, Eduard ka vendosur të rikthehet në skenë në mënyrë mbresëlënëse: ai hyri live në rrjetet sociale dhe nga pamja e tij, mesazhet e përzgjedhura dhe emocionet e tij, duket se po paralajmëron një njoftim që mund të tronditë publikun.
“Po na pret dicka…”, u shpreh Edi, duke lënë të kuptohet se diçka e madhe është në horizont.

Momenti që ndezi më shumë spekulimet ishte kur një nga fanset i shkroi live urime për fejesën.

Eduard iu përgjigj me një buzëqeshje: “Faleminderit! Ju premtoj që do të jetë dasma e vitit”.

Kjo deklaratë menjëherë nxiti kuriozitetin dhe entuziazmin e të gjithëve: a po përgatitet vërtet dasma më e madhe e vitit?.

Çfarëdo qoftë e vërteta, një gjë është e sigurt: Edi nuk e ka humbur asnjë moment aftësinë për të mbajtur publikun pezull dhe për të ndezur thashethemet.

Çdo lëvizje e tij duket të jetë strategjikisht e menduar për të mbajtur të gjithë sytë tek ai.

Për fansat, kjo është një thirrje: qëndroni vigjilentë, sepse Edi duket se ka diçka shumë të madhe për të ndarë. Dhe kur ai thotë “po na pret dicka…”, çdo gjë mund të ndodhë.

The post Eduard Kuqi shpërthen në live: Çfarë po fsheh ish-banori i Big Brother VIP? appeared first on Albeu.com.

Çifti i njohur i showbiz-it kurorëzoi dashurinë e tyre më 27 shtator 2025 në një ceremoni private në një rezidencë private në Santa Barbara, të rrethuar nga miqtë më të afërt dhe yje të njohur të Hollywood-it.

Nëpërmjet disa fotografive të publikuara në Instagram, Selena konfirmoi lajmin e martesës dhe ndau pamjet e para nga dasma, ku dukej mahnitëse me një fustan të bardhë sateni nga Ralph Lauren. Në përshkrimin e postimit, këngëtarja shkroi thjesht: “9.27.25”, duke shënuar përjetësisht ditën e tyre të veçantë.

Në një nga fotot e publikuara, Benny shihet duke mbështetur kokën në prehrin e Selenës, ndërsa një tjetër e tregon çiftin duke ecur dorë për dore, të buzëqeshur e të lumtur. Benny, i njohur për stilin e tij të lirshëm, ishte zbathur në ambientin e gjelbër të pasurive 70 hektarëshe ku u mbajt ceremonia.

Pas publikimit të lajmit, komentet e miqve të famshëm nuk vonuan. Aktorja Lily Collins shkroi: “Të gjitha dashuritë për ju të dy!”; Gordon Ramsay komentoi: “Jam shumë i lumtur për ju. Urime!”; ndërsa Camila Cabello tha: “Dashuria ju shkon shumë.”

Mes të ftuarve të njohur ishin edhe mikja e ngushtë e Selenës, Taylor Swift, si dhe aktorët e serialit “Only Murders in the Building” – Paul Rudd, Steve Martin dhe Martin Short.

Selena dhe Benny konfirmuan fejesën në dhjetor 2024, pas spekulimeve të shumta që nisën kur këngëtarja shfaqi unazën në tapetin e kuq të Emmy Awards. Propozimi erdhi rreth një vit pas fillimit të lidhjes së tyre, në qershor 2023.

Në gusht, fansat dyshuan se dasma ishte afër, kur Selena publikoi foto nga festa e beqarisë në një plazh, me bikini të bardha dhe një vello të shkurtër.

Në mars 2025, çifti u zhvendos në një vilë luksoze në Beverly Hills, pas një kredie prej 20 milionë dollarësh për blerjen e shtëpisë me vlerë 35 milionë dollarë. Po atë muaj, ata publikuan albumin e tyre të parë të përbashkët, “I Said I Love You First.”

Selena Gomez, e cila ka pasur lidhje të bujshme me artistë si Justin Bieber, The Weeknd, Zedd dhe Nick Jonas, ka folur shpesh për natyrën e saj emocionale dhe dashurinë e madhe që jep. Nga ana tjetër, Benny ka treguar se është përpjekur të fitojë besimin e saj, duke e mbështetur pas zhgënjimeve të mëparshme.

Në një intervistë të përbashkët në podcastin On Purpose të Jay Shetty, Benny pranoi se kishte frikë se do ta sabotonte vetë marrëdhënien në fillim, por më pas shtoi: “Ndoshta ishte pikërisht ajo që i hoqi dyshimet dhe e lejoi të më besojë.”

The post FOTO/ Selena Gomez dhe Benny Blanco i japin fund beqarisë, çifti kurorëzon dashurinë me një dasmë private në Santa Barbara appeared first on Albeu.com.

Ajo zgjodhi një fustan të gjatë ngjyrë rozë të zbehtë, i punuar me dantellë dhe detaje të zbukuruara me perla, i cili theksonte linjat e saj dhe i jepte një pamje madhështore.

Pjesa e sipërme me dekolte të theksuar dhe prerja e fustanit në pjesën e përparme sillnin një kombinim të hijeshisë me elegancën moderne.
Në disa prej fotografive, Efi shfaqet duke buzëqeshur plot hare, ndërsa në të tjera pozon me vetëbesim, duke treguar që ishte padyshim një nga të ftuarat më të spikatura të mbrëmjes.

Kjo paraqitje e saj ka marrë shumë vëmendje dhe komplimente në rrjete sociale, duke e përforcuar edhe një herë statusin e saj si një nga vajzat më të komentuara të showbiz-it shqiptar.

The post Efi Dhedhes shkëlqen me një paraqitje elegante në një dasmë appeared first on Albeu.com.