Sulmuesi me përvojë Danny Welbeck është prezantuar si blerja më e re e Chelseat, pas një marrëveshjeje me Brightonin. 35-vjeçari ka firmosur një kontratë që e lidh me klubin londinez për dy sezonet e ardhshme, ndërsa detajet financiare të operacionit nuk janë bërë publike nga palët.

Welbeck mbërrin në Stamford Bridge pas një edicioni brilant personal me Brightonin, ku regjistroi 13 gola në 37 paraqitje në Premier League – shifra më e lartë që ka arritur ndonjëherë në karrierë. Vetëm tre bashkëkombës të tij arritën të shënojnë më shumë në elitën e futbollit anglez gjatë sezonit të kaluar.

Ardhja e tij shënon afrimin e tretë të Blutë gjatë kësaj vere, pasi më parë u siguruan shërbimet e Morgan Rogers nga Aston Villa dhe Marco Palestras nga Atalanta.

Lëvizja për një lojtar të afirmuar si Welbeck sinjalizon një ndryshim të qasjes nga ana e pronarëve të klubit, të cilët që prej blerjes në vitin 2022 kishin orientuar merkaton drejt talenteve të rinj me perspektivë zhvillimi afatgjatë.

Rrugëtimi profesionist i Welbeckut nisi në radhët e Manchester United, për t’u transferuar më pas te Arsenali në vitin 2014 për rreth 18 milionë euro. Pas pesë vitesh në veri të Londrës, ai kaloi te Watford, ndërsa vetëm një sezon më vonë, në vitin 2020, iu bashkua Brightonit.

Në planin ndërkombëtar, Welbeck ka veshur fanellën e Anglisë në 42 raste dhe ka gjetur rrugën e rrjetës 16 herë. Paraqitja e tij e fundit me Tre Luanët daton në vitin 2018, dhe nuk ishte pjesë e planeve të Thomas Tuchel për Kupën e Botës 2026.

The post Danny Welbeck zyrtarisht te Chelsea, sulmuesi anglez firmos për dy vjet appeared first on Albeu.com.

Danny Welbeck ka arritur akord për një kontratë dyvjeçare me Chelsean, ndërsa klubi shpreson që sulmuesi t’i bashkohet skuadrës gjatë turneut parasezonal javën e ardhshme.

Blutë kanë gjetur gjuhën e përbashkët edhe me Brightonin për transferimin e 35-vjeçarit. Kjo lëvizje është pjesë e planit të klubit për të shtuar më shumë përvojë në ekip.

Shumë pranë kalimit te Chelsea është edhe Jordan Henderson, mesfushori anglez që aktivizohet me Brentfordin.

Skuadra londineze po zhvillon aktualisht fazën e parë të turneut parasezonal në Sydney. Chelsea e hapi këtë turne të martën me një fitore spektakolare 6-4 kundër Western Sydney Wanderers.

Pas ndeshjes së kësaj fundjave ndaj Tottenhamit në Uellsin e Ri Jugor, trajneri Xabi Alonso dhe futbollistët e tij do të nisen për në Hong Kong, ku do të përballen me Juventusin.

Në Hong Kong pritet të mbërrijnë edhe disa lojtarë të ekipit të parë, të cilët kanë qenë me pushime pas Kupës së Botës.

Nëse procedurat për transferimin përfundojnë shpejt, ashtu siç parashikohet, Welbeck do të udhëtojë gjithashtu drejt Azisë për t’u vënë nën urdhrat e ekipit.

Ish-reprezentuesi i Anglisë, i cili gjatë karrierës së tij është përballur tri herë me trajnerin e ardhshëm Xabi Alonso, e mbylli sezonin e kaluar me 13 gola në 37 paraqitje në Ligën Premier.

Hapi i radhës për Welbeck do të jetë kryerja e testeve mjekësore te Chelsea. Klubi londinez pritet të bëhet skuadra e pestë e përhershme në karrierën e tij.

Paraqitjet e paqëndrueshme dhe problemet disiplinore gjatë një sezoni i bindën drejtuesit e Chelseat, së bashku me trajnerin e ri, se nevojitej një qasje tjetër strategjike. Për të konkurruar vazhdimisht në nivelin më të lartë, ata vlerësuan se skuadrës i duhen më shumë futbollistë me përvojë.

The post Chelsea bën lëvizjen surprizë në merkato, siguron marrëveshjen me sulmuesin anglez appeared first on Albeu.com.