Bëhet fjalë për Danja Kokën dhe partnerin e saj, Redin, të cilët së fundmi kanë tërhequr vëmendjen e ndjekësve për shkak të disa lëvizjeve të pazakonta në rrjetet sociale. Fansat më të vëmendshëm kanë vënë re se dyshja nuk e ndjek më njëri-tjetrin në Instagram, një veprim që shpesh konsiderohet si sinjali i parë i një krisjeje në çift.

Por kjo nuk është e gjitha. Situata duket se është bërë edhe më e qartë pas një tjetër detaji që nuk ka kaluar pa u vënë re: si Danja, ashtu edhe Redi kanë fshirë nga profilet e tyre çdo foto apo kujtim të përbashkët. Kjo lëvizje ka shtuar edhe më shumë dyshimet se marrëdhënia e tyre mund të ketë marrë fund, ose të paktën po kalon një moment të vështirë.

Ky ndryshim i papritur ka habitur ndjekësit, duke qenë se deri pak kohë më parë, çifti dukej mjaft i afërt dhe aktiv në rrjete, ku shpesh ndanin momente nga jeta e tyre së bashku. Pikërisht për këtë arsye, zhdukja e çdo gjurme të romancës ka bërë që aludimet për ndarje të përhapen me shpejtësi.

Mbetet për t’u parë nëse kemi të bëjmë me një ndarje përfundimtare apo thjesht me një krizë të përkohshme, që mund të zgjidhet larg syrit të publikut.

The post Danja Koka i jep fund lidhjes me partnerin e saj? appeared first on Albeu.com.

Danja tregoi edhe planet për në shtator, nëse do e shohim sërish në ekran apo jo.

Pjesë nga intervista:

Në marrëdhënie pune, ke bërë ndonjëherë sikur nuk të intereson bashkëpunimi vetëm për t’u bërë më e kërkuar?

Nuk e kam këtë natyrë, kur nuk më pëlqen them ‘faleminderit por nuk jam e interesuar’. Mbase pjesën tjetër mund ta lëndoj a ku di unë se ça.

Ke refuzuar një bashkëpunim për arsye pagese?

Duke qenë se tre muaj na doli shpirti atje, kam përshtypjen që jam në një fazë që nuk mund të them ‘ok, hajde s’ka gjë se mund ta bëjmë falas çfarëdo lloj gjëje’. Patjetër që ka një kosto, nuk ka kosto të çmendura, nuk jam edhe natyra. Më vjen edhe zor, mendoj edhe për biznesin. Shoqëria më thotë ‘s’ke për t’u bërë kurrë’. Tani shpejt kam dy projekte që nuk kanë kosto marramendëse por unë do ta bëj se më pëlqen.

Planet për të ardhmen, ku do të shohim në shtator? Ku e mendon veten? Ku e shikon veten? Ku dëshiron ta shikosh vete?

Dua shumë ta shoh edhe unë veten në televizion, aty do jemi dhe aty do të shihemi.

The post A ka refuzuar një bashkëpunim për arsye pagese? Danja Koka: Nuk kam kosto të çmendura… appeared first on Albeu.com.

E ftuar në një intervistë për emisionin “Prive”, Danja ka deklaruar se pavarësisht se brenda shtëpisë nuk kishte dijeni për ndikimin që lidhja e tyre kishte jashtë, tani që është jashtë, nuk ka asnjë arsye për ta mbajtur të fshehtë.

“Përderisa unë atje kam folur për Redin dhe jashtë ishte bërë e madhe, dhe unë nuk e dija. Ama tani që kam dalë përpiqem të jem kështu, t’i them dy fjalë. Ne duhemi dhe kjo punë ka marrë fund, kështu që nuk ka ndonjë gjë të madhe për ta ruajtur hermetikisht”, u shpreh bukuroshja me sinqeritet.

Ajo tregoi se Redi është shumë i përfshirë në jetën e saj, përfshirë edhe projektet që po ndërmerr pas daljes nga reality shou.

“Ai përfshihet vetë dhe unë kam shumë dëshirën që ta përfshij njëkohësisht. Është shumë i gjindshëm për mua dhe e kemi marrëdhënien shumë të rehatshme në këtë pikë”, shtoi ajo.

Danja dhe Redi u komentuan si një ndër lidhjet më të ndjeshme dhe diskrete gjatë edicionit të fundit të BBV, por duket se tani që janë jashtë, çifti ka vendosur ta jetojë raportin e tyre pa barriera dhe pa presione publike, duke i dhënë rëndësi përkrahjes dhe bashkëpunimit në jetën e përditshme.

The post Danja Koka flet për lidhjen me Redin pas daljes nga Big Brother VIP: Ne duhemi dhe kjo punë ka marrë fund appeared first on Albeu.com.